Tifozët e FC Real Madridit...#7

[Davius]

Ronaldo do te mungon per Realin 3 javet e ardheshme, kjo eshte nje humbje e madhe per Realin duke ditur se edhe Raul eshte i lenduar prej kohesh...

Te shohim tash Cassanon sa eshte i afte te udheheq nje sulm si te Realit, e ka rastin te tregohet sa vlen, dhe te kap nje vend ne 11 e pare madrilene..

Suksese Cassanos...

[Davius]

Mbrojtësi spanjoll, që ka arritur majat në moshën 18-vjeçare, tregon për emocionet e para me fanellën "merengese" 09-01-2006

S.Ramos dhe ëndrra me emrin Real


Mbrojtësi spanjoll, Serxhio Ramos, ka shpërthyer që në vitet e para të karrierës së tij. Në moshën 18-vjeçare luajti në sezonin e parë si titullar me Seviljen. Paraqitjet dinjitoze i dhanë mundësinë të kalonte te Reali i Madridit, që pagoi për të 27 milionë euro. Aktualisht ai po luan me sukses në rolin e mesfushorit shkatërrues. Duket se Reali e ka gjetur pasardhësin e Klod Makeleles. Ja cila ka qenë intervista e 18-vjeçarit:

- Reali është 11 pikë prapa Barcelonës në Primera Divizion. Çfarë duhet pritur nga kjo skuadër në pjesën e mbetur të kampionatit?

- Skuadrat rriten dhe mësojnë nga gabimet e tyre. Duhet të reflektojmë për ato që kanë ndodhur, në mënyrë që të mos përsëriten në të ardhmen. Dua t'u them tifozëve të kenë besim te ne, pasi së shpejti do t'u rikthehemi fitoreve.

- Ju shqetëson fakti që nuk dolët të parët në grupin tuaj të Ligës së
Kampioneve dhe tani do të keni përballë një kundërshtar të rrezikshëm si Arsenali?

- Vendi i dytë në grup na vuri në një pozicion të vështirë, por jemi ende në lojë për të fituar Ligën e Kampioneve dhe kjo është më e rëndësishmja. Do të luftojmë deri në fund për arritjen e këtij objektivi madhor.

- Championsi për herë të parë dhuron gjithmonë emocione. Ju çfarë ndjetë në debutimin ndaj Lionit?

- Eshtë shumë e vështirë ta largosh mendjen nga Liga e Kampioneve. Pas humbjes në Lion nuk më zinte gjumi nga dëshpërimi. Por edhe në rast fitoreje, emocionet janë aq të mëdha, sa nuk fle gjithë natën.

- Si ndiheni në rolin e mesfushorit të tërhequr...

- Ish-trajneri Luksemburgo më aktivizoi për herë të parë në këtë rol. Për sa kohë do të jem titullar, jam gati të luaj në çdo pozicion të fushës. Kam ndryshuar shpeshherë pozicionin tim dhe mosha e re më ndihmon të mos kem vështirësi ambientimi në çdo pozicion.

- Si ndiheni përkrah Pablo Garsias?

- Jam i lumtur që luaj përkrah Pablos. Prania e tij, ashtu si edhe e futbollistëve të tjerë me përvojë, është shumë e rëndësishme për një futbollist të ri. Unë kam fatin të punoj me Helgerën, Zidanin, Gutin, emra që kanë shkruar historinë e Realit.

- Në fund, një dëshirë për 2006-n!

- Dua të fitoj ndonjë trofe me Realin dhe të bëj një botëror dinjitoz me Spanjën. Për një 18-vjeçar nuk mund të mendoj se mund të ketë më mirë.

[Davius]

Ronaldo, edhe tri javë të tjera pushim

Sulmuesi i Realit të Madridit, Ronaldo, do të qëndrojë për tri javë larg fushave të lojës, pas dëmtimit të pësuar në këmbën e djathtë, në ndeshjen ndaj Vilarealit. Lajmin e ka bërë të ditur faqja zyrtare në internet e Realit të Madridit. Braziliani në sfidën e së dielës rikthehej pas një dëmtimi që e mbajti larg fushave në fund të dhjetorit dhe në ndeshjen e parë të vitit 2006, në Kupën e Mbretit, ndaj Bilbaos. Rikthimi i "Fenomenit" në formacionin e Lopez Karos zgjati vetëm 33 minuta, në ndeshjen që u mbyll në barazim pa gola. "Më vjen shumë keq, - u shpreh shkurtimisht braziliani.

