Tifozët e FC Real Madridit...#7

[Juvi]

ho me davius, tu bo qefi e

nncncncnncncnc

po sfitohen tu lujt ping-pong ndeshjet mer

late nom

gjynof deportivo hahahahhahhha

[Davius]

Sulmuesi i Realit ka bërë të ditur se shpreson të rikthehet sa më shpejt në formën e tij ideale 29-03-2006

Raul: Do të rikthehem "galaktik"!


Sulmuesi spanjoll i Realit të Madridit, Raul Gonzales, edhe pse ka shumë kohë që nuk ka luajtur, ka mundësi të rigjejë formën e tij më të mirë përpara kampionatit botëror. "Dua të jem realist dhe për këtë arsye mund të them se do të mundohem të luaj sa më shumë minuta. Për momentin ndihem mirë si në stërvitje, ashtu edhe nëpër ndeshje, - ka bërë të ditur kapiteni i përfaqësueses spanjolle për të gazetën sportive "AS".

- Objektivi im është që të arrij formën më të mirë përpara fillimit të kampionatit botëror, që të kem mundësi t'i jap ndihmesën time përfaqësueses." Sulmuesi 28-vjeçar i Realit të Madridit është rikthyer në fushën e lojës në mesin e muajit shkurt, pasi ka munguar për rreth tre muaj, për shkak të një dëmtimi të ligamenteve të gjurit. Doktorët menduan të zgjidhnin një program konservativ për rikuperimin e tij, me shpresën që kur të rikthehej në fushën e lojës, të arrinte formën sa më shpejt. Megjithatë, deri tani ai ende nuk ka shënuar një gol dhe nuk ka zhvilluar një ndeshje të plotë. Rauli i ka filluar të gjitha ndeshjet nga stoli si në kampionat, ashtu edhe në Ligën e Kampioneve. Duhet thënë se ai luajti edhe në ndeshjen kundër Arsenalit, e cila përfundoi me rezultatin 0-0 dhe që nxori jashtë Ligës së Kampioneve skuadrën madrilene.

Në deklaratën për "AS"-in, spanjolli shton: "Jam i kënaqur për përmirësimin tim nga ndeshja në ndeshje. Pa dyshim që do të më pëlqente të luaja më shumë, por në të njëjtën kohë nuk harroj se kam qëndruar rreth 4 muaj pushim, për shkak të dëmtimit. Në ato momente të para, doktorët më kishin thënë se ndoshta nuk do të kisha mundësi të luaja më në asnjë ndeshje të kampionatit." Raul Gonzales ka luajtur gjithsej 92 ndeshje me përfaqësuesen spanjolle, duke shënuar 42 gola. Për ndeshjet finale të kampionatit botëror të këtij sezoni që do të zhvillohet në Gjermani, Spanja ndodhet në grupin H së bashku me Ukrainën, Tunizinë dhe Arabinë Saudite.

Në fundjavën e ardhshme, Realin e Madridit e pret një sfidë shumë e vështirë me kryesuesit e kampionatit spanjoll. Aktualisht ata ndodhen në vendin e dytë, me 11 pikë diferencë ndaj Barcelonës, dhe një fitore në këtë përballje direkte do t'i zgjonte akoma më shumë shpresat e madrilenëve për titullin kampion të këtij sezoni. Ndërkohë që nuk duhet të harrojmë se në fazën e parë të kampionatit, Barcelona ka mundur Realin e Madridit me rezultatin 3-0. Gjithsesi, në këtë fazë të kampionatit, madrilenët duken më në formë. Vetë Rauli për këtë ndeshje ka deklaruar: "Do të jetë një përballje shumë e vështirë dhe e rëndësishme për ne. Shpresoj të luaj sa më shumë minuta kundër Barcelonës, që të kem mundësi të jap kontributin tim për skuadrën."
Endi TUFA

[Davius]

Bekham, në dyshim ndaj Barçës
Devid Bekham ndoshta do të mungojë në ndeshjen e ditës së shtunë kundër Barcelonës. Ai ka pësuar një dëmtim në kavilje, e cila më pas i është fryrë. "Për momentin ende nuk mund ta godas topin, pasi ndiej dhimbje. Kam bërë disa injeksione për ta mpirë dhe për të ulur fryrjen, por tashmë duhet të presim dhe të shohim nëse do të riaftësohem deri për ndeshjen e së shtunës. Shpresoj të jem në atë ndeshje," - ka thënë Bekhami për gazetarët. Në këtë ndeshje, Reali do të jetë edhe pa Xhonatan Udgejtin, i cili është gjithashtu i dëmtuar. Aktualisht, madrilenët janë 11 pikë larg Barcelonës dhe ndodhen në vendin e dytë.

