Tifozët e FC Real Madridit...#7

[Manci]

Italiani, sikurse Ronaldo në vitin 2002, ka shënuar golin e parë me Realin, pas vetëm tri minutash lojë 20-01-2006

Antonio Kasano, debutimi përallor..

Sulmuesi italian, Antonio Kasano, tha se goli i shënuar ndaj Betisit në Kupën e Mbretit, ishte mënyra ideale për debutimin e tij me fanellën e Realit. Një gol i rëndësishëm për 24-vjeçarin, i cili është kritikuar gjatë kësaj jave për gjendjen jo të mirë fizike.
"Nuk mund të kisha kërkuar një debutimim më të mirë me Realin, - tha ish-futbollisti i Romës në një deklaratë për shtypin spanjoll, një ditë pas ndeshjes. - Jam shumë i lumtur dhe shpresoj të vazhdoj kështu edhe në ndeshjet e ardhshme. Ishte gjithçka përrallore.
" Italiani i kaloi dy javët e para me fanellën e Realit, duke u përpjekur të hiqte kilogramët e tepërt. Problemi i mbipeshës e ka të vështirë ingranimin e Kasanos në skuadrën e Lopez Karos. Gjithsesi, vetëm tri minuta pasi u hodh në fushën e lojës nga Lopez Karo, talenti i lindur në Bari gjeti rrugën e golit, duke përfituar nga një gabim i portierit vendës, Toni Doblas.
Reali e fitoi krejt takimin me rezultatin 1-0. "Tifozët më thërrisnin "i shëndosë" kur u futa në fushën e lojës, por kam mësuar të ruaj qetësinë, - vazhdoi Kasano. - Tani jam i lumtur, sepse skuadra fitoi dhe unë shënova golin e parë me Realin. Të tjerat janë dytësore. Nuk ka rëndësi nëse jam mbi peshë apo jo, e rëndësishme është që Reali fitoi një ndeshje të vështirë. Kemi siguruar kalimin në gjysmëfinalen e Kupës së Mbretit.
" Goli i Kasanos në ndeshjen e parë me fanellën e Realit, kujton atë të shënuar nga Ronaldo. Braziliani, në tetor të vitit 2002, shënoi ndaj Alavesit golin e parë me Realin, pas vetëm dy minutash lojë si futbollist "merenges". Për rastësi të fatit, edhe Ronaldo në ditët e tij të para në Madrid u kritikua për të njëjtën arsye si italiani, mbipeshën. "Nuk duhet të habiteni që pas një muaji pushimi absolut, nuk jam në maksimumin e formës sime. Dua ta gjej atë hap pas hapi, duke pasur shumë kujdes. Jam i kënaqur me fizikun tim dhe e ndiej se gradualisht po arrij formën e shokëve të skuadrës, - vazhdoi Kasano.
- Nuk mendoj se do të vonojë shumë nga çasti kur do të jem në 100% të formës sime." Në fundin e deklaratës së tij, italian flet për objektivat që i ka vënë vetes në gjashtë muajt e mbetur të sezonit: "Dua të fitoj vendin e titullarit te Reali dhe ndonjë trofe në fund të sezonit. Kam një kontratë pesëvjeçare me "merengesit" dhe ndihem pjesë e një projekti fitues. Shpresoj që gjithçka të shkojë në mënyrën e duhur, pasi më duhet të fitoj edhe një vend për në botëror.
" Kasano bën pjesë në planet e Marçelo Lipit, por grumbullimi i tij në përfaqësuesen "axurre" që do të luajë në Gjermani 2006, është lidhur ngushtë me aktivizimin e tij në "Bernabeu". Këtë e ka lënë të kuptohet vetë trajneri i përfaqësueses italiane.

[Davius]

Trajneri i Realit vlerëson lojën e grupit si çelësin e fitores ndaj Kadizit

L.Karo: Tani jemi një skuadër

Huan Ramon Lopez Karo, trajneri i Realit të Madridit, tha pas ndeshjes në të cilën skuadra e tij fitoi 3-1 ndaj Kadizit, se "merengesit" kishin ende diçka për të përmirësuar në intensitetin e lojës, por ishte i kënaqur nga rezultati dhe nga loja kolektive që zhvilloi Reali. "Atë që u kërkova futbollistëve, e zbatuan. Kjo më bën të shoh me qetësi përpara.

