Korridori 8, BE e kthen në prioritet

[ganoid]

Nënkryetarja e PD-së kërkoi një qëndrim të Parlamentit për vendimin e Bashkimit Europian

Topalli: Kuvendi, rezolutë për Korridorin Tetë

TIRANË-Opozita kërkon mbajtjen e një qëndrimi nga ana e Kuvenditm për bllokimin e investimit më të rëndësishëm siç është Korridori Tetë. Nënkryetarja e Kuvendit, deputetja e PD-së, Jozefina Topalli tha dje në seancë parlamentare kërkoi që të mbahet një qnëdrim në lidhje me dështimin e investimit të Korridorit Tetë, si një nga arteriet kryesore të Shqipërisë për lidhjen mes Përendimit dhe Lindjes. “Vendimi i Komisionit Europian për të mos përfshirë në programin e investimeve deri më vitin 2020 flet për një dështim të qeverisë, e cila nuk ka as ministrin e Jashtëm prej kohësh. Ne duhet të dalim si Kuvend me një deklaratë duke bërë thirrje që me ndihmën tuaj të bëjmë të mundur që ky projekt të mos dështojë”,-tha dje Topalli. Ndërkohë që ish-ministri i Jashtëm, Paskal Milo ka kërkuar që të jepet më shumë informacion për një çështje të tillë, pasi deputetët nuk mund të ngelen vetëm në kuadër të deklaratave dhe informimit të shtypit. “Ne duhet të kërkojmë që Ministria e Punëve të Jashtme të japë një informacion sa më të saktë, nëse ndonjë komisioner i lartë i KE-së ka dhënë një qëndrim të tillë”,-tha dje Milo. Ndërsa socialisti Koçi ka deklaruar dje se “nuk duhet të shikohet Korridori Tetë si një pronë e Shqipërisë, por duhet parë si një raport mes Europës dhe rajonit të Ballkanit”. Ai ftoi deputetët që të mos ta përdorin me pasione politike një çështje të tillë, por të ndërhyjnë pranë organizmave të lartë europianë që një gjë e tillë të mos të ndodhë. Ndërkohë që kryeaprlamentari Pëllumbi e ka cilësuar si normale kërkesën e Topallit, për mbajtjen e një qëndrimi nga ana e Kuvendit për bllokimin e punimeve të Korridorit Tetë.

[ganoid]

Delegacioni i BE-së: Nuk ka informacion për bllokim fondesh

Bashkimi Europian në muajin mars ka shkurtuar financimin e disa projekteve në infrastrukturën rrugore


Komisioni Europian në Tiranë nuk ka asnjë informacion për bllokimin e financimeve të projektit të Korridorit të Tetë Paneuropian. Kështu pohojnë për gazetën “Shekulli” pranë zyrës së shtypit të Komisionit Europian në Tiranë. “Nuk ka asnjë informacion mbi vendimin për bllokimin e financimeve të Korridorit të Tetë”, pohojnë burime pranë këtij delegacioni. Pasi ky delegacion është lidhur me Brukselin pohon se nuk ka ndonjë vendim zyrtar për mosfinancimin e korridorit Shqipëri-Maqedoni-Bullgari deri në vitin 2020. Delegacioni i Komisionit Europian pas lajmeve që kanë dhënë ditët e fundit mediat e shkruara dhe elektronike, shqiptare dhe të huaja, për braktisjen e financimeve nga Bashkimi Europian për Korridorin Paneuropian ka verifikuar në qendër për ndonjë vendim të marrë, por deri tani asgjë. Pranë zyrës së delegacionit të Komisionit Europian pohojnë se Bashkimi Europian ka marrë vetëm një vendim në muajin mars të këtij që disa projekte në infrastrukturë të mos financohen prej saj, por nga donatorë të tjerë ndërkombëtarë. Kështu në infrastrukturën rrugore Bashkimi Europian ka hequr dorë, duke mos financuar ndërtimin e disa rrugëve, por tashmë janë gjetur fondet dhe nuk ka më asnjë problem. Kështu, mund të ketë ndonjë ngatërresë në lidhje me këtë çështje, sepse fondet që nuk i erdhën Shqipërisë nga Bashkimi Europian, kanë shkuar për projekte më prioritare. Por në fakt ndryshe citohet në raportin e komisionierit të Bashkimit Europian,Van Miert, sipas të cilit projekti i Korridorit të 8-të nuk figuron në listën e objekteve për financim, të paktën deri në vitin 2020. Sipas këtij raporti, korridori Shqipëri-Maqedoni-Bullgari nuk është një nga prioritetet e Bashkimit Europian, sepse financimet e këtyre shteteve do të shkojnë për projekte të tjera në të rëndësishme. Por hapi i radhës do të ngelet në duart e Italisë, e cila do të vendosë përfundimisht nëse Korridori 8 do të jetë një nga prioritetet e Bashkimit Europian ose jo. Përndryshe Shqipërisë dhe dy vendeve të tjera të rajonit do t’i duhet të presin rreth 17 vjet të tjera për të marrë financime të plota për ndërtimin e këtij korridori ballkanik.

[shoku_sar]

Në vitin 2001, krejt papritur, Brukseli botoi një ditë, skicën përfundimtare të Korridorit të 10-të. Ndryshe nga ç'ishte folur për vite me rradhë dhe ndryshe nga ç'priste opinioni dhe politika shqiptare, ai nuk do të kalonte më nga Mali i Zi-Han i Hotit-Kakavijë-Greqi. Itinerari kishte lëvizur shumë, duke kaluar nga Evropa Qendrore në Serbi, Shkup dhe Selanik. Ky ishte një vendim përfundimtar dhe nuk mund të jetë subjekt i ndryshimeve të mëtejshme. Shqipëria humbi një investim të madh nga ana e Bashkimit Evropian dhe Bankës Botërore, të cilin e fituan fqinjët e saj. Po kështu, si rrufeja në qiell të hapët, erdhi lajmi më i freskët se, edhe Korridori 8, shtyhet për në kalendat greke, me sa duket, nga ata që festojnë këto kalenda: Athina zyrtare. Harta e korridoreve, është një projekt panevropian, i cili synon lehtësimin e mëtejshëm të lëvizjes së njerëzve e të mallrave në kontinentin e vjetër...

