PS sulmon maxhorancën për buxhetin

[Veshtrusja]

PD dënon fushatën e mashtrimeve që ka ndërmarrë kryetari i Partisë Socialiste

Oketa: Ky është buxheti i antikorrupsionit

Partia Demokratike i bën thirrje zotit Rama që të mos u kërkojë më deputetëve socialistë që të braktisin sallën e Parlamentit, thjesht për faktin se zoti Rama nuk është pjesë e tij.


Partia Demokratike dënon fushatën e mashtrimeve që ka ndërmarrë kryetari i Partisë Socialiste, Edi Rama, për të penguar miratimin e buxhetit të vitit 2006. Zëdhënësi i PD, Gazmend Oketa, tha në konferencën e djeshme për shtyp se, paraqitja para shqiptarëve e buxhetit më të mirë të 15 viteve nga qeveria aktuale e ka bërë kryesocialistin Rama të humbasë qetësinë dhe të marrë kurajon të mashtroje shqiptarët.

"Arritjet e qeverisë Berisha në më pak se tre muaj, hapja e rrugës për nënshkrimin e Marrëveshjes së Stabilizim-Asociimit, marrëveshje e shtyrë prej vitesh nga qeveritë socialiste, përgjysmimi i taksave të biznesit të vogël, qeveria e vogël dhe pa konflikt të interesave, lajmi i mirë i futjes në axhendën e BE të Korridorit 8, paraqitja e buxhetit të vitit 2006, si buxheti më i mirë që i paraqitet shqiptarëve pas 15 vitesh, kanë bërë që zoti Rama, herë i veshur me kostumin e kryetarit të PS dhe herë me atë të kryetarit të Bashkisë Tiranë, të humbasë qetësinë", tha Oketa. Sekretari i Grupit parlamentar të PD u shpreh më tej, se këto arritje të mazhorancës së djathtë e kanë bërë kryesocialistin Rama, jo vetëm të humbasë qetësinë, por të ketë kurajon të mashtrojë shqiptarët, tashmë jo nën dritën e qiririt, por atë të KESH-it.

"Zoti Rama deklaroi se ky është buxheti i varfërimit. Gabohesh zoti Rama. Ky është buxheti i antikorrupsionit, është buxheti i cili nuk redukton investimet, por ju heq ju abuzimet, vjedhjet dhe shpërdorimet. Është pikërisht kjo arsyeja që ju nervozon dhe ju bën të mashtroni e sajoni. Është rritja e pagave të arsimtarëve e mjekëve, rritja e pensioneve, gjëra që partia juaj nuk i bëri për 8 vjet, që ju nervozojnë dhe ju bëjnë të kërceni nga karrikja", tha Oketa. Zëdhënësi i PD u shpreh se fakti që kryebashkiaku i Tiranës e ka braktisur Bashkinë e Tiranës, i heq atij të drejtën morale të dalë e të flasë në emër të saj. Për më keq, fakti që Rama nuk është në gjendje të organizojë një konferencë të një dege të partisë së tij, tregon më së miri sa i zoti është ky njeri. Për faktin se të tjerë persona, më ekspertë se zoti Rama për këto çështje, i kanë bërë thirrje Parlamentit që të votojë këtë projektbuxhet. Partia Demokratike i bën thirrje zotit Rama, që të mos u kërkojë më deputetëve socialistë që të braktisin sallën e Parlamentit, thjeshtë për faktin se zoti Rama nuk është pjesë e tij.

H.R

Rilindja Demokratike

[Lunesta]

lulush bashen futeni te veni...se te mush e keni


RAMA: SHTETI I BERISHES NUK EKZISTON

Oli Xhilaga

Ku eshte shteti?! Ne kete menyre u eshte drejtuar dje banoreve te komunes Kuterman te rrethit te Librazhdit, kreu i Partise Socialiste, Edi Rama, duke marre shkas nga indiferenca qe po tregon qeveria (Berisha( ndaj gjithe problematikes se zones. Por, nje nder problemet me emergjente te kesaj zone eshte dhe demtimi i rende i ures se kesaj komune, problem i cili u ngrit ne parlament pak dite me pare nga deputeti socialist Taulant Balla. Ndalur ne kete pike, kryetari Rama solli ne kujtesen e ketyre banoreve perjashtimin 15 dite nga Parlamenti te deputetit Balla, pikerisht sepse ngriti problemin e kesaj ure. Por nderkaq, Rama e cilesoi si te padrejte kete vendim, pas sipas tij, socialisti Balla tha nje te vertete ne parlament. (Kjo ure eshte e ndertuar ne kohen e Sulltan Berishes se pare, ra, dhe deputeti iu drejtua kryeministrit te vendit, i cili ne parlament shkon vetem per te genjyer dhe per te mbuluar paaftesine e tij dhe te qeverise se tij, duke i thene: (fshati digjet dhe ... krihet(. Dhe vetem per ato tre pika u perjashtua nga parlamenti(, nenvizoi Rama gjate fjales se tij. Madje duke kembengulur ne padrejtesine qe i eshte bere ketij deputeti, Rama beri nje paralelizem midis ketij rasti dhe qendrimit te kryeministrit Berisha ne parlament. (Kryeministri i Shqiperise e ka ndotur parlamentin dhe te gjithe Shqiperine me gjuhen e tij barbare, ai e ka fituar kete status dhe gezon te drejten qe t(u thote deputeteve (horra(, pavaresisht se jane burra apo gra, nderkohe qe deputeti i Partise Socialiste perjashtohet 15 dite nga parlamenti sepse thote tre pika(, theksoi Rama lidhur me kete ceshtje duke shtuar se (kjo eshte demokracia dhe keto jane standardet e demokracise qe po shkelen(. Gjithashtu, sipas tij, raporti me te verteten ka humbur perfundimisht ne kete periudhe kur ka filluar te qeverise kreu aktual, Berisha. (Ne shikojme se si nga te katra anet nxjerr uje anija e kesaj qeverie dhe shikojme qe ne vend qe te mbyllin vrimat qe i hapen anijes, kerkojne te na mbushin mendjen se perpara kemi nje horizont i cili eshte nje horizont i lumtur per te gjithe(, vuri ne dukje Rama. Por njekohesisht, Rama shprehu shqetesimin e tij dhe te partise qe ai drejton lidhur me problematiken e permbytjeve si pasoje e reshjeve te shumta te diteve te fundit. (Jemi shume te shqetesuar duke pare se vete problematika e permbytjes nga vete qeveria dhe kryeministri po trajtohet ne menyren me cinike te mundshme(, cilesoi ai. Madje duke ironizuar me premtimet e dhena nga qeveria (Berisha( sa u takon familjeve te prekura nga permbytjet, Rama u shpreh pesimist per permiresimin e kesaj gjendjeje. (Ku eshte shteti?! Me siguri e keni ne ndonje motel duke kerkuar vende per te strehuar te permbyturit, por ketu ku ndodh atkeqesia nuk e keni gjekundi(, theksoi Rama gjate fjales se tij.