- Shpresoja t'u kisha dhënë fund dëmtimeve, por me sa duket më duhet të pushoj edhe gjatë janarit. Po pres me padurim rikthimin, sepse më duhet të rikuperoj periudhën e kaluar në infermieri." Ronaldo ka pasur një pjesë të parë të sezonit mjaft të vështirë dhe nuk ka luajtur për shkak të dëmtimit në asnjë nga gjashtë ndeshjet e Realit në Ligën e Kampioneve.

Braziliani nuk është rikthyer në nivelet e tij të zakonshme, që pas dëmtimit të pësuar ndaj Atletikos së Madridit në muajin tetor të vitit të kaluar. Ronaldo humbet kështu mundësinë për të luajtur në Kupën e Mbretit. Ai nuk do të jetë në ndeshjen e kthimit ndaj Bilbaos, si dhe në dy çerekfinalet, gjithnjë nëse Reali kualifikohet. Në vend të ish-sulmuesit të PSV-së, Barcelonës dhe Interit pritet të luajë italiani Antonio Kasano.

[Davius]

Talenti brazilian ka fituar vendin e titullarit te "merengesit" dhe u premton suksese tifozëve madrilenë 11-01-2006

Robinjo: Gjithçka ende në lojë

Eshtë i vetëdijshëm që rendimenti i tij po vjen duke u rritur dhe tani është një pjesë përbërëse e Realit të Madridit. Robinjo ka filluar të ndjejë dashuri për fanellën "merengese", kësisoj premton se do të bëjë të pamundurën për të fituar ndonjë trofe të rëndësishëm në këtë sezon. Ja cila ka qenë intervista e sulmuesit brazilian, në të cilën vlerëson edhe mënyrën e punës së trajnerit Lopez Karo:

- Barcelona është shkëputur 13 pikë përpara. Mendoni ende se mund të fitoni titullin?

- Përderisa ekzistojnë mundësitë matematike, do të vazhdojmë të mendojmë për titullin. Gjithsesi, tani e ka radhën ndeshja e kupës ndaj Bilbaos. E rëndësishme është që në fund të sezonit, "Bernabeu" të festojë.

- Por një nga problemet që keni, është mungesa e golit...

- Po përmirësohemi nga ndeshja në ndeshje. Luajtëm dy ndeshje të mira ndaj Bilbaos dhe Vilarealit, pavarësisht se të dielën nuk arritëm të shënonim. Por skuadra është e qetë dhe me besim te forcat e veta.

- A keni dalluar shumë ndryshim nga Luksemburgo te Lopez Karo?

- Çdo trajner ka metodat e tij të punës. Lopez Karo është një trajner i shkëlqyer dhe i pëlqen të përdorim lojën nga krahët, markimin e ashpër dhe qarkullimin e topit.

- Problemet shtohen edhe me dëmtimet e vazhdueshme të Ronaldos...

- Fati i keq nuk po e lë të qetë. Ai dëshiron gjithmonë të luajë dhe kjo duket nga kënaqësia me të cilën punon në stërvitje. Ronaldo është një sulmues i madh që mund të bëjë diferencën. Shpresojmë të riaftësohet sa më shpejt të jetë e mundur, por te Reali ka shumë futbollistë të aftë dhe asnjë të pazëvendësueshëm.

- Ju pëlqen të luani si mesfushor apo si sulmues?

- Në ndeshjet e para në Madrid luajta si futbollist anësor mes mesfushës dhe sulmit, nuk pata vështirësi. Me Lopez Karon po luaj në sulm, por ajo që ka rëndësi, është që aftësitë e mia të shrytëzohen në mënyrën e duhur për të mirën e skuadrës. Personalisht do të më pëlqente të luaja si sulmues i majtë, por jam gati të plotësoj çdo kërkesë të trajnerit.

- Duke qenë se kampionati duket mjaft i vështirë për t'u fituar, nuk do të ishte më mirë të përqendroheshit te Liga e Kampioneve ose te Kupa e Mbretit?

- Gjithçka është ende në lojë. Kemi një përbërje të shkëlqyer futbollistësh, kësisoj do të luftojmë për të fituar të trija veprimtaritë ku marrim pjesë. I takon trajnerit të administrojë forcat tona për të festuar në maj.

