Korridori 8, BE e kthen në prioritet

[Zarathustra.]

Ky tipi qenka teper kokebosh.

Hekurudha eshte me te vertete pjesa me e rendesishme e koridorit 8, bile hekurudha duhet te ndertohet para autostrades.
Eshte vertete per te vjelle kur shikon injorante te tille qe bejne analiza ekonomike ne emer te nacionalizmit.

Porti i Durresit apo i Vlores, do marre hov shume here me te madh me nje hekurudhe me pare, pasi transporti hekurudhur eshte me i liri nga te gjithe llojet. Nje shtim i ketij transporti sjell rritjen e volumit te mallrave tranzit ne shqiperi, si pasoje rritjen e te ardhurave nga tranziti e me tej rritjen e te ardhurave te portit dhe zgjerimin e tij.

Kaq me interes eshte transporti hekurudhor sot ne nje bote ku tregetia e lire dhe intensive po rritet me rritme te papara, saqe Europa ne te ardhmen kerkon te ndertoje hekurudhe nga Korea e Jugut ne Europe pasi eshte teper e leverdisshme, dhe me pak e kushtueshme se anijet.

Amerika sot po humb jo pak para nga fakti qe hekurudha e saj lindje perendim nuk eshte e mjaftueshme per te perballuar mallrat tranzit qe vijne nga Kina, kalojne ne amerike me tren, ngarkohen perseri ne anije dhe lundrojne per ne Europe.

Nje hekurudhe lindje perendim duhet te jete padyshim prioriteti bazi dhe i pare i korridorit 8, pasi me ate mund te furnizohen shume efektshem tregjet e maqedonise, Bullgarise, Greqise Veriore, Turqise e me tej. Transporti rrugor per kete tranzit eshte shume here me i kushtueshem.

Po keshtu eshte kur kokeboshet bejne analiza ekonomike kur ne fakt duhet te kullosin lopet.

[karaburuni]

Me anije ose zadra neper Shkumbin me mire. Eshte me me leverdi se te shtyn uji dhe s'harxhon asnje pike karburant.

[Iliriani]

Autori i shkrimit nuk eshte kunder hekurudhes qe te ndertohet.

Po ndryshimi i destinacionit te korridorit vonesat e medha dhe katandisja e tij nga nje korridor qe minimalja eshte nje rruge me 4 kalime, 2 ne cdo drejtim, u katandis ne nje rruge me dy kalime nje ne cdo drejtim dhe kjo e stervonuar e me shume probleme.

Nuk do shume mend ta kuptosh ca thote autori me siper.

E kjo vetem se greqia qe ka bere nje kopie te ketij korridori do qe terre fluksi i levizjes ne rajon te kaloj nga ai duke perpjekur te pengoj ndertimin e koridorit 8.

E duket apsurde qe greqia e shpallur nga qeveria jone si partner strategjik eshte pengusi kryesor i ketij projekti rajonal.

Ne kohen kur greqia na pengon qeveria jone i ka dhene asaj terre bizneset fitimprurese ne shqiperi.
E aq me teper po te shtosh ketu dhe problemet politike qe kemi me greqine.

Mbase ai realitet nuk eshte i mire per ca se nxjerr te palarat e qeverise sone po me qesharak eshte kur perpiqesh ta mbulosh ate skandal qe fillon nga depozitat e firmave greke qe jane vene ne Durres per bllokimin e korridorit me firmen e qeverise deri ne Pogradec.

Shqiptaret problemi i pare qe nuk i falin Nanos e qeverise se tij eshte qe jane te shitur te greket.
E kjo mjafton te pyesesh 10 shqiptar te rastesishem ne shqiperi 'A eshte i shitur Nano te greket' - pergjigjia sdo mend dihet.

Mund jesh socialist apo demokrat [nuk ka asnje gje te keqe] por je shqiptar ne rradhe te pare dhe po tradhetove atdheun asnje njeri nuk te do e te beson me
te ty e qeveria jote.