KJ


SK TIRONA KAMPION

[Zarathustra.]

Edhe Rama i ka deklaruar ato qe ka. Por keto nuk jane njesoj me ato qe ju doni qe Rama te kete, qe pastaj te pellisini si kerric gomari, hajdut hajdut. Apo harruat faktin se ne total Rama per 5 vjet ka investuar ne Tirane 16.5 here me shume se PD ne 8 vjet.

Une e pashe deklaraten e ketij Oketes ne TV. Mezi e lexonte mavria, i kishte ngulur syte mbi leter dhe sa here qe ngrinte koken mezi e gjente rreshtin e fjalise e ngaterrohej me fjale. Merhum PD-je ce pyet. Saliu ishte ne Qerret te Kavajes ne 28 Tetor, peruroi impiantin e ri te pastrimit te ujrave te Zeza. Eshte veper e madhe per zonen kjo tha, veper e perpjekjeve te zjarrta te qeverise se PD. Ai impiant kishte 1 vit e gjysem qe kishte filluar.

Marrveshja e Asocim Stabilizimit nuk ka te beje aspak me qeverine Berisha. Ajo u nenshkrua vetem nje muaj pasi Berisha erdhi ne pushtet, dhe u nenshkrua si pasoje e plotesimit te kushteve qe BE i kishte vene Shqiperise keto 2-3 vitet e fundit. Une habitem si nuk ka cipe fare ky magjypi i PD qe e deklaron kete?

Si na qenka ky buxheti me i mire, kur kishte jo pak ferkime me FMN per kete buxhet, kur vetem policise i jane trefishuar fondet kurse cdo sektor tjeter ka pasur nje ulje nga cdo vit tjeter paraardhes? Vetem pak dite me pare MJAFT dhe ministria e arsimit u ankuan per fondet minimale, dhe sektori me strategjik, ai energjitik ka 50% reduktim.

Cili korridor 8 eshte futur ne axhenden e BE?? Mos e kana fjalen per 3 km hekurudhe nga Pogradeci ne Maqedoni, se asgje tjeter nuk figuron ne planet investuese te BE.

Pergjysmimi i taksave na qenka sukses?? E pse keshtu? Cfare injoranti!? Askush nuk paguante taksa gjate 92-97 ne Shqiperi dhe ne e pame se cfare shteti ndertuam dhe se si perfundoi ai. Taksat thone, jane cmimi qe ne paguajme per civilizimin ne te cilin jetojme. Le te shohim se sa rruge, ujesejllesa, shkolla dhe spitale do financoje shteti shqiptar mbas uljes se ketyre taksave.

[Veshtrusja]

Zarathustra:

PD ne 8 vjete apo PS ne 8 vjet? Shtjellohuni... Dhe me tregoni mua atehere parat qe ka Rama qe te jemi dhe ne ne djeni te atyre qe ka meqense ju jeni ne djeni.

Persa i perket Oketes, nuk jane te gjithe orator. E pastaj? Mua nuk me intereson sa bukur di te lexoj Oketa ne krahasim me Ramen. Mua me interesojn faktet. Dhe qe ka patur permiresime qe kur eshte ven PD-ja ne pozit nga populli eshte fakt.

Marreveshja e Asociim Stabilizimit nuk do te nenshkruhej kurre ne qoftese zgjedhjet nuk do te beheshin ne menyre Demokratike ne krahasim me vitet e shkuara. Fitorja e ndershme e PD-s eshte nje hap ne vetvete drejt kesaj marreveshjeje.

Buxheti do vi duke u rritur dhe ai eshte i mire sepse nuk po i vidhet popullit. Duke i ulur taksat bizneseve te vogla atehere hapet rruge per zhvillimin e tyre te metejshem. Duke i prere rrogat (dhe rryshfetet qe i jipnin vetes se tyre socialistet dhe te korruptuarit) atehere qeveria arrine te perdori parat ne menyre me efikase. Cdo sektor tjeter ka patur ulje? Me jipni shembuj, dhe jo shembuj si MJAFT. Mjaft nuk eshte organizat qeveritare. Ajo eshte organizat shoqerore qe deri me tani eshte varur nga fonde te huaja me sa di une. Pastaj, meqense e permendet MJAFT. Ne cfare menyre ka sherbyer MJAFT ne favor te Shqiperise? (sepse qe ti jepen fonde kesaj shoqate atehere duhet te shihen rezultate te arritura nga kjo shoqat, apo jo?). Ndersa persa i perket energjitikes, ju i keni pare lajmet mire, atehere duhet te keni pare edhe dokumentat qe kish lene Nanua pa firmosur ne lidhje me energjitiken.

Dhe se fundi, ku e keni pare ju planin ne axhendes se BE-s ne lidhje me korridorin 8?

[Veshtrusja]

Cili korridor 8 eshte futur ne axhenden e BE?? Mos e kana fjalen per 3 km hekurudhe nga Pogradeci ne Maqedoni, se asgje tjeter nuk figuron ne planet investuese te BE.

lexo me vemendje tani:

PD vlerëson të një rëndësie të veçantë përfshirjen e Korridorit 8 në projektet shtesë të "Rrjetit Europian për Paqen dhe Zhvillimin

Bano: Dëshmi e vlerësimit të BE për qeverinë "Berisha"


Partia Demokratike vlerëson të një rëndësie të veçantë, përfshirjen e Korridorit 8 në projektet shtesë të "Rrjetit Europian për Paqen dhe Zhvillimin". Sekretari për Burimet Njerëzore të PD-së, Ilir Bano, u shpreh dje për "RD" se, rivendosja e Korridorit 8 ndër prioritetet kryesore të BE është një tregues tepër i rëndësishëm i vlerësimit të BE për punën e qeverisë së re shqiptare. "Rivendosja e Korridorit 8 në prioritetet e Komisionit Europian është një tregues tepër i rëndësishëm i vlerësimit të BE për punën e qeverisë së re shqiptare, për programin e saj, për kthesën që ka marrë Shqipëria në drejtim të zhvillimit të saj të gjithanshëm dhe të integrimit europian", shprehet Bano. Dy ditë më parë, ministri italian i Transporteve, Pietro Lunardi, vuri në dijeni kryeministrin shqiptar Sali Berisha për rikthimin e Korridorit 8 në prioritetet e BE si një korridor transnacional. Zoti Lunardi e siguroi kryeministrin shqiptar se do të shpejtohen të gjitha procedurat dhe se po krijohet një grup pune shumë i rëndësishëm për projektimin, nxitjen dhe zhvillimin e Korridorit 8. Deputeti demokrat Ilir Bano e konsideron këtë si një ogur shumë të mirë për Shqipërinë.

