Merkato 2005, kush ka humbur dhe kush ka fituar!

[Davius]

Tregu i futbollistëve në merkaton e vitit që po mbyllet, ka parë lëvizje të bujshme, por edhe harxhime të kota

Merkato 2005, kush ka humbur dhe kush ka fituar

Morientes te Liverpuli

Liverpuli kishte nevojë për një forcë të rëndësishme në repartin sulmues dhe pagoi 9 milionë euro te Reali i Madridit, për blerjen e Fernando Morientesit. PSV Eindhoveni bleu sulmuesin brazilian Robert, nga klubi meksikan Atlas, për një shifër që nuk është bërë e ditur. Ai shënoi penalltinë decizive në sfidën e çerekfinaleve të Ligës së Kampioneve, kundër Olimpikut të Lionit.

Aventura e Realit për Gravesenin

Reali i Madridit forcon mesfushën me një mesfushor të fuqishëm. Ishte pikërisht Tomas Graveseni blerja e madrilenëve, të cilët i paguan 3.5 milionë euro Evertonit për të marrë lojtarin. Kampionët e ardhshëm të Spanjës, Barcelona, investuan plot 6.2 milionë euro për sulmuesin e ri Maksi Lopez. Ai ishte një nga lojtarët më premtues në Argjentinë, kur aktivizohej me River Plejtin. Ndërkohë, Karlos Alberto bëri një udhëtim anasjelltas, duke kaluar në Amerikën e Jugut. Ai u transferua te Korinthiasi, duke lënë Porton, për të cilën shënoi një gol në finalen e Ligës së Kampioneve të vitit 2004. Skuadra braziliane ofroi 6 milionë euro për sulmuesin, që është dyfishi i shifrës që portugezët blenë lojtarin.

Efekti "Abramoviç"

Roman Abramoviç, pronari i skuadrës angleze të Çelsit, hapi përsëri merkaton e verës. Në fakt si zakonisht, blerjet e tij qëllojnë të goditura dhe me çmime marramendëse. Në merkaton e verës ai shpenzoi plot 80 milionë euro. Midis blerjeve që bëri klubi, binte në sy ajo e mesfushorit ganez, Mikael Esienit. Abramoviçi i dha plot 38 milionë euro Lionit, për Esienin, e cila është edhe blerja më e shtrenjtë e vitit. Në Londër erdhi edhe mesfushori Shon Rajt-Filips nga Mançester Siti dhe mbrojtësi Asier del Horno nga Atletiko Bilbao. Ndërkohë, në repartin sulmues u rikthye Hernan Krespo, i cili ishte dhënë hua te Milani.

Oueni kthehet në shtëpi

Nga skuadra e Çelsit largohen disa futbollistë, të cilët erdhën gjatë epokës Abramoviç. Mesfushori portugez, Tiago, u transferua te Lioni, sulmuesi serb Mateja Kezhman kaloi tek Atletiko e Madridit dhe mesfushori anglez Skot Parker kaloi te Njukasëlli. Ndërkohë, Njukasëlli bëri edhe një tjetër goditje në merkato. Skuadra angleze arriti të blejë pikërisht Majkëll Ouenin, duke paguar në arkat e Realit të Madridit plot 23.5 milionë euro. Drejtuesit e Njukasëllit arritën të rikrijonin një dyshe të vjetër të kombëtares së Anglisë, Ouenin me Alan Shirerin.

Revolucioni "Liverpul"

Liverpuli, ish-skuadra e Majkëll Ouenit, blen sulmuesin shtatlartë Peter Krouç. Trajneri i skuadrës, Rafael Benitez, vendos të revolucionojë skuadrën që arriti të fitojë Ligën e Kampioneve, por që u paraqit keq në kampionat. Ai bleu gjithashtu edhe disa futbollistë të tjerë. Nga Vilareali erdhi portieri Hoze Manuel Reina, nga Midëllsbrou erdhi Budeuin Zenden dhe nga Valencia mesfushori Muhamed Sisoko. Shumë prej futbollistëve të sezonit që triumfuan në kompeticionin europian, u larguan. Midis tyre binte në sy edhe largimi i Milan Baroshit, i cili u transferua tek Aston Vila për shifrën e 9.6 milionë eurove.