E prandaj ne shqiperi vidhen votat dhe nuk lihet populli te zgjedh se politikane e dine shume mire qe populli nuk i do.

Ketu ne forum nuk i njohim fytyrat po ti mund te thuash me ke ke te besh duke lexuar shkrime se ato jane pasqyre e mendies se tyre.

Sot eshte demokraci dhe mendim i lire, ka shume burime informacioni e te kerkosh me manipulime te fakteve,genjeshtra apo fyerje te kerkosh te ndikosh te opinioni i lire i njerezve kjo eshte thjeshte nje gje Donkishoteske dhe e deshtuar.

Me falni se u zgjata po me teper per respekt te forumit se nje gje eshte e qarte dhe qe e kane pershkruar shume intelektuale perendimor:
Komunizmi eshte [ka qene]si semundie kuptohet si cdo semundje jane ca qe nuk sherohen dote se mikrobi ka hyre thelle.

[tani_26]

Kryeministri Berisha konfirmon gjatë vizitës së tij në Romë, se BE do të financojë Korridorin 8

Korridori 8, BE e kthen në prioritet

Berisha: Ky fakt përbën një zhvillim madhor për Shqipërinë, Maqedoninë e Bullgarinë

N.Perndoj

TIRANE - Më në fund Korridori 8 do të përfshihet në axhendën e prioriteteve të BE-së. Lajmi është bërë publik nga vetë kryeministri Sali Berisha, pas takimit që ai zhvilloi në Romë me ministrin e Transporteve të Italisë, Pietro Lunardi. ”Ky lajm përbën një nga zhvillimet më pozitive për Shqipërinë dhe rajonin. Unë pak më parë jam njoftuar zyrtarisht nga ministri i Transporteve të Italisë se Korridori i 8-të, për të cilin në takimin e fundit me kryeministrin e Italisë e kisha shtruar gjerësisht, u vendos që të rikthehet në prioritetet e BE-së si një korridor transnacional, domethënë si një korridor që përfshin edhe segmente të tëra të territorit italian. Kam marrë siguri të plotë nga ministri i Transporteve të Italisë se do të shpejtohen të gjitha procedurat dhe se po krijohet një grup pune shumë i rëndësishëm për projektimin për nxitjen dhe zhvillimin e korridorit të 8-të”,- tha dje Berisha në një intervistë për TV “Klan”. Berisha shtoi se ministri i Transportit të Italisë e siguroi gjatë takimit se komisionerja e Komisionit Evropian për Transportin ka deklaruar publikisht, pas insistimit të qeverisë italiane, rikthimin e korridorit të 8-të në një përparësi të plotë. ”Ndaj dhe gjykoj edhe një herë se përbën një zhvillim madhor pozitiv për Shqipërinë, Maqedoninë, Bullgarinë dhe vendet e përfshira në projektorët e këtij korridori”,- tha Berisha.
Duke marrë shkas nga takimi që do të ketë me disa investitorë italianë, kryeministri Berisha është përgjigjur dje edhe pyetjes nëse do të ketë më shumë sipërmarrës italiane gjatë qeverisjes se tij. ”Kam ardhur në Romë kësaj radhe për t’u takuar para së gjithash me investitorët italianë dhe i jam shumë mirënjohës Institutit Italian të Ekonomisë dhe Kulturës për takimin që më ka organizuar, që do të zhvillohet nesër, këtu, në Romë”,- tha ai. Po dje, kryeministri Berisha është takuar edhe me presidentin e Dhomës së Deputetëve në Parlamentin italian, Pier Fernando Casini. ”Në vizitën timë të parë unë takova kryeministrin e Italisë, Silvio Berluskoni, kryetarin e Parlamentit, Pier Fernando Kazini dhe zëvendëskryeministrin Fini. Në vizitën time të dytë kam takuar Shenjtërinë e Tij, Papën Benedikti XI. Kësaj radhe unë u takova me miqtë e mi, presidentin e Parlamentit, Pier Fernando Kazini dhe me zëvendëskryeministrin Xhanfranko Fini, por qëllimi i vizitës sime ëshëe takimi i nesërm me investitorët italianë. Unë takova edhe ministrin e Transportit që më dha lajmin shumë të gëzuar, sikundër bisedova me zëvendëskryeministrin italian për të inkurajuar bashkëpunimin e gjithanshëm midis Shqipërisë dhe Italisë në të gjitha fushat”,- tha Berisha. Duke marr edhe njëherë shkas nga pyetja e mësipërme, kreu i ekzekutivit shtoi se, ai do të ftojë investitorët italianë që të vijnë dhe të investojnë në Shqipëri. ”Dhe i siguroj se qeveria që unë drejtoj do ta bëjë Shqipërinë vendin më tërheqës të investimeve të huaja në rajon.
Ne po pregatisim ligjet më të mira që ekzistojnë për të garantuar, lehtësuar, ftuar investitorët e huaj në Shqipëri dhe ka një interes të madh. Kam marrë garanci se nesër do të ketë përfaqësues të mëdhenj të biznesit italian. Por shoh, vërtet, interes në rritje, kudo, për investimet në Shqipëri dhe unë jam i vendosur që të udhëtoj kudo për të grishur sa më shumë investitorë në Shqipëri, për t’i siguruar ata për mbështetjen e plotë dhe të madhe të qeverisë së koalicionit që unë drejtoj”,- tha ai.