- Si ndiheni me Lopez Karon?

- Ndihem mirë, sepse është një trajner që pëlqen ritmin e lartë dhe shpejtësinë e lojës. Di ta vendosë skuadrën në fushën e lojës dhe besoj se do të na udhëheqë si duhet.

- Ç'mendim keni për blerjen e Kasanos?

- Eshtë një futbollist i madh që po stërvitet shumë për t'iu bashkuar grupit. Jam i bindur se do të na ndihmojë me golat e tij.

- Po për Sisinjon?

- Eshtë një yll. I ka të gjitha për të luajtur në një skuadër si Reali.

Ronaldo: Kam besim te Reali

Sulmuesi brazilian, Ronaldo, në një intervistë për të përditshmen braziliane "O Globo", pasi ka pohuar sërish se në Gjermani 2006 do të synojë të kalojë Gerd Mylerin, duke u bërë futbollisti që ka shënuar më shumë në finalet e Kupës së Botës, ka shprehur edhe besimin e tij te Reali: "Nuk e kam humbur shpresën për të fituar me këtë skuadër. Kam besim se së shpejti Reali do të ringjitet aty ku i takon."

Ranieri: Kasano, njeriu i duhur

Trajneri italian, Klaudio Ranieri, ka deklaruar për shtypin spanjoll se blerja e Antonio Kasanos do ta ndihmojë Realin e Madridit për t'u ngjitur në nivelet e Barcelonës. "Ai është një futbollist i jashtëzakonshëm, - tha ish-trajneri i Fiorentinës, Valencias dhe Çelsit. - Karakteri i tij nuk është aq i keq sa thonë në Romë dhe vallëzon me topin ashtu si më të mëdhenjtë e këtij sporti. Mendoj se Antonio është njeriu i duhur për Realin."

Gravesen kërkon të ikë nga Reali

Mesfushori danez, Tomas Gravesen, ka bërë të ditur se po mendon për largimin nga Reali i Madridit. 32-vjeçari i blerë në janarin e vitit 2005, ka përfunduar nga stol, i mbyllur nga Serxhio Ramos dhe Pablo Garsia. Në një deklaratë për shtypin anglez, menaxheri i Gravesenit tha: "Nëse nuk e aktivizon, për Realin dhe për Tomasin do të ishte më mirë një transferim në janar."

[bavarezi5]

Eshli Kol, nën "kthetrat" e Realit


Reali i Madridit synon të marrë mbrojtësin e Arsenalit, Eshli Kol, për të zëvendësuar brazilianin Roberto Karlos, i cili ka të ngjarë t'i japë lamtumirën skuadrës "merengese", në muajin qershor. Roberto Karlos është i lakmuar nga skuadra në Katar, por edhe nga Fenerbahçeja, në Turqi, për të mbyllur në mënyrën më të qetë një karrierë të lavdishme ndërkombëtare. Braziliani ka përgatitur valixhet dhe kësisoj drejtuesve të Realit u duhet të gjejnë një mbrojtës të majtë në lartësinë e atij që ka qenë më i mirë në dhjetëvjeçarin e fundit. Eshli Kol është emri i parë në listën e Florentino Perezit dhe Emilio Butragenjos. Arsenali ka bërë të ditur se do të përpiqet me çdo kusht ta mbajë Eshli Kolin në skuadër, por sipas së përditshmes spanjolle "Marca", marrëveshja mund të arrihet në bazë të dëshirës që ka mbrojtësi anglez për të kaluar te "merengesit". "Galaktikët" janë gati të shpenzojnë 15 milionë euro, shifra e kërkuar nga Arsenali për mbrojtësin titullar të përfaqësueses angleze. Çmimi mund të rritet në rast të një paraqitjeje të mirë të 26-vjeçarit në botëror, kësisoj drejtuesit e Realit synojnë ta arrijnë marrëveshjen me Arsenalin para Gjermani 2006. Anësori i "Topçinjve" do të gjente te nëntë herë kampionët e Europës, dy bashkatdhetarët e tij, Bekham dhe Udgejt.