Në pjesë të caktuara loje, skuadra dhuroi spektakël dhe mori duartrokitjet e publikut. Kundërshtarët harxhuan shumë energji dhe kjo na dha mundësi të ndërtonim fitoren në 30 minutat e fundit të takimit. Nuk më pëlqyen vetëm minutat e para të çdo pjese. Gjithsesi, e rëndësishme është që tani luajmë si një skuadër e vërtetë," - u shpreh trajneri i Realit. Sipas Lopez Karos, ajo e djeshmja ishte ndeshja më e mirë e Realit që kur ai ka marrë drejtimin e "merengesëve".

"Skuadra luajti mirë dhe dha gjithçka në fushën e lojës. Arritëm një fitore të merituar dhe u jap futbollistëve notën maksimale. Më shumë se 10. Disa prej tyre po arrijnë formën optimale dhe skuadra ka filluar të përfitojë. Jam shumë i kënaqur, për shembull, me punën e bërë nga Ivan Helgera." Trajneri spanjoll këmbëngul duke e konsideruar lojën kolektive si çelësin e suksesit. "Skuadra tregoi shpirt kolektiviteti. Pashë një Real mjaft të përqendruar dhe vetëm në këtë mënyrë mund të largojmë gabimet e së kaluarës.

Robinjo beson te titulli

Braziliani i Realit, Robinjo, paralajmëron Barcelonën: "Ne mund të bëhemi kampionë!". 20-vjeçari, i cili shënoi një nga tre golat që i dhanë Realit fitoren 3-1 ndaj Kadizit, u shpreh: "Po përmirësohemi nga dita në ditë dhe besoj se mund të fitojmë kampionatin. Jemi gati të përfitojmë për çdo hap fals të Barcelonës.

[ClaY_MorE]

Shtypi spanjoll ka treguar se cilat janë prapaskenat që kanë penguar arritjen e marrëveshjes Real-Kapelo. "Merengesit" i kanë ofruar 7.5 milionë euro trajnerit italian, por sipas së përditshmes "AS", Kapelo ka refuzuar, sepse kërkon më parë spastrime. Flitet se "Don Fabio" ka bërë gati një listë futbollistësh që nuk i do në skuadër. Përveç Helgerës, Salgados dhe Roberto Karlosit, në këtë listë bën pjesë edhe emri i Ronaldos.

[Davius]

Spekulime te shtypit jane keto.

[ClaY_MorE]

Une ne shtyp i mora

[Nice_Boy]

Perrallat e gazetave per ti mbush faqet e tyre as gje me shum..

[Davius]

Portieri madrilen ka thënë gjithashtu se është i kënaqur me Lopez Karon dhe me blerjet e reja 26-01-2006

Kasiljas: Jemi të etur për trofe

Perez: Ronaldo nuk largohet nga Reali

Presidenti i Realit të Madridit, Florentino Perez, i ka siguruar Ronaldos se do të qëndrojë në skuadër për një kohë të gjatë. Ditën e enjte, futbollisti brazilian dhe Perezi ishin takuar së bashku dhe presidenti i klubit madrilen i kishte thënë: "Rri i qetë. Derisa të jem unë president, ti do të qëndrosh në skuadër, pasi je në planet e klubit për një kohë të gjatë." Zërat e kishin lidhur Ronaldon me një transferim të mundshëm te Mançester Junajtidi ose tek Interi.

Portieri i Realit të Madridit është optimist se skuadra do të fitojë trofe në këtë sezon dhe është në rrugën e duhur për të arritur suksesin në Kupën e Mbretit.

- Skuadra është paraqitur shumë mirë në ndeshjet e fundit!

- Po, është e vërtetë. Ne kemi treguar shpirt gare dhe përmirësim të ndjeshëm në lojën tonë. Tani kemi shumë besim në vetvete dhe jemi të etur për trofe.