Mourinjo dhe Venger, "jo" Realit
Hoze Mourinjo dhe Arsen Venger, teknikët respektivë të Çelsit dhe Arsenalit, nuk do të lëvizin nga Anglia për sezonin e ardhshëm. Fernando Martin, president i Real Madridit, dje ka bërë listën e shtatë trajnerëve të mundshëm dhe mes këtyre janë pikërisht portugezi dhe francezi. "Arsen Venger e ka përsëritur disa herë qëndrimin e tij, se këtu është i kënaqur dhe nuk dëshiron të largohet", - tha një zëdhënës i "Topçinjve" për "Evening Standart". I njëjti qëndrim në fjalët e zëdhënësit të "bluve". "Çelsi dhe Mourinjo janë të bashkuar për të realizuar një projekt fantastik dhe me kohë të gjatë."

[Davius]

Bekham: Dua ta mbyll karrierën në Madrid

Kapiteni i Anglisë, Devid Bekham, ka thënë se ulje-ngritjet e tij te Reali nuk ndikojnë në të ardhmen e tij dhe dëshira është ta mbyllë karrierën në Madrid. Mesfushori ka përgënjeshtruar të gjithë zërat rreth Sven-Goran Eriksonit dhe së ardhmes së suedezit si trajner në Spanjë. "Për të qenë i ndershëm, dua të rregulloj të gjitha problemet me kontratën time, vjen apo nuk vjen Eriksoni", - tha Bekhami.

[Davius]

Braziliani ankohet për gjykimin e ndeshjes 03-04-2006

Ronaldo: Ndaj Barçës ndodhin "çudira"

Sulmuesi brazilian i Realit të Madridit, Ronaldo, pas ndeshjes ndaj Barcelonës të barazuar 1-1 në "Kamp Nou", u ankua për gjykimin e Medina Kantalejos. Sipas "Fenomenit": "Kemi kohë që themi se gjyqtarët janë shumë rigorozë ndaj nesh. Për më shumë që kur luajmë ndaj Barcelonës, ndodhin gjëra të çuditshme. Nuk jepen penallti të qena, por penallti që nuk ekzistojnë." Në minutën e 30-të të ndeshjes Barcelona-Real, gjyqtari nxori me karton të kuq Roberto Karlosin për protesta. Ronaldo tha: "Roberto Karlos më ka garantuar se nuk e kishte ofenduar gjyqtarin dhe as ndihmësin e tij. E takova në pushim të ndeshjes dhe ma pohoi diçka të tillë. Unë e besoj. Atje ishte një grup i madh futbollistësh dhe më duket e habitshme që gjyqtari dëgjoi vetëm ofendimin e Roberto Karlosit. Për më shumë, ky futbollist e kishte marrë një karton të verdhë për protesta.

Një gjyqtar nuk mund të përcaktojë në këtë mënyrë fatet e ndeshjes." Më pas, sulmuesi brazilian komentoi futbollin e luajtur: "Jam i lumtur për golin. Në fillim të ndeshjes nuk do të ishim të kënaqur me një pikë, por me mënyrën si shkoi takimi, mund ta konsiderojmë një rezultat pozitiv dhe të drejtë për atë që u pa në fushën e lojës. Vendi i dytë është objektivi i mbetur, të cilin duhet ta arrijmë me çdo kusht. Barcelona është një skuadër e fortë dhe kur mbetëm me dhjetë futbollistë, gjithçka u bë më e vështirë. Gjithsesi nuk patëm frikë të tregojmë vlerat tona. Luajtëm denjësisht dhe merituam duartrokitjet."

