Arrestohet ish gjenerali kroat Ante Gotovina

[Davius]

Arrestohet Ante Gotovina

Ish gjenerali kroat Ante Gotovina akuzohet për krime lufte

Ante Gotovina është arrestuar. Ai u arrestua gjatë natës në Spanjë, në ishullin e kanareve Tenerifa dhe më në fund ai ndodhet në burg, prej nga do të transferohet në Hagë", deklaroi kryeprokurorja e Tribunalit të Hagës, Del Ponte.

I shumëkërkuari nën akuën për krime lufte, ish-gjenerali kroat Ante Gotovina është arrestuar në Tenerifa dhe ndodhet tani në burg, deklaroi kryeprokurorja e tribunalit të Hagës, Karla del Ponte sot në Beograd.

Del Ponte duke falenderuar autoritet spanjolle për mbështejen që kanë dhënë, theksoi: "Ante Gotovina është arrestuar. Ai u arrestua gjatë natës në Spanjë në ishullin e kanareve Tenerifa dhe më në fund ai ndodhet në burg, prej nga do të transferohet në Hagë".

Zëdhënësi i Tribunalit të Hagës, Xhim Landejëll vuri në dukje, se Gotovina është një prej figurave më të spikatura ndër të akzuarit të Hagës dhe personi që do të duhej të ish paraqitur me kohë në Tribunal: "Ai i është shmangur për katër vjet rresht arrestimit dhe ka qenë objekt i shumë rezolutave të Këshillit të Sigurimit, në të cilat Gotovina përmendet në mënyrë specifike që duhej arrestuar dhe ekstraduar në Hagë."

Në bazë të akuzave ish-gjenerali dyshohet të jetë përgjegjës për vrasjen e 150 serbëve dhe dëbimin e 150.000 njerëzve nga Krajina. Në këtë rajon në Lindje të të Kroacisë, i banuar kryesisht nga serbë, në vitin 1995 u zhvillua një ndër ofensivat e fundit të luftës në Ballkan.

Gotovina u akuzua në vitin 2001 dhe qysh prej asaj kohe humbi çdo gjurmë. Qeveria në Zagreb shpesh herë pat deklaruar se Gotovina është larguar nga vendi dhe nuk dihej vendodhja e tij. Spekulimet që vinin nga Zagrebi, se gjenerali ishte feshur në një manastir në Bosnjë-Hercegovinë deri tani nuk kanë mundur të konfirmohen. Kryeministri Ivo Sanader, shpesh herë është përbetuar, se dëshiron të bashkëpunojë me Tribunalin e Hagës, por thjeshtë atij i kanë munguar informacionet për vendndodhjen e tij.

Presidenti Stipe Mesiç në një intervistë për DW pat theksuar: "Eshtë detyrimi ynë që të verifikojmë gjurmët, ne duhet të raportojmë për këtë prokurorët e Hagës derisa ata të arrijnë në përfundimin, që Kroacia nuk mund ta ekstradojë gjenerali Gotovinën, pasi ai nuk ndodhet në Kroaci. Kjo është ajo që duhet të dëshmojmë ne. Ne kemi ndërmarrë gjithcka për ta gjetur atë, por ai nuk ndodhet në Kroaci."

Megjithatë Tribunali i Hagës kishte mendimin, se jo të gjitha instancat zyrtare në Kroaci kanë qenë të hapura për bashkëpunimin lidhur me çështjen Gotovina. Tribunali i Hagës e kish vendosur në shkallën e emergjencës arrestimin e Ante Gotovinës krahas serbëve të akzuar dhe të shumëkërkuarve në Bosnjë, Radovan Karaxhic dhe Ratko Mlladic.

Kryeprokurorja del Ponte thotë: "Tribunali për krime lufte nuk do t´i mbyllë portat për aq kohë sa nuk është bërë procesi për Karaxhicin, Mlladicin dhe Gotovinën."