[tani_26]

Korridori 8

[tani_26]

Greqia i grabit Shqipërisë Korridorin VIII


Ministrucët dhe shitblerësit pushtetarë i dhanë kohë grekërve që të ndërtojë një sozi të Korridorit të Tetë, atë Selanik-Igumenicë, ta bëjnë fakt të kryer dhe të thonë ja ku është korridori, nuk ka nevojë për një tjetër.


Pas projektit te naftesjellesit AMBO, tani Greqia po i rremben Shqiperise edhe nje tjeter projekt mjaft te rendesishem, ate te Korridorit Tete. Para se te numeroje tete duket se ky shtet ka qejf te thote dhjete. Dhe pas tij, te gjitha vendet e Bashkimit Evropian qe kane interesa te perbashketa me te. Diskutimi ne nje mbledhje te parlamentit evropian per projektimin e Korridorit Dhjete dhe jo atij Tete, tregon me se miri se interesat e Greqise
jane ne te vertete me te perkrahura. Kjo ndodh megjithese tashme president
i Bashkimit Evropian eshte kryeministri italian Silvio Berluskoni. Duket se greket kane punuar me mire gjate gjashte muajve te tyre te presidences evropiane. Ata i kane hedhur tashme themelet e projekteve te tyre duke i patur te gjitha gjerat gati dhe duke u thene parlamentareve evropiane 'Ne jemi gati'. Po pala tjeter çfare ofron?

