Rregullorja e Forumit të Sportit!

[ClaY_MorE]

Forumi i sportit në përgjithësi dhe ai i futbollit në veçanti është një nga forumet më të vizituar në Forumin Shqiptar. Më poshtë do të njiheni me rregulloren e këtij forumi.


Kopjimi dhe botimi i materialeve apo artikujve në forum.

Kopjimi i materialeve apo artikujve të cilat merren nga faqe të ndryshme në internet, gjatë botimit të tyre duhet të shoqërohen me burimin se nga është marrë lajmi. Forumi Shqiptar respekton të drejtën e autorit dhe si i tillë nuk lejon botimin e materialeve apo artikujve nëse ato nuk janë të shoqëruara me burimet përkatëse. Në botën e futbollit të rejat nuk kanë të sosur, kjo nuk do të thotë që të gjitha shkrimet që botohen nëpër gazeta duhet ti botojmë në forum.

• Në forum mund të servirni ato artikuj që mendoni se vërtet ja vlen të diskutohen apo sjellin interes tek anëtarët.
• Nuk lejohet të kopjoni dhe botoni artikuj në forum nëse ato nuk shoqërohen me opinionin tuaj personal.

Pjesmarrja dhe diskutimet tek temat e ekipeve.

Në forum lejohet hapja e temave për klubet përkatëse. Të gjithë anëtarët janë të lirë të marrin pjesë nëpër temat e diskutimeve duke dhënë opinionet dhe komentet e tyre, por duhet të kenë parasysh disa pika:

1. Të respektojnë tifozët 'vendas' dhe të mos krijojnë tension në temë.
2. Të diskutojnë mbi ecurinë e skuadrës dhe jo të ndryshojnë subjetin e temave.
3. Gjatë postimeve të mos përcjellin mesazhe ofenduese, (mos respektimi i këtij rregulli nga anëtarët do të sjellë edhe përjashtimin e tyre nga Forumi i Sportit). Forumi Shqiptar nuk është arenë ku mund të ofendoheni apo grindeni.

Pjesmarrja në Forumin e Sportit do të thotë se keni pranuar të respektoni rregulloren e mësipërme. Mos respektimi i saj do të shoqërohet me paralajmërime deri në përjashtimin e anëtarëve nga ky Forum.

Diskutime të këndshme dhe ju urojmë me fitoren e ekipit të zemrës.

[ClaY_MorE]

Gjuha shqipe!

Kam vënë re përdorimin e gjuhëve të huaja kur postoni si psh: my team, coach, players, etj. etj. Ky është Forumi Shqiptar ndaj gjuha e shkruar në këtë forum është shqipja. Kam ndryshuar postimet që përmbajnë fjalë të huaja, por do ju kërkoja të mundoheni të evitoni përdorimin e tyre.