Tifozët e FC Real Madridit...#7

[Davius]

Mesfushori synon ta mbyllë sezonin me një paraqitje dinjitoze në Gjermani 2006 15-02-2006

Ronaldo: Synoj finalen e botërorit

Futbollisti i Mançester Junajtidit dhe kombëtares së Portugalisë, Kristiano Ronaldo, ka folur për veten dhe për skuadrat që ai luan, gjatë prezantimit të fanellës së re të ekipit të tij kombëtar. Ai beson se me Portugalinë do të synojë të arrijë të njëjtin rezultat si në Euro 2004. Skuadra e tij arriti të jetë finaliste e kampionatit europian dhe u mund në finale nga Greqia. Futbollisti i talentuar ka shumë besim te skuadra e tij dhe te forma, pasi është paraqitur shumë mirë kohët e fundit.

Ai arriti të shënojë dy dygolësha në ndeshjen ndaj Fulhamit dhe më pas ndaj Portsmuthit. "Të arrish finalen në Kupën e Botës, është një synim i madh. Ne kemi një skuadër me kualitete dhe jemi duke punuar shumë. Jemi shumë të sigurt se me punën që po bëjmë, kemi për t'u paraqitur shumë mirë në Gjermani dhe prej besimit që kemi në vetvete, ka ardhur dhe synimi i lartë në kompeticion. Për sa i përket nivelit personal, po kaloj një formë shumë të mirë. Kam arritur të jem më në fund i stabilizuar në skuadër, pas një periudhe me mungesa.

Kam shënuar katër gola në dy ndeshje të kampionatit dhe kam fituar shumë besim tek aftësitë e mia. Gjithsesi dua të përmirësohem akoma. Jam duke punuar shumë dhe dua t'i ndihmoj sa më shumë të dyja skuadrat e mia, Mançesterin dhe Portugalinë. Nëse vazhdoj të përmirësohem, do të jap një kontribut të madh në Angli dhe do të jem në një formë të shkëlqyer për Kupën e Botës," - tha Ronaldo. Në fakt, ai ka fituar edhe shumë besim te tifozët e "Djave të kuq" pas paraqitjeve të fundit dhe ata shpresojnë që futbollisti i skuadrës së tyre të zemrës, të vazhdojë serinë e golave edhe në ndeshjen e Kupës së Anglisë, kundër Liverpulit.

[Davius]

Mesfushori francez pohon: Nëse gjërat shkojnë si duhet, do të vazhdoj me Realin edhe pas botërorit 16-02-2006

Zidan, "lamtumira" mund të presë!

Zinedin Zidan ka deklaruar se kërkon të shijojë çdo moment të mbetur nga karriera e tij futbollistike dhe për herë të parë i hap derën mundësisë për të luajtur edhe në sezonin e ardhshëm me Realin e Madridit. "Nëse gjërat shkojnë ashtu si duhet dhe fiziku ma lejon, do të ishte mirë të luaja edhe në vitin 2007. Nuk e kam përjashtuar këtë mundësi."

Më pas, francezi beson te mundësitë që ka Reali për t'u shpallur kampion në Spanjë dhe garanton se do të japë maksimumin për t'i shtuar tituj të tjerë "palmaresit" të tij: "Nuk më ka mbetur edhe shumë kohë dhe për këtë do të jap maksimumin që të shijoj fitore dhe trofe të tjerë. Po punoj me entuziazëm së bashku me Lopez Karon. Me të skuadra ka gjetur rezultatet dhe ndihemi më mirë fizikisht. Po i drejtohemi formës ideale dhe loja jonë po përmirësohet nga ndeshja në ndeshje." Zidani garanton se te Reali janë futbollistët e duhur dhe i vetmi problem ishte bashkimi i grupit. Tani që diçka e tillë ka ndodhur, rezultatet po duken në fushë.