Trajneri i Realit
L.Karo: Jam krenar!
Një ditë pas barazimit 1-1 që Reali arriti në Barcelonë ndaj kryesuesve të Primera Divizionit, trajneri i "merengesve", Lopez Karo, u shpreh i kënaqur nga paraqitja e skuadrës. Spanjolli tha: "Unë kam mendimin se rezultati i një ndeshjeje futbolli është gjithmonë i drejtë. Nuk besoj te fati apo episodet. Jam krenar për mënyrën se si luajti skuadra kur mbeti me dhjetë futbollistë. E konsideroj si një pikë të fituar. Arritëm të barazonim rezultatin dhe treguam se Reali di të mbrohet. Barcelona sulmoi me të gjitha forcat, por nuk e gjeti golin. Nga ana tjetër ishim të rrezikshëm me kundërsulm përgjatë gjithë 90 minutave."

[Manci]

Braziliani Ronaldo ankohet për gjykimin e ndeshjes

Ronaldo: Ndaj Barçës ndodhin "çudira


Sulmuesi brazilian i Realit të Madridit, Ronaldo, pas ndeshjes ndaj Barcelonës të barazuar 1-1 në "Kamp Nou", u ankua për gjykimin e Medina Kantalejos.

[Davius]

Xhaketat e zeza" kanë gabuar dukshëm në Barça-Real, Atletiko-Selta dhe Betis-Sevilja 04-04-2006

Spanjë, gjyqtarët vihen nën "shënjestër"

Vendimet e dyshimta në gjykimet e arbitrave të kësaj jave në Spanjë, kanë tërhequr vëmendjen e mediave sportive spanjolle. Para pak kohësh, arbitrat anuluan grevën, pasi kërkesat e tyre u miratuan. Arbitrat kishin një rol vendimtar në tri ndeshjet e mëdha të kësaj jave. Lojtarët e Realit kritikuan gjykimet e gjyqtarit Luis Medina Kantaleho, pas barazimit 1-1 në "Kamp Nou". Barcelonës iu dha një penallti, pasi mesfushori Mark van Bomel u rrëzua në zonën e rreptësisë pas një ndërhyrjeje të Roberto Karlosit.

Roberto u largua nga fusha, për shkak të një kartoni të kuq, dhe lojtarët e Realit kërkuan një penallti pas rrëzimit të Ronaldos nga shtyrja e lehtë e një mbrojtësi. "Nuk ishte ndërhyrje për penallti dhe gjykimi i lojës nuk ishte i mirë, - tha Devid Bekham. - Ishte një rast për penallti ndaj Ronaldos, por mendoj se nuk u dha, sepse ai mban veshur një bluzë të bardhë, nëse më kuptoni. Ky arbitër pëlqente Barcelonën", - u shpreh Bekhami me nota kritike për gjykimin. Bekham, i cili është larguar dy herë nga fusha po nga ky arbitër, duke luajtur për Realin dhe Anglinë, ishte fatlum, sepse i shpëtoi një kartoni, pasi goditi gjyqtarin me top pas largimit të Roberto Karlosit.

[Davius]

Futbollisti brazilian ka folur për situatën momentale dhe të ardhmen e tij: Nuk e kam vendosur se ku do të luaj 08-04-2006

Ronaldo, "fenomeni" që vazhdon të mahnisë...

Ka kaluar situata të ndryshme në klub, sidomos gjatë këtij sezoni. Ai gjithmonë ka arritur t'u largohet atyre, edhe pse disa herë ka qenë vetë ai që ka tërhequr vëmendjen e medias. Te Reali është kritikuar më shumë se një herë me paraqitjen e tij në fushë, ndërkohë që kohët e fundit po ndodh e kundërta. Ka arritur të shënojë në tri ndeshjet e fundit dhe siç e ka pohuar vetë sulmuesi brazilian, goli të lehtëson nga shumë gjëra. "Goli t'i bën gjërat më të lehta," - ka thënë ai. Ronaldo ka folur për marrëdhëniet e tij me tifozët dhe gjithashtu për të ardhmen e tij. Për momentin dëshiron të shënojë edhe ndaj Sociedadit dhe ta përfundojë sezonin në mënyrën më të mirë.

- Si jeni fizikisht gjatë kësaj periudhe?

- Shumë mirë. Po stërvitemi në mënyrën e duhur për të qenë në formë gjatë kësaj periudhe, gjithashtu edhe në botëror.

- Ka ndryshuar gjë fakti që jeni shumë afër botërorit, në lojën tuaj?

