Si erdhi ligesia? Free will or Predestination!

[Matrix]

Freethinker,

Te te bej nje pyetje:

Kur Zoti e porositi Adamin qe te mos hante nga Pema e Njohurise se te Mires dhe te se Keqes, a e dinte se Adami do hante?

Nqs po, perse e porositi?
Nqs jo, atehere kur eshte Gjithedija Hyjnore?

---------

Ajo qe mendoj une eshte se nuk duhet ta shohim Gjithedijen Hyjnore ne kohe.

Ato qe jane shkruar, jane shkruar per te shenjtet, jo per filozofet qe i perkasin botes se rene.
Ato jane shkruar qe ne te njohim Vullnetin e Tij. Gjithashtu ato jane shkruar dhe qe ne te kuptojme Mosbindjen tone, e cila eshte e trasheguar tek ne nga stergjyshi Adam, dhe nevojen e Kryqezimit.

Ne i shohim gjerat ne kohe, por ne syte e Atit, Krijimi i Vjeter eshte Kryqezuar brenda Birit te Tij, qe perpara se ky krijim te fillonte. Ne duhet te mesohemi t'i shohim gjerat me syte e Atit. Keshtu nuk do biem ne kurthet e llogjikes sone te rene.

Une mendoj se rrenja e se keqes eshte atehere kur njeriu dhe kushdoqofte, nuk pranon si autoritet fjalen e Zotit kur ka deklaruar se cfare eshte mire dhe cfare eshte e keqe, por perpiqet qe te jete vete autoritet dhe te vendose se cfare eshte e keqe dhe cfare nuk eshte, dhe kjo shpjegon se perse ajo cfare eshte e keqe ne syte e Zotit ne mund te na duket si e mire

.


Rrenja e se keqes eshte BRENDA NJERIUT TONE TE VJETER.

[marcus1]

Freethinker,

Në radhë të parë dua të të them se do mundohem të të përgjigjem sa më me kujdes në mënyrë që të mos ofendohesh, pasi duket se mentaliteti im ndryshon shumë nga ai i yti përsa i përket besimit.

Besimi në Krisht është një besim i thjeshtë. Besimi në Krisht e ka fillimin në diçka misterioze që ndodh në një moment të caktuar brënda njeriut dhe që quhet rilindje. Në fakt kjo gjë misterioze e ka fillimin që nga përjetësia, por me që ne ndodhemi në kohë është më e lehtë të flasim për fillimin e jetës sonë të Krishterë këtu në tokë dhe siç e thashë kjo jetë fillon me rilindjen. Çfarë është rilinjda? Në fakt fjala e saktë e përdorur në Shkrime nuk është rilindje, por "anagjenisi" që do të thotë lindje nga lart. Pra në atë moment të caktuar i Krishteri lind nga lart. Si ndodh pra kjo "rilindje"?

Ne e dimë shumë mirë se jemi rilindur, por ne nuk e dimë se si ka ndodhur kjo rilindje. Për disa persona ky është një moment i veçantë, për të tjerë rilindja nuk ndodh në një momentë të veçantë por gradualisht, kështu që ata nuk janë në gjëndje të përcaktojnë momentin e saktë të rilindjes së tyre, por ajo që të gjithë ata dinë është se ata kanë lindur nga lart. Përgjigja që ne të gjithë dimë të japim është e njëjtë me përgjigjen që i verbri u dha farisenjve kur ata e pyetën se si i erdhi drita e syve. Përgjigja e jonë do të jetë se ne nuk e dimë se si ndodhi kjo gjë, e vetmja gjë që dimë është se ne nuk shihnim më parë dhe tani ne shohim.

Pra Krishtërimi në kundërshtim me besimet e tjera fetare nuk është një fe që mjafton që dikush të zbatojë rregulllat dhe ligjet morale të saj në mënyrë që ai të pranohet në atë fe. Krishtërimi është çështje Jete dhe vdekje. Ose ke Jetën brënda teje dhe si rrezultat i kësaj Jete ti jeton, ose je i vdekur dhe sikur të jesh njeriu më i përkryer në botë dhe t'i zbatosh të gjtha rregullat dhe ligjet, ti përsëri do të jesh i vdekur.