"Duket qartë që tani jemi një ekip më "i rregullt", që di se si arrihet te fitorja. Nëse nuk do të kishim gabuar në dy muajt e parë të sezonit, tani do të ishim në pozita edhe më të favorshme." Rritja e rendimentit të mesfushorit francez ka përkuar me rritjen e nivelit të lojës "merengese". Ky është shembulli më i mirë i aftësive të jashtëzakonshme të Zidanit. Aftësi të cilat do t'i duhen, jo pak, Realit në ndeshjen e 1/8 të Ligës së Kampioneve, ndaj Arsenalit. "Zizu" u shpreh: "Kam filluar të mendoj prej kohësh për Arsenalin. Eshtë një ekip i vështirë për t'u mundur, por jemi gati të bëjmë gjithçka për t'ia dalë mbanë.

Liga e Kampioneve është objektivi ynë kryesor në këtë sezon. Mendoj se do të bëjmë diferencën në ndeshjen e kthimit në "Santiago Bernabeu"." Në sfidën ndaj "Topçinjve", Zidani do të ketë si kundërshtar Tierri Henrinë. Përkrah këtij të fundit, mesfushori i Realit ka fituar Kupën e Botës dhe kampionatin europian me kombëtaren franceze. Zidani përgatitet që në "Gjermani 2006", të luajë botërorin e fundit të karrierës së tij dhe kërkon të largojë euforinë nga përfaqësuesja franceze. "Duhet të punojmë dhe të djersisim në çdo ndeshje. Takimet e botërorit janë gjithmonë të paparashikueshme. Duhet të bëjmë kujdes ose ndryshe do të përfundojmë si në botërorin e kaluar."

Në botërorin e zhvilluar në vitin 2002 në Kore dhe Japoni, Franca, që luante me titullin e kampiones së botës, nuk arriti të kalojë as fazën me grupe. Një tjetër dështim ishte edhe Euro 2004, pas eliminimit nga Greqia në çerekfinale. Situata e Francës vazhdoi të mbetej delikate edhe në eliminatoret e botërorit, por rikthimet e Zidanit, Makeleles dhe Turamit e ndihmuan skuadrën e Domenekut në arritjen e kualifikimit. Në fund të deklaratës së tij, Zidani u shpreh: "Në Gjermani do të kemi pretendimet tona, pasi shkojmë me një ekip të përgatitur. Kam besim se do të jemi në 100% të mundësive tona."

[shaqo]

Davius Zidanit I Kane Rene Breket Me Kohe Tani Eshte Vetem Per Reclama Qe Te Futeni Ne Loje Vitin Tjeter Per La Liga Duhet Te Mbeshteteni Te Brazilianet .se Po Pritet Te Zidani Prap Venin E 2 Keni Me Vjen Mire Qe Ndjek Me Shume Futbollin Spanjoll Se Eshte Me Spektakular Pepinot Italis Nuk Shi Fen Me Sy Mo Per Mu Ke Qen Numri Nji Para Disa Vitesh Qe Kur Bon Pisllikun Me Ronin Qe Humi Interi Campionatin Sa Te Jete Moggi Drejtues I Juves Kshu Do Shkoj Campionati Nji Here Milan Dy Here Juve Bye Gjithe Te Mirat

[Davius]

Mbrojtësi brazilian ka thënë se ndaj Saragozës skuadra "merengese" ka treguar motivimin e duhur 17-02-2006

R.Karlos: Synojmë titullin dhe Championsin


Ramos: Betisi mund ta ndalojë Barçën

Serxho Ramos, mbrojtësi i Realit të Madridit, ka treguar se ka besim dhe se do të kishte shumë dëshirë që Betisi ta ndalonte Barcelonën. "Unë jam një futbollist rival i Betisit, pasi vij nga Sevilja, gjithsesi mendoj se ka fuqinë e duhur për të bërë rivalitet të madh ndaj Barçës. Shpresoj të arrijë një rezultat të mirë," tha Ramosi.

