Qeveria heq ushtrinë njëmujore për studentët

[zeus]

--------------------------------------------------

Nuk do të ketë më shërbim të detyrueshëm ushtarak njëmujor për studentët që kanë përfunduar shkollimin universitar brenda apo jashtë vendit. Këtë ndryshim të thjeshtuar ligjor ka vendosur dje Këshilli i Ministrave, duke bërë shfuqizimin e vetëm një fjalie të një neni të ligjin “Për shërbimin ushtarak në Republikën e Shqipërisë”.
Qeveria vendosi dje që nëpërmjet disa pikave të ndryshuara studentët të mos kenë më asnjë detyrim ushtarak ndaj shtetit, duke saktësuar se këtë përfitim e kanë të gjithë shtetasit që kanë përfunduar një shkollë të lartë qoftë brenda, qoftë jashtë Shqipërisë, pra që nuk do të kryejnë atë shërbim të paraparë vetëm prej 1 muaji në Forcat e Armatosura. Në mbledhjen e djeshme, qeveria vendosi ta shfuqizojë fjalinë e dytë të pikës 1 në nenin 10. Kjo pikë në ligjin e mëhershëm thoshte: “Shtetasit shqiptarë që kanë përfunduar shkollat e larta universitare me shkëputje nga puna, brenda ose jashtë vendit, në përshtatje me diplomimin e tyre dhe sipas përcaktimeve që bën ministri i Mbrojtjes kryejnë shërbimin e detyrueshëm ushtarak aktiv ose alternativ për një periudhë 1-mujore”
Pas kësaj, përcaktimi i ri ligjor do të “lehtësojë” nga shërbimi ushtarak studentët. Nisma ligjore për të bërë këtë shfuqizim ka qenë ndërmarrë nga ministri i Mbrojtjes, Fatmir Mediu, që në ditët e para në detyrë të qeverisë së kryeministrit Sali Berisha.

Ndryshime në të njëjtin ligj, “Për shërbimin ushtarak në Republikën e Shqipërisë”, janë bërë edhe për rastet e neneve mbi lirimin përpara kohe. Nisma e Ministrisë së Mbrojtjes, e shndërruar në vendim në mbledhjen e djeshme, përcakton dy ndërhyrje në ligj; përkatësisht në nenin 14. Së pari, vendimi i ri saktëson ndryshimin në pikën “b”. Kjo pikë thotë tanimë, pra përcakton, se kur lirohet përpara kohe një shtetas që është ndërkohë në shërbimin ushtarak të detyrueshëm apo alternativ: “Për rastet e fatkeqësive familjare dhe kur personat në ngarkim të ushtarit mbeten pa përkujdesje”. Më parë, ligji thoshte, për të njëjtin përcaktim mbi lirimin përpara kohe: “Për fatkeqësi familjare të rënda, kur prindi ose bashkëshortja bëhet invalid ose vdes dhe fëmijët mbeten pa përkujdesje”. Por, një pikë tjetër është shtuar (pika “ç”) dhe që parasheh mundësi lirimi për shtetasit në shërbimin ushtarak të detyrueshëm apo alternativ, sipas këtij saktësimi: “Shtetasi kryefamiljar, i cili gjatë kohës së kryerjes së shërbimit ushtarak bëhet me dy a më shumë fëmijë”. Ndryshimet qëndrojnë se për të gjitha rastet që parashikojnë pikat "a", "b" dhe "c" të këtij neni, urdhri i lirimit, lëshohet nga shefi i Shtabit të Përgjithshëm të Forcave të Armatosura). Ndërkaq, në ndryshimet e djeshme bën pjesë edhe rasti për pranimet e studentëve në shkollat e larta ushtarake apo në Akademinë e Policisë.

Nenet


Neni 10

Kohëzgjatja e shërbimit

Fjalia e dytë, e pikës 1, të nenit 10, shfuqizohet.

1. Kohëzgjatja e shërbimit të detyrueshëm ushtarak aktiv ose alternativ është 12 muaj. Shtetasit shqiptarë që kanë përfunduar shkollat e larta universitare me shkëputje nga puna, brenda ose jashtë vendit, në përshtatje me diplomimin e tyre dhe sipas përcaktimeve që bën ministri i Mbrojtjes kryejnë shërbimin e detyrueshëm ushtarak aktiv ose alternativ për një periudhë 1-mujore.

Neni 14

Lirimi para kohe

Shtetasi në shërbimin e detyrueshëm ushtarak aktiv ose alternativ lirohet para kohe nga ky shërbim në rastet kur:

a) Shkronja “b” ndryshohet, si më poshtë vijon:
b) Për fatkeqësi familjare të rënda, kur prindi ose bashkëshortja bëhet invalid ose vdes dhe fëmijët mbeten pa përkujdesje;

Shtohet pika “ç“:

b) Pas shkronjës “c”, shtohet shkronja “ç”, me këtë përmbajtje:
(ISHTE: c) Pranohet student në shkollat e larta ushtarake ose në Akademinë e Policisë).

