Si duket serish KRIMI do kaploje Tropojen !!!

[Beqari002]

Si duket vraga e zeze qe pat kapluar nje kohe te gjate kete pjese veriore te vendit tone , serish do kthehet dhe do jete aktuale me pasoja te pa para per banoret e kesaj treve.
Athue i vrete veshin kujt kjo e keqe e zeze, a thua eshte ndokush i interesuar qe kjo e keqe te zhduket nga trojet tona
njehere e pergjithmon nje e keqe qe po perseritet pa nda jo vetem ne kete pjese te vendit por edhe ne ane tjera.



KRIMI
Jonuz Çokaj u vra dje në mëngjes rreth orës 7.30. Disa ditë më parë pati një konflikt banal në fshat

Shoshan, vritet me 20 plumba kallashnikovi 40-vjeçari Çokaj

TROPOJË - Një 40 -vjeçar është ekzekutuar me breshëri automatiku, në aksin rrugor Valbonë-Shoshan të rrethit të Tropojës. Sipas një burimi nga ministria e Rendit Publik mësohet se ngjarja e rëndë që ka rikthyer serialin e vrasjeve në Tropojë ka ndodhur rreth orës 7 e 30 minuta të mëngjesit të djeshëm, ku ka mbetur i vrarë Jonuz Çokaj. 40- vjeçari nga fshati Shoshan ka qënë duke u kthyer në banesën e tij, në çastin kur i ka prerë rrugën një breshëri e gjatë kallashnikovi. Policia dyshon se Çokaj është vrarë nga një person i vetëm. Ndërsa në trupin e tij janë gjetur 20 plumba automatiku, të cilat i kanë shkaktuar atij vdekjen e menjëhershme. Forcat e komisariatit të Tropojës, pasi kanë mbërritur në vendngjarje, kanë kryer veprimet e para proceduriale. Më pas ata kanë marrë në pyetje familjarët e viktimës, duke bërë kështu të mundur zbardhjen e motiveve të kësaj vrasjeje. Të njëjtat burime bëjnë të ditur se motivi mbi të cilin po heton policia është hakmarrja. Shkak për vrasjen e Çokajt është bërë një konflikt banal, i ndodhur para disa ditëve në fshatin e tij të banimit, Shoshan. Të gjitha hetimet policore po i përmbahen kësaj piste. Ndërsa gjatë ditës së djeshme, kanë përfunduar në komisariatin e policisë së Tropojës 6 persona të dyshuar. Mësohet se të gjithë personat e shoqëruar janë nga fshati Shoshan, por emrat e tyre nuk bëhen të ditur nga policia, për shkak të hetimeve të mëtejshme. Ndërkohë, menjëherë pas vrasjes, kanë mbërritur në Tropojë një grup hetimor si dhe Forcat Speciale të Ministrisë së Rendit Publik. Grupi hetimor është vënë në krye të hetimeve për zbardhjen e vrasjes më të fundit të ndodhur në Tropojë. Specialistët kanë sekuestruar në vendngjarje gëzhojat e plumbave si dhe prova të tjera materiale, të cilat pritet të ekzaminohen në Laboratorin Qëndror të Kriminalistikës. Por zyrtarët e Ministrisë së Rendit Publik bëjnë të ditur se ndodhen shumë pranë zbardhjes së plotë të vrasjes së 40-vjeçarit Çokaj. Vrasja e djeshme e ndodhur në Tropojë, ka rikthyer serialin e vrasjeve të shumta të ndodhura aty. Ekzekutimi me 20 plumba automatiku për hakmarrje ka ndodhur pas katër muajsh qetësie në rrethin e Tropojës. Ndërsa shoqërimi në polici i 6 personave të dyshuar si autorë të mundshëm të kësaj vrasjeje si dhe zbulimi i motivit të saj ka thyer disi imazhin e qindra vrasjeve të pazbuluara në Tropojë.
A.Bogdani

Oj sharki e lehte si era , a ka ardhur ne Shqiperi pranvera?