- Çfarë problemesh ka pasur skuadra vitin e kaluar? Keni arritur ta zbuloni?

- Pak nga të gjitha. Presion, pasiguri... Të gjitha shfaqeshin në fushën e lojës dhe njerëzit ishin të pakënaqur me ekipin. Lojtarët e dinin këtë gjë dhe mbanin mbi supe një peshë të rëndë. Duhej të zhvillonin një ndeshje shumë të mirë në fushën tonë, por në të vërtetë nuk duhej vetëm një. Duhej të arrinin rezultate shumë të mira në të gjitha ndeshjet dhe në fakt atë po mundohemi të bëjmë tani.

- Më 12 prill zhvillohet finalja e Kupës së Mbretit, nëse ju arrini të jeni. Diego Lopez ka mundësi të luajë si titullar në vendin tuaj. Çfarë mund të thoni?

- Më duket gjë e mirë. Një gjë të tillë mund ta vendosë vetëm trajneri dhe vendimet e tij duhen respektuar nga të gjithë.

- Pse jeni fiksuar për të fituar Kupën e Mbretit?

- Sepse është një trofe shumë i mirë. Eshtë një kompeticion, rëndësia e të cilit ndihet shumë në finale. Gjatë raundeve të tjera nuk duket se është shumë i vështirë, por kur arrin të jesh në finale, gjërat janë ndryshe. Kam humbur dy herë dhe nuk do ta pranoja një gjë të tillë këtë herë.

- Si ka mundësi që keni arritur të fitoni finalen e Ligës së Kampioneve dhe keni humbur në atë të Kupës së Mbretit?

- Në fakt duhet parë edhe mënyra se si kemi humbur. Ndaj Deportivos, më shumë se 75% e stadiumit ishte me ne, ndërsa kundër Saragozës ishim favoritë dhe prapë humbëm. Mendoj se varet nga mentaliteti që kemi në fushën e lojës. Kur je favorit, ka raste që edhe e nënvlerëson kundërshtarin. Ju siguroj që një humbje për herë të tretë në finale, nuk pranohet.

- Për sa i përket ekipit, thonë që Kapelo mund të jetë trajneri i ardhshëm i Realit të Madridit..

- Mendoj se nuk duhet të përmenden shumë emra dhe të ndërrohen shumë trajnerë, edhe pse ne jemi mësuar. Për mendimin tim, Lopez Karo është trajneri perfekt që i duhet Realit, gjithsesi një gjë të tillë e dinë drejtuesit.

- Lopez Karo duket se është i ngjashëm me Vinsente Del Bosken.

- Nuk mund të krahasoj trajnerët, pasi secili punon në mënyrë të ndryshme dhe ka idetë e tij. Me Huan Ramon ndihemi shumë mirë dhe në fakt po arrijmë rezultate të mira.

- Çfarë mund të thoni për përforcimet e fundit të klubit, Kasanon dhe Sisinjon?

- Blerje shumë të mira. Kasano ka shumë talent dhe është i aftë të luajë më mirë. Ndërsa Sisinjo është i magjishëm. E them seriozisht këtë, pasi ka treguar aftësi shumë të mëdha.

[Davius]

Anglezi ka folur për karrierën e tij dhe për statusin që gëzon tani 29-01-2006

Bekham, "Zot" i futbollit modern

Devid Bekham, futbollisti i Realit të Madridit, kapiteni i kombëtares së Anglisë, tifozi i Mançesterit, bashkëshorti i Viktorias dhe babai i tre fëmijëve ka folur për gjithçka. Edhe pse kanë kaluar dy vjet e gjysmë te Reali Madridi, ai nuk ka fituar asnjë titull. Ai ka vendosur edhe të ardhmen e tij dhe tani flet shkurtimisht për çastet e rëndësishme të karrierës.

- Devid Bekham do të mbahet mend si një ikonë e kulturës "pop", apo si një nga mesfushorët e djathtë më të mirë në botë?