"Lajmi që u dha së fundmi për rishikimin e këtij pozicioni nga Bashkimi Europian, pra rivendosjen e Korridorit 8 ndër korridoret prioritare të BE është një ogur shumë i mirë për Shqipërinë, për zhvillimet e saj të ardhshme", shprehet Bano. Sekretari demokrat për Burimet Njerëzore, një ndër ekspertët më në zë të PD në fushën e transporteve dhe industrisë thotë se ka qenë nisma dhe këmbëngulja e qeverisë demokratike deri në vitin '96, që e vuri këtë korridor ndër prioritetet e investimeve në Shqipëri me impakt shumëplanësh në zhvillimin ekonomik të vendit.

"Rëndësia e Korridorit 8-të tashmë është më se e njohur, jo vetëm për klasën politike shqiptare, por për mbarë opinionin. Ka qenë nisma dhe këmbëngulja e qeverisë demokratike deri në vitin '96 që e vuri këtë korridor ndër prioritet e investimeve në Shqipëri me impakt shumëplanësh në zhvillimin ekonomik të vendit, por edhe më gjerë, pasi dihet se rëndësia e korridoreve lidhet edhe me përshpejtimin e integrimit, me marrëdhëniet midis njerëzve; është lëvizje e njerëzve, e mallrave, i ideve", shprehet Bano. Duke vlerësuar rëndësinë e rikonsiderimit të këtij Korridori nga BE, deputeti demokrat sqaron se, "Korridori në vetvete nuk është një rrugë, por është një kompleks masash dhe investimet që kanë të bëjnë, krahas rrugës, me infrastrukturën hekurudhore, linjat elektrike, telekomunikacionin, naftë dhe gazsjellësin etj". Gjithsesi sipas zotit Bano, ndonëse ishte në rrugë të mbarë për aq kohë sa PD ishte në pushtet, me ardhjen e PS në fuqi, me ndërrimin e pushteteve në '97-ën ai u la pas dore. Madje, Bano e konsideron këtë si një nga veprat më të këqija dhe më të poshtra që shpalli qeverisja e kaluar. Kjo për faktin se, "ndonëse herë pas here flitej, në aspektin praktik Korridori 8 u harrua nga qeverisja e PS, nuk u ngulmua; për të mos thënë që iu nënshtrua presioneve të caktuara në dëm të interesave tona". Ky devijim nga një prej korridoreve më të rëndësishëm të rajonit, sipas deputetit demokrat Bano erdhi para së gjithash si pasojë e keqqeverisjes socialiste të 8 viteve të shkuara, korrupsionit galopant dhe përcaktimit të Shqipërisë si vend origjine dhe qendër e trafiqeve për në Europën Perëndimore. Bano mendon se në këtë linjë në harresë të këtij korridori ka patur ndikimin e tij mungesa e shtetit ligjor si dhe mungesa e zgjedhjeve të lira në Shqipëri. "Komisioni Eurpopian e hoqi këtë korridor nga lista e korridoreve prioritare nga mosbesimi që kishte tek qeverisja e atëhershme e korruptuar shqiptare, gjë që u denoncua në atë kohë fuqishëm nga PD, si një dëm i madh që i bëhej Shqipërisë", shprehet Bano. Sipas tij, tashmë janë të gjitha mundësitë që ky Korridor prioritar të ecë në linjat që është projektuar në dobi të zhvillimit, jo vetëm të Shqipërisë, por të gjithë rajonit.

H.RAMA

[Veshtrusja]

Zarathustra, me sa duket ju nuk jeni dhe aq ne djeni me zhvillimet ne politiken shqiptare ne lidhje me koridorin 8. Ne kete menyre ne skemi si te marrim per fakte ato pikat e rreshtuara aq bukur nga ju.
____________________________________________

Zëvendësministri i Punëve Publike, Transportit dhe Telekomunikacionit përshëndet vendimin e Brukselit për Korridorin 8


Teliti: Vendimi i BE, nxitës për zhvillimin e shpejtë të vendit



Lajmi që ministri italian i Transporteve, Lunardi, i transmetoi para dy ditësh kryeministrit shqiptar Berisha se Komisioni Europian kishte përfshirë në projektet e tij ngritjen e Korridorit 8, një aks automobilistik ky që duhet të lidhë qytetin bregdetar bullgar të Varnës në Detin e Zi me Shkupin dhe Durrësin, u konfirmua edhe në Selinë e në Komisionin Europian në Bruksel, nga komisioneri i BE, përgjegjës për transportin, Zhak Borro dhe ish-komisionerja Loyla del Palaçio. Këta zyrtarë bënë të njohur, se pas aprovimit para dy vjetësh të akseve rrugore që do të bashkonin me njëri-tjetrin metropolet kryesore të Europës Perëndimore me vendet e reja anëtare të Europës Lindore, Komisioni Europian ka aprovuar tani edhe një rrjet shtesë tjetër linjash hekurudhore, portuale dhe rrugore që duhet të bashkojnë 25 vendet anëtare të BE me 26 vende fqinje, duke përfshirë këtu edhe ato arabike, të Lindjes së Mesme, Rusisë, Azisë Qendrore, etj. Loyla del Palaçio, bëri të ditur se këto akse duhet të jenë ndërtuar deri në vitin 2020 dhe se Komisioni Europian, në bashkëpunim dhe me Bankën Botërore, Bankën Europiane për Rindërtim dhe Zhvillim si dhe Bankën Europiane të Investimeve kanë parashikuar një buxhet bazë prej 45 miliardë Eurosh. Në këtë mënyrë, ngritja e Korridorit 8, një aks rrugor ky që duhet të bashkojë qytetin bullgar të Varnës në Detin e Zi me Durrësin në Adriatik, përfshihet në projekjet shtesë të "Rrjetit Europian për paqen dhe Zhvillimin". Zëvendësministri i Punëve Publike, Transportit dhe Telekomunikacionit, Armand Teliti, e konsideron këtë një fakt shumë të rëndësishëm, jo vetëm për Shqipërinë, por për gjithë rajonin e Ballkanit. Kjo, sipas tij, natyrisht dhe për lidhjet e Europës Perëndimore me Europën Qendrore dhe Lindore.