Reali harxhon më shumë se Çelsi

Reali i Madridit është e vetmja skuadër që arrin të shpenzojë më shumë para në merkato, se Çelsi i Roman Abramoviçit. Reali i dha Santosit plot 24 milionë euro, për të blerë sulmuesin brazilian Robinjo, i dha Seviljes 24.5 milionë euro për Hulio Baptistën dhe 27 milionë euro për mbrojtësin Serxho Ramos. Madrilenët blenë edhe dy futbollistët uruguajanë, Pablo Garsian dhe Karlos Diogon. Ndërkohë, Barcelona, që nuk ka shumë gjëra për të përmirësuar, bleu me parametër zero kapitenin e PSV-së, Mark Van Bomelin. Ndërsa argjentinasi Huan Roman Rikelme u transferua te Vilareali.

Interi bën merkato madrilene

Në Itali, Kristian Vieri u largua nga Interi dhe kaloi te "kushërinjtë" kuqezi të Milanit, të cilët blenë gjithashtu edhe sulmuesin Alberto Xhilardino, nga Parma. Ndërkohë, Interi bën pazar në Madrid, duke blerë plot tre madrilenë: Luis Figon, Santiago Solarin dhe Valter Samuelin. Zikaltrit blenë gjithashtu edhe Huan Sebastian Veronin, i cili ishte dhënë më parë hua nga Çelsi. Ndërsa kampionët e Italisë, Juventusi, bënë një përforcim të rëndësishëm në mesfushë, kur blenë mesfushorin francez të Arsenalit, Patrik Vieiranë, për 20 milionë euro.

Hlebi kalon tek Arsenali

Tek Arsenali kaloi mesfushori Aleksandër Hleb, i cili la Shtutgartin, ndërsa Mançesteri bleu nga Fulhami, portierin Edvin van der Sar. Në Francë, PSG-ja bleu sulmuesin Bonaventure Kalu nga Okseri, për shifrën e 10 milionë eurove, ndërsa Bordoja mori mesfushorin brazilian Denilson nga Betisi dhe Valdimir Smiçerin nga Liverpuli.

Situata në Gjermani

Kampionët e Gjermanisë, Bajerni i Mynihut, blenë Valerien Ismael dhe Ali Karimin, ndërsa Filip Lahmi u kthye nga periudha që ishte dhënë borxh te Shtutgarti. Këta të fundit shitën sulmuesin e tyre kryesor, Kevin Kuranji, te Shalke. Klubi nga Gelsenkirshen bleu edhe Fabien Ernstin, por shiti Ailtonin për te turqit e Beshiktashit. Ndërkohë, Shtutgarti bleu Jesper Gronkjaerin dhe Jon Dahl Tomasonin

[Davius]

Dy llafe ti them une...

Real Madrid, edhe pse disa mendojne se ka bere kete vere nje merkato deshtuese ajo nuk eshte e vertete.

Blerjet e shtrenjta si ajo e Ramosit, Bapitstes e Robinhos, qe jane te gjithe nen -22 vjec nuk eshte edhe gje e keqe, sic mund te duket ne shikim te pare. Adaptimi i tyre ne stilin qe lozen Real ende nuk eshte bere dhe shume normale qe Real M te kete probleme me rezultatet duke humbur teper ndeshje.

Reali po ben nderrim te gjenerates, epoka e Figove dhe Zidaneve apo Rauleve ka mbaruar më, tash vijne te rinje, te cilet ne te ardhemen pritet te kene baren me te rende per te ngritur Realin ne piedestalin me te larte, atje ku e ka edhe vendin ose me sakte e ka pasur gjithmone!

Barca, sa i perket kesaj ceshtje mendoj se meriton vendin e pare ne pozite, ka nje ekip qe më jane adaptuar, Ronaldinho me grup kane 3-4 vite qe lozin bashke dhe tash jana adaptuar dhe rezultatet nuk ju mungojne...

Nejse, dite te mira vijne

[ylber1998]

E mbështes plotsisht mendimin tënd Davius.Me siguri që në sezonin tjetër Real do të jet shum më e fort se në kët sezon sepse lojtarët do të njihen më mir në fush ndërmjet vete dhe me siguri qe rezultatet nuk do te mungojn/.............