...Ajo bën fjalë për plane tepër ambicioze, duke filluar nga ëndrra, tashmë e realizuar, e bashkimit me tunel të Francës me Anglinë, e deri, tek bashkimi me rrugë automobilistike i Siçilisë, Suedisë, etj, me brigjet përballë. Në këtë kuadër, traseja e dy prej korridoreve nga më të rëndësishmet, kalonte nëpër territorin e vendit tonë. Në fakt, gjeografikisht, Shqipëria ofron rrugën më të shkurtër që lidh Evropën Qendrore me Greqinë, përgjatë zonës turistike Adriatiko-Joniane, si dhe Italinë me Ballkanin Lindor, me dalje në Detin e Zi. Normalisht, trasetë e parashikuara në fillim, kalonin pikërisht, e para, Hani i Hotit-Kakavijë dhe e dyta, Durrës(Vlorë)-Rrogozhinë-Qafë Thanë. Këto harta u publikuan dhe mbi to, punuan për vite me rradhë, specialistë shqiptarë e evropianë, sëbashku me ata të Bankës Botërore.

Njoftimi më i fundit, bën fjalë për një vendim se, interesimi i Evropës për Korridorin 8, duhet të jetë shtyrë deri nga viti 2020. Në qofshin të vërteta këto njoftime, të cilat i përhapi shtypi italian, i një vendi shumë të interesuar për rigjallërimin e lëvizjes, nga krahina jo aq e zhvilluar e Puljes për në Lindje, atëhere, vendi ynë ka humbur një shans të ri historik. Jo se punimet e filluara në akset e mbetura Elbasan-Librazhd, Lushnje-Fier, apo të tjera degëzime, si Qafë-Thanë-Korçë dhe Vlorë-Fier, do të ndërpriten. Financimet për to tashmë, janë siguruar. Por, Korridoret, janë një koncept shumë më i gjerë se sa superstradat e thjeshta. Ato përfshijnë modernizimin e hekurudhave, linjave të telekomunikacionit, ndërtimin e korsive shtesë autostradale, plotësimin e infrastrukturës lokale me motele e supermarkete, pika karburanti, etj. Fluksi i kalimit të automjeteve, mallrave dhe udhëtarëve në korridore të tilla, mund të përshkruhet me një lum ndërkombtar, krejt ndryshe, nga lëvizja aktuale e kufizuar. Bashkë me ëndrrën e një korridori të dytë me rëndësi ndërkombtare të kthyer në hi, ne humbasim një lum virtual, që do të shoqëronte makinat dhe mallrat, atë të dollarëve e eurove. Kush ka kaluar nga Maqedonia në Kosovë, menjëherë pas konfliktit në këtë të fundit, do të kujtojë rradhën e mauneve në kufi, të cilat prisnin t'i paguanin Shkupit, taksën prej 200-markash gjermane secila. Të mos përmendim këtu, shpenzimet në blerje karburanti, fjetje, ngrënie, servise, blerje pjesësh këmbimi, etj, etj, që bëhen nga kalimtarët.

Mbas pyetjes së parë "çfarë?", vjen gjithnjë një "pse?" e natyrshme. Faji i kujt është që ne na heqin gjithnjë nga lista e investimeve të rëndësishme ndërkombtare? Menjëherë, segmente të caktuara të politikës nxituan të dalin në skenë, për të fajësuar njëra-tjetrën. Madje, topi kalohet edhe jashtë Shqipërisë. Në fakt, të gjithë kanë të drejtë. Veprimi mund të konsiderohet edhe pasojë e fjetjes mbi dafina të qeverive të ndryshme shqiptare, por edhe e pangopjes së fqinjëve.

Pa mohuar asnjë argument të dhënë deri tani, do të thoshim se fajin e kemi, më shumë vetë, të gjithë. Argumenta nga fqinjët mund të sillen mjaft, por korrupsioni i brendshëm dhe situata e rendit, që herë përmirësohet e herë përkeqësohet, nuk mund të sjellin rezultat tjetër. Ky është rezultat, edhe i acarimit të gjendjes në Maqedoni, ku herë pas here, hyn në veprim ushtria, duke e kthyer zonën në kufirin me Shqipërinë, në një Lindje të re të Mesme, por, është më shumë pjellë e politikës së mbrapshtë, të gjithë politikës shqiptare, e cila, kur ndodhet në opozitë, lutet në gjunjë tek ndërkombtarët, të mos kryejë investime në vendin e vet, që të mos përfitojnë kundërshtarët e saj. Për inat të vjehrrës, ajo fle edhe me mullixhiun, por harron se njollën e merr ajo, dhe jo vjehrra!

Për inat të vjehrrave, politikanët shqiptarë, tashmë, të disa brezave, pavarsisht se tallen me izolimin e dikurshëm të regjimeve të kaluara, po e lënë gjithë vendin me gisht në gojë, duke arritur, de facto në një izolim të një lloji tjetër.

Kjo situatë, të bën të mendosh edhe një tipar tjetër të shumë qeverive shqiptare: ato, duke lakmuar fitime të paligjshme nga shoqëri, apo vende fqinje, kanë lënë pas dore, në shumë raste, oferta të pallogaritshme që vijnë, herë pas here, nga ana e përfaqësuesve të diasporës, të gatshëm të investojnë shifra marramendëse për të bërë ato vepra, për të cilat, të tjerët kanë ofruar vetëm premtime dhe kanë bërë shpesh, punë shkel e shko. Këtu, është fjala edhe për investime si korridoret, që mund të bëhen pavarsisht nga vendimet e të huajve, më shpejt, më mirë dhe pa shpenzime. Nuk e dimë se, sa duhet të presë ky vend deri sa të mbizotërojë logjika më e thjeshtë ekonomike…

[shoku_sar]

Korridori Tete, qe donin dhe duan greket
Materiali, qe po botohet, eshte i nje rendesie te vecante per te kuptuar disa elemente te projektit infrastrukturor me te debatuar vitet e fundit, sic eshte ai i Korridorit Tete.

Pse nepermjet ketij materiali? Sepse ai, eshte me realist se cdo projekt tjeter apo mbrojtje e projektit, qe behet nga nje qender politike, aq me teper, nese do te ishte shqiptare apo maqedonase, apo bullgare, vende nga ku duhet te kaloje Korridori. Studimi ne fjale eshte i nje kompanie greke si Sarandopullos dhe cdo lloj vleresimi qe behet per rendesine e Korridorit ne pikepamje ekonomike eshte vertet i mbeshtetur mbi konsiderata ekonomike.

Nese e shqyrton me kujdes studimin jane disa momente, qe duhen nenvizuar.