Besimi në Krishtin nuk vjen si rrezultat i një studimi/kërkimi teologjiko-filozofik, por ky mister ndodh në një moment të jetës së Krishterit dhe ai nuk di si të shpjegojë këtë fenomen. E vetmja gjë që ai di apo sheh është rrezultati i një Jete të re në të.

Siç mund ta shohim edhe nga Shkrimet edhe nga historia e kishës, pjesa dërrmuese e atyre që besonin ka qenë analfabete. Njerëzit nuk kishin atëhere "privilegjin" të studionin natyrën dhe/apo karakterin e Zotit. Ata e jetonin natyrën dhe karakterin e Tij, në jetën e tyre të përditëshme. Jeta e tyre e Krishterë nuk zhvillohej në varësi të studimeve të tyre teologjike, por në varësi të të praktikuarit të përditshëm të jetës së Krishtit që jetonte brënda tyre. Ata që besonin, nuk i bashkoheshin kishës sepse ata që predikonin ishin oratorë dhe teologë të zotë, por se fuqia e Frymës tek ata që shpallnin ungjillin si dhe në jetën e Kishës ishte kaq e fortë dhe e dukshme, sa që ishte e pamundur t'i rezistoje një fuqie të tillë.

Çfarë ndodhi me kalimin e kohës? Shumë ish filozofë paganë besuan dhe u futën në kishë. Ata ishin edhe oratorë dhe kishin dhunti të tilla që menjëherë shquheshin në kishë. Por ata në kundërshtim me atë që Pali ungjillëzoi, pra jo urtësi njerëzore por marrëzinë e Kryqit të Krishtit, filluan të ngatërrojnë gjërat e besimit me njohuritë e tyre njerëzore. Kështu dalë nga dalë kisha filloi të humbasë fuqinë e Frymës dhe të forcohet në intelekt, pra në urtësinë tokësore, në urtësinë njerëzore. Njerëzit nuk po shijonin më fuqinë e Frymës dhe si për t'u kompensuar kjo gjë, shkollat teologjike filluan të mbijnë gjithandej, shkolla të cilat në vënd që të japin një Krisht të pastër, një Krisht që përjetohet(që për mendimin tim vetëm kisha mund ta bëjë një gjë të tillë) jepnin një Krisht që kishte dalë si rrezultat i studimeve teologjiko-filozofike.

Nje degradim i tillë ka vazhduar gjatë gjithë shekujve deri në ditët tona dhe rrezultati është i tillë që kishat sot të mbushen me pastorë që mbase kanë mbaruar shkollat më të mira biblike në botë, por që ata nuk u japin kishave të tyre asgjë më shumë se sa njohuri teologjike/biblike mbi natyren dhe karakterin e Zotit, gjë të cilat nuk janë aspak të dobishme për rritjen frymore të Krishterëve, përkundrazi në shumicën e rasteve kanë shkaktuar përçarje të kishave.

Me kalimin e kohës, ne harruam thjeshtësinë e besimit në Krisht, dhe ju futëm studimeve të pafundme teologjike. I dashur vëlla Freethinker, e kuptoj se kjo gjë mund të të mos pëlqejë shumë ty, pasi ti ke shpenzuar mjaft kohë, mundim, orë të tëra studimesh dhe mbase edhe ankthi dhe stresi apo ndoshta edhe para, për të vazhduar dhe mbaruar një shkollë teologjike, që për mendimin tënd do të të bënte të aftë për t'i shërbyer Perëndisë denjësisht, por unë personalisht mendoj se pak vlera kanë këto shkolla në lidhje me shkollën e vërtetë të Krishtit. Më fal nëse këto fjalë të duken të rënda dhe ofenduese, por shpresoj që një ditë ti me të vërtetë ta kuptosh këtë gjë.