[bavarezi5]

L.Karo: Po kalojmë një moment pozitiv


Trajneri i Realit, Lopez Karo, ka dalë në konferencën për shtyp para ndeshjes së Kupës së Mbretit ndaj Bilbaos dhe me tone të qeta ka vlerësuar ecurinë e skuadrës së tij në javët e fundit, që pritet të kurorëzohet me kalimin në çerekfinalet e Kupës së Mbretit. Një objektiv shumë i rëndësishëm për "merengesit", duke parë disavantazhin prej 13 pikësh që kanë ndaj Barcelonës. Ja cila ka qenë intervista e trajnerit "merenges":

-E keni përcaktuar formacionin që do të aktivizoni sot?

Do ta vendos pak përpara ndeshjes, kur të grumbullohemi me futbollistët. Ndaj Bilbaos na pret një ndeshje shumë e vështirë, në të cilën duhet të japim më të mirën për të fituar. Do të flas me mjekët dhe më pas do të përcaktoj titullarët.

- Flitet se do të përdorni rrotacionin...

- Objektivi është të kalojmë në çerekfinalet e Kupës së Mbretit. Kemi arritur një rezultat të favorshëm në Bilbao, por na duhet të tregojmë respekt për kundërshtarin.

- Si është gjendja e skuadrës?

- Eshtë në progres të vazhdueshëm, sidomos në mënyrën e lojës. Në ndeshjen e fundit nuk ditëm të shrytëzojmë rastet për shënim, sepse loja e skuadrës ishte në nivelin e duhur, si individualisht, ashtu edhe në grup. Mendoj se po kalojmë një moment të mirë.

- Të flasim për individët. Si është forma e Kasanos dhe Udgejtit?

- Kasano është në përmirësim të vazhdueshëm, si rreth dëmtimit që kishte pësuar me Romën, ashtu edhe rreth formës fizike. Nuk do të luajë ndaj Bilbaos, por po bën një punë të mirë dhe debutimi i tij nuk do të vonojë. Udgejti ka punuar më shumë në palestër dhe mendoj ta lë pushim për ndeshjen e sotme.
- Atëherë, ndaj Seviljes, të dielën pritet debutimi i Kasanos...
- Po bën një sforco të madhe për të qenë i gatshëm sa më shpejt. Përpara ndeshjes ndaj Seviljes do të shohim sërish gjendjen e tij. Do të më pëlqente të debutonte në 100% të formës së tij.

- Flitet se dëmtimi i Ronaldos ndaj Vilarealit ka ardhur si shkak i pakujdesshmërisë. Nuk ishte pak shpejt për aktivizimin e brazilianit?

- Respektoj çdo mendim, por e rëndësishme është të dihet si qëndron situata. Fjala e parë në lidhje me aktivizimin u takon mjekëve, e dyta futbollistit dhe vetëm më pas vendos trajneri. Dy të parat më lanë të kuptoja se Ronaldo ishte i gatshëm, kësisoj e aktivizova. Fati i keq na detyron të vihemi para disa përgjegjësive që nuk na takojnë.

- A i druheni një eliminimi në Kupën e Mbretit si ai i vjetshmi ndaj Valadolidit?

- Historia shërben për të mësuar. E rëndësishme është që jemi përgatitur për ndeshjen ndaj Bilbaos, ashtu si duhet, fizikisht dhe mendërisht. Futbollistët e dinë atë që duhet të bëjnë për të vazhduar më tej.

- I keni dëgjuar zërat për një transferim të Gravesenit në Angli?

- Atij që nuk i pëlqen të qëndrojë, e ka derën të hapur për t'u larguar. Kush nuk ka dëshirë të punojë për këtë skuadër, bëhet i padobishëm për veten e tij, klubin dhe shokët e skuadrës. Unë nuk kam pasur asnjë bisedë me Gravesenin dhe vazhdoj të kem konsideratë për të, si futbollist dhe si njeri. Më habisin këto gjëra që shkruhen.

[Davius]

Ashley Cole mund te bashkangjitet me Realin veren qe vjen per nje shume prej 15 milion eurosh. Mendohet se do jete zavendsim i Carlosit qe mund te largohet ne fund te stinorit.

[Davius]

Sonte sfida me Sevillen, do te jete nje rast i mire per Baptisten dhe Ramosin qe te pershendeten me shoket e ish skuadres se tyre Sevillen...



