Vret pse e la gruaja

[bija_e_detit]

Lexoni cfare cmendurirash bejne shqiptaret, lan nam neper bote, kesaj i thone te martohesh me zor.......... aaaaaaaaa gjerman te rente damllaja ca le prapa


Hakmarrja amerikane, nëna ekzekutohet në sy të vajzës
E Merkure, 07 Dhjetor 2005
krim i rëndë në qytetin e Elbasanit. Dylbere Belshaku u ekzekutua në prani të vajzës së saj të mitur, nga një person i cili trokiti në derë dhe kur ajo iu hap, i mori jetën 50-vjeçares. Dyshimet për hakmarrje të dy vëllezërve emigrantë



ELBASAN - Ekzekutohet në shtëpinë e saj në sy të vajzës 16 vjeçe nëna e tre fëmijëve. Dylbere Belshaku 50 vjeç me banim në katin e tretë të pallatit 590 në lagjen "Haxhias" në Elbasan është ekzekutuar dje në orën 17.15 minuta nga persona ende të paidentifikuar. Vrasësi ka trokitur qetësisht në derë dhe sapo Dylberja ka dalë tek pragu i shtëpisë e ka qëlluar për vdekje me dy plumba pistolete. E gjithë skena është parë nga vajza 16 vjeçare Edra Belshaku. Pasi ka kryer krimin autori është larguar me shpejtësi duke lënë dyshime dhe mister nga pas. Në fillim fqinjët kanë menduar se ka plasur ndonjë kapsollë, por vetëm pak sekonda më vonë vajza 16 vjeçare ka dhënë kujën duke alarmuar pallatin.

Rrëfejnë dëshmitarët

Një nga fqinjët e familjes Belshaku, Marjeta N., 35 vjeçe tregon si e përjetoi ngjarjen: "Ndodhesha në shtëpi bashkë me fëmijët kur dëgjova dy të shtëna. Mendova se mos ishin plasje kapsollash, por pak çaste më vonë vajza 16 vjeçare dhe kujën në shtëpi. Dolëm të alarmuar dhe u shokuam kur pamë Dylberen të shtrirë e të larë në gjak. Unë i dhashë ndihmën e parë duke i bërë frymëmarrje artificiale nga goja. Dylberja ende ishte e ngrohtë dhe përpëlitej nga dhimbjet. Një plumb e kishte marrë në zemër dhe një tjetër në bark. Komshinjtë e tjerë lajmëruan ambulancën dhe policinë. Dylberja u nis me urgjencë në spital. Ne shpresuam se do të shpëtonte kur më vonë mësuam se ka vdekur. Jemi shumë të tronditur dhe nuk dimë se cilat janë motivet. Nuk pamë ndonjë njeri të dyshimtë. Kur dolëm ne gjithçka kishte përfunduar", pohon fqinja e të ndjerës.

Kush ishte viktima

Familja Belshaku është me origjinë nga Cërriku. Para 11 vjetësh janë vendosur në lagjen "Haxhias" në Elbasan. Bashkëshorti i Dylberes Bukurosh Belshaku ka vdekur para 6 vjetësh nga astma. Çifti ka tre fëmijë Armand Belshaku 27 vjeç, Anila Belshaku 25 vjeç dhe Edra Belshaku 16 vjeç. Armandi është emigrant në Amerikë. Edhe Anila ishte e martuar në Amerikë me një djalë me origjinë nga Pogradeci, me emrin Durim. Burime në vendngjarje tregojnë se Anila kishte probleme me bashkëshortin. Madje flitet se në shtator të këtij viti ajo është ndarë prej tij dhe është larguar nga Amerika për të ardhur në Shqipëri. Dyshohet se i gjithë strumbullari i kësaj ngjarjeje ka lidhje me vajzën Anila dhe me plagosjen e një shtetasi në shtator të këtij viti.

Ngjarja e shtatorit

Në fillim të shtatorit të këtij viti, Durim e Kujtim Isufi vëllezër me origjinë nga Soinishti i Mokrës në Pogradec, të dy emigrantë në Amerikë, udhëtuan nga përtej Oqeanit për të ekzekutuar kundërshtarin e tyre Gëzim Kllogjeri me banim në lagjen "Vullnetari" në Elbasan. Ngjarja ndodhi në orën 01.30 të mëngjesit pranë Postës. Sapo u ndodhën përballë Gëzim Kllogjerit, vëllezërit Durim e Kujtim Isufi sipas policisë, nxorrën pistoletat dhe qëlluan disa herë drejt tij. Të bindur se e vranë ata u larguan menjëherë nga vendngjarja me një automjet. U dërgua në spitalin Ushtarak në Tiranë dhe doli nga rreziku për jetën. Policia gjeti tre gëzhoja pistolete 7.62 mm dhe 4 gëzhoja pistolete model 54 të kalibrit 7.62. Policia pas hetimit tha se ngjarja kishte lidhje me një femër që dyshohet se është marrë nga Amerika dhe është transportuar për në Angli nga shtetasi Gëzim Kllogjeri. Emri nuk u dha por u hodh dyshimi policor se ishte motra apo e dashura e një prej vëllezërve të akuzuar si atentatorë. Para pak javësh policia e Elbasanit tha se të dyshuarit e atentatit ndaj Kllogjerit ishin dy vëllezërit pogradecarë që pas krimit, kishin ikur nga Maqedonia për në Amerikë.