Unë nuk do t'i futem aspak teorive të Calvinit dhe nuk më intereson shumë se çfarë ka thënë ai. Unë dua të të jap vetëm një shembull të vogël. Le të kthehemi pak në kohë, atëherë kur ti nuk kishe besuar akoma. Ti vetë nuk e dije nëse do të besoje ndonjëherë, madje mbase mund të mos dije fare që egziston besimi i Krishterë.

Le të mundohemi tani t'i shohim gjërat, aq sa mund të jetë e mundur, me sytë e Perëndisë. Siç e dimë, për Të nuk egziston as kohë as hapësirë. Ai në këto momente ndodhet në çdo pikë të historisë njerëzore. Për Të nuk ka as të shkuar dhe as të ardhme. Për të ka vetëm tani. Ai e ka çdo gjë të qartë para syve të Tij. Pra në këtë moment ai ndodhet në Eden duke krijuar Adamin. Po në këtë moment Ai ndodhet në momentin që Krishti po kryqëzohet nga Judenjtë. Po në këtë moment Ai ndodhet në fundin e kohërave duke festuar me Nusen e Krishtit, pjesë e së cilës je edhe ti. Pra në këto momente ti ndodhesh në qiell duke lavdëruar Perëndinë bashkë me të shenjtërit e tjerë dhe Ai të sheh ty dhe gëzohet me ty.

Tani le të kthehemi përsëri në kohë aty ku ti nuk ke besuar akoma. Si ka mundësi tani që Ai të mos e dijë se ti do besosh, në një kohë që Ai po feston me ty?

Tani ti do të thuash se nuk je i lirë të zgjedhësh dhe kjo gj ty të shqetëson. Përse vëlla shqetësohesh me gjëra të tilla në vënd që të fokusohesh në dashurinë që Ai të ka treguar ty dhe të rritesh në këtë Dashuri? Kur të vijë momenti që ti do jesh atje lart në qiell, do marrësh përgjigje për shumë gjëra, dhe do ketë shumë gjëra që do t'i shohësh qartë, gjëra që tani natyra jote njerëzore nuk t'i lejon dhe mbase mund të shohësh se paranjohja dhe liria mund të shkojnë bashkë, megjithëse ty tani këto gjëra të duken kontradiktore.

Por ajo që ka rëndësi është që ti të mos skandalizohesh nga një Zot i tillë. Ka shumë gjëra që ne nuk mund t'i kuptojmë dot. Ka shumë gjëra që na duken të pallogjikshme në natyrën e Zotit, por lum ai që nuk skandalizohet nga Zoti. Dhe shmangia e këtij skandalizimi nuk vjen duke analizuar gjithçka dhe duke u munduar të japësh përgjigje mbi gjithçka që ty nuk të duket e drejtë.

Përgjigja jonë është një Person, Krishti. Krishti banon në ne dhe brënda nesh, aty ku Ai banon, ne gjejmë Përgjigjen. Kthehu pra brënda teje dhe gjeje se Përgjigja që është një Person nuk jep përgjigje të caktuara si përgjigje ndaj pyetjeve të tua. Ai jep diçka më shumë se përgjigje të caktuara! Ai jep vetë veten e Tij, që midis të tjerash qëllon që të jetë edhe Përgjigja.

[freethinker]

Faleminderit liveintwoplaces per kujdesin gjate pergjigjes!

Nje pyetje: ti personalisht ke studiuar teologji?

Une nuk jam i ofenduar aspak sepse bie dakord me ty qe ceshtja e besimit nuk eshte e varur nga sa shume teologji apo filozofi dikush mund te mesoje. Ne fakt libri i Predikuesit e shpjegon kete gje fare qarte.