- Bashkimi Europian riktheu si prioritet të tij Korridorin 8. Ç'përbën ky fakt për zëvendësministrin e Punëve Publike, Transportit dhe Telekomunikacionit, Armand Teliti?


Natyrisht, rikonsiderimi i investimeve për koridorin 8 nga Bashkimi Europian përbën një fakt shumë të rëndësishëm, jo vetëm për Shqipërinë, por për gjithë rajonin e Ballkanit. Kjo, natyrisht dhe për lidhjet e Europës Perëndimore me Europën Qendrore dhe Lindore. Ky është një korridor që do të gjallërojë gjithë ekonominë dhe jetën shqiptare. Është një korridor jashtëzakonisht i rëndësishëm, sepse në këtë mënyrë Shqipëria kthehet në natyralitetin e pozitës së saj gjeo-strategjike, në atë që perëndia i ka falur pozicionin e saj gjeografik, ku natyrshëm të gjitha rrugët që kryqëzohen për në Europë kalojnë përmes Shqipërisë. Për mendimin tim ky është një fat i madh që BE e riktheu në prioritet e tij për vitet e ardhshme dhe besoj që është një perspektivë shumë e mirë për zhvillimin e Shqipërisë në tërësi.


- Pra, tashmë kemi të bëjmë me një konfirmim zyrtar të një investimi prej 45 miliardë Eurosh për paketën infrastrukturore. Ku përfshihet Korridori 8?


Është bërë e ditur tashmë se Komisioni Europian ka aprovuar tani edhe një rrjet shtesë tjetër linjash hekurudhore, portuale dhe rrugore që duhet të bashkojnë 25 vendet anëtare të BE me 26 vende fqinje, duke përfshirë këtu edhe ato arabike, të Lindjes së Mesme, Rusisë, Azisë Qëndrore, etj. Loyla del Palaçio, bëri të ditur se këto akse duhet të jenë ndërtuar deri në vitin 2020 dhe se Komisioni Europian, në bashkëpunim dhe me Bankën Botërore, Bankën Europiane për Rindërtim dhe Zhvillim si dhe Bankën Europiane të Investimeve kanë parashikuar një buxhet bazë prej 45 miliardë Eurosh. Në këtë mënyrë, ngritja e Korridorit 8, një aks rrugor ky që duhet të bashkojë qytetin bullgar të Varnës në Detin e Zi me Durrësin në Adriatik, përfshihet në projekjet shtesë të "Rrjetit Europian për paqen dhe Zhvillimin".


- Ç'do të bëjë dikasteri juaj për avancimin e këtij projekti të lënë në harresë nga qeverisja e PS në tetë vitet e shkuara?


Në momentin që Komuniteti Europian e vendosi Korridorin 8 në prioritetet e tij, ky natyrisht që hyn edhe në prioritetet e qeverisë shqiptare. Normalisht që është prioritet kryesor i Ministrisë së Transporteve dhe të Telekomunikacionit. Për rrjedhojë ai do të jetë në mënyrë absolute nga prioritetet më të mëdha të qeverisë shqiptare dhe të ministrisë tonë. Si i tillë do të ketë gjithë kujdesin dhe gjithë vëmendjen për të bërë gjithçka është e mundur për ta shtyrë atë përpara, për të ndihmuar me të gjitha format dhe mënyrat që ky projekt të bëhet aktiv në kohë rekord.

Përgatiti: Halil RAMA

[Veshtrusja]

Ahaaaaaaaaaa, tani e morra vesh perse me permende MJAFT-in o Zarathuster! ncncncnc sa te ulet qe jane ca njerez. Erion Veliaj erdhi u takua me komunitetin ku jetoj une dhe i ka then popullit plot-goja qe nuk ishte shoqat politike dhe se nuk merrej me politiken. Ndersa tani paska bere aleance me PS-n! C'fare hipokrizie. Duhet ta kishim pritur kete... Pfffff Ku je o Erion Veliaj ku je? Eshte me se e qarte qe Erioni do kerkoj te zvendesoj Edushin ne te ardhmen....

heu heuuuuu c'vete o popull... Erioni paska marre fonde nga Rama kshu ncncnc
________________________________________

PS dhe "Mjaft!" kundërshtojnë buxhetin për arsimin

Fillojnë të përcaktohen konturet e një aleance të re mes PS-së dhe "Mjaft!"-it që po merr trajtë zyrtare, pas përçarjes së madhe dhe dyshimeve në qëndrimet PS-LSI. Ende vakant vendi i kryetarit të FRESSH-it

