Per ata qe nuk e kane idene se kush eshte ambasadori i ri shqiptar ne SHBA.
Kush është Çollaku që do drejtojë ambasadën shqiptare?
Pedagogu i Italishtes ambasador në Amerikë
--------------------------------------------------------------------------------
Kreshnik Çollaku
Vendlindja: Tiranë
Datëlindja: 7 shtator 1970
Arsimi: Në vitin 1992 mbaron studimet e larta për Italisht në Fakultetin e Gjuhëve të Huaja në Tiranë
Specializimi: Në vitin 1995 mbaron një kurs pasuniversitar në Itali për gjuhën italiane
Përvoja në punë: Gjatë viteve 1995 ka punuar si pedagog në Universitetin e Gjuhëve të Huaja në Tiranë. Ndërkohë që ende sot vazhdon të japë mësim në këtë fakultet
Përvoja politike: Në vitin 1990 ka qenë një ndër studentët e Lëvizjes së Dhjetorit, si dhe themelues i Partisë Demokratike.Në vitin 1995 ka qenë anëtar i strukturave të kësaj partie. Në vitin 1998 zgjidhet kryetar i FDS-së (Federata Demokrate Studentore). Në vitin 1999 zgjidhet sekretar i përgjithshëm i Partisë Demokrate të Re. Në vitin 2001 prezantohet nga kjo parti si kandidat për deputet në zonën 33. Në vitin 2003, po nga PDR-ja, kandidohet për kryetar i bashkisë së Tiranës
Italishtja, për të cilën ai ka studiuar për vite me radhë në Fakultetin e Gjuhëve të Huaja në Tiranë, nuk do t’i hyjë më në punë aq shpesh. Kjo, për shkak se për një javë ai shkon si ambasador i Shqipërisë në Shtetet e Bashkuara të Amerikës në Uashington. Pikërisht për këtë titull, gjuha e huaj me të cilën duhet të komunikojë është anglishtja, gjuhë të cilën ai e zotëron shumë mirë. Kreshnik Çollaku, një personazh i ri i politikës shqiptare, me detyra dhe funksione partiake kryesisht në strukturat rinore të dy partive të djathta në vend, konkretisht Partisë Demokratike dhe asaj Demokrate të Re, tashmë do të mbajë mbi shpatulla një detyrë me një sens aspak rinor, madje që peshon shumë. Çollaku do të jetë deri në emërimin e ambasadorit të ardhshëm kreu i ambasadës shqiptare në Uashington, ose siç quhet në gjuhën diplomatike Ad Interim.
Student i dhjetorit
Njihet si student i dhjetorit dhe një nga themeluesit e Partisë Demokratike. Çollaku ka qenë në radhët e para të studentëve dhjetoristë dhe krah shumë figurave të njohura të Partisë Demokratike sot. Përveç pasionit për italishten, Çollaku kërkonte atëherë edhe një Shqipëri ndryshe, të hapur dhe demokratike, pra një jetë të re dhe me një qeverisje të re. Zëri i tij më pas iu bashkua zërit rinor të strukturave të para paralele të PD-së. Më i angazhuar Çollaku ka qenë në vitet 1995 – 1996, kur pas një specializimi në Itali ai kthehet sërish në Shqipëri për të qenë kryetar i Federatës Demokratike Studentore, pranë Partisë Demokratike. Shumëkush prej atyre të rinjve demokratë e mban mend Kreshnikun, drejtuesin e ri dhe të përkushtuar ndaj demokracisë.
Mes PD–së dhe PDR-së
Ashtu siç ka ndodhur jo pak herë në politikën shqiptare dhe kryesisht me partitë më të mëdha në vend, vitet 1998 – 1999 do të dyzonin personalitetin politik të Kreshnik Çollakut. Me ambiciet e tij rinore, ose siç u cilësuan reformatore, dhe të një pjese të mbështetësve e drejtuesve të Partisë Demokratike, ndoshta të cilësuara edhe si jo në linjë me “traditën” e kësaj partie, bënë që i komanduari me punë në ambasadën shqiptare në Uashington, Çollaku, të zgjedhë së bashku me Genc Pollon dhe një numër të tjerë anëtarësh të PD-së krijimin e një partie të re. Pikërisht, krijimin e Partisë Demokrate të Reformuar, që më vonë u quajt Partia Demokrate e Re. Si një ndër mbështetësit e lëvizjes reformatore, që në themelimin e Partisë Demokrate të Re, Çollaku u emërua si sekretar i përgjithshëm i saj. Por, më pas ai do të jetë personazhi që do të dalë kundër “rrjedhës” së PDR-së. Çollaku kundërshtoi ose bllokoi hapur tratativat e PDR-së dhe të PS-së për të firmosur një marrëveshje bashkëqeverisëse me njëra-tjetrën. Si shkak të kësaj revolte, ai gjithashtu u vu në krye të lëvizjes “Nano ik”, protestë e cila erdhi si pasojë e tentativave për bashkëqeverisje. I ngarkuar në biografinë e tij politike me këto përsiatje reformuese të përhershme, duke iu kundërvënë dhe PDR-së si një tjetër parti që e themeloi vetë, Çollaku pezullohet nga detyra e tij si sekretar i përgjithshëm i kësaj partie, për t’u gjendur sërish edhe sot në radhët e Partisë Demokratike. E pse jo të mos ndihet i realizuar në të dhe në një post politik pranë saj.
Vendimi
Pa diskutim kur e kanë marrë në telefon për t’i referuar se do të jetë ambasador i Shqipërisë në Uashington, ndoshta Kreshnik Çollakut për emocion do t’i ketë rënë nga dora telefoni, ose ndonjë send tjetër që do të ketë pasur. Pas shumë e shumë replikash dhe debatesh të stërzgjatura për ambasadorin e Shqipërisë në SHBA, ministri i Jashtëm, Besnik Mustafaj, komandoi si të ngarkuarin me punë në këtë shtet një personazh politik të quajtur kyç në këtë situatë, Kreshnik Çollakun.
Emërimi i ambasadorit
Kreshnik Çollaku është komanduar nga ministri i Punëve të Jashtme të Shqipërisë, Besnik Mustafaj, si i ngarkuar me punë në ambasadën shqiptare në Uashington. Lajmi i bërë i ditur para disa ditësh prezanton një zgjidhje të konfliktit Harxhi. Çollaku do të qëndrojë në këtë post deri në emërimin e një ambasadori të ri. Emri i parë i prezantuar nga ministri Mustafaj, pra Edith Harxhi nuk u miratua nga presidenti Moisiu. Ndërsa propozimi i Çollakut ka kaluar pa bërë zhurmë mes dy institucioneve si Presidenca dhe Ministria e Jashtme.
"Tirana Observer"
Përgjigju Duke Cituar
Postuar më parë nga Bokerrima
hajde gazetare, hajde. 
Krijoni Kontakt