Persa i perket rilindjes, une kuptoj kete gje qe, mbas mekatit te Adamit, ne i trasheguam pasojat e mekatit te pare, dhe rrjedhimisht humbem lirine per te dashur, dhe pranuar Zotin. Eshte vertet mister funksioni i Frymes se Shenjte. Kur ishim ende mekatare, Krishti vdiq per ne! Zoti ne nje fare menyre na terheq, me njefare force qe ne te besojme tek Ai. Ne qofte se Fryma e Shenjte nuk do te vepronte ne mua atehere une nuk do te kisha besuar asnjehere!!!
Mirepo une jam i bindur qe Fryma e Shenjte vepron me te njejten force tek te gjithe individet ne menyre qe t'iu jape mundesi te njejta, por kur individi zgjedh t'i beje rezistence Frymes se Shenjte, atehere ai individ do te mbetet skllav i mekatit, dhe rrjedhimisht eshte i humbur, jo per faj te Frymes se Shenjte, por per shkak te zgjedhjes qe ben.

Persa i perket argumentit tend ne lidhje me kohen e Zotit kam disa pyetje. Me sa kuptova une ti thua qe Zoti nuk eshte i kufizuar nga koha, dhe kjo eshte e vertete, mirepo ne jemi te kufizuar nga koha, dhe ne qofte se Zoti ka nje marredhenie me ne, atehere mund ta kete kete marredhenie vetem brenda kontureve te kohes. Zoti mund te gezohet me faktin qe une e adhuroj Ate, mirepo nuk mendoj se Ai perjeton, pikerisht ne kete moment, kohen kur une do te jem ne parajse me Te. Kjo pikerisht sepse i perket te ardhmes, dhe une jam i lire te zgjedh te ardhmen time. Zoti nuk me detyron dot qe une gjithmone te zgjedh te adhuroj Zotin. Une jam i lire qe neser te zgjedh te rebelohem dhe keshtu te ndryshoj te ardhmen time. Atehere si mund te perjetoje dhe te dije Zoti te ardhmen kur e ardhmja nuk ka ndodhur akoma dhe kur une kam liri per te zgjedhur rrjedhen e se ardhmes time?!
Ne qofte se ke disa tekste biblike qe tregojne se Zoti ka aftesine te udhetoje ne kohe, do doja qe t'i lexoja.

Eshte vertet nje mendim komfort te mendoj se Zoti tani, pikerisht ne keto momente e di dhe perjeton te ardhmen time. Kjo do te me jepte siguri shume te madhe mbasi do te thote qe nuk ka mundesi qe une te humbas dhe te shkoj ne ferr, mirepo me shqeteson shume fakti qe ata qe nuk besojne ne keto momente tek Zoti, dhe Zoti e di te ardhmen e tyre (qe ata do te shkojne ne ferr), nuk kane shanse qe te kthehen tek Zoti por jane te predestinuar per ne ferr.

Kur Zoti e porositi Adamin qe te mos hante nga Pema e Njohurise se te Mires dhe te se Keqes, a e dinte se Adami do hante?

Nqs po, perse e porositi?
Nqs jo, atehere kur eshte Gjithedija Hyjnore?

Zoti e porositi mbasi e dinte qe Adami dhe Eva mund te hanin nga fryti.

[marcus1]

Nje pyetje: ti personalisht ke studiuar teologji?

Jo vëlla, unë nuk kam studiuar teologji. Por nuk e kuptoj përse ma bëre këtë pyetje.

Eshte vertet mister funksioni i Frymes se Shenjte. Kur ishim ende mekatare, Krishti vdiq per ne! Zoti ne nje fare menyre na terheq, me njefare force qe ne te besojme tek Ai. Ne qofte se Fryma e Shenjte nuk do te vepronte ne mua atehere une nuk do te kisha besuar asnjehere!!!

Amen!

Mirepo une jam i bindur qe Fryma e Shenjte vepron me te njejten force tek te gjithe individet ne menyre qe t'iu jape mundesi te njejta, por kur individi zgjedh t'i beje rezistence Frymes se Shenjte, atehere ai individ do te mbetet skllav i mekatit, dhe rrjedhimisht eshte i humbur, jo per faj te Frymes se Shenjte, por per shkak te zgjedhjes qe ben.