Edhe pse me inatin që nuk skuadra nuk arriti të shënojë golin e pestë, Roberto Karlos ka folur për gjithçka dhe është shprehur shumë optimist për skuadrën e Realit të Madridit. Ai ka deklaruar se skuadra madrilene tregoi se sa e fortë është në ndeshjen ndaj Saragozës. Ajo paraqitje ishte e mahnitshme dhe në fakt kishte kohë që nuk kishim parë një Roberto Karlos aq shumë aktiv dhe të motivuar në fushën e lojës. Në intervistën e tij, braziliani ka përmendur edhe punën e madhe të trajnerit Lopez Karo.

Çfarë mund të na thoni për fitoren 4 0 ndaj Saragozës, në Kupën e Mbretit?

Me thënë të drejtën, na erdhi shumë inat që nuk arritëm të shënonim golin e pestë, pasi e merituam, po ashtu siç meritonim finalen. Në fushën e Saragozës bëmë një gabim të madh dhe pësuam gjashtë gola, çka nuk është normale edhe një avantazh për kundërshtarin. Gjithsesi, ne treguam se çfarë jemi të aftë të bëjmë në ndeshjen e dytë dhe në fakt të gjithë u kënaqën me paraqitjen që bëmë. Kjo na ka dhënë më shumë besim tek aftësitë tona.

Mund të luani gjithmonë si ndaj Saragozës?

Duke filluar që tani, mund të themi se jemi shumë të frymëzuar për të dhënë maksimumin në fushën e lojës. Në fakt kemi arritur në një pikë që nuk na falen gabimet dhe duhet të arrijmë vetëm rezultate pozitive. Unë kam besim se jemi të aftë për të fituar si kampionatin, edhe Ligën e Kampioneve. E di se çfarë fuqie ka skuadra dhe mendoj se tani mund ta tregojmë vazhdimisht në fushën e lojës. Ndaj Arsenalit do të paraqesim Realin e vërtetë dhe do të konfirmojmë se jemi favoritët kryesorë për të fituar kompeticionin europian.

Cili është më i vështirë, kampionati apo Liga e Kampioneve?

Ne nuk do të veçojmë asnjë nga të dy trofetë. Do të luajmë të gjitha ndeshjet që do të kemi, me motivimin dhe shpirtin e garës që treguam ndaj Saragozës. Kampionati është bërë vërtet interesant, pasi Barcelona nuk ka më një avantazh shumë të madh. Tani duhet të fitojmë sa më shumë pikë që të jetë e mundur. Ndërkohë që Liga e Kampioneve është një trofe që na pëlqen shumë. Mendoj se do ta fitojmë. Jemi gati të vdesim në fushën e lojës, vetëm që të fitojmë një trofe të rëndësishëm në këtë sezon.

Çfarë mund të thoni për "Santiago Bernabeun" në ndeshjen kundër Saragozës?

Ishte i jashtëzakonshëm. Kam dhjetë vite që luaj me Realin dhe nuk e kisha parë ndonjëherë stadiumin të mbushur plot me tifozë që na përkrahnin gjatë gjithë kohës. Ishte një ndeshje shumë emocionuese dhe shpresoj që të jenë shumë të tilla. Mendoj se do të kishte qenë një mbrëmje perfekte nëse do të kishim shënuar edhe golin e pestë.


Çfarë faji mendoni se ka trajneri i ri?

Lopez Karo është trajneri që na ka befasuar të gjithëve. E bën punën e tij me shumë profesionalizëm. Kërkon shumë punë dhe i ka idetë e qarta. Mendoj se është një trajner i shkëlqyer. Lopez Karo punon shumë dhe flet pak. Më pëlqen gjithashtu se është një njeri shumë i mirë dhe luan rolin e prindit në disa raste.

Të flasim për të ardhmen. Na thoni ndonjë gjë të re.

Unë i kam vënë disa synime vetes. Në fakt kam vendosur të luaj futboll deri në moshën 38 vjeçare dhe gjatë gjithë kësaj kohe nuk do të largohem nga Reali i Madridit. Klubi mund të blejë shumë futbollistë të rinj dhe të talentuar, dhe unë i uroj gjithë të mirat, gjithsesi nuk kam ndër mend të largohem. Jam i dashuruar me Madridin.

