Tifozat e Italisë!

[chi_mai]

ore mua do me behej qejfi sikur te shifja nej dyshe si cassano toni dhe toti si te trete
sa per vierin sdua ta shoh me sy.(megjithse ka qene me interin) del piero ja vlen per lojtar stoli, ashtu sic ja vlen dhe toldo per portier i dyte.
nqs keto jane dilemmat e lippit atehere un them se ai do te beje nje kombetare sipas njohjeve

[Isomer937]

Mendoni qe Totti do t'i pasoje topin Cassanos ose Cassano t'i jape top Totti?
Une mendoj qe mbi te gjithe kush do thirret nga Lippi do kete te beje me cilet lojtare nuk do jene te demtuar. Deri tani ne Seria A eshte zgjidhur pak a shume problemi kush do fitoje kampionatin. Vendet per ne Ch. L jane percaktuar me 80 % vetem Roma me Fioren jane ne lufte per vendin e fundit. Eshte dhe nje beteje kush do hyje automatikisht vec Juves ne Ch. L. kjo mund te vendoset pas derbit te Milano-s. Me pas ka vetem nje fokus Ch.L per skuadrat qe do mbijetojne javen e pare te prillit.

[bavarezi5]

Inzagi e Casano eshte mekat te mos thiren keta dy lojtar ne kombetare ,qe po kalojne nje forme te shkelqyer.

[romeoOOO]

Inzaghi nuk hyn ne pune per asnje gje!


Cassano me ndrysho, por eshte pak i trashe nga trute ai edhe sdi te sillet, por din te luaj!

[ac/dc]

Kjo teme eshte per tifozat e Italise, te diskutojme per lojtaret qe do thirren per ne Boteror dhe per shpresat per te fituar Boterorin. Duket se do perballimi heret me Brazilin.

Italia eshte kampione e 2006 !

[Bledari]

Crazy Frog Maskoti i Italise ne Boterori Gjermani 2006

[Juventus]

Italia barazon me Zvicren 1-1.
Nje loje e mire, por nuk me pelqene Totti me karakterin e tije(shpresojm mos te dale nga kontrolla si ne K.E), De Rossi, siduket ka mare dituri nga Totti, dhe aj u tregua shume idiot ne ndeshje me Zvicren ku beri nje nderhirje te keqe me qellim, pastaj Gattuso-pa kontrolle, mendoj qe jane keto 3 futbolliste te cilet nese nuk kontrollojne pake veten mund ti bejne shume dem kombetares Italiane, Nderkohe Del Piero do jete titullar, pra ka perparsi ne 11-shin ndersa Totti do jete ne banken rezerve.

[Manci]

Fantazisti i Argjentinës ka thënë se i zgjedh gjithnjë dy lojtarët kur formon skuadrën e tij në "playstation" 02-06-2006

Mesi: Toti fantastik, "Dinjo" më i mirë.