Kurse unë nuk e besoj kështu. Në se do shohim me kujdes jetën e Krishtit tek ungjijtë, do vëmë re se Ai ose nuk do u fliste fare atyre që Ai e dinte se nuk do besonin, ose nëse do t'u fliste nuk do e bënte për ta, por për të zgjedhurit që dëgjonin. Le të mos harrojmë se Ai shpesh u fliste atyre me shëmbëlltyra, pikërisht që ata të mos kuptojnë gjë.

Persa i perket argumentit tend ne lidhje me kohen e Zotit kam disa pyetje. Me sa kuptova une ti thua qe Zoti nuk eshte i kufizuar nga koha, dhe kjo eshte e vertete, mirepo ne jemi te kufizuar nga koha, dhe ne qofte se Zoti ka nje marredhenie me ne, atehere mund ta kete kete marredhenie vetem brenda kontureve te kohes. Zoti mund te gezohet me faktin qe une e adhuroj Ate, mirepo nuk mendoj se Ai perjeton, pikerisht ne kete moment, kohen kur une do te jem ne parajse me Te. Kjo pikerisht sepse i perket te ardhmes, dhe une jam i lire te zgjedh te ardhmen time. Zoti nuk me detyron dot qe une gjithmone te zgjedh te adhuroj Zotin. Une jam i lire qe neser te zgjedh te rebelohem dhe keshtu te ndryshoj te ardhmen time. Atehere si mund te perjetoje dhe te dije Zoti te ardhmen kur e ardhmja nuk ka ndodhur akoma dhe kur une kam liri per te zgjedhur rrjedhen e se ardhmes time?!
Ne qofte se ke disa tekste biblike qe tregojne se Zoti ka aftesine te udhetoje ne kohe, do doja qe t'i lexoja.

Si përgjigje të kësaj po të jap një pjesë nga libri "Jeta normale e Krishterë" nga W. Nee.

A besoni në vdekjen e Krishtit? Patjetër që po. Por, të njëjtat Shkrime që thonë se Ai vdiq për ne, thonë po ashtu se ne vdiqëm bashkë me Të. Shiheni përsëri: "Krishti vdiq për ne" (Romakëve 5:8). Kjo është shprehja e parë, dhe është shumë e qartë. Por kjo që vijon, a është më pak e qartë: “Njeriu ynë i vjetër u kryqëzua me Të" (Romakëve 6:6). "Ne vdiqëm me Krishtin" (Romakëve 6:8).
Kur u kyqëzuam ne me Të? Sa ishte data e kyqëzimit të njeriut tonë të vjetër? A ndodhi kjo në të ardhmen? A ndodhi dje? Apo sot? Në mënyrë që t’i përgjigjemi kësaj, ajo që mund të na ndihmojë është që ta kthejmë shprehjen e Palit nga ana tjetër dhe të themi: “Krishti u kryqëzua me njeriun tonë të vjetër (në të njëjtën kohë).” Disa prej jush kanë ardhur këtu në çifte. Ju keni udhëtuar për këtu, së bashku. Ju mund të thoni: “Miku im erdhi me mua” por ju mund të thoni gjithashtu: “Unë erdha me mikun tim”. Nqs njëri nga ju do kishte ardhur këtu tre ditë më parë dhe tjetri do të kishte ardhur sot, ju nuk do të nuk do kishit mundësi ta thonit këtë; por nqs ju mund të vini së bashku, ju mund të shprehni secilën nga këto shprehje, duke thënë të njëjtën të vërtetë, sepse të dyja e shprehin këtë fakt njësoj. Kështu, për të shprehur faktin historik ne mund të themi ndryshe, por me të njëjtën siguri: “Unë u kryqëzova atëherë kur Krishti u kryqëzua” ose “Krishti u kryqëzua atëherë kur unë u kryqëzova” , sepse ato nuk janë dy ngjarje të ndryshme historike, por një. Kryqëzimi im ishte “Me Të”. A u kryqëzua Krishti? Atëherë a mundem që unë të mos jem kryqëzuar? Dhe nqs Ai u kryqëzua rreth dy mijë vjet më parë dhe unë jam kryqëzuar bashkë me Të, atëherë a mund që kryqëzimi im të ndodhë nesër? A mundet që kryqëzimi i tij të jetë në të shkuarën dhe i imi në të tashmen apo të ardhmen? Lavdi Krishtit, kur Ai vdiq në Kryq, unë vdiqa bashkë me Të. Ai jo vetëm që vdiq në vendin tim, por Ai më mbarti dhe mua me Veten në Kryq, kështu që kur Ai vdiq, dhe unë vdiqa bashkë me Të. Dhe nqs une besoj në vdekjen e Zotit Jezus, atëherë unë mund të besoj dhe në vdekjen time, me po atë siguri që besoj në vdekjen e Tij.