- Kam qenë shumë me fat në karrierën time, pasi që në fillim të saj kam pasur shansin të stërvitem nga trajnerë të shkëlqyer si Nobi Stajls, Erik Herrison dhe të tjerë. Ata më kanë ndihmuar shumë që të hedh hapat e duhur në një karrierë si futbollist. Më pas jam ndihmuar shumë nga Aleks Ferguson. Ai ka një meritë të madhe në formimin tim si futbollist dhe kam arritur deri këtu falë tij. Por karrieria ime në një ditë të bukur pësoi një ndryshim rrënjësor. U largova nga Mançesteri dhe u transferova te Reali i Madridit. Gjithçka ishte ndryshe. Te Mançesteri isha i lumtur, i qetë dhe kisha shokë shumë të mirë. Papritur i fillova të gjitha nga fillimi. Gjithsesi, shokët e Realit më kanë mbajtur afër dhe nuk jam ndjerë si i huaj. Në fillim duhej të përshtatesha me lojën e futbollit spanjoll. Gjëja më e keqe në karrierën time si futbollist i Realit të Madridit, ka qenë ndërrimi i shpeshtë i trajnerit. Kjo gjë nuk na ka ndihmuar shumë. Sidomos mua. Isha ndihmuar të luaja dhjetë vite me një skuadër dhe të kisha vetëm një trajner. Kamaçon nuk arrita ta njihja mirë, pasi nuk qëndroi shumë, ndërkohë që me Karlos Kuerozin nuk pata probleme. Atë e njihja shumë mirë dhe isha mësuar me mënyrën e tij të stërvitjes. Gjithsesi, në detyrën e trajnerit të Realit, emrat dhe personat kanë qenë të shumtë për një periudhë të shkurtër kohe.

- Njerëzit mendojnë se momenti kyç i kalimit tuaj te Reali i Madridit, ka qenë ndeshja e Ligës së Kampioneve 2003, kundër skuadrës spanjolle. Në ndeshjen kundër tyre ju patën dhe mosmarrëveshjen e parë me Aleks Fergusonin, pas një incidenti në dhomat e zhveshjes.

- Ajo ndeshje ka qenë një nga më të rëndësishmet në historinë e klubit të Mançesterit. Unë isha pjesë e asaj ndeshjeje. Por për sa i përket rëndësisë së kalimit tim te Reali, nuk është e vërtetë. Janë thënë shumë gjëra që nuk janë aspak të vërteta. Gjatë asaj kohe thuhej se kisha pasur bisedime me drejtuesit e Realit të Madridit, por nuk ishte aspak e vërtetë. Për herë të parë kam menduar largimin shumë kohë më vonë, kur Piter Kenion më mori në telefon dhe më tha se klubi nuk më donte më.

- Që këtu u prishën marrëdhëniet e tua me Fergusonin?

- Kam folur një herë me të dhe nuk e kam bërë më një gjë të tillë, edhe pse dua ta bëj përsëri. Te Reali nuk kam ikur vetë me dëshirën time, por ashtu u krijua një situatë, në të cilën më takonte mua të vendosja për të ardhmen. Reali i Madridit po interesohej për mua dhe unë mendova se ishte një nga klubet më të mira, nëse do të më duhej të largohesha. Duke qenë se te Mançesteri drejtuesit nuk më donin më, atëherë u largova për në Madrid. Nuk u largova nga Mançesteri se pata ndonjë arsye personale apo se duhej të fitoja më shumë para. Unë nuk jam një person i tillë dhe këtë e dinë të gjithë ata që më njohin.

- Ju keni fituar shumë famë dhe jeni një nga futbollistët më të dashur në të gjithë botën. E përdorni statusin që keni krijuar për veten, pasi me këtë rast keni mundësi për të fituar shumë para?

- Unë mundohem të mos luaj vetëm rolin e futbollistit. Kam dhënë maskimumin tim për të ndihmuar të tjerët dhe nuk ka qenë arsyeja e karrierës sime si futbollist që më ka bërë të famshëm. Mua mund të më njohë edhe një fëmijë 10 vjeç, por ai nuk di se unë kam fituar 6 kampionate dhe një Ligë Kampionesh. Mundohem të jem sa më i mirë me të tjerët dhe t'i ndihmoj sa më shumë ata.