Studimi eshte i vitit 1990, pra nje studim qe mbante parasysh hapjen ne marredheniet midis dy vendeve duke i paraprire zhvillimeve te mepastajme. Pervec se habitemi (ne fakt nuk duhet), qe nje nderrmarrje e tille kishte studim per rruget tona, (institutet e kohes se komunizmit nuk kishin) apo rruget qe duhet te lidhnin Shqiperine me Greqine, ne kemi mundesi te ballafaqojme zhvillimet e 14 viteve, qe kane kaluar ne terren me projektin grek. Shohim se zhvillimet jane perputhur pergjithesisht me projektin me gjithe ndryshimin e rrjedhes, pas largimit te Sarandopullos nga Shqiperia. Kjo jo vetem per aresye se Sarandopullos kishte mjaft influence ne politiken shqiptare ne kohen e Berishes, por edhe te Nanos: ka zera se p.sh tere Drejtoria e Rrugeve shkonte me pushime ne Korfuz me shpenzime te paguara nga kompania, pervec kontakteve te privilegjuara me nivelet e larta politike. Ne nje instance te fundit, perputhja e projektit me rezultatet ne terren, shpjegohen me nje aresye te vetme: ky projekt u perqafua edhe nga shteti grek, i cili ushtroi presionin e nevojshem qe gjerat te shkonin keshtu sic shkuan. Por c´kuptojme tjeter nga leximi i materialit? Megjithese mosperputhja midis fjaleve te bukura ne leter dhe cilesise se punimeve ne terren, na dekurajon pak?

Nuk flitet per Korridorin Tete, por per Egnatian e Re. Ne studim pranohet se Egnatia romake, qe vleresohet shume per lidhjen e Europes me Azine dhe Lindjen e Mesme, e qe eshte pare si rruge ushtarake, kalonte nga Manastiri, por studimi propozon kalimin nga Kapshtica dhe me tej nga Selaniku. Aresyet e ketij devijimi, qe paraqiten ne studim, jane mirefilli ekonomike, por edhe ato politike mund t'í bashkangjiten lehtesisht. Po, sipas studimit, kjo rruge konsiderohet si me e leverdisshme se Korridori Dhjete, por edhe se rruget paralele si ajo ( qe me vone u ndertuan nga greket) Igumenice- Selanik.

I paraqitur ne nje moment, kur nuk ishte nderruar regjimi ne Shqiperi, projekti i njeh kompanise Sarandopullos rol ekskluziv ne ndertimin e nje rruge te tille, gje qe shpjegon edhe interesin e madh te saj. Per me shume, Sarandopullos, kerkon qe qeverite shqiptare dhe greke te behen garante te financimeve per ndertimin e rruges. Ne nje shikim historik, na duhet qe t´i njohim zotit Berisha meriten e ardhjes dhe qendrimit te gjate te kesaj kompanie ne Shqiperi. Ndersa qeverite socialiste u detyruan t´à largonin pas zullumeve, qe kjo kompani beri qofte ne ndertimin e pjeses Durres- Rrogozhine ( gjeresia e reduktuar edhe ne raport me planifikimin) ne rindertimin e urave ne pjesen Elbasan- Qafe Thane, etj.

Pertej elementeve teknike, duke krahasuar ecurine e ngjarjeve ne terren, gjetjen e financimeve per segmentin Korce- Kapshtice, perpara atij Librazhd- Qaf-Thane, apo pjeseve te tjera te Korridorit, dhe projektin qe po ju paraqitet mund te kuptosh fare mire se cfare projekti, cfare korridori kerkonte dhe kerkon Greqia me shume te drejte ne mbrojtje te interesave te veta ekonomike, qe jane shnderruar ne interesa politike.

Ne terren, ne keto gati 15 vjet, sheh gjithashtu se Greqia ka gjetur para dhe eshte ne perfundim te rruges Igumenice- Selanik, gje qe do te thote se interesi i saj per vazhdimin ne Shqiperi apo Maqedoni i nje rruge paralele sic eshte Korridori Tete eshte zero, per te mos thene se ajo eshte kunder saj me shume te drejte. Pra, ky projekt, qe rezulton nga studimi i vitit 1990 eshte Korridori Tete, qe donte Greqia, ose Egnatia e Re. Ne mund te kuptojme prej tij se sa e rendesishme ishte pjesa shqiptare e Korridorit. Per vazhdimin ne Maqedoni apo Bullgari do te duheshin elemente te tjere. Nderkohe, ka patur shume zhvillime, qe drejtperdrejt ose jo jane lidhur me Korridorin Tete sipas Egnatias se Vjeter: lufta ne Kosove, ajo ne Maqedoni, etj, etj...

[shoku_sar]

Korridori 8 : Nje rruge qe bashkon popujt
Nga Valentin Nesovski

Southeast European Times ne Shkup (15 korrik 2003)

Korridori 8 i transportit pan-europian, i cili kalon neper Bullgari, Maqedoni e Shqiperi dhe lidh portet italiane e turke, jep mundesine e rritjes se bashkepunimit rajonal, sipas nje deklarate te zyrtareve nga vendet e perfshira ne projekt. Ata u takuan ne Tirane me 30 qershor.

Planet perfshijne nje udheshpejte dhe nje hekurudhe, tubacione nafte e gazi, nje rrjet energjie me distance te larget dhe ne nje faze te mevonshme, kabllot e telekomunikacionit. Korridori fillon nga portet e Detit te Zi te Varnes e Burgasit, kalon neper Sofje, Shkup, Tirane dhe perfundon ne portin shqiptar te Adriatikut ne Durres.

Portet italiane te Barit e Brindisit jane pare si portat e BE-se, ndersa portet turke e lidhin Korridorin me basenin e Kaukazit ne Azi. Shume presin qe kostoja e transportit te naftes ne BE te ulet ndjeshem nga ndertimi i nje tubacioni nafte pergjate korridorit.

Projekti eshte ne faza te ndryshme te ndertimit. Ne Maqedoni, udheshpejta Shkup-Gostivar nuk eshte perfunduar ende. Shinat hekurudhore jane perfunduar nga Shkupi ne kufirin shqiptar dhe ndertimi i pjeses per ne kufirin bullgar eshte ne kryerje e siper.

Ne Bullgari nuk ka udheshpejte nga Sofja ne kufirin maqedonas, ndersa linja hekurudhore ka nevoje vetem per nje lidhje me anen maqedonase. Shqiperia ka ende per te investuar per projektin. Jane thirrur eksperte per rindertimin dhe modernizimin e porteve ne Bullgari e Shqiperi, per te arritur kapacitete me te mire sherbimi. BE dhe Pakti i Stabilitetit kane dhene fonde per pjese te korridorit. Pjesemarresit ne takimin e Tiranes shprehen kenaqesine me bashkepunimin e rritur midis vendeve ne rajon dhe me programet e reformave te qeverive te tyre respektive. "Korridori nuk synon vetem nje lidhje transporti midis vendeve por nje mjet per t'i sjelle popujt, kulturat dhe ekonomite ne rajon me prane njera tjetres ne menyre te tille qe rajoni ta integroje teresisht veten ne strukturat euro-atllantike," tha ministrja e jashtme maqedonase, Ilinka Mitreva. Ajo shtoi se bashkerendimi do te ishte me i efektshem neqofte se cdo vend cakton nje grup ekspertesh per te mbikqyrur veprimtarite nga pikpamja teknike e financiare.