Per tre vjet me radhet pala shqiptare dhe ajo italiane mezi gjeten gjuhen e perbashket per te nenshkruar nje memorandum mirekuptimi lidhur me projektin ne fjale. Vetem sivjet ne muajin mars ne Bari te Italise palet arriten te nenshkruanin marreveshjen. Por nje gje e tille u be teper vone, ne nje kohe kur pala tjeter e perfaqesuesve te Korridorit Dhjete eshte gati ne kohe per te filluar projektin. Nuk duhet te na vije keq nese Greqia edhe kete radhe, ashtu siç beri me projektin e naftesjellesit qe do te kalonte nga Burgasi ne
Vlore, u tregua me e shkathet dhe e kaloi degen e tij ne Aleksandropolis. Sipas te dhenave, edhe Korridori Dhjete degen e tij te poshtme, pra aty ku do te perfundoje e ka ne token greke. Ai fillon qe nga bregu i Sllovenise, per te kaluar tek Kroacia ne Austri dhe per t'u varur me poshte tek Greqia e vjeter. Nderkaq, per Evropen e re dhe moderne projekti i Korridorit Tete paraqitet me pak i thyer dhe me komod per te realizuar punimet e tij qe nuk çajne malet e thepisura te Evropes Qendrore. I nisur ne Bari te Italise,
deperton ne Shqiperine e Mesme per te kaluar me pas ne Shkup te Maqedonise,
ne sofje te Bullgarise, qytetet e saj Burgas dhe Varna. Lenia pas dore e korridorit 8te u be e ditur diten e fundit te kryesimit te BE-se nga Greqia dhe zevendesimit te saj nga Italia. Jo rastesisht zhvillimi i infrastruktures mbareeuropiane te transportit perbente edhe njeren nga pese perparesite kryesore te presidences italiane te Bashkimit Europian. Ne
kete kuader duhej kundruar edhe gatishmeria e shprehur nga ministri i jashtem italian, Frattini, per te marre pjese ne takimin e organizuar ato dite ne Tirane per te rigjalleruar projektin e Korridorit 8te, qe duhet te lidhe Durresin me Varnen ne Det te Zi. Megjithate qe atehere u tha se edhe ajo nisme eshte marre pak me vonese. Sidomos persa i takon rolit, ndihmes dhe mbeshtetjes qe ky projekt mund te gjente prane Bashkimit Europian. Pasi ne te njejten kohe kur ne Tirane zhvillohej takimi midis ministrave te jashtem te vendeve qe jane te interesuar per Korridorin 8te, ne Komisionin Europian ne Bruksel po diskutohej per projektet me te medha europiane te transportit. Komisionerja pergjegjese per transportin, Loyla De Palaçio dhe ish-komisioneri belg Karel van Mirt shpalosen ne Bruksel nje plan ambicioz per infrastrukturen europiane te transporteve me vlere te pergjithshme prej 600 miliarde eurosh. Zyrtaret e larte te BE, nder 100 projektet e propozuara kishin perzgjedhur dhe veçuar si nder me te rendesishmit dhe urgjentet 22
prej tyre, per ndertimin e te cileve, do te vihen ne dispozicion nga arka e BE rreth 350 miliarde euro. Nd-r keto, 22 projekte me rendesi te dores se pare te terhiqnin vemendjen linja hekurudhore Lion-Xhenova-Bazel-Duisburg-Roterdam-Anvers; ajo Lion-Trieste-Kuper-Ljubljana-Budapest; linjat hekurudhore dhe automobilistike Berlin-Verona-Napoli;
Paris-Strasburg-Shtutgart-Viene-Bratislave etj. Te gjitha keto vepra duhet te mbarohen me se fundi deri ne vitin 2010.

Ne raportin Vam Miert bie ne sy se pothuajse te gjitha akset qe perfshihen ne projektet ballkanike te rrjetit te transportit paneuropian i kalojne pothuajse tangent Shqiperise dhe Kosoves, me perjashtim te korridorit 8te. Persa i takon rruges mbareshqiptare Durres-Kukes-Prishtine eshte e kote te interesohesh, pasi ne institucionet e BE ne Bruksel per te nuk ekziston asnje lloj fondi, as ne Komisionin Europian dhe as ne Paktin e Stabilitetit.