Formacioni i mundshem:

Casillas

S. Ramos Mejía
Cicinho R. Carlos

Gravesen
Beckham
Guti
Zidane

Baptista
Robinho

[Davius]

Bekham, optimist për Kupën e Mbretit

Devid Bekham ka deklaruar se Reali i Madridit ka një shans të mirë për të kaluar çerekfinalet e Kupës së Mbretit. Kapiteni i Anglisë ka besim se skuadra madrilene do ta kalojë sfidën ndaj Betisit. "Betisi është një skuadër e fortë, por nëse luajmë si ndaj Atletiko Bilbaos, kemi shumë shanse për ta kaluar raundin," - tha Bekhami. Mbrojtësi Mishel Salgado pritet të mungojë, pasi ka pësuar një dëmtim që do ta lërë dy javë jashtë fushave.

Fabregas, në planet e Realit të Madridit

Luis Vilarejo i agjencisë EFE ka folur për interesin e Realit të Madridit për disa lojtarë të rinj. Drejtori teknik, Benito Floro, ka deklaruar se klubi madrilen do të investojë te talentet e reja. Ai ka përmendur disa emra, midis të cilëve spikat Çesk Fabregas i Arsenalit. Edhe pse mesfushori i talentuar ka fituar besimin e Arsen Vengerit, madrilenët kanë besim se mund ta marrin në skuadrën e tyre.

[Davius]

Trajneri madrilen mendon se skuadra ka nevojë për shumë punë dhe për harmoni në grup 15-01-2006

Lopez Karo: Duhet të bëjmë lojë kolektive

Trajneri i Realit të Madrid, Lopez Karo, ka folur për gjithçka në klubin madrilen. Ai është i kënaqur me punën e futbollistëve dhe flet për planet e së ardhmes. Ja cila ka qenë intervista e tij:

- Çfarë mendoni për punën që po bëjnë futbollistët e ekipit?

- Të gjithë e kanë kuptuar se rivaliteti është i madh dhe asnjëri nuk e ka vendin të sigurt. Unë aktivizoj në fushën e lojës atë që është më i përgatitur dhe që është stërvitur më mirë. Të gjithë futbollistët po bëjnë një punë të mirë dhe jam i kënaqur për këtë gjë.

- Keni pasur shpesh probleme me dëmtimet. Si është gjendja tani?

- Tani mendoj se jemi pak më mirë. Formacioni që mund të krijoj, është shumë i mirë dhe pretendent. Nuk e mohoj që na mungojnë disa lojtarë të rëndësishëm, gjithsesi kam shumë besim te futbollistët që kam në dispozicion.

- Keni ndryshuar shumë gjëra si trajner i Realit?

- Për sa i përket stërvitjes, kam ndjekur një mënyrë të ndryshme nga trajnerët e mëparshëm. Po punojmë shumë, që të bëjmë një lojë sa më kolektive dhe spektakolare. Në skuadër nuk mungojnë futbollistët e klasit botëror, ndaj duhet të përshtaten sa më mirë me taktikat e mia.

- Çfarë keni vërë re që është përmirësuar në skuadër?

- Mund të them se ka pasur përmirësime në aspektin e përgjithshëm. Më kalimin e ditëve, stërvitja bëhet me intensitet akoma më të lartë. Kjo gjë ndikon shumë te formimi i gjendjes fizike të lojtarit dhe jam i kënaqur për punën që kemi bërë deri tani.

- Keni besim akoma te Roberto Karlos?

- Ai është një futbollist me shumë eksperiencë. Gjithçka varet nga stërvitja që bën dhe nga gjendja fizike. Deri tani kam parë se ai është një futbollist shumë i përkushtuar dhe se jep maksimumin në fushën e lojës.

- Si është gjendja fizike e Udgejtit?

- Ai nuk është akoma gati për të luajtur. Në vendin e tij do të luajë Mehija. Ky i fundi është stërvitur shumë dhe puna e tij duhet të vlerësohet. Kam parë që është shumë i qetë në fushën e lojës dhe për momentin i jap besimin tim.

- Çfarë mendoni për Betisin, kundërshtarin tuaj në Kupën e Mbretit?

- Kundërshtar i vështirë dhe që bën një lojë shumë kolektive. Gjithashtu në skuadër ka lojtarë shumë cilësorë.

- Kur mendoni se Kasano do të arrijë të jetë 100% në formë?

- Nuk mund ta them me saktësi, pasi janë shumë faktorë që ndikojnë. Ai duhet të vazhdojë të punojë dhe vetëm me punë mund të arrijë maksimumin e tij.