Takimi filloi nje nisme per te hapur nje sekretariat te Korridorit 8 ne Bari, Itali. Do te ngarkohen zyrtare per shtuar bashkepunimin nderqeveritar.

[shoku_sar]

Cfare parashtruan greket me Sarantopoulos
Korrieri ka bere nje permbledhje te projektit fillestar, duke iu referuar materialit grek te paraqitur shume vite me pare nga ana e Sarantoupulos. Atje behet justifikimi i projektit; se pse ai do te kalonte pergjate Via Egnatia; dhe cfare do te sillte ai midis te dy vendeve. Eshte ende viti '90 dhe ne Shqiperi sapo kane filluar te fryjne ererat e medha te ndryshimit

Nevoja e nje rrjeti rrugor per lidhjen e Evropes me Azine dhe Lindjen e Mesme, eshte e padiskutueshme. Sidoqofte, per arsye te kuptueshme, kufizimi i ketij rrjeti ne nje rruge te vetme nuk eshte i keshillueshem.

Duke qene te vetedijshem per nevojen dhe marrjen pjese e nje drejtimi te ndryshueshem, i cili mund te jete terheqes per perdoruesit, nje grup i kompanive, i kryesuar nga C.J.SARANTOPOULOS S.A., (qe ne vendim emertohet GRUP) ka pergatitur dhe menduar per kete nje raport te mundshem per riperteritjen e rruges se vjeter romake Egnatia, nga Adriatiku deri ne detin Egje. Grupi beson se ky studim do te pergatise terrenin per shqyrtim te metejshem te procedures dhe domosdoshmerine e kryerjes se objektit. Se fundi, GRUPI eshte i interesuar ne sipermarrjen e objekteve dhe ndertimin e objektit, si edhe ne kerkimin e mbeshtetjes financiare per te, nepermjet Sistemit Financues Nderkombetar, nder garancite e vendeve perberese.

Ideja baze per riperteritjen e rruges se hershme romake Egnatia eshte e lidhur me ndertimin e nje autostrade nga Durresi ne Selanik, duke ndjekur nje gjurme permes Shqiperise dhe Greqise, prej ku devijohet gjurma e vjeter, qe kalon permes Ohrit dhe Bitolit (Manastirit), duke shkuar ne rrugen e Korces dhe Follorines.

Sfondi historik

Ne vitin 148 p.e.s. Maqedonia sebashku me Epirin dhe pjeset iliriane te bregdetit adriatik, u be nje province (krahine) romake me qytetin e Selanikut si kryeqytet. Pastaj per qellime krejtesisht ushtarake, romaket vendosen te ndertojne nje rruge me qellim qe te lidhnin bregdetin perendimor me bregdetin lindor te krahines dhe me vone ta zgjeronin ate me shpejtesi ne brigjet e Detit te Zi. Kjo rruge u ndertua nga nenkonsulli Gaius Egnatius, pas te cilit rruga u quajt Rruga Egnatia. Qarqe te tjera emertojne rrugen si Via Traina, e cila e mori emrin Egnatia prej qytetit te Egnatias apo te Gnathias prane Brindizit.

Ndertimi i rruges Egnatia ishte nje nga projektet me te rendesishme romake ne Gadishullin Emos (Ballkanik) dhe u krye me qellim qe te siguronte kontroll teresor dhe efektiv te te gjithe krahines.

Rruga Egnatia ishte ndertuar ne bazat e rrjetit rrugor ekzistues te shtrira nga Filipi i Maqedonise; fillimisht nisej ne Lushnje dhe me vone ne Durres, kur qyteti i fundit u be porti kryesor i bregdetit ilir. Ajo ndiqte nje kurs pergjate lumit te Shkumbinit deri ne Selanik duke kaluar permes Ohrit, Bitoljit (Manastirit), Edessas dhe Pelles. Me pas, permes Amfipolisit, Filipit dhe Maronies, perfundonte ne Kipsela te lumit te Evros, sipas pershkrimeve te Stravonit dhe Polivios. Cicero e emerton rrugen si rruge ushtarake. Gjatesia e pergjithshme prej Durresit ne Evros ishte perafersisht 800 kilometra. Pjesa Durres-Selanik 400 km e gjate ishte e kufizuar me 270 postblloqe per mbikqyrjen e saj nga ana e ushtrise romake&

Te dhenat e mevonshme per Rrugen Egnatia jane sporadike dhe megjithate provojne ekzistencen dhe perdorimin e rruges ne shekullin e 6-te e.s. (akset kryesore lidhes te Gadishullit Ballkanik), ne shekullin e 9-te dhe 10-te te e.s. (Rruga Egnatia u be rruga lidhese kryesore e akseve ndermjet Durresit dhe Stambollit), deri ne fund te shekullit te 16 te e.s.

Gjate shekullit te 16-te, historianet raportojne se gjate rruges se vjeter Egnatia, mund te takoje grupe tregetaresh dhe njerezish etj. duke shkuar ne pune. Pas kesaj, thuhet ne material, te dhenat jane shume te pakta dhe eshte e qarte se Rruga Egnatia ishte shkaterruar apo abandonuar nga shkaqe te panjohura.

Akset rrugore ne BALLKAN

Nga te gjitha akset rrugore ballkanike, me interesantet per zonen e Ballkanit jane: Autostradat Trans Europiane (Se pari) dhe rrjeti i autostradave italiane (se dyti). Ne menyre te vecante, transporti rrugor ndermjet Evropes dhe Azise (Lindjes se Mesme) sherben kryesisht ne rruget e meposhtme:

a-Rruga Jugosllavi-Bullgari (Mynih-Salcburg-Zagreb-Beograd-Sofie-Stamboll).

b.Rruga Jugosllavi-Greqi (Beograd-Shkup-Selanik-Aleksandropulos-Stamboll).

c.Rruga Itali-Greqi (Milano-Brindizi-ferribot-Igumenice-Larisa-Aleksandropulos-Stamboll).

Eshte fakt se rruga qe zhvillohet ndermjet Jugosllavise dhe Bullgarise eshte gati e mbingarkuar dhe nuk ekzistojne plane te shkurtera per permiresim te shpejte ne kuadrin e Autostradave Trans Europiane. Ne menyre te ngjashme, rruga ndermjet Italise dhe Greqise ka nje kapacitet relativisht te vogel, i cili ne rast rritjeje te trafikut kerkon ndertimin e aksit rrugor Igumenice-Metsovo-Gravena-Kozani-Selanik-Aleksandropulos, te cilat kane qene te planifikuara, por afati eshte kufizuar ne ndertimin e tunelit te Metsovos dhe devijimit te Selanikut e te Kavalles.

