Tifozët e FC Real Madridit...#7

[Davius]

4– REAL MADRID: Casillas; Cicinho, Sergio Ramos, Mejía, Roberto Carlos (Raúl Bravo 67´); Gravesen (Soldado 79´), Guti, Beckham, Robinho; Baptista.

2 – SEVILLA: Palop; David, Alves, Dragutinovic, Aitor Ocio; Maresca, Navas (Kepa 86´), Martí, Adriano (Jesuli 63´) Luis Fabiano (Jordi 80´) y Kanouté.

[Davius]

Ballina e te perditshmes "MARCA" ne lidhje me ndeshjen e fundit te Realit, ku shkelqyen Zidane dhe Guti. Reali fitoni bindshem me rezultat 4:2 ku nje tregolesh shenoi Zidane.......dhe nje Guti....

[Davius]

L. Karo: Bekhami ndihet mirë me ne

Trajneri i Realit të Madridit, Huan Ramon Lopez Karo, i ka përgënjeshtruar deklaratat e Eriksonit dhe ka folur për gjendjen e Bekhamit në ekip. "Devidi është një futbollist shumë profesionist. Ai është shumë i kënaqur në skuadër dhe jep gjithmonë maksimumin në fushën e lojës. Ju thjesht duhet ta shihni duke luajtur.

Nuk e kuptoj se si mund t'u besoj atyre fjalëve," - tha Lopez Karo. Në fakt, trajneri i Anglisë, Sven-Goran Erikson, ra në "kurthin" e një gazetari. Ai luajti rolin e një biznesmeni të fuqishëm arab dhe i ofroi Eriksonit një vend pune si trajner i Aston Vilës, pasi të blinte klubin anglez. Në fakt, trajneri suedez kishte deklaruar se do ta linte detyrën e tij dhe mund të merrte në skuadër lojtarë si Devid Bekham.

Ai kishte shtuar se kapiteni i Anglisë është i pakënaqur te Reali i Madridit dhe se mund të largohej pa problem. "E di me siguri që ai do të kthehet në Angli. Nëse do të jetë klub londinez, ai do të vinte që nesër. Unë mund ta bind që të vijë te skuadra ku do të jem," - ka thënë Eriksoni.

Bekhami nuk ka arritur të fitojë asnjë trofe që kur u transferua nga Mançesteri për te Reali i Madridit, në verën e vitit 2003. Ai ka një kontratë që skadon në vitin 2007 dhe drejtuesit e klubit madrilen po përgatisin një ofertë që futbollisti të zgjasë kontratën deri në vitin 2009.

Bekham: Nuk largohem nga Reali

Devid Bekham ka deklaruar se fjalët e Eriksonit janë të pavërteta dhe se ai nuk do që të largohet nga Spanja. Sipas Eriksonit, kapiteni i Anglisë mund të vinte te një klub të tjetër. Zëdhënësi për shtyp i futbollistit madrilen tha: "Ai nuk ka asnjë mendim që të transferohet në klub tjetër apo të kthehet në Angli.

Është shumë i përkushtuar pas Realit të Madridit dhe nuk e ka menduar asnjëherë largimin. Për sa u përket deklaratave që janë dhënë, ato janë të pavërteta. Nëse është thënë se Bekhami është i pakënaqur, pasi në skuadër janë ndërruar shumë trajnerë, futbollisti kërkon të sqarojë se nuk ka rëndësi se sa trajnerë ndërrohen. E rëndësishme është që klubi të fitojë trofe."

[Davius]

Mesfushori francez ka shënuar ndaj Seviljes tregolëshin e parë të karrierës së tij të lavdishme 17-01-2006

Zidane: 34 vjet për një tregolësh

Mesfushori i Realit të Madridit, Zinedin Zidane, është rikthyer në formën e tij më të mirë. Ai ka disa ndeshje radhazi që po paraqitet mjaft mirë në fushën e lojës dhe në fakt, në sfidën kundër Seviljes, ku Reali fitoi 4-2, francezi shënoi plot tre gola. Ai ka treguar se mosha e tij nuk ka ndikuar në cilësitë e tij si lojtar dhe se klubi madrilen po rritet ndjeshëm.

Zidane është shumë i kënaqur me fitore, me ekipin dhe me tre golat e shënuar. Sipas tij, golat që ka shënuar, janë rezultat i punës së mirë që ka bërë individualisht dhe me ekipin.