[Davius]

Anglezi që po përjeton momentin më të mirë, që kur ka kaluar te Reali, pohon: Kam tre vjet që pres Championsin 18-02-2006

Bekham, tani fillon e bukura


Lopez Karo grumbullon Raulin

Sulmuesi spanjoll Raul është grumbulluar në skuadrën e Realit për ndeshjen e sotme ndaj Alavesit, duke i dhënë fund kështu një dëmtimi që e ka mbajtur për tri muaj larg fushave të lojës. Kapiteni i "merengesve", që do ta nisë ndeshjen nga stoli, ka plot dy muaj kohë për të gjetur formën e duhur për në finalet e Kupës së Botës.

Devid Bekham po kalon momentin e tij më të mirë, që kur ka mbërritur në Madrid. Anglezi ka gjetur formën e duhur për të ndihmuar "merengesit" që t'ia dalin mbanë në Ligën e Kampioneve ndaj Arsenalit: "Championsin e pres me padurim prej tre vitesh." Ja cila ka qenë intervista e mesfushorit për të përditshmen "Marca":

- Si është e mundur që Reali është rikthyer një skuadër fituese me ndryshimin e trajnerit?

- Eshtë e pabesueshme sa kemi ndryshuar në tre muajt e fundit. Jemi një ekip i ri. Mendoj se Lopez Karo ka punuar shumë mirë dhe ka arritur ta bashkojë skuadrën, duke i dhënë asaj moralin e duhur për t'u rikthyer në majë. Po kalojmë një periudhë të shkëlqyer.

- Pra, Lopez Karo është ndryshe nga Lukesmburgo...

- Nuk ka ndryshime ndërmjet tyre, thjesht tani ekipi është më i kompeltuar. Lopez Karo na e ka rikthyer pasionin dhe kjo duket në terrenin e lojës.

- Ju keni ndryshuar pozicion. Tani luani sërish në të djathtë...

- Ashtu është. Mua më pëlqen të luaj në qendër, por trajneri ka vendosur të më aktivizojë në krah. Përderisa rezultatet kanë qenë pozitive, nuk mund të ankohem. Personalisht, ndihem i lumtur te Reali dhe po kaloj momentin më të mirë që kur kam mbërritur në Madrid. Jam në "top" të formës sime.

- Të martën, ndaj Saragozës në Kupën e Mbretit, "Bernabeu" përjetoi një natë magjike, por mbeti një gol larg nga mrekullia. Si janë marrëdhëniet tuaja me tifozët?

- Ishte një natë e paharrueshme, por më vjen keq që për një gol nuk e arritëm finalen. Tre gola në dhjetë minuta, dhe të katërtin, kur mbeteshin edhe 60 minuta lojë, një dhuratë për publikun e mrekulleshëm. Ka qenë ndeshja ime më e bukur në "Bernabeu". Ndoshta për këtë u dëshpërova pa masë për eliminimin. Nuk mund ta krahasoj as me përballjet ndaj Barçës. Kam marrëdhënie shumë të mira me tifozët.

- Ndoshta ka ardhur edhe koha për trofeun tuaj të parë me Realin... - Gjërat po shkojnë mirë dhe optimizmi nuk na mungon. Do të luajmë ndaj Arsenalit në Champions dhe do të jetë si ndeshja e jetës për ne. Kemi mundësi të fitojmë Ligën e Kampioneve dhe do të bëjmë gjithçka për të arritur në finalen e Parisit. E pres me padurim prej tre vitesh këtë trofe.

- Po afron sfida me Arsenalin...

- Më kujton ndeshjet e para të karrierës sime me Mançesterin. Ndeshjet ndaj tyre ishin gjithmonë më të vështirat. Edhe tani asgjë nuk ka ndryshuar.

- Keni nostalgji për Anglinë. Ku do të jetë e ardhmja e Devid Bekhamit?

- Sigurisht që kam nostalgji, por jam ende një futbollist. Si i tillë, nuk më shkon ndërmend të largohem nga Reali.