“ç) Shtetasi kryefamiljar, i cili gjatë kohës së kryerjes së shërbimit ushtarak bëhet me dy a më shumë fëmijë”.
c) Në paragrafin e fundit shprehja “...shkronjave “a”, “b” dhe “c”...”të bëhet “...shkronjave “a”, “b” dhe “ç”....”.
(ISHTE: Për rastet e parashikuara në shkronjat "a", "b" dhe "c" të këtij neni, urdhri i lirimit lëshohet nga shefi i Shtabit të Përgjithshëm të Forcave të Armatosura).

--------------------------------------------------

[swat]

interesante kjo
edhe pse nje muaj ushtri sa per te mbajtrur trupin ne forme mbase edhe ja vlente por tashme eshte hequr
shyqyr edhe ishalla nuk e ndryshojne ligjin edhe vitin tjeter qe ta heq qafe fare se edhe nje vit me ka ngelur per te mbaruar te larten

[Niagara]

iiiiiiii sa inat, kisha vendos qe kur te shkonte njoni ushtar, do t'i coja nje tas supe...
asihere s'me realizohen endrrat.....

[beni67]

Mos...! Po si do ta mbrojme Atdheun nga imperializmi amerikan dhe revizionizmi sovjetik??? Shume keq Saliu qe na e hoqi ushtrine per studentet.....!

[miko]

Realisht kemi shkelje evidente e ashiqare te Ligjit te pare shteteror (Kushtetutes).Turp per ata individe qe na paraqiten si mbrojtes e "ndertues" te shtetit e nga ana tjeter shkelin pa piken e turpin mbi Karten e Shenjte Shqiptare.

[romeoOOO]

Shume mrie japaskan bo!

Ai qe lodh trurin ska pse te lodhi dhe trupin!

[Brari]

Mazhoranca mban premtimin për arsimimin e të rinjve durrsakë në shkollat e larta


Qeveria miraton hapjen e Universitetit "Aleksandër Moisiu", Durrës



Këshilli i Ministrave miratoi dje vendimin për hapjen e Universitetit "Aleksandër Moisiu" në Durrës vitin e ardhshëm akademik 2006-2007. Kryeministri Sali Berisha tha se ky vendim është jo vetëm përmbushja e një zotimi elektoral, por dhe një domosdoshmëri për të lehtësuar arsimin në shkollat e larta dhe në universitete të të rinjve shqiptarë.

Kryeministri u shpreh se për këtë çështje, ministri i Arsimit ka ngritur një grup pune, i cili ka bërë një punë të lavdërueshme dhe janë përcaktuar burimet e domosdoshme financiare për të proceduar në këtë drejtim. "Universiteti i Durrësit do të jetë me një dinamizëm të madh", tha ai. Gjithashtu, kryeministri kërkoi që të rishqyrtohen kapacitetet logjistike, pasi pritet të jetë një universitet që do të ketë një numër të madh studentësh dhe do të plotësojë nevojat e një zone të mbipopulluar.

Qeveria e mori këtë vendim në mbështetje të nenit 100 të Kushtetutës dhe të nenit 13 të ligjit nr. 8461, datë 25.2.1999, "Për arsimin e lartë në Republikën e Shqipërisë", të ndryshuar, me propozimin e ministrit të Arsimit dhe Shkencës, zotit Genc Pollo.

Universiteti "Aleksandër Moisiu", me seli qendrore në qytetin e Durrësit, do të përbëhet nga Fakulteti i Edukimit, Fakulteti i Ekonomisë dhe Administrimit si dhe Shkolla e Lartë jouniversitare.

Fakulteti i Edukimit do të japë diplomë universitare në degët: Cikli i Ulët (3 vite akademike); Gjuhë Angleze (3 vite akademike) dhe kualifikime pasuniversitare në fushën e Mësuesisë dhe Menaxhimit të Arsimit.

Vendimi i djeshëm i qeverisë përcakton gjithashtu që Fakulteti i Ekonomisë dhe Administrimit të japë diplomë universitare në degët: Administrim Publik (3 vite akademike) dhe Menaxhim Turizëm (3 vite akademike). Ndërsa Shkolla e lartë jouniversitare do të japë diplomë të nivelit jouniversitar. Përcaktimi i diplomave bëhet nga Ministria e Arsimit dhe Shkencës, dy muaj para fillimit të vitit akademik.


Universiteti "Aleksandër Moisiu", Durrës, do të përbëhet nga:


" Fakulteti i Edukimit

" Fakulteti i Ekonomisë dhe Administrimit

" Shkolla e lartë jouniversitare


Fakulteti i Edukimit do të japë diplomë universitare në degët:


" Cikli i Ulët (3 vite akademike)

" Gjuhë Angleze (3 vite akademike)

" Kualifikime pasuniversitare në fushën e Mësuesisë dhe të Menaxhimit të Arsimit


Fakulteti i Ekonomisë dhe Administrimit do të japë diplomë universitare në degët:

" Administrim Publik (3 vite akademike)

" Menaxhim Turizëm (3 vite akademike)


Shkolla e lartë jouniversitare do të japë diplomë të nivelit jouniversitar

Përgatiti: H.RAMA






Qeveria, dhurata për fëmijët dhe azilantët


Qeveria do të parashikojë dhënien e dhuratave modeste për jetimët, të moshuarit që jetojnë në azile dhe për personat me aftësi të kufizuara në qendrat përkatëse, me rastin e festave të fundvitit. Kryeministri Sali Berisha bëri të ditur në mbledhjen e djeshme të qeverisë, se bashkë me ministrin e Financave është rënë dakord që fondi rezervë i kryeministrit të përdoret për këtë qëllim.