Policia dhe hetimet

Në vendngjarjen e krimit të djeshëm, shkuan agjentë të Kriminalistikës dhe një grup hetimor. Ata gjetën dy gëzhoja pistolete 7.62 mm. Të njëjtat gëzhoja u gjendën edhe në atentatin e kryer ndaj Gëzim Kllogjërit. Policia ka rrethuar zonën përreth me synim për të kapur autorin. Në pyetje është marrë vajza 16 vjeçe Edra e cila e ka parë nga afër të gjithë skenën e krimit. Sipas komshinjve, pas muajit shtator familja Belshaku është mbyllur brenda mureve të shtëpisë. Ende mbetet në mister autori i kësaj vrasjeje. Në shtator policia hodhi versionin se kanë qenë dy vëllezër që kanë udhëtuar nga Amerika për të ekzekutuar rivalin e tyre Gëzim Kllogjeri por edhe pse kanë qëlluar disa herë ndaj tij nuk kanë mundur t'i marrin jetën. Ndërsa në këtë atentat ende nuk janë hedhur hipotezat e mundshme. Ndoshta, thotë policia, vëllezërit Isufi kanë paguar të tretë për të kryer këtë krim. Gjithashtu i paqartë mbetet fakti se cili ka qenë objektivi i atentatorit, Anila apo nëna e saj. Gjithsesi ekzekutimi i 50 vjeçares përbën një precedent të rrallë në Elbasan pasi në këtë qytet nuk është e shprehur gjakmarrja dhe kanuni. Fatos Salliu

[Leila]

Nuk thoshte kot gjyshja ime, Elbasanllinjte ta sjellin shpirtin ne maje te hundes, vetem kendojne per dashurira te humbura

[Humdinger]

Nuk thoshte kot gjyshja ime, Elbasanllinjte ta sjellin shpirtin ne maje te hundes, vetem kendojne per dashurira te humbura

Që kur na u bënë cërriksit, Elbasanllinj mi ??
Është si të thuash ata nga Bërzhita, janë tiransë.

Për temën:
S'dihet motivi përse e vranë atë.
Pra disa muajsh në USA, një polic apo ish trooper vrau të shoqen dhe avokaten e të shoqes, sepse ligji amerikan i jep të drejta dhe super të drejta femrës. Duke i marrë çdo gjë atij, i cili kishte punuar e punonte dhe ajo kishte ndjenjur e rrinte e ai duhet ti paguante alimony asaj. Pra shumë herë mendja arrin deri në skaj sepse ska më zgjidhje.

[CERIKSI-CHICAGO]

ore ca behet keshtu po paksohet burrat e shqiperis para dy diteshe lexova ne forum qe njeri ishe hedh na kati peste sot njeri vravi veten vk u be kjo dynja .

[Humdinger]

Familja Belshaku është me origjinë nga Cërriku. Para 11 vjetësh janë vendosur në lagjen "Haxhias" në Elbasan.

Me kë e pate ti or mik??!!

[bija_e_detit]

nuk kuptoj ca hake ka marre ai me larte. se me duket shume ceshtje idiotesh. ajo se donte sepse kishin mosmarreveshje dhe e la duke u kthyer ne vendin e saje. tani se cfare bej une si ish gruaja jote me jeten time pas divorcit, eshte ceshtje qe me perket mua pse u dashka te ngrihet nje fshatar nga amerika edhe te vika te me vrasi nenen, shpresoj qe kur te kapen ata te dy , sepse qe do kapen nuk diskutohet me gjemen qe bene....... te denohen me burg perjete biles do ishte teper lehtesuese per familjen e viktimes nqs burgun do ta benin ne amerike , sepse aty vuan tamam se ne shqiperi thone qe burgu eshte si spital hyn e dalin 100 veta per vizite.

[CERIKSI-CHICAGO]

une as nuk e lexova fare temen po ai me beri pershtypje kur u ben the keta. qe do gjinen do gjinen se ne amerike ska ku te nciqefen ene ne 25 vjete burg do e hajne .

bija e detit qe ta mare vesh nga ishin keta cunat qe vrane ate gruan nga cerriku apo pogradeci.

flm

[shkodra13]

Gjithsesi ekzekutimi i 50 vjeçares përbën një precedent të rrallë në Elbasan pasi në këtë qytet nuk është e shprehur gjakmarrja dhe kanuni. Fatos Salliu

Çuditet "gazetari" se si ndodhin krime aty ku nuk ndikon kanuni!!! Tashma ja kane mbushe kokat bosh se Shqipnija do ishte parajse pa kanunin e nuk shofin mjerimin shpirtnor qi asht ule kamekryq ne votrat shqiptare. Lajme te tmerreshme lexohen, femije qi zhvarrosen per me e pa a jane femije te "babave" a te "gjyshave", femije qi hidhen te coptuem ne pus per inad te dashnoreve, vetvrasje te miturish e çka ban nji shoqni qi s'ka aspak ndermend me u sherue: e shef fajin jashte saj te perrallat per kanunin.

[bija_e_detit]

po te lexoni gazeten shekulli per diten e sotme do cuditeni me te rejat e fundit , ky muhabet paska qene aq i ngaterruar saaaaaaaaaa cudi e madhe.

[Poeti]

Kjo eshte hiq me pak se çmenduri!
Vjen i biri i botes, troket ne dere tek gruaja e vetmuar pa burre, ajo ia hap deren dhe ky shtjen ne te me pistolete duke e lene gadi te vdekur e cila me vone vdes ne spital. A mos valle jemi duke u çmendur. Si i merret jeta more njeriut sikur nje hiçgje, sikur ajo eshte prone e kujtdo dhe mund te bej me te cfare te doje!
Turp, turp, turp
Sikur po e vulosim kulturen e manget dhe edukaten gjysmake, apo nuk e dijme qe jemi vrare mjaft nga te tjeret dhe cfare na duhet ende, te vritemi ne mes vehte, mos e dhente perendia. Qofte kjo e fundit.