- Po në jetën jashtë fushe, si ndiheni në Madrid?

- Në Madrid, në jetën time të përditshme, gjithçka është e bukur. Edhe në fushë luaj i qetë. Familja dhe futbolli, pasionet e jetës sime, kanë kushte ideale në këtë qytet.

[Davius]

Devid Bekham: Jam në maksimum!

Raul: Ndihem sërish një futbollist

Kapiteni i Realit të Madridit, Raul, pas ndeshjes ndaj Alavesit, në të cilën ai u rikthye, pas tre muajsh në infermieri, tha se i duhej ende punë për të arritur në nivelet më të larta. Spanjolli u dëmtua në fund të nëntorit në ndeshjen e humbur ndaj Barçës. "Jam shumë i lumtur për rikthimin tim, - tha sulmuesi. - Eshtë e rëndësishme që e fillova me sukses fazën e fundit të riaftësimit. Tani do të përpiqem të shfrytëzoj minutat që më jepen, për t'iu afruar formës ideale. Kam ende punë për të bërë, por e rëndësishme është që ndihem sërish një futbollist."

Po përjeton një moment të artë dhe kërkon ta shfrytëzojë sa më shumë të jetë e mundur. Devid Bekham po tregon në çdo ndeshje se ka arritur në nivelet e lij më të larta, që kur luan me fanellën "merengese". Forma e mirë që po kalon Reali i Madridit, është e lidhur ngushtë edhe me "shpërthimin" e anglezit. Ja cilat kanë qenë disa nga temat, për të cilat ka folur mesfushori gjatë konferencës për shtyp, dhënë dje në Madrid.

Forma aktuale: "Ndaj Alavesit pësova një goditje në këmbë, por tani jam mirë. Përpara ndeshjes me Arsenalin do të punoj në pishinë dhe mendoj se do të jem në gjendje perfekte për këtë takim. Ndihem shumë mirë dhe rezultatet që po arrin Reali, me japin moralin e duhur për të vazhduar punën. Fitorja ndaj Saragozës në Kupën e Mbretit, pavarësisht nga eliminimi, na e shtoi dyfish besimin në aftësitë tona. Skuadra po përmirësohet dita-ditës dhe personalisht jam i kënaqur me rendimentin tim. Jam në momentin më të mirë të karrierës, por e ndiej se kam ende për të përmirësuar. Për këtë po më ndihmon edhe trajneri. Gjithçka është perfekte. Kur Reali luan ashtu siç di, asnjë skuadër nuk mund të krahasohet me të."

Sfida me Arsenalin: "Kam pritur tre vjet për të luajtur në Angli dhe nuk dua të zhgënjej. Do të kisha dëshirë të sfidoja Mançesterin, por edhe një ndeshje në Londër është shumë e rëndësishme për mua. Skuadra po arrin të shprehë potencialin e vërtetë dhe besoj te një ndeshje e mirë ndaj Arsenalit. "Topçinjtë" janë një skuadër mjaft e rrezikshme dhe me një trajner të shkëlqyer, por besoj se Reali nuk do të zhgënjejë. Na duhet të zhvillojmë një ndeshje të madhe në Londër, për të pasur një punë më të lehtë në Bernabeu."

Kombëtarja angleze: "Janë hapur shumë zëra në lidhje me trajnerin e ri të kombëtares, por mendoj se ajo që duhet të bëjmë aktualisht, është të përqendrohemi te Kupa e Botës. Në Angli ka shumë trajnerë të aftë, por edhe një zgjidhje jashtë saj nuk do të ishte e keqe. S'e di çfarë do të bëjë federata. Personalisht jam i mendimit se me Eriksonin mund të luajmë një botëror të madh dhe po punoj vetëm për këtë. Jam i përqendruar maksimalisht te botërori."

Barcelona: "Barcelona është një ekip i habitshëm për aftësitë e disa futbollistëve si Ronaldinjo apo Mesi, por për momentin ne te
Reali ndihemi më të fortë."