Në vitin 2001, ishte pikërisht, ndikimi i lobele dhe qeverisë greke ai, që ndryshoi kalimin e korridorit të 10-të. Sipas parashikimeve, ky corridor do të hynte në Shqipëri, nga Hani i Hotit, për të vazhduar deri në Gjirokastër dhe për të përfunduar, matanë kufirit shqiptar. Këtë projekt, pala greke e ka kundërshtuar vazhdimisht deri sa një ditë, në vitin 2001, Bashkimi Evropian vendosi që korridori i 10-të, nuk do të prekte fare kufirin shqiptar, por do të kalonte nga Serbia, Maqedonia për të përfunduar në Greqi. E njëjta gjë, duket se po ndodh edhe me korridorin 8. Edhe ky korridor, është kundërshtuar gjatë, nga qeveria dhe lobet greke dhe pikërisht, gjatë presidencës së saj, është vendosur që korridori i 8-të, të
shtyhet edhe për 20 vite të tjera. Në rastin e parë, Greqia përfitonte realisht nga korridori i 10-të dhe në këtë mënyrë, përfitimet e përligjnin ndryshimin e këtij korridori. Por në rastin e dytë, nuk ka asnjë shpresë që korridori i 8-të, të kalojë në Greqi. Në rastin e dytë, është diçka tjetër. Eshtë një mënyrë bizantine e të menduarit qe fqinji nuk duhet të jetë i zhvilluar. Eshtë një mënyrë që po përsëritet përditë e më shumë dhe qeveritë
shqiptare, të paktën ato të pas 1997-ës, po heshtin përditë e më shumë, thua se janë dakord.


Gazeta Koha Jone
9 Shtator 2003

[tani_26]

KE, dritën e gjelbër për Korridorin 8

TIRANË-Lajmi që ministri italian i Transporteve, Lunardi, i kishte transmetuar kryeministrit shqiptar, Berisha, se Komisioni Evropian kishte ripërfshirë në projektet e tij ngritjen e Korridorit 8, një aks automobilistik ky që duhet të lidhë qytetin bregdetar bullgar të Varnës në Detin e Zi me Shkupin dhe Durrësin, u konfirmua sot në selinë e Komisionit Evropian në Bruksel nga komisioneri i BE-së përgjegjës për transportin, Zhak Barro dhe ish - komisionerja Loyla del Palaçio.

Këta zyrtarë bënë të njohur se pas aprovimit para 2 vjetësh të akseve rrugore që do të bashkonin me njëri-tjetrin metropolet kryesore të Evropës Perëndimore me vendet e reja anëtare të Evropës Lindore, Komisioni Evropian ka aprovuar tani edhe një rrjet shtesë tjetër linjash hekurudhore, portuale dhe rrugore që duhet të bashkojnë 25 vendet anëtare të BE-së me 26 vende fqinje, duke përfshirë këtu edhe ato arabike, të Lindjes së Mesme, Rusisë, Azisë Qendrore etj.
I pagëzuar si Rrjeti i Paqes dhe Zhvillimit, këto akse shtesë lidhin me Evropën pikat më nevralgjike nga buron nafta në Lindjen e Mesme, Rusi apo Azinë Qendrore. Loyla del Pâlaçio, bëri të ditur se këto akse duhet të jenë ndërtuar deri në vitin 2020 dhe se Komisioni Evropian, në bashkëpunim edhe me Bankën Botërore, Bankën Evropiane për Rindërtim dhe Zhvillim si dhe Bankën Evropiane të Investimeve kanë parashikuar një buxhet bazë prej 45 miliardë eurosh.
Pjesa tjetër duhet të financohet nga fondet publike dhe private të shteteve nga do të kalojnë këto akse shtesë. Ish-komisionerja e Bashkimit Evropian, që tani kryeson Grupin e Nivelit të Lartë që ka aprovuar akset shtesë, Loyla del Palaçio nënvizoi po ashtu se edhe Pakti i Stabilitetit për Ballkanin mund të luajë roli të rëndësishëm në vënien në jetë të Korridorit 8. Akset e reja bashkohen me ato të aprovuara nga BE-ja para 2 vjetësh, por ndërsa këto të fundit, duke përfshirë këtu edhe rrugën “Egnatia”, që pasi bashkon Varnën me Stambollin, përshkon të gjithë Greqinë, duke arritur në Igumenicë të Detit Jon, duhet të përfundojë më së voni në vitin 2012, ndërsa akset e Paqes dhe Zhvillimit duhet përfundojnë në vitin 2020. Por zyrtarët e Komisionit Evropian bënë të ditur po ashtu se Korridori 8 do të lidhet edhe me akset e tjera rrugore që bashkojnë Evropën, por edhe Rusinë si dhe vendet e Kaukazit.