Mospërmbushja e kërkesës për ekstradimin e ish-gjeneralit këtë vit u bë edhe shkas për shtyrjen e hapjes së bisedimeve për pranimin e Kroacisë në BE. Bisedimet duhej të kishin nisur qysh më 17 mars, por pasi u shtynë pë rmuaj të tërë, ato u hapën në fillim të tetorit. Kjo u kapërcye me presionin që ushtroi Austria duke e kushtëzuar këtë me biseidmet mes BE-së dhe Turqisë. Por me arrestimin sot të Ante Gotovinës në Spanjë i jepet fund tani përfundimisht edhe grindjes mes Brukselit, Zagrebit dhe Hagës, që këtej e tutje i përket së shkuarës.

[Davius]

Arrestohet i akuzuari kroat për krime lufte Ante Gotovina

08-12-2005


I dyshuari shumë i kërkuar për krime lufte, gjenerali kroat Ante Gotovina u arrestua në Spanjë. Kryeprokurorja e Kombeve të Bashkuara për krime lufte Karla del Ponte njoftoi arrestimin e tij gjatë një vizite sot në Beograd. Ajo tha se autoritetet e ndaluan gjeneralin Gotovina mbrëmë vonë në ishujt Kanarie të Spanjës.

Autoritetet spanjolle thanë se ai do të paraqitet në gjykatë sot për një seancë rreth transferimit të tij në Hagë.

Gjenerali Gotovina ka qenë në arrati që prej vitit 2001 kur gjykata e OKB-së për krime lufte ngriti akuzat për rolin e tij në vdekjen e civilëve gjatë një sulmi në një zonë të banuar nga serbët në Kroaci.

NATO-ja dhe Bashkimi Evropian e mirëpritën arrestimin. BE-ja i bëri thirrje qeverisë së Serbisë dhe Malit të Zi, si dhe Bosnjë Hercegovinës t’i shtojnë përpjekjet për gjetjen e të dyshuarve të tjerë për krime lufte, duke përfshirë Ratko Mladic dhe Radovan Karadzic.

Burimi: Voa News

[Davius]

Ivo Sanader konfirmoi arrestimin e Gotovinës

Zagreb, 16:30

Kryministri kroat Ivo Sanader konfirmoi sot pasdite se ish-gjenerali kroat Ante Gotovina është arrestuar.

Në fillim të seancës hyrëse të Qeverisë, Sanader deklaroi se janë në rrjedhë kontaktet ndërmjet Hagës dhe autoriteteve spanjolle për dërgimin e gjeneralit i cili u arrestua mbrëmë në ishujt Kanare.

Lajmin lidhur me arrestimin e gjeneralit të arratisur Ante Gotovina, sot herët në mëngjes e bëri të ditur Kryeprokurorja e Tribunalit të Hagës Karla Del Ponte e cila tashmë disa vite me rradhë kërkon arrestimin e tij.

Ante Gotovina është lindur në vitin 1955 në ishullin Pashman afër Zadarit. Në moshën 17 vjeçare braktisi shkollimin, ndërsa në moshën 19 vjeçare u bë anëtarë i legjisë franceze për të huajt, nën identitetin Ivan Grabovac.

Aksionin e parë ushtarak në llogari të legjisë franceze, Gotovia e pati në Xhibuti gjatë vitit 1974, pas çka vijuan aksionet në Çad, Zair dhe në Bregun e Fildisht. Në fillim të viteve të tetëdhjeta të shekullit të kaluar, Gotovia punoi si instruktor ushtarak në Guatemalë, Kolumbi dhe Paraguai.

Në Kroaci kthehet në vitin 1991, pas çka emërohet për komandant të Brigadës së parë. Në maj të vitit 1994 merr gradën e gjeneralit, ndërsa në gusht të vitit 1995 është edhe komandanti kryesor operativ i njësiteve që kryen ofensivën "Stuhia", me të cilën Kroacia e liroi krahinën e Kninit, pas çka ikën apo u dëbuan mbi 200 mijë serbë të Kroacisë.

