Kinë: Policia hapi zjarr mbi protestuesit

[Davius]

Pas disa ditë heshtjeje, autoritetet pranuan se policia kishte hapur zjarr mbi një turmë protestuesish

Kinë: Policia hapi zjarr mbi protestuesit


E. Kurra

Media shtetërore kineze njofton se autoritetet në jug të Kinës kanë arrestuar një zyrtar që kishte dhënë urdhër policisë të hapte zjarr gjatë një trazire javën e kaluar, ku u vranë disa protestues. Arrestimi u bë një ditë pasi zyrtarët e pranuan se incidenti kishte ndodhur ditën e martë.

Ata thanë se tre vetë u vranë gjatë trazirave, por fshatarët në Dongzhou në provincën Guangdong thanë se rreth 20 persona mund të jenë vrarë. Pas disa ditë heshtjeje, autoritetet më në fund pranuan se policia kishte hapur zjarr mbi një turmë protestuesish. Agjencia kineze e lajmeve Xin Hua, përshkruan se si më shumë se 300 fshatarë me thika, shishe të mbushura me benzinë dhe shufra dinamiti u përleshën me policinë në provincën Guangdong, të martën e javës së kaluar. Agjencia thotë se më pas policia filloi të qëllojë, pasi turma filloi të hidhte eksplozivë drejt tyre.

Tre vetë u vranë dhe pesë të tjerë u plagosën në kaosin që pasoi. Por fshatarët tregojnë një histori tjetër. Ata thonë se vetëm fishekzjarrë dhe jo eksplozivë u hodhën drejt policëve, të cilët hapën zjarr duke vrarë deri në 20 vetë. Fshati që nga ajo ditë është rrethuar nga forca policore. Fshatarët ishin përfshirë në një mosmarrëveshje me autoritetet lokale lidhur me kompensimin që u takonte pas marrjes së tokës për ndërtimin e një uzine. Kina po has vështirësi në përballimin e ndjenjave të pakënaqësisë me 74 mijë protesta të regjistruara vetëm vitin e kaluar. Por ngjarjet e ndodhura pas vrasjes në sheshin “Tien Anmen” ende janë të gjalla dhe është e pazakontë për policinë kineze të përdorë zjarr të vërtetë për të shtypur një demonstratë.

------------

S'eshte hera e pare qe ndodhin gjera te tilla ne Kinen e larget e cila eshte zgjedhur shteti me jo-tolerant ne Bote ndaj popullit te vetë.

[-Edu]

Mund te themi lirisht se eshte populli me Komunist ne Bote,

china@wearestupid.com