Zgjedhjet ne Gjermani

[ALBA]

Partia e kancelarit gjerman, Gerhard Schroeder, ka pësuar humbje të rëndë në zgjedhjet e para rajonale, që kur me një shumicë të vogë votash u kthye në pushtet, pesë muaj më parë.

Sipas njoftimeve të para, Social Demokratët e kancelarit kanë dështuar pothuaj plotësisht të marrin pushtetin në shtetin Hesse dhe janë hequr nga qeveria në Saksoninë e Ulët, shtetin e lindjes së Schroederit.

Zhgënjimi publik me qeverinë gjermane, në aspektin ekonomik, e ka zbehur mbështetjen për kundërshtimin e tij të një lufte në Irak.

Kundërshtarët e tij, Kristian Demokratët kanë shtuar numrin në Dhomën e lartë federale.

[Shën Albani]

Gjermanët e Vojvodinës kërkojnë shfuqizimin e vendimeve të AVNOJ-it dhe kthimin e pronave të konfiskuara

Novi Sad, 10 shkurt - Pas Luftës së Dytë Botërore gjermanët që jetonin në Vojovodinë përjetuan kampet, persekutimet dhe u ishin marrë 600.000 hektarë tokë të pjellore. Shoqata e gjermanëve "Dunau" me seli në Novi Sad tani kërkon që të shfuqizohen vendimet e AVNOJ-it të vitit 1943, deklaratat, ligjet dhe vendimet përcjellëse me të cilat këto krime ishin lagalizuar.
Gjermanët jetojnë në territorin e Vojvodinës së sotme që nga shekulli 17 dhe deri në vitin 1939 numëronin 537.000 banorë. Tani në Vojvodinë jetojnë më pak se 4.000.
Me vendimet e AVNOJ-it nga viti 19943 në Jajce dhe me një vendim të 21 nëntorit të vitit 1944 në Beograd gjermanët u privuan nga të gjitha të drejtat dhe iu konfiskua prona e tyre e lëvizshme dhe e palëvizshme. U dha urdhër që të dëbohen nga Jugosllavia. Prej numrit të përgjithshëm rreth 200.000 prej tyre i pritën partizanët jugosllavë dhe Armatën e Kuqe. Gjatë luftës prej vitit 1941 e deri më 1944 një numër i gjermanëve u mobilizuan apo vullnetarisht morën pjesë në luftë në anën e Rajhut të Tretë.
Deri më 1944 u vranë rreth 70.000 gjermanë, kurse me mijëra të tjerë përfunduan në kampe për gjermanët, ku u keqtrajtuan edhe me uri, të privuar nga çdo ndihmë mjekësore dhe deri në mars të vitit 1948 pësuan rreth 70.000 fëmijë, gra e pleq.
Rreth 200 deri më 300 mijë qytetarë gjermanë u dëbuan nga Jugosllavia.
Prona që iu konfiskua atyre iu dha serbëve që e kolonizuan Vojvodinën.
Tani shoqatat gjermane në Vojvodinë kërkojnë që t'u njihet statusi