Dhunohet xhamia e Tabakëve në TIRANË!

[Lunesta]

Ky cuni 14 vjecar e ka bere se i ka fryre shejtani ne vesh...looooool.

[INDRITI]

Shejtani ose ndonje tjeter, por crendesi ka tani qe mbaroi kjo pune?
Apo duhet ti harxhosh duart diku?
Indriti

[Cappuccino]

Koka ba nami bre se nje femije e paska rrokullis nje xhami nga brenda...haj medet.

[skampin]

mir qe e paskan gjet thuj.

[TOKE GEGA]

Shkrimi i marrë nga gazeta "SHEKULLI"


Mesditën e së dielës, pak para ritit të faljes, persona të paidentifikuar kanë hyrë në xhami dhe kanë shkatërruar mjediset

DHUNOHET XHAMIA E TABAKËVE

Drejtuesit e xhamisë: Përdhosja ka fyer dhe cenuar dinjitetin e të gjithë myslimanëve



Dashamir Biçaku

TIRANE- Thyhet dhe dhunohet xhamia e Urës së Tabakëve në Tiranë. Policia nis hetimin për ngjarjen, ndërsa pohohet se në ambientet e saj nuk janë vjedhur para apo sende me vlerë, por veçse janë shkatërruar ambientet e faljes. Dhunimi i mjediseve të xhamisë është vënë re nga besimtarë të ndryshëm të dielën, pak para mesditës, kur besimtarët myslimanë do të futeshin në katin e dytë të xhamisë për të kryer ritin e faljes. I pari që e ka vënë re ka qenë kujdestari i xhamisë si dhe një person tjetër, i cili punon në të. Policia ka nisur hetimin dy ditë më vonë, kohë kur edhe është kryer këqyrja e vendit të ngjarjes nga ekspertët e policisë kriminale. Shumë prej besimtarëve myslimanë që falen në këtë xhami janë indinjuar nga veprimi i kryer prej personave të panjohur. Për ta, më i rëndë se akti i thyerjes apo i dëmtimit është ai i përdhosjes së xhamisë së Urës së Tabakëve. Një version i hedhur prej tyre në lidhje me këtë ngjarje është ai i një veprimi të kryer për qëllime fyerjeje dhe cënimi të dinjitetit të myslimanëve, sesa me qëllim vjedhjen e parave apo sendeve me vlerë që mund të ndodheshin në xhami.
Ngjarja
Rreth orës 11:20 të së dielës, kujdestari i godinës ku ndodhet Xhamia e Tabakëve ka lajmëruar imamin Elvis Naçi se dyert e xhamisë ishin të thyera. Klasa që ndodhet në katin e parë dhe salla e faljes, që ndodhet në katin e dytë të xhamisë ishin kthyer “përmbys”, ndërsa orenditë e sendet brenda tyre ishin të shpërndara. Por duket se kjo nuk ka mjaftuar, pasi dhunuesit kanë kryer nevojat personale në mjediset e xhamisë. Kjo duket se i ka acaruar më tepër drejtuesit dhe predikuesit e kësaj xhamie, të cilët të alarmuar kanë njoftuar policinë e kryeqytetit dhe komisariatin nr.1. Këta të fundit kanë mbërritur në vendin e ngjarjes dhe kanë marrë deklarimin e disa personave. Autorët nuk kanë marrë asgjë përveçse kanë goditur me sende të forta qendrën e zërit si dhe rafte të ndryshme. Po kështu, të gjitha librat e shenjtë që nga Kur’ani e libra të tjerë që tregojnë dhe flasin për besimin mysliman ishin shpërndarë nga të gjitha anët. Kjo situatë, sipas imamit të xhamisë, Elvis Naçi, ishte si në katin e parë ashtu edhe në të dytin. Thyerja dhe dhunimi i xhamisë është kryer me sende të forta, pasi të gjitha dyert e objektit të kultit kanë qenë të siguruara me porta hekuri, përveç dyerve të brendshme.
Reagimi
Lidhur me dhunimin e xhamisë së Tabakëve, drejtuesit e këtij institucioni kulti janë shprehur të pakënaqur me punën e kryer nga policia, pasi sipas tyre, në mënyrë të pakuptueshme, ekspertët dhe inspektorët e policisë kriminale nuk kanë kryer një këqyrje të mirëfilltë profesionale të vendit të ngjarjes, për të grumbulluar gjurmë gishtash apo prova të tjera. Sipas tyre, këtë veprim organet përkatëse dhe punonjësit e policisë e kanë kryer me vonesë. Ndërkaq, dy ditët e fundit, ekspertët e policisë kriminale të drejtorisë së Policisë së Tiranës kanë kryer këqyrjen e vendit të ngjarjes, por në këtë kohë gjithçka ishte pastruar. Edhe pse janë shprehur të pakënaqur me punën e kryer nga policia e komisariatit nr.1, drejtuesit e Xhamisë së Tabakëve janë shprehur se iu mbetet të besojnë se policia do të gjejë autorët e kësaj ngjarjeje. Nga ana tjetër, drejtori i Policisë së Tiranës, kryekomisar Albert Dervishi, mohoi që policia e kryeqytetit të kishte punuar me ngadalësi në këtë rast, pasi sipas tij, me të marrë njoftimin ata kanë nisur kryerjen e veprimeve proceduriale dhe këqyrjen e vendit të ngjarjes, me qëllim zbardhjen e krimit të shëmtuar. Ai pohoi se vetë punonjësit dhe drejtuesit e xhamisë nuk kishin dashur të denonconin ngjarjen. Sipas kreut të policisë së Tiranës, salla ku ishte kryer akti i shëmtuar, në të cilën edhe ishin dëmtuar libra të ndryshëm, ishte pastruar dhe rregulluar nga punonjësit e xhamisë.


**********************************************

S'iu besoja syve të mi se çfarë po lexoja. Për një moment m'u kujtua dhuna identike e sërbëve barbarë që bënë e vepruan gjatë luftrave në Bosnje e Kosovë e gjithashtu edhe veprimet e sllavomaqedonasve në vitin 2001 ku, nga indinjata që kishin për luftën që krisi në këtë shtet e dogjën xhaminë e vetme në Manastir.....

Megjithatë, prapëseprapë, të gjithë ne e dimë se kush janë serbët e sllavomaqedonët, po se kjo mund të ndodhte edhe në Shqipërinë e pastert shqiptare s'ma kishte marrë mendja.

Shtrohet pyetja: KU ËSHTË AJO TOLERANCË NDËRFETARE PËR TË CILËN FLITET SE KA EKZSTUAR E PO EKZISTON NË SHQIPERI?! Unë s'di të kem dëgjuar për një akt të tillë VANDAL në një shtet ku s'ka gjendje lufte, dhe të kryhet nga muslimanët ndaj një objekti fetar!!!


ZeM

Konferenca Islamike ku Shqiperia eshte antare ,nuk ka protestuar me not zyrtare!