Autori e shpjegon qartë pra se ne jemi kryqëzuar bashkë me Krishtin atëhere kur u kryqëzua Krishti. Në fakt, Krishti është kryqëzuar që para themelimit të botës, por që të mos ngatërrohesh le të fokusohemi tek kryqëzimi i Tij në kohë.

Përveç kësaj po sjell edhe një varg tjetër:



5 edhe atëherë kur ishim të vdekur në faje, na dha jetë me Krishtin (ju jeni të shpëtuar me anë të hirit),


6 edhe na ringjalli me të, dhe me të na vuri të rrimë në vendet qiellore në Krishtin Jezus,

Ja se çfarë u thot Pali efesianëve. Ai përdor kohën e shkuar këtu, pra na vuri të rrimë në vëndet qiellore. Pra ne jemi në vëndet qiellore, jo do jemi. E kupton vëlla? Ti tani ndodhesh në vëndet qiellore.

Gjithashtu shumica e profecive në Dh.V. janë në kohën e tashme, pra profetët nuk thonin do të ndodhë kështu dhe do të ndodhë ashtu, ashtu sikurse edhe te Zbulesa, Gjoni na tregon neve diçka që ai po e shihte në atë momente. Krishti nuk i tha atij se çfarë do të ndodhë në të ardhmen, por Krishti e kaloi Gjonin në botën qiellore, aty ku nuk ka kohë dhe po i shihte gjërat me syrin e Perëndisë.

Vëlla, ky është shpjegimi që unë jap, por ajo që dua të them është se pak rëndësi ka për mua nëse dikush beson ndryshe në këtë temë apo në një temë tjetër. Rëndësi për mua ka që ti je i larë, i pastruar, i bërë plotësisht i shenjtë me gjakun e Jezu Krishtit dhe kështu ne jemi vëllezër të të njëjtës familje.

Ashtu si edhe në një familje vëllezërit mund të kenë mendime krejtësisht të ndryshme për çështje të ndryshme, por që këto ndryshime që këta kanë sado të mëdhaja të jenë, nuk u heq atyre të drejtën të jenë vëllezër, kështu ndodh edhe me familjen qiellore. Ne, sado mendime të ndryshme të kemi, përsëri ngelemi vëllezër.

E them këtë gjë sepse fatkeqësisht sot, të Krishterët i japin shumë rëndësi doktrinave të ndryshme, kaq shumë sa shphesh herë nuk mund të pranojnë një vëlla në Krisht, thjesht për faktin se në një doktrinë apo tjetër beson ndryshe nga ata. Shpesh here vellezër në Krisht çkishërohen për arsye të tilla, shpesh herë nga podjumet pastorët këshillojnë besimtarët e thjeshtë që të mos shoqërohen me besimtarë të një kishe tjetër, etj, etj si këto.

Këtu në forum, madje kemi diskutuar një herë çështjen e zgjedhjes së lirë dhe në mos gabohem Eltoni 80 u shpejtua duke i quajtur mendimet e mia si heretike. Mendoj se janë pikërisht pra fokusimi në "doktrinën e saktë" që shkakton përçarjen midis bijve të Perëndisë.

Ndërsa Ai që bashkon është Krishti!

[Matrix]

Zoti e porositi mbasi e dinte qe Adami dhe Eva mund te hanin nga fryti.