Kryeministri Berisha i kërkoi ministrit të Punës, Çështjeve Sociale dhe Shanseve të Barabarta, Koço Barka, që së bashku me Drejtorinë e Shërbimeve Qeveritare, të bashkërendojnë punën dhe të marrin masa në të gjithë vendin, në mënyrë që të realizohet ky akt i vëmendjes humane ndaj këtyre personave.

"Kjo qeveri e gjeti arkën bosh dhe nuk mund të themi se është zengjine, por do të japë një dhuratë për të gjitha shtëpitë e fëmijëve dhe azilet në Shqipëri. Pas një bisede të zgjeruar me ministrin e Financave, kemi rënë dakord që fondi rezervë i kryeministrit të mos digjet, por secilën nga këto shtëpi qeveria ta urojë me diçka për Vitin e Ri", tha kryeministri Berisha. Ai i kërkoi ministrit Barka që së bashku me Drejtorinë Qeveritare të bashkërendojnë punën dhe të marrin masat e duhura që në të gjithë vendin të bëjnë një shpërblim modest për qendrat ku janë të grumbulluar këta qytetarë, përfshirë dhe qendrat e qytetarëve me aftësi të kufizuara.

H.R

[Lunesta]

Kongresi i Autoriteteve Lokale dhe Rajonale të Këshillit të Evropës: Jemi seriozisht të shqetësuar rreth bllokimit të bërë Bashkisë së Tiranës nga Qeveria Qendrore
Nënkryetarja e Bashkisë, Vali Bizhga

Kongresi i Autoriteteve Lokale dhe Rajonale të Këshillit të Evropës, në një deklaratë për shtyp, ka shprehur shqetësimin e vet për situatën e krijuar pas bllokimit të Bashkisë së Tiranës, përsa u përket punëve publike në kryeqytet. Në këtë deklaratë, të bërë publike nga nënkryetarja e Bashkisë së Tiranës Vali Bizhga, thuhet:

“Në vijim të takimit me Edi Ramën, Kryetar i Bashkisë së Tiranës dhe anëtarëve të Kongresit, Presidenti i Kongresit Giovanni Di Stasi informoi Byronë e Kongresit në 16 dhjetor 2005 rreth “shqetësimeve të tij mjaft serioze në lidhje me bllokimin e Bashkisë së Tiranës nga Qeveria Qendrore për punët publike në kryeqytet.”

“Kongresi ka qenë informuar fillimisht rreth kësaj situate të vështirë disa javë më pare”, tha zoti Di Stasi, “por ne shpresuam se ky bllokim do të tejkalohej. Tani duhet të themi se kjo gjendje e keqe e punëve, ende vazhdon dhe është duke kërcënuar seriozisht funksionimin normal të vetëqeverisjes lokale në Tiranë”.

“Ne mbetemi të hapur rreth thirrjeve të bëra nga Kryetari i Bashkisë së Tiranës, veçanërisht që nga momenti që Bashkia ka ezauruar të gjitha hapësirat brenda vendit për zgjidhjen e çështjes edhe konkluzionet e Avokatit të Popullit nuk janë zbatuar. Kjo vë në pikëpyetje vlerësimin tonë për zhvillimin pozitiv të demokracisë lokale në Shqipëri dhe kërkon ndërhyrje nga Kongresi.”

Për këtë arsye, Byroja e Kongresit ka vendosur të dërgojë një ekip monitorues për të parë nëse parimet e Kartës Evropiane të Vetëqeverisjes Vendore janë respektuar në praktikë. Referuar Nenit 8, mbikëqyrja e autoriteteve lokale duhet të synojë vetëm garantimin e përputhshmërisë me ligjet dhe përjashton çdo mbikëqyrje të veprimeve brenda hapësirës së përgjegjësisë ekskluzive të autoriteteve lokale. Për më tepër parimet e subsidiaritetit dhe të proporcionalitetit mbeten aspekte kyçe të çdo mbikëqyrjeje administrative nga autoritetet e niveleve më të larta.

Kongresi mbetet i gatshëm të angazhohet në dialog me autoritetet shqiptare dhe shpreson që për situatën aktuale do të gjendet një zgjidhje, që bazohet në vështrimin e ligjit dhe të drejtat e autoriteteve lokale”.


19.12.2005

[beni67]

Ej viox ia ke fut kot plako. Tema eshte per heqjen e ushtrise e jo per ca ke shkruar ti. Apo eshte brenda detyres qe ke marre . Futja kot e shkruaj ku te mundesh kunder qeverise. Ok tani e mora vesh......Vazhdo plako

[beni67]

Ej miki ro sa mire e njeh kushtetuten mor bab. Ah sikur te kishim ca mendje te ndritura si puna jote atje siper.