"Mund të themi që pak e nga pak po përmirësohemi dhe jemi në rrugën e duhur për të qenë si Reali i vërtetë i Madridit. Po punojmë së bashku si skuadër dhe çfarë ndodhte më parë ishte jo normale. Ne kemi akoma për t'u përmirësuar dhe nuk mund të themi se gjithçka po shkon mirë. Ne fituam një ndeshje të kampionatit, por vetëm kaq. Personalisht ndihem shumë mirë.Fizikisht jam shumë mirë dhe në një formë të shkëlqyer. Për momentin mendoj vetëm për të punuar sa më shumë, në mënyrë që të paraqitem sa më mirë në fushën e lojës," - tha Zidane.

Ai nuk e filloi sezonin në mënyrën e duhur, pasi që në fillim pësoi një dëmtim. "Është hera e parë në karrierën time që shënoj tre gola dhe nuk është keq që ta arrish një gjë të tillë edhe kur je afërsisht 34 vjeç. Gjithsesi, më e rëndësishmja është që arritëm të fitonim ndeshjen. Skuadra është në rrugën e duhur dhe tani duhet të mendojmë për të arritur suksesin në çdo ndeshje," - tha ai.

Klubi madrilen nuk është në situatën e duhur edhe në këtë sezon, duke qenë se ka dy vjet që nuk fiton asnjë trofe. Për sa i përket luftës për kampionat, "galaktikët" e kanë shumë të vështirë. Pas fitores ndaj Seviljes, madrilenët u renditën në vendin e katërt në renditje, tri pikë pas Valencias dhe 13 pikë larg kryesuesve të Barcelonës. Katalanasit duken të papërmbajtshëm në këtë sezon dhe duket si e pamundur që Reali t'i arrijë. Gjithsesi është akoma në garë për Kupën e Mbretit.

Madrilenët kanë siguruar një vend në çerekfinalet e Kupës së Mbretiti, pasi eliminuan me rezultatin 4-0 Atletikun e Bilbaos. Në raundin tjetër ata do të përballen me skuadrën e Betisit, që nuk është një kundërshtar i pakalueshëm. Ndërkohë, në Ligën e Kampioneve nuk mund të themi se është favorit, pasi rivaliteti është i madh. Deri tani është në garë dhe u takon atyre të vendosin për ecurinë në kompeticionin europian.

"Galaktikët" duket se po e kuptojnë që deri tani paratë e shpenzuara nuk kanë sjellë asnjë rezultat, ndaj u takon futbollistëve për të justifikuar atë që fitojnë.

[Davius]

Spanjolli që ka fituar vendin e titullarit te Reali, synon kombëtaren e Aragonesit

Guti: Botërori, ëndrra ime

Mesfushori i Realit të Madridit, Guti, ka shprehur dëshirën e tij për t'u rikthyer në kombëtaren spanjolle, e cila do të marrë pjesë në finalet e Kupës së Botës. "Qëllimi më i madh i të gjithë jetës sime është të luaj në një botëror, - tha spanjolli për të përditshmen "AS". Eshtë një ëndërr dhe një objektiv që i kam vënë vetes në fillim të sezonit dhe nuk mund të mos mendoj çdo ditë për të. Dua të jem në Gjermani dhe shpresoj që të ndodhë diçka e tillë." 29-vjeçari është futur në rrethin e kombëtares spanjolle, pas ndeshjes së debutimin ndaj Kroacisë në vitin 1999.

Ndeshjen e fundit me kombëtaren iberike e ka luajtur në shkurt të vitit 2005, në fitoren 5-0 që Spanja arriti ndaj San Marinos. Mesfushori i Realit mungoi në ndeshjet vendimtare të "play off"-it ndaj Sllovakisë. Forma e mirë që ka treguar në këtë kampionat, ku ka luajtur në 18 ndeshje, e bëjnë Gutin të shpresojë sërish. Ai ishte protagonist në fitoren që arriti këtë javë Reali ndaj Seviljes.

Duke shënuar golin e parë, Guti i hapi rrugën fitores së "merengesve". Me futbollistin e Barcelonës, Ksavin, të dëmtuar, Guti është shndërruar në një pretendent serioz për në skuadrën e Luis Aragonesit, që do të luajë në Gjermani 2006. "Kam shumë besim se do të arrij botërorin, - vazhdoi Guti. - Mendoj se po kaloj një moment të mirë forme dhe futbolli im është në nivelet e kërkuara nga Aragonesi." Spanja do të bëjë pjesë në grupin H të kampionatit botëror, që fillon më 9 qershor. Iberikët do të luajnë ndaj Ukrainës, Tunizisë dhe Arabisë Saudite.