- Unë gjithmonë kam dhënë maksimumin tim në fushë, por kur kalon një krizë për të shënuar, gjërat të vështirësohen.

- Mendoni se nuk pëlqeheni nga publiku madrilen?

- Nuk dua të flas për marrëdhëniet e mia me tifozët.

- Të pëlqen që ata të përkrahin kur nuk kalon një situatë të mirë?

- Unë e kam kërkuar disa herë këtë gjë, gjithsesi mendoi se duhet të ndërroj temë.

- Të pëlqen Eriksoni si trajner?

- Ai ka arritur shumë suksese në atë detyrë, por e di se ku do të dalë pyetja juaj. Nuk i marr unë vendimet, pasi janë drejtuesit e klubit ata që vendosin për trajnerin.

- Jeni vetëm një gol larg numrit 100 në kampionat me Realin e Madridit.

- Po, dhe mendoj se është një statistikë më të vërtetë e mirë. Jam i kënaqur.

- Mendoni se Reali ka shanse për të fituar titullin?

- Gjithçka mund të ndodhë, edhe pse është e vështirë.

- Jeni i mërzitur në klub?

- Jo. Ajo që dua unë, është të evitoj polemikat.

- Është përfolur shumë largimi juaj nga klubi në fund të këtij sezoni.

- Në fakt, unë jam i fundit që vendos për një gjë të tillë. Kam një kontratë me Realin e Madridit. Gjithsesi do të vendos pas botërorit.

Kur shënoni gol jeni më i miri, ndërsa kur nuk e bëni një gjë të tillë, më i keqi.

- Nuk e di. Janë të tjerët ata që flasin për mua, gjithsesi unë e thashë edhe më parë që në fushën e lojës jap maksimumin tim.

- Mendoni se arbitrat kanë paragjykime për Realin?

- Në disa raste edhe ka ndikuar, por në të shumtën arbitrat kanë qenë të paanshëm. Mendoj se të tillë duhet të jenë të gjithë.

- Besoni se klubi ju do edhe për vitin e ardhshëm?

- Nuk di se çfarë të them. Nuk kam folur me drejtuesit e klubit për një gjë të tillë. Duhet të përfundojmë këtë sezon, ndërkohë që më pas unë do të shkoj për të luajtur me Brazilin. Ka kohë për të vendosur.

- Cilat skuadra do të dëshironit të shikonit në finalen e Ligës së Kampioneve?

- Mendoj se do të jetë përballje me të vërtetë e fortë, duke parë ekipet gjysmëfinaliste, gjithsesi nuk kam preferenca.

- Si janë marrëdhëniet me presidentin e klubit?

- Atë e njoh që kur ishte në bordin drejtues. Kemi marrëdhënie shumë të mira.

- Të pëlqen mënyra e lojës së Milanit?

- Normalisht që po.

- Dhe si përfundim, mendoni se Rivaldo do të jetë në botëror?

- Vendimin e merr trajneri. Pastaj, unë e kam shumë shok, prandaj pse jo.

-Gjithsesi, Brazili ka shumë futbollistë të talentuar.


Bekham, mungesa e Realit ndaj Sociedadit

Mesfushori anglez, Devid Bekham, është lënë jashtë nga skuadra e Realit të Madridit, për përballjen me Real Sociedadin ditën e shtunë, për shkak të një dëmtimi. Kapiteni i Anglisë e pësoi dëmtimin gjatë përballjes me Barcelonën në fundjavën e kaluar. Mungesa tjetër për madrilenët do të jetë Roberto Karlos, i cili është i pezulluar.

[inter_forever]

Dobet Reali , qe barazon ne fushen e tij me Real Sociedat . E kap ne renditje Valencia .

Shenon Ronaldo ne fillim ...kros drejt zones , Ronaldo gjuan pa e lene topin t e perplaset ne toke dhe gol ....
Me kete gol arrin ne kuoten e 100 golave me Real Madrid .

Por ne minuten 58 Ronaldo demtohet dhe largohet nga loja .


Barazon ne minuten 61 Sociedat pas nje GAFE te portierit Casillas .


Te kuqe Guti .

[MICHI]

Ronaldo o fenomen vlla. Ai ene me i kembe me hy ne fushe ja vlen ta kesh.