Rinovimi kontratës: "Më pëlqen të luaj në këtë klub dhe në këtë kampionat, por deri tani nuk kam biseduar me presidentin në lidhje me rinovimin. Kemi rënë dakord që të fillojmë bisedimet pas dy javësh. Pra, pas ndeshjes së kthimit ndaj Arsenalit. Të gjithë e dinë se dëshira ime është të vazhdoj edhe për shumë vjet karrierën në Madrid."
Raul dhe Udgejt: "Rauli është një futbollist i madh dhe më gëzon fakti që është kthyer në kohë për të na ndihmuar në pjesën e dytë të sezonit. Për mua, Udgejti është i rëndësishëm, pasi kam nevojë për një shok anglez. Ka gjetur formën optimale dhe më vjen mirë për këtë. Xhoni mund të bëhet numri 1 në rolin e tij. I duhet vetëm pak fat më shumë."

[bavarezi5]

Ronaldo: Do të largohem nga Reali

Sulmuesi brazilian, Ronaldo, i ka shokuar të gjithë kur ka thënë ditën e hënë se mund të largohet nga Reali i Madridit në fund të sezonit. "Unë asnjëherë nuk jam ndjerë si në shtëpinë time te Reali i Madridit. Tifozët nuk janë sjellë asnjëherë me dashuri me mua. Ata nuk më kanë pranuar asnjëherë. Në fakt unë gjithmonë e kam thënë se nuk dua të qëndroj në një vend ku nuk më duan. Pas Kupës së Botës do të mendoj seriozisht për mundësinë për t'u larguar nga Reali i Madridit. Nuk e di se si do të sillen tifozët pas kësaj deklarate, por për të qenë i sinqertë, nuk më intereson më," - tha Ronaldo.

[inter_forever]

Ne oren 20:30 ne nje mbledhje urgjente presidenti Real Madrid FLORENTINO PEREZ ka dhene doreheqjen .

PEREZ ka qene president qe nga viti 2000 dhe gjate presidences se tij Real ka fituar 2 Kampionate 2001 e 2003 , Champions 2002 , Superkupen spanjolle 2001 e 2003 , Superkupen e europes 2002 .

Ne vend te tij Perez ka propozuar zevendesin Fernando Martin Alvares .

<< Besojme qe Real ka nevoje per nje ndryshim . Ky eshte momenti em i pershtatshem per te lene presidencen . Jam i bindur qe ketu dop filloje kthesa per t e cilen ka nevoje klubi >>

[inter_forever]

Konflikt Ronaldo - Raul .

Para doreheqjes se PEREZ ka bere pershtypje debati midis Raul dhe Ronaldo .


Para ndeshjes me Arsenal RONALDO deklaroi qe mund te largohet nga Real ne fund te sezonit , sepse publiku nuk e do dhe vetem e fishkellen .
Edhe para disa kohesh RONALDO i kerkoi ndihme publikut , q e ti mbeshteste dhe jo vetem ti f ishkellente pasi ndiheshin sikur loznin jashte fushe dhe jo ne Bernabeu.


Pas humbjes kunder ARSENAL , RAUL kritikoi Ronaldon per deklaratat e para ndeshjes duke justifikuar qendrimin e publikut . Sipas tij publiku ka fishkellyer edhe lojtare te medhenj ne historine e Realit , ndaj Ronaldo beri gabim me ato deklarata .


Sot , pas humbjes me Maiorcen , RONALDO i pergjigjet kritikave te RAUL :
<< Cdo njeri thote ate qe deshiron , por fjalet e Raul e perkeqesuan situaten. Raul eshte pergjegjes per fjalet e tij dhe une per te miat . Une desha vetem qe publiku te kuptonte situaten time . Megjithate une dua te loz mire dhe te shenoj gola , keshtu qe do ja mbyll gojen shume personave . Deshiroj te fitoj respektin e tifozave , sepse jam ne klubin me te mire ne bote >>

[Davius]

Perez ka bere hapin e duhur, nuk kishte sukses politika e tij ne Madrid.

Suksese kryetarit te ri, Fernando Martín Álvarez.