Tribunali i Hagës e kërkon Gotovinën që nga maji i vitit 2001 për shkak të aktakuzave për më shumë aksione me të cilat u kryen veprime kundër humanitetit si dhe për krime lufte të kryera gjatë aksioneve të ndërmarra në Kroaci dhe Bosnjë. /Makfaks/

[antares]

Meqe Gjenerali ka qene pjesetar i Legjionit te Huaj Francez, ai automatikisht ka dhe shtetesine franceze. Kroacia perfitoi bujarisht nga sherbimet e tij (per kombin e tij) kur rimorri Krajinen nga Serbet.
Do te mbetet nje njolle e madhe turpi ne ndergjegjen Kroate nese ajo (Kroacia) nuk do te beje asnje tentative per lirimin e Gotovines. Ky duhej te ishte shpallur Hero Kombetar me kohe.
Te bashkepunosh me te huaj kunder figurave te tua kombetare eshte me keq se tradheti!
E njejta gje vlen edhe per Serbet (pehra qe shiti Sllobodanin e morri plumbin mbas qafes te pakten), apo per ne Shqiptaret qe dorezojme Komandantet e UCK per tu gjykuar nga te huajt.

[Brari]

ai asht hero.. i perzuni serbet pi trojeve kroate.. e shprazi celikin mbi ushtri te serbise e jo mbi kroatet e vet..

e na i kena ndryshe generallat..

ata slodhen me vra serbine..
ahii bre.. qe ku asht prizreni afer..
kush po shkon deri ne beligrad me vra ndoj arkan qe na ka perdhunue motrat Shqiptare.. hajt bac se ma afer asht prizreni.. qaty bajm prit e vrasim ndoj tonin..
cu bre ningj e ma likvido qat Drin pisin.. se shum asht tuj fol.. pun shum se asht luftar e hero e komandant e i din 7 gjuh..
hajt se jandreqim na shiki.. ja fusim nji batare me plumba.. ja knojm nji referat ne varrim.. e pastaj ne Epok thojna se ish kan agjent pisi..
po more dhe shoki enver qashtu ka ba me shokt.. kejt i nxurri agjenta e shpijuna.. ..
po valla .. e tash ne pojat me ba pak hajgare.. po bre sadik cu se po pret generall veseli..


te imponon Respekt qiky Kroati..
cfar ndryshimi me spekulantet tan rognerista..qe nuk clirun kurgja vec hupen..si sh... a ne aeroplan..




erdh luftoj per atdhe te vet.. kunder armikut..dhe i cliroj vertet trojet e veta..e perzuni ushtrin serbe.. pa e shkrep kurre mbi popull te vet..

[ARTORI]

ai asht hero.. i perzuni serbet pi trojeve kroate.. e shprazi celikin mbi ushtri te serbise e jo mbi kroatet e vet..

e na i kena ndryshe generallat..

ata slodhen me vra serbine..
ahii bre.. qe ku asht prizreni afer..
kush po shkon deri ne beligrad me vra ndoj arkan qe na ka perdhunue motrat Shqiptare.. hajt bac se ma afer asht prizreni.. qaty bajm prit e vrasim ndoj tonin..
cu bre ningj e ma likvido qat Drin pisin.. se shum asht tuj fol.. pun shum se asht luftar e hero e komandant e i din 7 gjuh..
hajt se jandreqim na shiki.. ja fusim nji batare me plumba.. ja knojm nji referat ne varrim.. e pastaj ne Epok thojna se ish kan agjent pisi..
po more dhe shoki enver qashtu ka ba me shokt.. kejt i nxurri agjenta e shpijuna.. ..
po valla .. e tash ne pojat me ba pak hajgare.. po bre sadik cu se po pret generall veseli..


te imponon Respekt qiky Kroati..
cfar ndryshimi me spekulantet tan rognerista..qe nuk clirun kurgja vec hupen..si sh... a ne aeroplan..




erdh luftoj per atdhe te vet.. kunder armikut..dhe i cliroj vertet trojet e veta..e perzuni ushtrin serbe.. pa e shkrep kurre mbi popull te vet..

Eh More brari, per ty edhe kroat edhe shkiet heronje, ndresa Luftetaret e Lirise, Ushtaret e Ushtrise Clirimtare te Kosoves jane kriminel.

Vetem nje ta dishe, as kroatet e as serbet asnjhere nuk i ka quajtur kriminel apo terorista ushtaret e vet, asnjeher as kroatet e as serbet nuk e kane nenvlersuar luften e tyre, dhe asnjeher ne histori te kroateve apo serbeve nuk ka patur spijuna. Ndersa tek ne e kunderta. Luftetaret e Lirise i qujane Terorista, E nenvlersojne luften e drejte te UCK-se, dhe qka eshte me e keqja e te kqijave ne historine tone gjithmone ka pase spijuna, dhe si duket ende ka.