Eshte e qarte se keto rruge nuk jane te mjaftueshme per plotesimin e nevojave te trafikut te perdoruesve&Eshte keshtu e nevojshme, krijimi i nje rruge te re te ndryshme, e cila do te jete me terheqese se ato te tanishmet ne perdorim.

Pala greke, perkrah ne rradhe te pare projektet e Autostrades Trans Evropiane (Kallamate-Athine-Selanik-Evzon kufi. Kjo eshte 700 km) dhe rrugen permes Selanik-Aleksandropulos-Ormen (340 km). Njekohesisht akset Igumenice-Janine-Selanik (430 km) dhe Igumenice-Janine-Volos (379 km) kalojne ne gjurmet e tyre te zakonshme qe eshte Igumenice-Katare.

Riperteritja e rruges

Rruga me terheqese per perdoruesit, qe ka nje interes politik po aq sa per turistet, eshte rruga qe mund te ndertohet pergjate rruges romake Egnatia, nga Durresi ne Selanik e pastaj lart nga Aleksandria ne Stamboll. Eshte e qarte se nje rruge e tille do te bazohej ne rrjetin mjaft te mire te autostradave italiane, nje fakt qe do te justifikonte zgjedhjen ndermjet Shqiperise e Greqise. Zgjedhje te tilla nuk jane te reja&Ne kohen e sotme, nje rruge pergjate rruges se hershme Egnatia, do te ishte zgjedhja me e pershtatshme ne sherbim te transportit nga Europa Perendimore e Qendrore ne Azi dhe ne Lindjen e Mesme.

Pika e fillimit te nje rruge te tille do te jete Porti i Durresit, i cili mund te lidhet me Italine me ferribot prej Brindizit (161 km ose 100 milje) apo Barit (225 km ose 140 milje) e krahasuar me distancen e rruges te Brindis-Igumenices, qe eshte 290 km ose 180 milje.

Autostrada e Egnatias se Re fillon nga kilometri 3 i rruges Durres-Tirane, e cila do te zhvillohet neper nje autostrade.

Ajo ndjek kursin pergjate rruges se vjeter Egnatia deri ne Liqenin e Ohrit (Lin), Durres-Kavaje-Rrogozhine-Elbasan-Librazhd-Lin.

Me pas, kalon anes liqeneve te Ohrit dhe te Prespes nga jugu, ne kundershtim me rrugen romake Egnatia, e cila ndiqte nje gjurme nga veriu i liqeneve (Lin-Bitolj-Vevi). Brenda kesaj pjese, autostrada Egnatia e Re ndjek kursin: Lin-Pogradec-Zvezde-Bilisht-Kristallopixhi-Antartiko-Florina-Vevi, ku takohet perseri me vijen e vjeter romake Egnatia. Qe nga kjo pike e perpara, ajo ndjek pjesen e 20 te rruges nacionale duke lidhur Vevin-Edesan-Janitsa-Gefira deri tek St.Athanasias, ku kembehet me E 5 te rruges nacionale.

&

Ne pamje te rendesise te aksit rrugor te mesiperm, eshte gjykuar e nevojshme te parashikohet nje Qender drejtimi e autostrades dhe instalime sherbimi per perdoruesit (mjetet, udhetaret etj). Keto do te vendosen ne pika te pershtatshme ne Shqiperi dhe Greqi.

Perfitimi, qe rrjedh nga ndertimi i autostrades Egnatia e Re, sic eshte pershkruar ne kete raport, jane te qarta dhe shume te rendesishme si per Shqiperine ashtu dhe per Greqine. Rendesia e nje autostrade te tille, vecanerisht per Shqiperine, duhet vene ne dukje.

Riperteritja e rruges se vjeter romake Egnatia do te jape perfundimisht nje shtytje te madhe zhvillimit ekonomik te Shqiperise dhe njekohesisht Shqiperia, si vendet evropiane, do te zere rolin e saj funksional ne Evrope.

Propozimet

GRUPI ja adreson kete propozim qeverise shqiptare dhe per kete deklaron se merr persiper te siguroje nga Qeveria greke aprovimin per ndertimin e pjeses greke te autostrades se propozuar, qe kalon permes Shqiperise me gjatesi 200 km.

1.Bisedime dhe perfundimi i nje kontrate ndermjet Qeverise Shqiptare dhe GRUPIT per nje projekt paraprak, duke perfshire aspekte teknike dhe ekonomike te projektit. Shpenzimet, qe do te shkaktohen nga ky bashkepunim duhet te perballohen nga Qeveria shqiptare&

2.Garantimi i lehtesive grupit nga Qeveria Shqiptare, i jep atij (GRUPIT) mundesine te siguroje menyrat per financimin e projektit. Lehtesite perfshijne kryesisht krijimin e garancise nga ana e Qeverise Shqiptare kundrejt Organizatave Nderkombetare Financuese, nga kjo, per te lehtesuar bisedimet e nenshkruar financimin dhe kontratat huazuese, qe duhen per mbulimin e kostos se projektimit dhe te ndertimit.

3.Perfundimi i nje kontrate ndermjet qeverise shqiptare, nga njera ane dhe Konsorciumit te Organizatave financuese e GRUPIT, nga ana tjeter, per projektin perfundimtar dhe zbatimin e tij. Vecanerisht, gjate kesaj periudhe, grupi fillimisht do te marre persiper pergjegjesine te pergatise te gjitha projektet e kerkuara&

Pavaresisht nga personeli shqiptar, GRUPI do te marre persiper eventualisht pajisjet e materialet qe do te perdoren per kryerjen e objektit. Greket ose personeli i kombesise tjeter, do te jape udhezime kudo qe kerkohet. Vetem materialet, qe nuk mund te perdoren ose qe nuk prodhohen ne Shqiperi, do te importohen. Pajisjet e kerkuara per ekzekutimin e punes, mund te mbeten ne Shqiperi, pas perfundimit te objektit nen percaktimet e konditat e nje marreveshje te vecante. GRUPI beson fuqimisht se Ringjallja e rruges romake Egnatia eshte nje objekt i rendesishem ne shume drejtime dhe do te sjelle perfitime shume te medha per te dy popujt: shqiptare dhe greke&

Perfundimisht, n.q.s.Qeveria shqiptare gjen interes ne propozimet e Grupit tone dhe nuk ka kundershtim, ne do te jemi teper te gatshem te organizojme nje delegacion te shkalles se larte ekzekutive te GRUPIT tone per te ardhur ne Shqiperi per bisedime te metejshme.