[tani_26]

Berisha: Korridori 8 një zhvillim pozitiv për Shqipërinë dhe rajonin


Kryeministri Sali Berisha është takuar në Itali me ministrin italian të Transporteve, Pietro Lunardi, me të cilin ka diskutuar veçanërisht për projekte konkrete në fushën e infrastrukturës dhe liberalizimin e transporteve mes dy vendeve.

Në takim u diskutua edhe për projektin e Korridorit 8. Ministri italian i Transportit e vuri në dijeni Kryeministrin shqiptar se Korridori i 8-të, për të cilin zoti Berisha në takimin e fundit me Kryeministrin e Italisë e kishte shtruar gjerësisht, u vendos që të rikthehet në prioritetet e BE-së si një korridor transnacional. Zoti Lunardi e siguroi kryeministrin shqiptar se do të shpejtohen të gjitha procedurat dhe se po krijohet një grup pune shumë i rëndësishëm për projektimin, nxitjen dhe zhvillimin e Korridorit 8-të. Kryeministri Berisha u shpreh se Korridori 8 përbën një zhvillim shumë pozitiv për Shqipërinë dhe Italinë, si dhe për vendet e tjera të përfshira në projektorët e këtij korridori.

Në delegacionin e vendit tonë të kryesuar nga kryeministri Sali Berisha, ka marrë pjesë edhe ministri i Punëve Publike, Transportit dhe Telekomunikacionit, zoti Lulzim Basha. Gjatë kësaj vizite, kryeministri Berisha dhe ministri Basha kanë diskutuar veçanërisht për projekte konkrete në fushën e infrastrukturës dhe për liberalizimin e transporteve mes dy vendeve.

Çështja e Korridorit 8-të ishte një nga temat kryesore të takimit. Ministri italian i Transporteve siguroi se do të shpejtohen të gjitha procedurat dhe se po krijohet një grup pune shumë i rëndësishëm për projektimin, nxitjen dhe zhvillimin e Korridorit 8-të. Kryeministri Berisha u shpreh se Korridori 8 përbën një zhvillim shumë pozitiv për Shqipërinë dhe Italinë, si dhe për vendet e tjera të përfshira në projektorët e këtij korridori.

Rikthimi i Korridorit 8-të në prioritetet e BE-së, si një korridor transnacional, si një korridor që përfshin edhe segmente të tëra të territorit italian, përbën një nga zhvillimet më pozitive për Shqipërinë dhe rajonin. Komisionerja e Komisionit Europian për Transportin ka deklaruar publikisht, pas insistimit të qeverisë italiane, rikthimin e Korridorit 8-të në një përparësi të plotë. Ky është një zhvillim tej mase pozitiv për Shqipërinë dhe vendet e rajonit.

[tani_26]

Berisha falënderon Italinë për Korridorrin 8


TIRANË-Kryeministri Berisha ka falënderuar in 8në takimet e tij në Romë qeverinë italiane për ndihmën e dhënë në mbështetjen e Korridorit 8. Berisha ka takuar dje në Romë zëvendësministrin e Aktivitetit Prodhues për Tregtinë e Jashtme, Adolfo Urso, me të cilin ka biseduar për një sërë çështjesh bashkëpunimi ekonomik. Në lidhje me Korridorin 8, Berisha i ka thënë Ursos se “ka rëndësi strategjike si për Italinë dhe për Shqipërinë”. Ndërkohë nga ana e tij, zëvendësministri u shpreh në fillim të takimit se “Me Sali Berishën rifillojmë, pas një miqësie që zgjat prej dhjetë vjet, atje ku e kishim lënë”. Urso ka nënvizuar se emërimi i Berishës si kryeministër përfaqëson një “fillim të ri si për shkëmbimet tregtare, ashtu dhe për turizmin, infrastrukturën, duke kujtuar në këtë kuadër angazhimin e Italisë për ta bindur BE-në ta vendosë Shqipërinë mes prioriteteve të Korridorit të 8-të, që do të kalojë pikërisht në zonën ballkanike. Kryeministri shqiptar, Sali Berisha, nga ana e tij, ka folur për një “rast të madh për vendin, pasi, sipas kryeministrit, objektivi i qeverisë është të bëjë Shqipërinë vendin më tërheqës për investuesit e huaj dhe, mbi të gjitha, italianët, që kanë qenë ndër të parët që kanë investuar në Shqipëri”.