Vetem vazhdo keshtu brari.

[Lioness]

Brari dhe Antares, arsyetimi juaj me le pa fjale, po rrofte liria e mendimit dhe shprehjes thuaj.

Ante Godovina eshte kriminel lufte ashtu sic ishin ca te tjere ne ish-Jugosllavine pa zene emra ne goje. Deri ne 1995 150,000-200,000 civile serbe u zhvendosen me dhune nga Kroacia, pleqe dhe te semure qe nuk leviznin dot u ekzekutuan, shtepite serbe u dogjen. Jo vetem serbe, por njoh shqiptare qe kane punuar ne Kroaci, qe kishin kursimet e tyre shumevjecare ne bankat kroate, dhe pasi i shporren nga Kroacia edhe sot e kesaj dite nuk kane pasur mundesi te marrin te pakten leket, le me pronat apo shtepite qe kane pasur.

Pasi shperngulen me dhune apo me presion pakicat nga Kroacia (sipas ligjeve nderkombetare "pastrim etnik") Godovina me shoke u shprehen "me ne fund kemi nje Kroaci te paster vetem per kroatet." Si qenka Miloshevic dhe qeveria e tij fajtore per genocidin dhe kafsherite qe bene ne Kosove dhe Bosnie, por qeveria Kroate me Godovinen qenkan heronj? (Dhe mos t'u hyjme bemave kroate ne Bosnie.)

[Labeati]

Lioness,

Une e perkrah mendimin e Brarit.

Lufta ne ish-jugosllavi u inicua nga serbet me Millosheviqin ne krye. Serbet ishin agresori, ndersa te tjeret viktimat.

Serbet sulmuan dhe pushtuan te paret Vukovarin, Sllavonine dhe Krajinen ne territorin kroat dhe nxiten e mbeshteten krijimin e Republika Srpska ne Bosnje.

Me shperthimin e ketij konflikti te shoqeruar me zhvendosje te medha popullsish krime etj, djajte dolen nga "shishja" dhe gjithkush perpiqej "bjeri i forte te ligut (dobetit)" te forcohej ne kurriz te tjetrit, simbas takatit qe kishin.
Pra krime u kryen nga te gjitha palet ne konflikt.

Por kjo nuk duhet te erresoje faktin se:3
1) Serbet ishin shkaktari dhe agresori qe filluan konfliktet.
2) Serbet jane pergjegjes per shumicen derrmuese absolute te krimeve ne jugosllavi. (Bie fjala 150 serbe qe akuzohet se kane vrare forcat e GOtovines nuk jane asgje para 7.000 burrave te vrare ne Srebrenice ne 1 dite te vetme.

Ikja e serbeve nga Krajina i perngjet asaj te ikjes se serbeve nga Kosova (100 mije serbe) kur Kosova u clirua, mos valle duhet te barazojme krimet e rralla te asaj kohe me vrasjet dhe shpernguljet qindramijeshe te ushtrise serbe?

Gotovina luftoi ne token e vet per shtetin e vet dhe nuk sulmoi ndonje territor te huaj por e cliroi. Megjithate per vrasjet e civileve ai duhet te gjykohet po kurrsesi ne nje rang me arkitektet e masakrave Millosheviq, Mlladiq e Karagjigj.

[Davius]

BE përshëndet arrestimin e Gotovinës

Ante Gotovina u arrestua në ishujt Kanarie.

BE ka thënë se arrestimi i të dyshuarit për krime lufte, gjeneralit Ante Gotovina ka hequr një pengesë të madhe që Kroacia të anëtarësohet në BE.
Komisioneri i zgjerimit i BE-së, Olli Rehn i tha BBC se kjo ishte pikë kthesë për gjithë rajonin.

"Një pengesë e madhe është hequr nga rruga e Kroacisë. Ka natyrisht edhe kushte të tjera që Kroacia duhet të realizojë si psh reformimi i sistemit juridik. Por në të njëjtën kohë, kjo është një pikë kthesë për gjithë rajonin pasi kthen faqen nga ajo nacionaliste ne të ardhmen evropiane."