Per GRUPIN

C.J.SARANTOPOULOS ( Vijon firma). Athine, Mars 1990

[shoku_sar]

Ndertimi i koridorit 8 perfundon ne 2013
BARI, 20 SHTATOR 2003 - Ministrat e Transportit te 5 vendeve qe perfshihen ne Korridorin 8 jane angazhuar gjate takimit qe u zhvillua ne Bari te Italise per perfundimin e ketij projekti brenda vitit 2013. Duke ushtruar ne kete menyre presion te organet vendimmarrese te Komisionit Evropian per te mos miratuar nje studim teknik qe parshikon shtyrjen e financimeve per kete projekt deri ne vitin 2020.

Korridori 8 perfaqeson nje mundesi zhvillimi dhe per kete arsye realizimi i tij kerkohet me ngulm nga te gjitha vendet e interesuara, theksuan dje ne Bari te gjithe ministrat e Transportit, te cilet ne perfundim te takimit te zhvilluar ne Fiera del Levante nenshkruan nje dokument ku parashtronin synimet e tyre.

Ministri grek i Transporteve, Kristos Verelis, ai i Maqedonise Milaim Ajdini, i Shqiperisee Spartak Poci dhe Zevendesministrja bullgare Aneliya Krushkova, i paraqiten kolegut te tyre italian, Pietro Lunardi, situaten ne vendet e tyre duke theksuar rendesine e ketij projekti. Ministri grek deklaroi se eshte realizuar 56 % e infrastruktures dhe se qellimi i qeverise se tij eshte zhvillimi i zones se Ballkanit edhe ne kuadrin e parashikimit te zgjerimit te Bashkimit Evropian. Verelis foli, gjithashtu, edhe per planin e qeverise greke qe parashikon punime te shumta ne rrjetet rrugore te vendeve juglindore.

Ministri shqiptar, Spartak Poci, mbajti qendrimin me kritik, duke shprehur mosaprovimin e tij per faktin se nuk jane bere hapa perpara per realizimin e Korridorit 8 dhe ka shpjeguar se, Shqiperia po punon per ndertimin e degeve te ndryshme dhe segmenteve rrugore qe lidhen me to, si edhe per zhvillimin e porteve, sidomos atij te Durresit, qe duhet te arrije standartet evropiane.

[shoku_sar]

Shqiperia, korridoret dhe Sarandopulos
Aventura e Korridorit ka filluar ne fakt, qe atehere kur mendohej se shteti komunist nuk permbysej dhe nuk ka mbaruar ende. Besohet se do te mbaroje ne vitin 2013. Nje angazhim, qe jo vetem Shqiperine, por te gjitha vendet e Korridorit, i vendos perpara sfidave te medha. Por, eshte ende 2003 dhe deri ne fund ka aq shume per te bere

Qeveria komuniste e ka firmosur, qe ne vitin 1988, marreveshjen e pare per te ndertuar nje Korridor. Ky magjistral do te pershkonte Shqiperine veri-jug dhe do te perfundonte ne Greqi. Flitet per nje rruge, qe do te vinte pergjate bregdetit dalmat dhe do vijonte ne jug. Kjo enderr u fashit teksa filloi lufta ne Jugosllavi dhe problemet e tjera, qe e lane projektin ne mes. Ndersa, projekti, qe po flasim ne ne shkrim, eshte i vitit '90 dhe flet per rehabilitimin e rruges antike Via Egnatia. Ne fakt, jeta e Korridorit 8, ka filluar pas nje samiti paneuropiane, qe u zhvillua ne Helsinki ne vitin 1994. Ishte ky vendi, ku u caktuan disa afate dhe rregulla per ndertimin e korridoreve ne te ardhmen. Fale insistimit italian dhe atij gjerman, Korridori 8 u vu ne plan te pare. Greqia insistonte te kalonte nga territori i saj, por kerkesa e saj nuk u mor parasysh, sepse shmangej Maqedonia.

Punimet per Korridorin 8 u bene ne segmentin Tirane-Durres, ku qeveria italiane ka investuar 17 milione dollare. Ashtu, si te gjitha investimet e kesaj rruge, qe kane pasur lidhje me vendet e interesuara ose kane bere pjese ne programin e Bankes Boterore mbi Rruget Nacionale. Projekti per ndertimin e Korridorit kapi shifren e 66 milione dollareve.

Edhe Shqiperia

Ne fakt, zyrtaret e qeverise shqiptare, ishte pak konfuze per sa i perket konceptit korridor. Thuhej se ishte nje rruge qe do te lidhte Durresin me Stambollin. Ne fakt, Korridori 8 ishte shume me teper se kaq. Ai ishte nje arterie, qe pervec autostrades me gjashte korsi do te kishte dhe dy linja hekurudhore ne te dyja anet. Ajo do te kishte nje naftesjelles dhe gazsjelles. Patjeter do te kishte vendin, ku do te futeshin fibrat optike dhe shume e shume struktura te tjera. Flitet per oficina, fabrika, uzina, hotele, motele, restorante dhe pika sherbimi etj. Shqiperia do te punonte per 140 kilometra rruge ne kete korridor. Kaq ishte pjesa shqiptare e Korridorit 8. Ne kete segment, jane 80 kilometra, te cilat jane ne zonen fushore dhe 60 kilometra ne zonen malore.

Sarandopulos, nje histori deshtimi

Asaj, qe iu ngarkuan punimet ishte Firma greke Sarandopullos. Ajo i filloi punimet vetem nje vit pas nenshkrimit te kontrates. Ajo la nje imazh te keq ne Shqiperi per sa i perket punimeve qe i vazhdonte dhe i nderpriste ato, sa here qe te deshironte. Pak me vone, Sarandopulos nenshkruajti nje marreveshje private me firmen tjeter, qe merret me ndertimin e rrugeve, italianen Falcione. Marreveshja konsistonte ne bashkimin e makinerive me qellim shpejtimin e punimeve. Firma greke u akuzua shpesh per cilesi te dobet te punimeve. Ekspertet shqiptare ne ate kohe thane se pjeset e asfaltuara te autostrades Durres-Rrogozhine ishin shtruar me nje deri ne dy shtresa asfalti me pak. Asfalti thuhet se eshte nje nga pjeset me te kushtueshme ne ndertimin e rrugeve. Standartet europiane e percaktojne shtresen e asfaltit, qe duhet te jete pese centimetra. Te gjitha spekulimet zakonisht behen me shtresen e saj, nga e cila pastaj fitohet shume. Sarandopullos u akuzua se e kishte ndertuar rrugen me zhavorr lumi dhe jo me gure mali, gje qe konsiderohet si shkelje e kushteve teknike. Perfundimisht, ajo u largua.