Leo Mesi i ka të gjitha për ta dashur: magjitë e talentit të lindur në fushë dhe sjelljen e një djali të thjeshtë jashtë saj. Ndoshta do të mbërrijë një moment kur do të ndryshojë. Për momentin, ai që të gjithë e cilësojnë si pasardhësin e Maradonës, flet ende duke i ulur sytë poshtë. Edhe pasi e magjepsi Salernon, që ndodhet pranë Napolit dhe për rrjedhojë është kompetente në këtë fushë, brenda vetëm 28 minutave.
Por lajmi është një tjetër: ai është shëruar me të vërtetë. Argjentina buzëqesh dhe tani është gati të vrapojë drejt botërorit. Ashtu si edhe Mesi: "Po, ndihem shumë mirë, nuk ndjeva asnjë dhimbje në kofshë. U zbavita, u mora vesh shumë mirë me shokët dhe ndihem i lumtur. Pashë një skuadër të motivuar dhe të sigurt. Kur të debutojmë, do të jemi edhe më mirë. Unë? Po përmirësohem gradualisht, më duhet vetëm të luaj pak më tepër për të arritur formën më të mirë."
- Fjalë të ëmbla për të gjithë argjentinasit, që tani me ju ëndërrojnë Kupën e Botës. Dëmtimi muskular që ju la jashtë fushave dy muaj, kishte krijuar dyshime të forta. Pak a shumë siç i ndodhi Anglisë me Runin dhe Italisë me Totin...
- Më bëhet shumë qejfi që Toti e ka marrë veten. Dhe e njëjta gjë vlen edhe për Ksavin (shokun e tij te Barça) dhe Spanjën. Do të kishte qenë një padrejtësi nëse këta dy kampionë nuk do të kishin mundur të vinin në Gjermani. E meritojnë.
- Ju pëlqen Toti?
- Shumë. Është fantastik. E zgjedh gjithnjë në "playstation", kur krijoj skuadrën time. Dhe e vendos pas Ronaldinjos.
Nga Italia më pëlqen edhe Kamoranezi.
- Si e shikoni Italinë për sa i takon fitimit të Kupës së Botës?
- Ndodhet mes favoriteve. Për mendimin tim, kandidatët kryesorë për ta fituar kupën janë Brazili dhe Argjentina, Gjermania sepse luan në shtëpi dhe është një skuadër gjithnjë e fortë në veprimtaritë e rëndësishme dhe pikërisht Italinë, sepse është e fortë dhe sepse ka një avantazh ndaj nesh dhe ndaj skuadrave amerikano-jugore në përgjithësi: të gjithë futbollistët e saj luajnë në Itali, kështu që njihen shumë mirë. Por ka të bëjë shumë edhe forma.
- Brenda 28 minutave ju e entuziazmuat publikun, me shkëputje në shpejtësi dhe dy pasime shumë të bukura që sollën goditjet e shtyllave nga ana e Maksi Rodrigezit dhe Aimarit. Meqë ra fjala, ç'do të thotë për ju të luani me Aimarin, që ka qenë idhulli juaj kur ishit më i vogël?
- Nuk ishte hera e parë që luaja me të, por s'kisha qenë kurrë përkrah tij 30 minuta. Ishte vërtet diçka e veçantë. Dhe ndoshta në botëror ato pasime mund të shndërrohen në gola. Sa për entuziazmin, ai ishte për të gjithë kombëtaren, jo vetëm për mua.
- Por ai i italianëve në grumbullimin në Sant'Antonio Abate dhe në stadiumin e Salernos ishte vetëm për ju. Edhe duke kujtuar dikë si Diego Armando Maradona. Çfarë mendoni?
- Ka qenë një ide e shkëlqyer ajo e Argjentinës për të ardhur këtu për të luajtur një miqësore. Na pritën vërtet shkëlqyeshëm dhe me shumë entuziazëm. Përreth meje ndjeva një ngrohtësi të jashtëzakonshme. Që kur zbrita nga autobusi, të gjithë si në garë, nga kamerierët te drejtuesit e hotelit, nga të ftuarit e një dasme te tifozët e Napolit, për të më treguar se sa i rëndësishëm ka qenë Diego këtej. Vetëm se më ndihmoi dikush që t'i kuptoja, pasi nuk e marr vesh mirë italishten. Por tani këta njerëz thonë se jam unë më i madhi dhe kjo më ka gëzuar shumë. Por ka shumë kampionë, unë jam vetëm në fillim. Më i madhi është padyshim miku im Ronaldinjo. Dhe sikurse kam thënë, shpresoj të takohem në finale me të, ëndërroj që ai të jetë lojtari më i mirë i botërorit dhe që Argjentina të shpallet kampione e botës."

Argjentina: Kufreja në zi, por qëndron
Gjatë natës së të mërkurës ka vdekur në La Plata, në Argjentinë, babai i mbrojtësit të Romës, Leandro Kufre. Lajmi mbërriti menjëherë në grumbullimin e kombëtares amerikano-jugore në Herzogenauraç, ku skuadra po përgatitet për debutimin në botërorin e Gjermanisë. Kufreja ishte bërë gati të kthehej në shtëpi, në La Plata, por "AFA" bëri të ditur se në fund, duke plotësuar edhe dëshirën e shprehur nga familja, lojtari do të qëndrojë me grupin. "Gjëja më e mirë që mund të bëjë Leandro në kujtim të babait, - ka shpjeguar familja, - është të qëndrojë në Gjermani dhe të mbrojë me krenari dhe pa brenga ngjyrat e përfaqësueses argjentinase."