Një aleance e re mes "Mjaft!"-it dhe PS-së është vënë re dje gjatë diskutimeve në komisionin parlamentar të Arsimit, për projektbuxhetin. Ajo që kishte kohë që ishte paralajmëruar për një afrim të sigurtë mes PS-së dhe "Mjaft!"-it, është bërë realitet dje. Kjo aleance e re, mes një force politike dhe disa përfaqësuesve të shoqërisë civile, vjen në një kohë kur e majta shqiptare ndodhet e përçarë dhe pa busull e imazhi i aleancave me shoqërinë civile, mund t'i shpëtojë imazhin e keq. Nga ana tjetër, nuk dihet me saktësi se cila mund të jetë marrëveshja mes PS-ë dhe "Mjaft!"-it, në kushtet kur kreu i FRESSH-it për PS-në mbetet vakant. Në komisionin parlamentar të Arsimit dhe mjeteve të informimit publik, Ministria e Financave prezantoi pjesën e projektbuxhetit për arsimin dhe disa institucione të pavarura kulturore dhe shkencore. Sipas drejtoreshës, në projektbuxhet këtë vit janë parashikuar më shumë fonde për rritjen e pagave dhe investimeve në arsim, përfshirë këtu dhe rritje fondesh që i jepen pushtetit lokal në të gjithë vendin, për sistemin e arsimor. Por shifrat që jep projektbuxheti për vitin 2006 për sistemin, janë kundërshtuar nga socialistët në komision, të cilët thonë se projektbuxheti i
afruar është më i pakët se sa ai i vitit 2005. Nuk mund ta pranojmë si të tillë, si një rritje konkrete të buxhetit. Ne kemi në dorë një projektbuxhet dhe një projektligj për ta miratuar në parlament, ku rritja reale e buxhetit për arsimin është vetëm 3.1%, gjë që nuk dëshmon se arsimi është prioritet , tha dje ish-ministri i Arsimit, Luan Memushi. Ndërsa mazhoranca e ka cilësuar projektbuxhetin si realizues të premtimeve elektorale, gjatë fushatës së verës. Veç asaj pjese
që parashikohet në projektbuxhet dhe që është e pasqyruar aty, kemi edhe atë pjesë të fondit, e cila do të përdoret në vijimësi siç është thënë edhe pas gjashtëmujorit të parë duke parë funksionimin mbi bazën e grantit tonë. Gjithçka është e parashikuar dhe çdo premtim do të mbahet , u shpreh Ylli Pango. Por nga ana tjetër, me opozitën janë bashkuar edhe përfaqësuesit e lëvizjes "Mjaft!", të cilët u shprehën se projektbuxheti i ofruar është i pamjaftueshëm për arsimin,
gjatë vitit të ardhshëm. Sipas tyre, buxheti për arsimin ka një rritje minimale prej 0.16% të prodhimit të përgjithshëm bruto, e cila nuk përbën as një përgjigje të nevojës, por edhe as një përgjigje të mirë të mazhorancës.

Saimir Kola

[Lunesta]

MISIONI I MUNDUR I LSI-SE



Nga Arben Rrozhani



Shumica parlamentare ne Kuvendin e Shqiperise votoi pak dite me pare ndryshimet ne ligjin per KLD-ne, njeren prej pikave te propozuara prej Levizjes Socialiste per Integrim per te cliruar strukturat shteterore nga konflikti i interesave. Votimi me shumice i cilesuar per shmangien e konfliktit te interesave, megjithese nje arritje per kryerjen e refomrave te kerkuara prej Shqiperise, eshte marre si agresion nga semgente brenda PS-se dhe disa partive te majta, qe jane rritur nen hijen e Partise Socialiste. LSI-ja dhe PDS-ja, deputetet e te ciles shfrytezuan voten per te dhene nje mesim per kursin qe duhet te ndjeke nje politike serioze dhe e pergjegjshme per fatet e vendit, jane nen rrebeshin e kritikave, vecanerisht, te akuzuara se jane te gatshme te bejne aleanca fluide me kundeshtaret politike, duke qene parti joqeverisese dhe te spektrit te majte.



Aleanca fluide



Termi aleance fluide ka ekzistuar edhe me pare ne politiken shqiptare, por ai u cimentua para dhe pas rrezimit te qeverise se ish-kryeministrit Ilir Meta, ne shkurt 2002, i cili dha doreheqjen pas luftes se hapur te z.Nano, levizje e mbeshtetur fuqimisht nga Partia Demokratike dhe kryetari i saj, Berisha, ndonese ky i fundit bente indiferentin duke deklaruar se nuk do te nderhynte ne problemet e brendshme te socialisteve. Prej marsit 2002 dhe disa here radhazi, PS-ja dhe PD-ja kane shfrytezuar te gjitha hapesirat ne parlament dhe jashte tij me ane te aleancave te pastra per te diktuar zhvillimet politike ne vend dhe ndertimin e institucioneve.

Ne mars 2002 ishin votat e deputeteve te shumices socialiste dhe te pakices demokrate qe rrezuan prokurorin e pergjithshem Arben Rakipi dhe e zevendesuan me prokurorin aktual, Theodhori Sollaku. Ne qershor PS-ja i dha votat figures konsensuale per president te republikes, z.Alfred Moisiu, kandidat i propozuar nga Partia Demokratike. Edhe pas mbarimit te "muajve te mjaltit" mes Nanos dhe Berishes, aleanca fluide PS-PD orientoi zhvillimet politike. PD-ja mbeshteti largimin e ish-kryetarit te SHISH-it, Fatos Klosi, dhe emerimin e nje kandidature te propozuar nga z.Nano. Ne parlament, deputetet me perfaqesues te kryetarit socialist sulmuan ashper kryetarin e bashkise se Tiranes, pas hapjes aksidentale te portes se diges ne liqenin artificial dhe permbytjes se nje lagjeje ne Tiranen e re. Z.Rama akuzoi atehere mocalin e politikes se larte, duke patur parasysh nje aleance fluide mes PS-se dhe PD-se. PS-ja dhe PD-ja bashkepunuan per te ruajtur sistemin bipolar ne sfidat elektorale, duke shmangur partite e tjera. Ne vitin 2003, qeveria e z.Nano qendroi disa kohe pa dy ministra, pasi Kuvendi i kishte rrezuar kandidaturat e kryeministrit, por partia e z.Berisha nuk e coi me tej betejen parlamentare, duke shmangur rrezimin e trete te kryeministrit socialist. Ne fund te fundit ishte aleanca fluide PS-PD, e partive krijuese dhe perfituese te megadushkut te 3 korrikut 2005, qe copetoi votat e partive tetjera, te cilat nuk u lejuan te kishin as komisionere ne Komisionet Zonale Zgjedhore.