Largimi enigmatik i "Sarandopulosit" (akuza per lidhje perfitimi dhe qeveritare shqiptare) nga ndertimi i urave beri qe keto dy objekte, jo vetem te stononin ne segmentin bashkekohor te autostrades (20 km) por ne keto vite te jene burime per aksidente tragjike. Sipas statistikave, ne urat e "Sarandopulosit", nga aksidentet automobilistike, kane humbur jeten 7 persona. Kontrata me shtetin shqiptar e saj ka mbaruar ne janarin e vitit 2000.

[DetiJone]

KUSH ËSHTË PËRGJEGJËS PËR SHMANGIEN E KORRIDOREVE


Kohët e fundit po ndodh, në mënyrë të përsëritur, një fenomen i ri.
Ndërkohë që, disa vjet më parë, të huajt ankoheshin se shqiptarët nuk u
përgjigjeshin interesimeve nga përtej kufijve me plane e projekte të
gatshme investimesh, tashmë, që mund të themi se projektet nuk na
mungojnë, del se të huajt na nxjerrin automatikisht jashtë loje, jo vetëm
përsa u përket mega-projekteve në plan kontinental. Ndryshimi i interesit
të tyre ka kaluar edhe në planin e investimeve brenda vendit. Konkretisht:
Në vitin 2001, vetëm shtypi i specializuar konstatoi se i shumëpërfoluri
Korridori 10, i parashikuar fillimisht të përshkonte gjatësinë e
Shqipërisë, nga Hani i Hotit deri në Kakavijë, me degëzimin
Fier-Sarandë-Konispol, e shmangu territorin e vendit tonë, duke kaluar
nëpër Jugosllavi, Maqedoni, për në fqinjin helen...

...Pra, lidhja më e shkurtër gjeografikisht dhe më e logjikshme, nga
pikëpamja teknike, midis Evropës Qendrore e asaj Juglindore, ia la vendin
një rruge shumë më të gjatë. Para pak muajsh, bëri një bujë jo të vogël
goditja e dytë madhore: Korridori 8 pezullohet edhe për nja …20 vjet të
tjerë. Pra, edhe magjistralja Perëndim-Lindje, që parashikohej të krijonte
lidhjen më të shkurtër në lëvizjen e mallrave e njerëzve midis Evropës
Perëndimore dhe asaj Juglindore (Gjermani, Francë, Spanjë drejt
Shqipërisë, Maqedonisë, Bullgarisë apo edhe Greqisë Veriore), nuk përbën
më interes kryesor për vendet e Bashkimit Evropian, ideator i korridoreve
jetike të lëvizjeve kontinentale, dhe as për Bankën Botërore, financuesen e saj.

Para pak ditësh, vjen edhe njoftimi tjetër. Gjithnjë Banka Botërore,
e cila në fillim deklaroi se nuk ishte e interesuar për ndërtimin e një
korridori me interes rajonal Durrës-Kosovë, pas një “po”-je të ndrojtur në
favor të një pjese të investimit, vendosi kushtin se qeveria shqiptare
duhet të heqë dorë nga gjysma e fondit që ajo parashikon të mbledhë me
forcat e veta, në mënyrë që bashkëpunimi me të të mund të vazhdojë.
Dihet rëndësia jetike që ka për Shqipërinë, Kosovën, por edhe për fqinjët
krijimi i një rrjeti modern linjash transporti, telekomunikacioni,
portesh, aeroportesh, qendrash turizmi, tregtimi të karburanteve,
supermarketesh, hekurudhash në të gjitha zonat e vendit tonë, që janë të
kalueshme. Jo pak entuziazëm ngjallën projektet e shpallura, të
paparashikuara, të ringjalljes së rrugës së Arbërit, apo edhe iniciativa e
ndërtimit të 200 kilometrave rrugë midis portit qendror shqiptar dhe
kufirit tonë Verilindor. Me hir apo me pahir, pavarësisht nga rezistenca
normale fillestare, biznesi filloi të derdhë në arkën e shtetit, pas
miratimit gati unanim nga Parlamenti, një pjesë të fitimit të tij në favour të krijimit të lidhjes së fundit.

E, ndërsa për korridoret e mëdha evropiane, ne ishim të varur krejtësisht
nga fondet që lëvrohen nga Uashingtoni, përsa u përket lidhjeve si ajo
Durrës-Morinë, nuk kuptohet mirë se përse Banka Botërore duhet të vendosë
diktat edhe lidhur me mënyrën e financimit të saj. Në rast se ajo nuk
është dakord të financojë, atëhere le t’i qëndrojë variantit të saj të
mëparshëm: atij të mosinteresimit për këtë investim, çka do të ishte një
lëvizje e kuptueshme dhe normale. Por, problemi merr të tjera përmasa, kur
kërkohet, si parakusht i bashkëpunimit, ndryshimi i sistemit të
grumbullimit të brendshëm të fondeve, që, tashmë ka marrë të drejtën e
qytetarisë në vendin tonë dhe është pranuar nga të gjithë. Eshtë vërtet i
çuditshëm një qëndrim i tillë, në një kohë kur organizma të ndryshme
evropiane, botërore, amerikane apo edhe fondacione të caktuara po
investojnë deri edhe për rehabilitimin e rrugëve rurale, me një rëndësi,
mbase jo të vogël për banorët e zonave të caktuara, por gjithnjë lokale!
Njoftimet e kohëve të fundit nuk reshtin së përmenduri kontributin e
lavdërueshëm të qeverisë gjermane, asaj italiane, të bankave të ndryshme
ndërkombëtare për rindërtim e zhvillim që kanë hedhur fondet e tyre,
shpesh edhe në formën e grantit!, për rrugët në Gramsh, malësitë e Korçës,
Pukës etj., për sistemime kanalesh në ndihmë të bujqësisë apo të ujësjellësave në favor të popullatës.