[tani_26]

Komisioni Europian konfirmon projektin e ri: "Rrjeti europian për Paqen dhe Zhvillimin"

BE, 45 miliardë Euro për Korridorin 8


Ngritja e Korridorit 8, një aks rrugor ky që duhet të bashkojë qytetin bullgar të Varnës në Detin e Zi me Durrësin në Adriatik, përfshihet në projektet shtesë të "Rrjetit europian për Paqen dhe Zhvillimin".
Lajmi që ministri italian i Transporteve, Lunardi, i kishte transmetuar kryeministrit shqiptar, Berisha, se "Komisioni Europian kishte ripërfshirë në projektet e tij ngritjen e Korridorit 8, një aks ky që duhet të lidhë qytetin bregdetar bullgar të Varnës në Detin e Zi me Shkupin dhe Durrësin", u konfirmua dje në selinë e Komisionit Europian në Bruksel nga komisioneri i BE-së, përgjegjës për transportin, Zhak Barro dhe ish - komisioneria Loyla del Palaçio.
Këta zyrtarë bënë të njohur, se pas aprovimit para 2 vjetësh të akseve rrugore që do të bashkonin me njëri-tjetrin metropolet kryesore të Europës Perëndimore me vendet e reja anëtare të Europës Lindore, Komisioni Europian ka aprovuar tani edhe një rrjet shtesë tjetër linjash hekurudhore, portuale dhe rrugore që duhet të bashkojnë 25 vendet anëtare të BE-së me 26 vende fqinje, duke përfshirë këtu edhe ato arabike, të Lindjes së Mesme, Rusisë, Azisë Qëndrore etj.
I pagëzuar si Rrjeti i Paqes dhe Zhvillimit, këto akse shtesë lidhin me Europën pikat më nevralgjike nga buron nafta në Lindjen e Mesme, Rusi apo Azinë Qendrore. Loyla del Pâlaçio, bëri të ditur se këto akse duhet të jenë ndërtuar deri në vitin 2020 dhe se Komisioni Europian në bashkëpunim edhe me Bankën Botërore, Bankën Europiane për Rindërtim dhe Zhvillim si dhe Bankën Europiane të Investimeve kanë parashikuar një buxhet bazë prej 45 miliardë eurosh. Pjesa tjetër duhet të financohet nga fondet publike dhe private të shteteve nga do kalojnë këto akse shtesë.
Ish-komisioneria e Bashkimit Europian, që tani kryeson Grupin e Nivelit të Lartë që ka aprovuar akset shtesë, Loyla del Palaçio, nënvizoi po ashtu se, edhe Pakti i Stabilitetit për Ballkanin mund të luajë rol të rëndësishëm në vënien në jetë të Korridorit 8.
Akset e reja bashkohen me ato të aprovuara nga BE-ja para 2 vjetësh, por ndërsa këto të fundit, duke përfshirë këtu edhe rrugën Egnatia, që, pasi bashkon Varnën me Stambollin, përshkon gjithë Greqinë, duke arritur në Igumenicë të Detit Jon, duhet të përfundojë më së voni në vitin 2012, akset e Paqes dhe Zhvillimit duhet të përfundojnë në vitin 2020. Por zyrtarët e Komisionit Europian bënë të ditur po ashtu se, Korridori 8 do të lidhet edhe me akset e tjera rrugore që bashkojnë Europën, por edhe Rusinë si dhe vendet e Kaukazit.