Pas arrestimit të tij në ishujt e Kanaries, ai po mbahet në Spanjë për t'u transferuar në gjykatën e Hagës ku ai përballet me akuza për krime lufte.

Përkrahësit e gjeneralit kanë organizuar protesta në përkrahje të tij në Zagreb dhe në qytete të tjera.

Kryeprokurorja e gjykatës së Hagës, Carla del Ponte tha se arrestimi i Gotovinës do të shtojë presion edhe për dorëzimin e dy personave të tjerë në listën e më të kërkuarve, Radovan Karaxhiç dhe Ratko Mlladiç.

[Davius]

NJË GJYKATËS SPANJOLL CAKTOI PARABURGIM PËR GOTOVINËN


Gjykatësi në burgun spanjoll të shkallës së parë në Madrid, Feliks Degajon mbrëmë caktoi paraburgim dhe ekstradim të Ante Gotovinës në Tribunalin e Hagës.

Gjykatësi Degajon e njoftoi Gotovinën me akuzën që është ngritur kundër tij dhe për të cilën, sipas Hagës mund të dënohet me burg të përjetshëm, njoftuan mediat spanjolle.

Leximi i aktakuzës në gjykatë ka zgjatë dhjetë minuta, ndërsa të pranishëm kanë qënë përfaqësues të Konsullatës kroate dhe një avokat i caktuar me detyrë zyrtare.

Gotovina do të transferohet në paraburgim në Soto del Real ku do të qëndrojë deri në ekstradimin e tij në Tribunalin e Hagës, që pritet të ndodhë gjatë disa ditëve të ardhshme.

Ndërkohë, SHBA-ja e përshëndeti arrestimin e Gotovinës "i cili do t'i rrisë gjasat e Kroacisë për anëtarësim në NATO dhe në BE".

"Me arrestimin e Ante Gotovinës, Kroacia bëri hap të madh drejt përmirësimit të parregullsive nga e kaluara. Me suksesin e orvatjeve për lokalizimin dhe nxjerrjen e Gotovinës para gjyqit, Kroacia dukshëm e përforcoi kandidaturën për integrimin e saj euroatlantik", bëri të ditur Departamenti i Shtetit.

Ministri britanik i Punëve të Jashtme Xhek Stro i përshëndeti autoritetet spanjolle dhe kroate, si dhe Tribunalin e Hagës për "rezultatin e shkëlqyer". Stro e vlerësoi si shumë pozitiv faktin që Gotovina u arrestua vetëm dy muaj pasi që Bashkimi Evropian u pajtua që të fillojë negociata për anëtarësimin e Kroacisë.

Rreth 500 vetë mbrëmë u tubuan në sheshin qendror të Zagrebit që të protestojnë kundër arrestimit të Gotovinës. Gjatë protestës pati disa përleshje të shkurtëra mes demonstruesve dhe pjesëtarëve të policisë.

Krimineli më i kërkuar ushtarak nga Kroacia, Ante Gotovina u arrestua të mërkurën mbrëma në Ishujt Kanare

Gjenerali Ante Gotovina ishte në arrati pasi që në vitin 2001 u akuzua nga Tribunali i Hagës për krime lufte të kryera mbi serbët e Kroacisë nga fundi i luftës në Kroaci në vitin 1995. Në aktakuzën e Tribunalit theksohet se nga shkurti deri në prill të vitit 1992, ka qenë zëvendëskomandant i njësitit special të Shtatmadhorisë së ushtrisë kroate, ndërsa nga prilli deri në tetor të vitit 1992 ka qenë i sistemuar në Këshillin kroat për mbrojtje. Në aktakuzë thuhet se nga 9 tetori i vitit 1992 deri në mars të vitit 1996 ka qenë komandant i zonës ushtarake Split, si dhe kryekomandant i operacionit "Stuhia" e cila u zhvillua në sektorin Jug.

Ai akuzohet për krime ndaj njerëzimit (ndjekje, deportime, dëbime me dhunë dhe vepra të tjera johumane) dhe shkelje të ligjeve dhe zakoneve të luftës (vrasje, vjedhje të pasurive, shkatërrimin e qyteteve, lagjeve dhe fshatrave), mbi bazën e përgjegjësisë invididuale si dhe përgjegjësi penale në funskion të një personi përgjegjës.