Vdiq kolosi i kinematografisë shqiptare, Faruk Begolli

[Cimo]

Ka vdekur sot në moshën 63-vjeçare ikona e teatrit dhe e filmit kosovar, aktori i madh, Faruk Begolli. Ai ishte i lindur në Pejë më 1944, kurse studioi Akademinë e Filmit dhe Teatrit në Beograd, ku diplomoi në vitin 1966. I ndjeri ka punuar si pedagog i lëndës së Aktrimit në Fakultetin e Arteve në Prishtinë për shumë vjet. Së fundi ka punuar aktivisht me studentët e tij në Teatrin Dodona, ku ka realizuar shfaqjet "Tregimi Zoologjik", "Heronjtë e kombit", "Iluzionet e dashurisë", si dhe ka bërë regjinë për tetë pjesët e komedisë më të popullarizuar në vend "Profesor jam talent se jo mahi". Begolli do të mbahet mend edhe për paraqitjet e jashtëzakonshme në filmat: "Kur pranvera vonohet", "Era e lisi", "Proka", apo edhe në filmat e ri, si "Dashuria e Bjeshkëve të Nemuna" dhe "Etjet e Kosovës". Pak kohë më parë, kolegët e tij të profesionit dhe studentët i kishin botuar atij autobiografinë, që hidhte në pah karrierën e tij të jashtëzakonshme si aktor e regjisor. Ka kohë që Begolli po vuante nga një sëmundje e rëndë. Me dëshirën e tij të fundit, aktori Begolli është varrosur sot në një ceremoni private. Ministri i Kulturës, Astrit Haraçia, ka dërguar një telegram ngushëllimi, në të cilin thuhet se ka ikur njeriu, por nuk ka vdekur aktori Faruk Begolli.

[Black_Mamba]

Ngushllime familjes te te ndjerit Faruk Begollit,ngushllime te gjitheve shqiptareve se kemi humbur nje aktor shum te mire nje aktor shuum te madh.

[Davius]

Nje humbje e madhe per kinematografine shqiptare, eshte ndarja nga jeta e aktorit te madh, mjeshtrit te aktrimit, Faruk Begollit. Jemi te nderuar si komb, qe patem nje mjeshter te tille arti e kulture. Shpirti i tij u preft ne paqe.

[no name]

Faruk Begolli nje aktor i madh i kinematografise Shqiptare, ngushllime familjarve dhe u preft ne paqe shpirti i tij.

[bili99]

Ngushllime te sinqerta per familjen Begolli,dhe per te gjithe adhuruesit e artit .
Mosha e re per tu larguar nga jeta..dhe shume e re nga aktrimi.
Kosova humbi nje djal, nje shqiptar , nje aktor ..nje mesues i artit te aktrimit per artistat e rinje..
Artistet ne menyre permanente e kane shpirtin e shqetesuar,me ne fund pusho i qete shpirt i njeriut ,aktorit.

Me nderime,
Xhabir Alili

[no name]

Dje, më 23 gusht, në ora 03:00 të mëngjesit, ndërroi jetë aktori dhe profesori Faruk Begolli. Familja Begolli dha kështu lajmin e hidhur për ndarjen e parakohshme nga jeta për shkak të një tumori, në moshën 63-vjeçare, kur Begolli ishte ende aktiv në skenë dhe ekran. Ka qenë amaneti i të ndjerit që në varrim të marrin pjesë vetëm rrethi shumë i ngushtë familjar si dhe disa miq e ish- kolegë dhe trupi i tij është përcjellë menjëherë, po dje, në orën 12:00 në varrezat e qytetit të Prishtinës. Familja njofton që sot, më 24 gusht, në ora 12:00 në Teatrin Kombëtar të Kosovës, komuniteti i artistëve, miqtë dhe bashkëpunëtorët e Faruk Begollit do të përkujtojnë të ndjerin.
Faruk Begolli u lind në Pejë, më 25 janar 1944. Studimet për aktrim i kreu në Fakultetin e Dramës, në Beograd. Në të fund të viteve ‘80 kthehet nga Beogradi për t’u angazhuar profesor në Universitetin e Prishtinës.

Ka luajtur në mbi 70 filma e drama televizive, metrazhesh e zhanresh të ndryshme, duke u bërë kështu njëri prej aktorëve më të popullarizuar në ish-Jugosllavi. Përmendim këtu “Bitka na Nerevti” (1969) me regji të Veljko Bulajic, “Si të vdiset” (1972) i Miomir Stamenkovic, “Valter Brani Sarajevo” (1972) i Hajrudin Kravaç, “Era e Lisi” iBesim Sahatçiut, “Kur pranvera vonohet” (1980) i dramaturgut Ekrem Kryeziut, “Proka” (1982) i regjisorit Isa Qosja, “Dashuria e Bjeshkëve të Nëmuna” (1997) po i Ekrem Kryeziu etj. Rolet e fundit që interpretuar në kinema kanë qenë filmat “Metropolet” dhe “Etjet e Kosovës” i cili është shfaqur në tetor 2006 në Festivalin e Filmit Shqiptar në Tiranë. Aty kemi parë një Begolli origjinal dhe të përsorur.

Për një kohë ka drejtuar edhe Shoqatën e Artistëve të Filmit të ish-Jugosllavisë

Për gati dhjetë vjet ka qenë drejtor i Teatrit “Dodona” në Prishtinë, ku ka bërë regjinë e mbi 20 shfaqjeve teatrore. Ka qenë themelues i drejtimit të aktrimit në kuadër të Degës së Arteve Dramatike, në Fakultetin e Arteve, në Prishtinë. Për punën e tij si aktor është nderuar me mirënjohje të shumta në kohën e ish-Jugosllavisë e, po ashtu, ka marrë çmime e mirënjohje të ndryshme kombëtare. Ka punuar si pedagog i lëndës së aktrimit në Fakultetin e Arteve të Universitetit të Prishtinës. Ka qenë kryetar i Shoqatës së Krijuesve të Teatrit të Kosovës, por, mbas një kohe të shkurtër, ka dhënë dorëheqje nga ky post.

Faruk Begolli është padyshim një prej figurave më emblematike të artit filmik dhe teatror kosovar.

Në mesazhin e ngushëllimit drejtuar familjes Begolli për humbjen e njeriut të dashur. Ministri kosovar i Kulturës, Astrit Haraçija, shprehet: “një burrë iku, por aktori Faruk Begolli nuk ka vdekur. Në historinë e teatrit dhe kinemasë së Kosovës emri i Faruk Begollit do të shkruhet me gërma të mëdha.”

Faik Ispahiu, regjisor teatri, tha dje pas përhapjes së lajmit: “Begolli ishte teatri i Kosovës në kohë të vështira. Çka ai bëri për kulturën e Kosovës do të jetë himni më i lartëi perëndisë për të në këtë botë, sadoqë nuk jam fort i sigurtë në besonte dhe aq në Perëndi.”


Shekulli

[RaPSouL]

Nje humbje e madhe per popullin tone , i leht qoft dheu

[hope31]

ngushellime familjes, te aferme dhe kolegeve te tij

[Dorontina]

Ngushllime familes dhe te gjith Begollve te Pejes .

[km92]

Ngushllime familjes se Faruk Begollit, vertet nje humbje e madhe per Shqiptaret..