Askush nuk ka kërkuar, madje, bashkëfinancim nga ana e qeverisë shqiptare, me përjashtim të zgjidhjes së
problemeve që kanë të bëjnë me pronësinë mbi tokën, etj., si këto, që të
huajt nuk janë të autorizuar t’i bëjnë në një vend tjetër. Ndërkohë, për
projektet e filluara mirë gjatë viteve të fundit, ka nisur një fushatë
nazesh nga të huajt, që rrezikon t’i lerë rrugët në mes të rrugës! Në
rastin më të mirë, edhe kur puna e kryer po i afron fundit, sikurse është
rasti i lidhjes së Durrësit me Qafë Thanën, magjistralet po rrudhen, duke
kaluar në rrugë të dorës së tretë, po t’i krahasojmë me standardet
evropiane e ato botërore. Në qoftë se Korridori 8 do të ishte parashikuar
të ishte një “shteg” me një korsi, në të cilin shoferët mallkojnë, që
tani, fatin kur ngecin pas ndonjë mauneje që ecën me shpejtësinë e
breshkës, por që nuk mund të parakalohet për dhjetëra kilometra, duke
humbur kohë të çmuar, atëhere ata që e kanë projektuar atë, mbase kishin
parasysh një lëvizje shumë të kufizuar mjetesh e mallrash, por kurrsesi
një lumë lëvizjeje ndërkombëtare.

Shumëkush mund të shtrojë pyetjen e ligjshme: përse këto devijime ndodhin
në mes të rrugës? Përse trasetë e korridoreve nuk përvijohen që në fillim
dhe ato të mbeten të detyrueshme për ndërtuesit, si vendas, ashtu edhe të huaj?

Këto janë pyetje të ligjshme, por, po të mbajmë parasysh faktorët e
ndryshëm që veprojnë në arenën ndërkombëtare, nuk është shumë e vështirë
të gjejmë arsyen e ndryshimeve, që nuk janë teknike: ato janë politike dhe
gjeopolitike. Në radhë të parë, fjala është për projekte të bëra, mbase,
edhe para viteve ’90, që u përforcuan në momentet kur Evropa ndryshoi
krejtësisht sistem, duke aderuar në familjen e vendeve me ekonomi tregu
dhe demokraci politike. Por, ngjarjet në vendin tonë, Kosovë, Serbi, Mal
të Zi dhe Maqedoni, të cilat ende janë në zhvillim e sipër, nuk mund të
thuhet se nuk kanë ndikuar në planet e investitorëve të mëdhenj, që marrin
parasysh gjithnjë edhe terrenin konkret, politik e të rendit publik, të
zonës ku do të kryhen investime madhore. Natyrisht, që edhe ndikimi i
fqinjëve keqdashës ka bërë efektin e vet, duke sjellë devijime në favor të
njërit e tjetrit vend, por gjithnjë në disfavorin tonë.

Sidoqoftë, devijimi i korridoreve edhe mund të kuptohet. Por një gjë e
tillë nuk mund të thuhet në rastin e lëkundjeve lidhur me bashkinvestimet
në segmente të tilla, si ai Durrës-Kosovë. Megjithatë, koha do të tregojë
se kush kanë qenë arsyet e vërteta. Hamendje mund të bëhen vetëm në
drejtim të presioneve që organizmat kryesore ndërkombëtare i bëjnë shtetit
shqiptar, që drejtohet në një moment të caktuar nga një koalicion apo
parti, apo grup politik i caktuar. Sidoqoftë, kjo është edhe një arsye
tjetër për të parashikuar që ky shtet të parashikoj, të paktën në planet e
veta afatshkurtra të zhvillimit, një kontribut më të madh të biznesit
vendas dhe atij të diasporës, që nuk lidhet me kushte politike apo
metodike teorike, të cilat, deri tani Tirana zyrtare vetëm se i ka
larguar. Nga mendjemadhësia, me keqardhje e të imponuar, apo nga miopia?


- - - - - - - - - - - - - - - - - - - - - -
Gazeta PANORAMA
Faqe 10 - 27 Shtator 2003

[Vinny_T]

Lobi shqiptar prane organizmave internacionale evropiane apo amerikane eshte teper i dobet qe te mbeshtese fuqishem projektet qe do te mund te zhvillonin vendin tone ne te ardhmen ndaj dhe pasojat jane thuajse katastrofike......
Rrofte qeveria shqiptare mbeshtetese droges dhe e trafiqeve ilegale, mbrojtese e kriminalitetit se per gje tjeter nuk e kemi..

ASNJE SHPRESE PER KORRIDORIN 8

Nga Viron Gjymshana

Pavaresisht nga premtimet e qeverise shqiptare apo nga mbledhjet qe jane zhvilluar sa ne Itali e tjeterkund, ne te cilat kane marre pjese edhe zyrtare te larte italiane, shqiptare, maqedonas dhe bullgare, asgje nuk ka levizur ne Bruksel ne planet per ndertimin e Korridorit 8. Aq sa sot, me shume se kurre me pare, mund te thuhet se ky korridor jo vetem qe gjendet prapa listes se BEse, por ka edhe shume mundesi qe ai te mos ndertohet asnjehere. Mosinteresimi per Kooridorin 8, ra ne sy qarte edhe gjate konferences se shtypit qe presidenti i Komisionit Europian, Romano Prodi dhe komisioneria pergjegjese per Transportin, Loyla del Palacio, dhane te merkuren ne seline e Komisionit Europian ne Bruksel. Me kete rast u bene te njohur edhe 28 projektet kryesore ne rrjetin transeuropian te transporteve, te cilet do te lidhin me njeri tjetrin metropolet kryesore te Europes. Behet fjale per ndertimin e 75 200 km rruge, 78 000 km linja hekurudhore, 330 aeroporteve, 270 porteve detare nderkombetare dhe 210 lokale si dhe per nje infrastrukture informatike qe do te lidhin me njeri tjetrin pothuajse gjithe vendet e Europes Perendimore dhe Lindore, duke filluar nga Lisbona deri ne Bukuresht dhe nga Helsinki deri ne Athine. Te gjithe keto projekte me nje vlere te pergjithshme prej 220 miliarde eurosh duhet te perfundojne deri ne vitin 2020. Korridori 8, i cili do te kontribuonte ndjeshem ne zhvillimin ekonomik te Shqiperise as qe nuk figuron gjekundi ne kete liste. Per me shume vendet e Ballkanit Perendimor perbejne vetem nje njolle te murrme edhe ne harten e projekteve transeuropiane qe Komisioni Europian paraqiti per kete qellim. Komisioneria e Bashkimit Europian e shpjegoi thjesht kete lenie menjane te Ballkanit Perendimor nga projektet europiane te infrastruktures : Vendet e Ballkanit Perendimor nuk perfshihen ne listen e vendeve kandidate te BEse, prandaj edhe nuk perfshihen as ne rrjetin tone paneuropian te transporteve , tha ajo. Por ndersa Korridorit 8 nuk i shihet gjurma, korridori paralel me te, ai Egnatia , qe fillon nga Igumenica ne detin Jon duke pershkuar tej per tej Greqine deri Aleksandropulos, prane kufirit bullgaro  turk, eshte renditur ne listen e projekteve me perparesi absolute, qe duhet te perfundoje deri ne vitin 2006.