Largimi i detyruar



Prej zgjedhjeve te qershorit 2001, ish-kryeministri Ilir Meta ka qene figura politike me e polemizuar ne vend. Ai mori drejtimin e qeverise pas konkurrimit te deshtuar te Pandeli Majkos per te marre kreun e Partise Socialiste ne shtator 1999, post i lene bosh pas doreheqjes se z.Nano ne shkurt 1999. Prej fundvitit 1999 dhe deri ne shkurt 2002, z.Meta, megjithese ne pak hapesire kohore dhe ne ngerc politik prej luftes se brendshme ne PS qe transferohej edhe ne qeverisje, arriti te jape performancen me te mire te nje qeverisjeje te majte, duke u meshuar fort reformave, ndertimeve publike dhe politikave sociale. Shqiptaret e mbajne mend kete kohe te shkurter per investimet e shumta publike, sidomos ne infrastrukture, ndersa shume projekte te asaj kohe vazhdojne te zbatohen edhe nga qeverite pasardhese. Ekonomia kombetare fitoi performancen me te mire, pas disa vitesh stanjacioni, me gjithe krizen e pashembullt dhe rajonale energjitike te vitit 2000 qe cenoi rritjen makro-ekonomike te vendit. Investimet publike ne vitin 2001 prej 43 miliarde lekesh nuk jane arritur asnjehere deri me sot. Qeveria kreu me sukses shume privatizime, duke rritur frymemarrjen e ekonomise dhe shkallen e punesimit. Qeveria e Tiranes ishte zeri autoritar ne rajon dhe ne raport me partneret nderkombetare, qe vazhdonin te kishin ne qender te vemendjes Ballkanin e sapodale nga konfliktet ne ish-Jugosllavi.

Z.Nano i rikthyer ne drejtimin e PS-se, duke patur parasysh perkrahjen popullore qe gezonte qeveria e z.Meta i premtoi elektoratit te majte se edhe qeveria e dale pas zgjedhjeve te qershorit 2001, do te drejtohej prej te njejtit kryeminister. Fushata elektorale u bazua mbi arritjet e qeverise se z.Meta dhe e majta fitoi edhe nje mandat tjeter katervjecar per te qeverisur. Por, lufta e brendshme ne parti e segmenteve qe mbeshtesnin z.Nano cenoi vijimesine e mandatit qeverises. Ish-ministri i Financave gjate Qeverise se Pajtimit Kombetar, "mars-qershor 1997) u caktua si njeriu i kryesocialistit per te marre drejtimin e Ekzekutivit. Por Komiteti i Pergjithshem Drejtues i dha 84 vota kryeministrit Meta, ndersa z.Malaj, kandidati i z.Nano, mori vetem cerekun e ketyre votave. I ndodhur para votes en bloc brenda forumeve te larta te partise, z.Nano akuzoi shoket se kishin shitur votat dhe nisi fushaten denigruese me takime populiste. Kryeministri dhe bashkepuntoret e tij, me te cilet PS-ja kishte fituar mandatin e dyte qeverises u akuzuan per korrupsion dhe uzurpim te pushteteve. Fushata per "katharsis" vijoi me tone gjithnje me te renda, deri ne shkurt 2002, kur per te shmangur agravimin e krizes brenda partise qeverisese, e cila kishte mbajtur nen tension edhe punen e kabinetit qeveritar, kryeministri te deklaronte doreheqjen.

Me krijimin e kabinetit te trete qeveritar qe drejtohej nga z.Nano ne korrik 2002, z.Meta pranoi te ishte pjese, duke lene manjane te shkuaren e hidhur, sepse PS-ja ishte ndare ne dy kampe dhe largimi i ish-kryeministrit do ta rrezikonte PS-ne ne permbushjen e premtimeve te dhena para elektoratit per mandatin qeverises.

Por fryma e bashkepunimit ne te mire te interesave te vendit u mbyt prej njerezve te kryeministrit dhe deshires se tij per te kontrolluar te gjitha pushtetet, derisa ne mesin e vitit 2003 z.Meta dha doreheqjen nga posti i zv.kryeministrit dhe ministrit te Jashtem, duke paralajmeruar deshtimin e marreveshjes se Stabilizim Asocimit per shkak te monopoleve dhe konfliktit te interesave te ngritura ne sistem.



Misioni i LSI-se



Z.Meta eshte nder te vetmit politikane shqiptare qe ben levizjet me te papritura politike. Ne historine 15-vjecare te pluralizmit shqiptar ende nuk ka ndodhur qe nje politikan qe braktise qoshen e ngrohte ne pushtet per te dale jashte tij. Madje ka ndodhur e kunderta, sic ishte rasti i partise se majte te z.Lufter Xhuveli, i cili megjithese u fut ne parlament si opozitar, me votat e elektoratit te majte, fale bashkepunimit me PD-ne eshte prej shtatorit 2005 parti qeverisese ne koalicionin e djathte.

Deputet ne nje moshe shume te re, drejtues i forumeve te larta ne parti, kryeminister dy here, z.Meta mund ta kishte mbajtur postin luksoz te zevendeskryeministrit dhe te ministrit te Jashtem, te bente njesoj si shpura tjeter qeverisese, sepse faturen e ndeshkimit nga elektorati do ta paguante kreu i qeverise, ashtu sic edhe ndodhi dy vite me vone. Por, duke qene ne oponence me praktikat e qeverisjes se z.Nano dhe kunder instalimit te frymes se monopoleve, ai bashke me nje grup deputetesh te PS-se pranuan te paguanin koston e qenies jashte pushtetit, nen agresionin e vazhdueshem te lidershipit te PS-se dhe nen sulmet e lidershipit te PD-se.

Nese politika brenda PS-se do te kishte ecur ne shtratin normal, z.Meta do te ishte lideri natyral i PS-se, pas largimit te z.Nano, ndersa z.Rama do te kishte krijuar nje parti te re. Ish-kryeministri u rrit ne kete force politike qe ne fillimet e saj, i sherbeu asaj per t"u reformuar dhe per te qeverisur vendin me sukses.

Largimi dhe krijimi i nje force te re politike ishte edhe rasti qe LSI-ja te testohej para elektoratit. Z.Meta, pragmatist, njeheresh edhe idealist, ndryshe nga kryetaret e tjere politike ishte i vetmi ne zgjedhjet e fundit qe e la veten jashte listes shumeemerore te partise, duke konkurruar si perhere drejtperdrejt ne popull. Kandidatet e LSI-se ne 10 zona te vendit dolen te dytet. Mungesa e komisionereve ne numerim mendohet t"u kete hequr atyre mandatin per t"ua shperndare votat kandidateve te partive te tjera.

LSI-ja kishte premtuar se do te ishte forca politike qe do te diktonte zhvillimet politike ne vend, duke i dhene fund sistemit bipolar dhe duke e bere politiken shqiptare me interesante. Ajo do te kishte mbajtur premtimin per te vendosur per kryeministrin e ri, nese nuk do te sajohej turpi i 3 korrikut, ashtu sic mbajti premtimin per voten pro ndaj konfliktit te interesave, nje premtim te bazuar ne programin e saj partiak per cmontimin e monopoleve dhe korrupsionit.