- Te Mançesteri keni arritur shumë suksese. Çfarë mund të thoni për karrierën tuaj te Reali i Madridit?

- Në Spanjë më është dashur të ambientohem me një lloj tjetër loje. Nuk duhet të markosh shumë këtu, pasi edhe arbitrat janë ndryshe. Pastaj, secili trajner ka pasur ide të ndryshme për mua. Karlos Kueroz kërkonte që unë të isha zëvendësuesi ideal i Klod Makeleles, ndërsa Kamaço dhe Garsia Remon donin që të luaja në qendër të mesfushës, për mos të lënë si zëvendësues Luis Figon, i cili luante me ne atëherë. Kjo gjë nuk më ka ndihmuar. Gjithsesi kam pasur besim në vetvete, për faktin se kam luajtur gjithmonë. Arrita të krijoja besimin te shokët e ekipit dhe ata gjithashtu kishin besim tek unë. Ne shkojmë shumë mirë me njëri-tjetrin dhe kjo na ndihmon në fushën e lojës. Më pëlqen shumë këtu. Kam luajtur dhjetë vite në Angli dhe ndryshova jetë. Jam mësuar me jetën dhe me lojën spanjolle, dhe tani ndihem shumë mirë.

- Ju keni pasur fatin të luani ndaj shumë futbollistëve cilësorë. Kush mendoni se është më i miri në botë?

- Unë jam i sigurt kur them se Ronaldinjo është më i miri në botë. Ai i ka merituar të gjitha çmimet që ka marrë si lojtar. Do të doja shumë ta kisha në ekip dhe të luaja me të. Ka një talent të jashtëzakonshëm. Do të ishte i mirëpritur në "Bernabeu". Ai është një përforcim i duhur për të fituar trofe me klubin ose me kombëtaren. Barcelona është një ekip i fortë dhe i bashkuar. Për të qenë i sinqertë, kur kam ardhur te Reali, mendoja se do ta kishim ne atë ritëm. Mund të blesh shumë lojtarë dhe të shpenzosh shumë para, por nëse nuk zgjedh ata të duhurit, nëse nuk ke trajnerin e duhur dhe nëse nuk bën lojë kolektive, atëherë nuk arrin të fitosh asnjë trofe.

- Kohët e fundit, disa probleme e kanë penguar Bekhamin të luajë në nivelin e tij maksimal.

- Po. Dëmtimi që kam, nuk më lejon të jem ai që dua në fushën e lojës. Shpresoj të mos zgjasë shumë.

- Si përfundim, çfarë mund të thoni për të ardhmen tuaj?

- Unë më parë nuk e besoja se do të largohesha nga Mançesteri, ndërsa tani them se nuk do të largohem nga Reali i Madridit. Nuk jam edhe në moshën e duhur për shumë aventura të tjera, gjithsesi nuk mund ta parashikoj asnjëherë të ardhmen...

[niku-nyc]

Reali po fillon te luaj mire dhe ne ndeshjen me Celtan beri loje te mire por ka problem me demtimet! Ka 1 problem qe ne mesfushe nuk duken shume te sigurt!
Ne pergjithesi eshte ekip me i mire nga ai i fazes se pare per momentin!!

[Davius]

Zv.presidenti i Real Madridit flet për skuadrën e tij, zërat për një transfertë të Balakut dhe të ardhmen e klubit 30-01-2006

Butragenjo: Paraja e lëviz futbollin

Zv.presidenti i Real Madridit, Emilio Butragenjo, ka një detyrë më shumë se të vështirë, aq më tepër në kohët e sotme kur punët te klubi i tij nuk po shkojnë në drejtimin e duhur. Prej dy vjetësh, Reali nuk fiton më asnjë titull, ndërkohë që thuajse çdo javë flitet për një blerje të re. Cili trajner do të vijë, kush do të qëndrojë? Cili futbollist do të largohet, cili mund të vijë i ri? Këto pyetje shqetësojnë aktualisht të gjithë botën e futbollit, por prekin edhe futbollin gjerman, pasi aty po përflitet gjithnjë e më shumë një largim i mundshëm i Mikael Balakut në Madrid. Për këto dhe të tjera flet në këtë intervistë drejtuesi i lartë madrilen, Butragenjo.