Ndersa une besoj se Zoti e njeh te ardhmen, dhe e dinte se Adami do hante nga fruti. Por ajo eshte shkruar per ne, qe te kuptojme se Zoti nuk deshironte qe Adami te hante nga fruti, por perseri e lejoi ate, per shkak te vullnetit te lire te Adamit.

Megjithate Zoti eshte marre me kete ngjarje qe perpara se ajo te ndodhte. Ai kishte flijuar Birin e Tij qe perpara Krijimit te Botes per kete.

Kjo gje na ngushellon ne, se te gjitha mekatet tona jane falur shume kohe perpara se ato te kryheshin.

Po keshtu, Zoti eshte marre jo vetem me mekatet tona, por dhe me vete natyren tone.
Ai e dinte se qe te kishte llojin nga lloji i Vet (ose me mire PLOTESEN E VET), nevojitej te vdiste. Per kete ai krijoi Faren e Grurit, e cila eshte nje pikture e kesaj.

[ABIGAIL]

Pershendetje Livent.

Te them te drejten, kur u futa per here te pare, kjo teme me doli si e hapur nga Matrix, por kur u futa perseri, pashe, se ishte hapur nga Freethinker, sidoqofte me falni per ngaterresen.

Me erdhi cudi qe nuk reagoi asnje...

Me ka ndodhur edhe disa here, kur jam futur ne nje teme, nje here mungojne ca postime, njehere shoh ca te tjera, qe skane qene.. nejse ndoshta ndonje gabim teknin

Zoti me ju!

[Matrix]

Pershendetje Livent.

Te them te drejten, kur u futa per here te pare, kjo teme me doli si e hapur nga Matrix, por kur u futa perseri, pashe, se ishte hapur nga Freethinker, sidoqofte me falni per ngaterresen.

Me erdhi cudi qe nuk reagoi asnje...

Me ka ndodhur edhe disa here, kur jam futur ne nje teme, nje here mungojne ca postime, njehere shoh ca te tjera, qe skane qene.. nejse ndoshta ndonje gabim teknin

Zoti me ju!

Cudi Abigail, si paske ngelur pa asnje reagim?

()

[marcus1]

Pershendetje Livent.

Te them te drejten, kur u futa per here te pare, kjo teme me doli si e hapur nga Matrix, por kur u futa perseri, pashe, se ishte hapur nga Freethinker, sidoqofte me falni per ngaterresen.

Me erdhi cudi qe nuk reagoi asnje...

Me ka ndodhur edhe disa here, kur jam futur ne nje teme, nje here mungojne ca postime, njehere shoh ca te tjera, qe skane qene.. nejse ndoshta ndonje gabim teknin

Zoti me ju!

Unë e vura re gabimin tënd, pra që ju drejtove Matrix, por nuk e qujta shumë të rëndësishme që të ndërhyj.

Përsa i përket gabimeve teknike, është diçka që nuk është në dorën time, kështu që nuk mund të bëj asgjë.

[freethinker]

C'rendesi ka vellezer se kush e hap temen?!

E rendesishme eshte qe ne te mesojme nga njeri-tjetri, biles une mendoj se fakti qe ne diskujtojme, edhe megjithese kemi mendime te ndryshme, tregon qe dashuria e Krishtit eshte aq e forte sa njeriu nuk mund ta kuptoje dot.
Megjithate kjo do te ishte nje teme interesante qe dikush mund ta kete hapur ose mund ta hape ne forum.

Pershendetje te gjitheve!

P:S. Meqe ra fjale, a ka ndonje forum a teme ku te krishteret paraqesin kerkesa per tu lutur, ose kane deshmi sesi Zoti ka vepruar fuqishem ne jeten e tyre?

[ABIGAIL]

Pershendetje Freethinker!

Nese deshiron te paraqesesh kerkesa lutjeje, mund te futesh tek dhoma e lutjes tek www.udhetimi.com.

Dhe per deshmi nga te krishteret se shpejti do te kete aty.

Zoti me ty!