Ajo ka premtuar se do te luftoje per kthimin sa me te shpejte te te majtes ne pushtet. Takimi simbolik i 29 Nentorit mes kreut te LSI-se dhe kreut te PS-se, tregoi se sa i ndjeshem eshte opinioni publik dhe politik ne vend per bashkepunimin mes dy partive kryesore te majta. Ky afrim ka trembur nje grup qe ende pengon hapjen reale te PS-se dhe disa drejtues partish pa elektorat, te cilat do te figuronin vetem si subjekte te legalizuara ne Ministrine e Drejtesise pa oksigjenin politik qe u jep falja e votave te elektoratit te majte nga PS-ja. Institucionalizimi i ketij afrimi, mes nje ballafaqimi mes dy lidereve politike te se majtes do te jete pergjigjia me e mire per misionin qe ka LSI-ja per fatin e te majtes dhe integrimit europian te vendit.

Edhe PASOK ne zgjedhjet e para kur konkurroi mori 10 per qind te votave, porne pak vite arriti te vinte ne pushtet i vetem. Duket se LSI-ja dhe Meta jane plot ambicie dhe vendosmeri per te ecur ne rrugen e tyre te pavarur politike qe do te ndihmoje ne kalbezimin perfundimtar te sistemit dypartiak dhe berjen e LSI-se forcen kryesore percaktuese te skenes politike. Rrezikun me te madh LSI-ja e kaloi bashke me rezultatin e 3 korrikut dhe sot duket me e bindur se e ardhmja punon per te.


kj

[Lunesta]

Papergjegjshmeria e njeriut qe drejton shtetin
E Premte, 16 Dhjetor 2005
Kllounkryeministri dhe shqiptaret

Nga Dritan Kaba

Miratimi i paketes fiskale nga ana e "Qeverise se Sherbesave" ne Parlament, solli edhe njehere ne vemendjen e te gjithe shqiptareve, premtimet e bujshme elektorale te njeriut me te papergjegjshem me fjalen, shperdoruesin me tipik te saj, Kryeministrin aktual. Ky njeri duhet t'u kerkoje falje te gjithe shqiptareve per premtimet ne ere dhe balten e hedhur mbi qeverisjen socialiste. Asnje nga premtimet e bujshme te ketij kllounkryeministri, jo vetem gjate fushates eklektorale, por edhe ne fjalimin e mbajtur ne Parlament kur kerkoi votebesimin e qeverise se tij, nuk eshte realizuar.

Premtimet elektorale, "Perralle nga e kaluara"

"Martohu me te, bije, se edhe ne do te jemi me mire, do te na ndihmosh nga ana ekonomike". Keto jane fjalet, qe u drejtua nena se bijes per te marre 14-vjecarin per dhender, per nje jete me te mire te familjes se saj.

Keshtu iu duket vetja sot, edhe atyre qe u mashtuan nga premtimet elektorale te bera nga anetaret e KOP-it, qe cuditerisht ngjajne shume me dhendrin 14-vjecar, dhe Kryeministrit te sotem, qe cuditerisht eshte idem me babain e "dhendureve te mitur", votuan per programin qe nuk mund te realizohet.

Dhe keta nuk jane shumica e shqiptareve, por shumica e atyre qe besuan te pabesueshmen. Shumica e shqiptareve nuk e votoi, dhe as do ta votoje ate. Kesaj shumice do t'i bashkohen dhe keta te zhgenjyer. Ne paketen e re fiskale pritej "ndryshimi i madh", por asgje nuk ndodhi. Te krahasojme premtimet e "dhendureve" dhe "babait" te tyre, me paketen fiskale te sapomiratuar ne Parlament.

Data e shpalljes se Mashtrimit te Madh, cuditerisht eshte pothuaj e njejte me deklaratat e bera shume kohe me pare nga Xhon Mekgou. Keto jane ne te njejtin muaj, ne shkurt. Mashtrimi i Madh filloi pikerisht me 21 shkurt te ketij viti, jo te vitit '92.

Ne platformen per paketen fiskale, Kryeministri i sotem premtonte per heqjen nga taksa per 3 vjet, te gjithe bizneset e reja. Ne paketen qe sapo u miratua, ky Mashtrim i Madh as qe u permend. Eshte ne nderin e tij, qe kllounkryeministri t'u kerkoje falje shqiptareve per kete mashtrim. Ai duhet te dale perseri ne Hotel "Tirana", me te njejtet "dhendure", dhe t'u thote shqiptareve: JU KAM GENJYER.

Ulja e tatim-fitimit me masen prej 20% per eksportuesit. Ne paketen fiskale te sapomiratuar, ky premtim nuk ishte. Ashtu si mblodhi biznesmenet per t'a lancuar kete premtim, duhet t'i mbledhe perseri sot per t'u kerkuar falje. Meqe per paketen fiskale qe miratoi te henen ne Parlament, nuk e diskutoi me grupet e interesit, t'i mbledhe tani eksportuesit shqiptare, dhe t'u thote, JU KAM GENJYER.

Uljen ne 17% te TVSH, por as kjo pike e Mashtrimit te Madh nuk u artikulua ne paketen fiskale.

Qeveria socialiste kishte arritur nje marreveshje me FMN, per nje ulje ne nivelin 18% te TVSH per te gjitha mallrat dhe sherbimet.

Shqiptaret duhet te paguajne, duke filluar nga janari, perseri me TVSH 20%, sherbimet e "Qeverise se Sherbesave". Per kete detyrim qe shqiptaret duhet te paguajne me shume "Qeverise se Sherbesave", nuk e di, por ky emertim per Qeverine (autoresia nuk eshte e imja, por e S. B., shkurt ose e sherbesetarit ne variantin e plote) me ngjan si sherbim funeral, jo si emertim per nje qeveri, Duhet te dale perpara taksapaguesve dhe t'u thote: JU KAM GENJYER.

Uljen ne 6% te TVSH per energjine elektrike, por as kete "Qeveria e sherbesave" nuk mundi ta bente. Ky premtim eshte me i veshtire per t'u mbajtur, se gjetja nga Xhon Mekgou e "arit te grabitur". Per amendamentin e propozuar nga grupi parlamentar socialist per uljen e TVSH ne masen 5% te enegjise per konsumatoret, zoti Kryeminister u shpreh se jam dakord, por duhet te jete edhe FMN me te njejtin qendrim, a thua sikur para gjashte muajve ne fushate, apo dhe tre muajve kur u votebesua "Qeveria e sherbesave" ne Parlament, nuk ekzistonte FMN. Papritur dhe pa kujtuar FMN u shfaq ne Shqiperi, si nje alien i sapomberritur nga qielli.