- Zoti Butragenjo, a e dini që edhe në Gjermani, fjala "Real Madrid" vjen menjëherë pas fjalëve: "Botëror, para të të drejtave televizive dhe shkarkime trajneri"?
Besoj se nuk ndodh gjithmonë kështu. Por cili është shkaku?
Mikael Balak?

- E çfarë lidhje ka kjo?

- Balaku? Nuk është në tratativa me ju?

- (qesh) Mikael Balak është padyshim një nga lojtarët më të mirë në botë. Por ne kemi krijuar një grup të mirë me lojtarët dhe me trajnerin që kemi, kështu që nuk mendojmë për ndryshime për momentin. Veç kësaj kemi edhe marrëdhënie të mira me Bajernin e Mynihut dhe, me sa di unë, Balaku ndihet shumë mirë atje.

- Spekullohet shpesh me faktin se Reali s'po negocion për të marrë Balakun, pasi pret vendosjen e pasardhësit të trajnerit Lopez Karo në verë. Sa të vërteta janë këto zëra?

- Zoti Lopez Karo ka një kontratë deri në fund të sezonit dhe gëzon besimin tonë të plotë. Pastaj, do të shikojmë se çfarë do të bëjmë. Por dua t'ju bëj me dije se te Reali gjërat janë ndryshe nga ç'keni dëgjuar në klubet e tjera. Edhe pse mund të tingëllojë pak e ashpër, te ne vendos klubi për të blerë lojtarë dhe jo trajneri.

- Në fakt, kjo tingëllon pak ashpër...

- Por në fakt nuk është kështu. Kjo është thjesht një ide parimore. Real Madridi ka qenë gjithmonë më i madh se gjithë të tjerët që kanë punuar për të. Për këtë, ai merr lojtarët te të cilët ka besim, kjo është ideja jonë. Detyra e trajnerit është të stërvisë futbollistët.

- Përflitet gjithashtu emri i një trajneri gjerman, ai i Otmar Hicfeldit, por edhe ai i Fabio Kapelos së Juventusit për postin e teknikut të Realit.

- Otmar Hicfeld është vërtet një trajner shumë i mirë, që, me sa di unë, ka fituar shumë, sidomos me Bajernin, ndërsa për sa i përket Kapelos, flitet gjithashtu që ai ka pranuar të vijë te ne, me kusht që Reali të marrë disa lojtarë, gjë që nuk ka si të ndodhë, për arsyet që ju thashë më sipër.

- Zoti Butragenjo, jeni vërtet diplomat në përgjigjet që jepni. Por le të flasim tani për Bundesligën. Si e shikoni atë në krahasim me kampionatet e tjera europiane?

- Aktualisht, ajo nuk është aq e fortë sa më parë.

- A shikoni ndonjë arsye për këtë?

- Unë mendoj se është paraja. Lojtarët më të mirë shkojnë gjithmonë aty ku fitojnë më shumë. Dhe ndoshta në Bundesligë qarkullon shumë pak paraja. Një gjë e tillë vihet re më së miri në Itali. Më përpara, atje ishin rrogat më të larta. Ndërsa tani stadiumet janë bosh, shumë klube kanë vështirësi financiare dhe papritur Seria A nuk është më kampionati më i dëshiruar. Për mua është paraja ajo që e vë në lëvizje futbollin.

- Si e parashikoni përballjen e afërme mes futbollit gjerman dhe atij italian, e përfaqësuar nga Bajerni dhe Milani, në ndeshjen e tyre në Ligën e Kampioneve?

- Do të jetë padyshim një ndeshje shumë e bukur për t'u ndjekur, pasi unë mendoj se do të vihen përballë edhe dy shkolla të ndryshme futbolli, ajo italiane, e përfaqësuar më së miri nga Milani, dhe ajo gjermane, ku natyrisht Bajerni ka bërë epokë. E shikoj një ndeshje të hapur për çdo rezultat.