[Davius]

Sezoni i fundit për Zidanin...!

Mesfushori i Realit të Madridit, Zinedin Zidan, ka filluar të mendojë seriozisht t'i japë lamtumirën futbollit të luajtur, pas finaleve të Kupës së Botës. Shtypi spanjoll ka publikuar deklaratën e një drejtuesi të Realit, ende anonim, i cili tha: "Kemi një kontratë deri në 2007-ën me Zidanin dhe duam që magjia e tij të vazhdojë në "Bernabeu", por me sa duket francezi ka plane të tjera."

Di Stefano del nga spitali

Presidenti i nderit të Realit të Madridit, Alfredo Di Stefano, pas disa ndërhyrjeve kirurgjikale në zemër, është përfundimisht jashtë rrezikut dhe pritet të largohet nga spitali i Valencias ku ishte shtruar pas një infarkti në zemër, më 24 dhjetor. "Ndërhyrjet dhe rehabilitimi i zemrës së Alfredos kaluan me sukses. Shëndeti i tij është përmirësuar ndjeshëm dhe duke pasur kujdes një "lumë" me këshilla, mund të largohet nga spitali," - tha mjeku Ramon Valdes.

[inter_forever]

CASSANO SHENON GOLIN E PARE .

Betis - Real Madrid 0 - 1

Me shume fat ish -lojtari i Romes ne debutimin me Realin .Kishte 3 minuta qe ishte futur ne loje dhe arrin te shenoje golin e fitores per Realin ne ndeshjen e Kupes se Mbretit .

Megjithese duhet thene qe goli ishte i parregullt , se beri faull ndaj portierit .

[Davius]

Trajneri i Realit është i kënaqur me përgatitjen individuale të futbollistëve 21-01-2006

L.Karo: Të bëjmë lojë kolektive

Trajneri i Realit të Madridit, Huan Ramon Lopez Karo, ka folur për skuadrën e tij para ndeshjes me Kadizin. Ai është shumë optimist në aspektin e përgatitjes së secilit futbollist, gjithsesi mendon se duhet të punojë më shumë në aspektin kolektiv. "Jam shumë i kënaqur, pasi kam një skuadër shumë kompetitive. I kemi të gjitha mundësitë që të luajmë futboll të bukur dhe të arrijmë rezultate të mira.

Tani duhet të vazhdojmë të luajmë mirë, në mënyrë që të bindim për forcën që zotërojmë," - tha ai. Për sa i përket ndeshjes së kampionatit kundër Kadizit, ai është optimist dhe mendon se skuadra e tij do të arrijë të marrë tri pikët në "Santiago Bernabeu". "Kadizi, në aspektin kolektiv, ka punuar shumë. Luajnë lojë shumë të qetë dhe arrijnë të bëjnë kundërsulme spektakolare. Arritën të eliminonin Seviljen në Kupën e Mbretit dhe ndaj Malagës luajtën një ndeshje të jashtëzakonshme. Duhet të jemi të kujdesshëm ndaj tyre, gjithsesi kam besim te futbollistët e mi. Mendoj se ne do të arrijmë të marrim tri pikët, pasi është e vetmja mënyrë që na çon te realizimi i synimeve tona," - tha Lopez Karo.

Në fakt, çështja me të cilën janë marrë specialistët e futbollit për momentin, ka qenë krahasimi dhe vendimi për të futur Kasanon apo Robinjon. Braziliani ka treguar se është në një formë shumë të mirë, është përmirësuar ndjeshëm dhe është stërvitur shumë. Ndërkohë, Kasano nuk ka punuar aq shumë dhe ka treguar se ka nevojë për shumë stërvitje, gjithsesi arriti të shënojë golin e fitores në ndeshjen ndaj Betisit. Në fakt, vendimi i takon vetëm Lopez Karos dhe ai e di më mirë gjendjen e të dy futbollistëve.

[Davius]

Goleadossss

[swat]

urime per kassanon mu be shume qefi qe ne debutimin e tij ariti te shenonte
me mire skishte se si te fillonte
shpresoj qe ne spanje ti veje gishtin kokes e te mos perserisi te njejtat histori si ne rome edhe pse te jemi realist Real nuk eshte Roma
Suksese edhe njehere