Per kete mashtrim, "Qeveria e Sherbesave" duhet t'u thote shqiptareve: JU GENJYEM.

Ne fjalimin qe mbajti ne Parlament per votebesimin e Qeverise, premtoi ngritjen e 4 000 apartamenteve. Ne fushaten elektorale, Kryeministri i sotem premtonte ngritjen e 12 mije apartamenteve, cuditerisht ne te njejten date me prezantimin e paketes fiskale, me 21 shkurt 2005. Vetem ne tre muaj u pjesetuan me tri shifrat e fushates. Por me parashikimin qe ka ky ze ne buxhet, kjo shifer duhet te ripjesetohet te pakten dhe tri here te tjera.

Qeveria socialiste i filloi apartamentet per te pastrehet me nje program serioz dhe te mbeshtetur ne financime te sigurta.

Kllounkryeministri duhet te dale dhe t'u kerkoje ndjese te pastreheve, dhe t'u thote: JU GENJEVA

Lufta kunder korrupsionit dhe "aferave korruptive" te qeverisjes socialiste

Akuzat e bujshme per "korrupsionin socialist" po fillojne t'i kthehen ne boomerang kllounkryeministrit. Niviciotet po presin qe ky njeri te anuloje investimin francez te "Club Med" ne Kakome.

Ne 21 shkurt te ketij viti, zoteria ne fjale kerkoi te anulohet leja e dhene nga KRRTRSH, per ngritjen e nje kompleksi modern turistik, ne Kakome. Pas tre muajsh ne qeverisje, ky njeri qe akuzoi per korrupsion qeverine socialiste, per grabitje te "pronave legjitime", as nuk e permend me "ceshtjen Kakome". Ai deklarohej per anulim te kontrates se lidhur nga qeveria shqiptare me "Club Med", sapo ai te vinte ne pushtet.

U zhvillua mbledhja e pare e KRRTRSH, qe i ngjante nje tavoline OJF, dhe aspak nje organizmi shteteror, "ceshtja Kakome" nuk u permend.

Zoteri, duhet t'u kerkosh falje shqiptareve dhe firmes serioze te "Club Med", per akuzat e pabaza.

Tenderi i licences per ushtrimin e aktivitetit te kazinose, te fituar nga firma prestigjoze "Hyatt Regency Hotels & Turism", u anatemua nga Kryeministri ne detyre, kur ishte ne opozite, si nje lavatrice qe do te pastroje parate e pista te fituara nga "kryekrimineli" Fatos Nano. Ai dha dhe shumen e aksioneve te perfituara nga zoti Nano, gjithashtu ne tavolinen e organizuar me shoqerine civile nga PD ne kuader te fushates elektorale, zoti Berisha deklarohet: ...per anulimin e kesaj afere te krimit te organizuar, ku parate e droges dhe kontrabandes do te pastrohen.

Mos valle tani kjo kazino nuk ka me lidhje me parate e pista? Apo tani jane te pastruara me "temen" e kllounkryeministrit: "Ne" ne thelb te qeverisjes kemi mashtrimin.

Perfaqesuesi i kazinose, ne nje konference shtypi te dhene para pak ditesh, e mohoi kete akuze te kryeministrit dhe ne menyre kategorike ai mohoi lidhjet e zotit Nano me shoqerine "Hyatt Regency". Mos valle keto aksione te hamendesuara jane prone e doktorit, tani qe "gogoli" u kthye ne qengj?

Zoteri, duhet t'i kerkosh ndjese publike firmes "Hyatt Regency", per cenimin e reputacionit te saj. Kllounkryeministri duhet t'i kerkoje ndjese publike zotit Nano per akuzat e pabaza, ose duhet t'i gjeje aksionet e kazinose dhe te pergenjeshtroje perfaqesuesin e firmes "Hyatt Regency".

Privatizimi i "Albtelecom" ishte ne qender te akuzave elektorale te zotit Kryeminister. U akuzua atehere qeveria socialiste per nje afere me nje korrupsion me miliona euro.

Zoti Kryeminister ne 27 maj, ka pohuar per procesin e privatizimit: Ky proces kishte nje synim te dyte, pastrimin e parave. Mungesa e plote e transparences, e bejne teresisht te papranueshem kete proces per PD. Kjo ndermarrje nuk mund te privatizohet nga nje kompani hije sic eshte nje "calik".

Para dy muajsh ngriti dhe nje komision per vleresimin e privatizimit, por ende nuk ka asnje reagim. U shua menjehere vala e akuzave per korrupsion. Milionat e eurove nuk dihet se ku shkuan. Nuk ka anulim te privatizimit. Parate e firmes se nderuar "Calik", tani nuk jane me te pista, qe do te duhet te pastrohen. Privatizimi i bere nuk eshte me metode prokurimi "la Corleone".

Kryeministri duhet te jape shpjegime, dhe tani qe ka pushtetin, te largoje nga Shqiperia kete firme, mafioze sipas tij. Pse ngre komisione vleresimi? Pse nuk e riben tenderin me kompanite serioze, qe jane larguar nga konkurrimi ne "menyre mafioze"? A eshte ende "Calik" pastruese parash te pista?

Nese jo, atehere Zoteri duhet t'i kerkosh ndjese firmes "Calik" dhe shqiptareve per mashtrimin e radhes. Duhet t'i kerkosh ndjese publike zotit Nano dhe qeveritareve te tjere socialiste, per fyerjet qe u ke bere. Duhet qe komisionit te privatizimit te "Albtelecom" t'i kerkosh ndjese.

Por nuk mund te kete kurajo qytetare shefi i "Qeverise se Sherbesave", per t'u kerkuar falje shqiptareve. Ishte ky "sherbesetar", qe ne formen e nje perbindeshi gjakosi dhe vrau shqiptaret ne '97. Qe rrembeu 1 miliard dollare nga kursimet e tyre, dhe nuk kerkoi falje.

Tani i kthyer ne nje kllounkryeminister, falja e tij ngjason me pantonimen e luajtuar nga nje klloun.

Dhe pantonima nuk ka fjale.





korrieri