[Manci]

Fantazisti "axurr" tha se është në 60% të formës. Por, ai kundër Zvicrës tregoi se nuk u druhet kontrasteve 02-06-2006

Toti "prenoton" vendin ndaj Ganës


Githsej 102 ditë pas frikës së madhe, ndoshta vetëm në minutën e 12-të të takimit Françesko Toti kuptoi vërtet se është kthyer një lojtar si të gjithë. Kjo ndodhi kur Kabanas i ndërhyri nga pas me ashpërsinë tipike të një mesfushori që nuk mendohet dy herë. Numri 10 i "axurrëve" bëri atë shenjë që e kemi parë një mijë herë gjatë ndeshjeve dhe në atë moment u kuptua se më në fund e kaluara mund të harrohej. Toti mund të luajë mirë apo keq, por gjithsesi është kthyer në nivelin normal.
Dëshirë ndaj Ganës - Në fund të ndeshjes, fantazisti ishte i kënaqur. "Na shkoi mirë, këmbët rezistuan, aq sa i kërkova Lipit të mos më zëvendësonte pas 70 minutash, sikurse kishim parashikuar. Nuk jam ende ai i përpara tre muajve, jam në 60% të formës, por nëse do të varej nga unë ndaj Ganës, do të luaja, edhe sepse sa më shumë ndeshje të luaj, aq më mirë është. Kjo ndeshje ndaj Zvicrës ishte si një hakmarrje për mua, duke qenë se thuajse të gjithë mendonin se nuk do të kisha arritur të isha këtu. Por ja që e kapërceva edhe këtë pengesë. Ishte një ndeshje e vërtetë, kisha nevojë për një të tillë. Nuk pata frikë në kontraste dhe më shkoi mirë. Çfarë funksionoi më mirë tek unë? Ana psikologjike. Isha i sigurt se do të kisha luajtur në atë mënyrë dhe tani kam besim për të ardhmen. Polemikat e Koverçianos? Përjetova gjithçka me qetësi. U përpoqa të dëgjoja dhe të kuptoja diçka më shumë. Disa gjëra më kanë bërë për të qeshur disa anekdota, por tani është më mirë të mendojmë për botërorin.
Gjendja - Përshtypjet? Logjikisht forma e Totit duhet të vijë në rritje. Por në fund të ndeshjes Françesko kishte prekur 29 topa, mes të cilave është e lehtë të vësh në dukje disa pasime të bukura, dy pasime me thembër dhe fare pak topa të humbur. Por jo vetëm kaq. Kur Margairaz e shtyu, ai nuk u tremb aspak nga kjo gjë. A thua se donte t'i thoshte vetes dhe të tjerëve se nuk ka më frikë. E gjithë kjo 2790 ditë pas debutimit të tij në kombëtare, që kishte ndodhur pikërisht ndaj Zvicrës. Fati nganjëherë është vërtet i çuditshëm.
Shumë grintë - Me pak fjalë, grinta ka qenë "alla Gatuzo", i cili në fund të ndeshjes pati një debat verbal me stolin zviceran për një ndërhyrje të tij mjaft të ashpër, që i solli edhe kartonin e verdhë. De Rosi në përfundim të 90-minutëshit shpjegoi: "Ishte një ndeshje e luftuar dhe Toti m'u duk mjaft mirë, edhe sepse ai e di që në botëror askush nuk do ta kursejë për shkak të emrit të tij. Unë dhe Pirlo? Kur luaj përkrah tij, ndihem shumë mirë." Edhe Materaci ka qenë në një mendim me të: "E gjithë Italia donte që Toti të luante 90 minuta dhe ai pas pak do të jetë në gjendje ta bëjë këtë më së miri. Arbitrat? Nuk duhet të justifikohemi. Zvicra luajti një ndeshje me ritëm të lartë, por ne nuk i lamë gjë mangut." Është e vërtetë. Dhe e vetmja gjë që i shqetëson "axurrët", janë goditjet që pësuan Groso dhe Iakuinta ("duket se nuk ka asgjë të rëndë"). Sot ka një tjetër ndeshje, ndaj Ukrainës, ndoshta sërish me Totin, pasi ai nuk ka ndër mend të ndalet më."

[sLimShady]

Forca Italia