Jezu Krishi na mëson

[toni77_toni]

vazhdim
Njeriu nuk rron vetëm me bukë!
Mt 4, 3-4


Atëherë tunduesi, pasi iu afrua, i tha: ``Në qoftë se je Biri i Perëndisë, thuaj që këta gurë të bëhen bukë``. Por ai, duke iu përgjigjur, tha:


``Éshtë shkruar: "Njeriu nuk rron vetëm me bukë, por me çdo fjalë që del nga goja e Perëndisë"


toni77


vazhdon-->

[Arcimedes]

Te lumte dora Toni me k'to qe shkruajte. U kenaqa duke i lexuar.

[toni77_toni]

Biri i njriut do të vijë në atë orë që nuk e mendoni!
Lk 12, 37-40


Lum ata shërbëtorë, që zotëria, kur të kthehet, do t'i gjejë zgjuar! Në të vërtetë po ju them se ai vetë do të ngjeshet dhe do t'i vendosë ata në tryezë, dhe ai vetë do t'u shërbejë. Dhe, në se do të vijë në të dytën a në të tretën rojë të natës dhe t'i gjejë kështu, lum ata shërbëtorë.

Por ta dini këtë: se po ta dinte i zoti i shtëpisë në cilën orë i vjen vjedhësi, do të rrinte zgjuar dhe nuk do të linte t'i shpërthenin shtëpinë.

Edhe ju pra, jini gati, sepse Biri i njriut do të vijë në atë orë që nuk e mendoni.


toni77


vazhdon-->

[toni77_toni]

Mos u beto!
Mt 5, 33-37


Keni dëgjuar gjithashtu se të lashtëve u qe thënë: "Mos bëj betim të rremë; por plotëso premtimet për të cilat je betuar para Zotit".

Por unë po ju them: "Mos u betoni fare, as për qiellin, sepse është froni i Perëndisë, as për tokën, sepse është stol i këmbëve të tij, as për Jeruzalemin, sepse është qyteti i Mbretit të madh.

Mos u beto as për kokën tënde, sepse nuk ke fuqi të zbardhësh ose të nxish qoftë edhe një fije floku;

Por fjala jote të jetë: Po, po; jo, jo; gjithçka më tepër vjen nga i ligu.


toni77


vazhdon-->

[toni77_toni]

Duhet të lindni përsëri prej së larti!
Gj 3, 3-7


Jezusi iu përgjigj dhe tha: "Në të vërtetë, në të vërtete po të them që nëse një nuk lind përsëri prej së larti, nuk mund ta shohë mbretërinë e Hyjit.

Nikodemi i tha: "Po si mund të lindë njeriu kur është plak? A mund të hyjë ai për së dyti në barkun e nënës së vet dhe të lindë?".

Jezusi u përgjigj: "Në të vërtetë, në të vërtetë po të them se kush nuk ka lindur me anë të uji dhe të Shpirtit, nuk mund të hyjë në mbretërinë e Hyjit. Ç'ka lindur nga mishi, mish është; por ç'ka lindur nga Shpirti, shpirt është.

Mos u mrrekullo që të thashë: Duhet të lindni përsëri prej së larti.


toni77


vazhdon-->

[toni77_toni]

Nëse dikush ka etje, le të vijë tek unë e të pijë!
Gj 7, 37-38

Ditën e fundit, në ditën e madhe të festës, Jezusi u çua në këmbë dhe thirri duke thënë: ``Nëse dikush ka etje, le të vijë tek unë e të pijë.

Ai që beson në mua, siç ka thënë Shkrimi, nga brendësia e tij do të burojnë lumenj uji të gjallë``.


vazhdon-->

[toni77_toni]

Unë jam drita e botës!
Gj 8, 12


Dhe Jezusi u foli atyre përsëri duke thënë: ``Unë jam drita e botës; kush më ndjek nuk do të ecë në errësirë, por do të ketë dritën e jetës``.


vazhdon-->

[toni77_toni]

Unë jam dera!
Gj 10, 9


Unë jam dera; nëse dikush hyn nëpërmjet meje, do të shpëtohet; do të hyjë, do të dalë dhe do të gjejë kullotë.


vazhdon-->

[toni77_toni]

Unë jam udha!
Gj 14, 6-7


Jezusi i tha: ``Unë jam udha, e vërteta dhe jeta; askush nuk vjen tek Ati përveçse nëpërmjet meje.

Po të më kishit njohur, do të kishit njohur edhe Atin tim; qysh tani e njihni dhe e keni parë".


vazhdon-->

[toni77_toni]

UNË JAM!
Gj 8, 23-25


Dhe ai u tha atyre: "Ju jeni nga këtu poshtë, kurse unë jam nga atje lart; ju jeni prej kësaj bote, unë nuk jam prej kësaj bote.

Prandaj ju thashë se ju do të vdisni në mëkatet tuaja, sepse po të mos besoni se UNË JAM, ju do të vdisni në mëkatet tuaja".

Atëherë ata i thanë: ``Kush je ti?``. Dhe Jezusi u tha atyre: "Pikërisht atë që ju thashë.


vazhdon-->