Mbrojtja e Mjedisit

[Brari]

Bregu detit eshte dhurat e Natyres dhe duhet ta gezoje gjith populli e ne radhe te pare femijet.
Aty mund te luajne me uj e rere e te ngrejne keshtjella me fantazine e tyre..
Mirpo mir Privatizimi qe Bregun e beri prone te mafies por dhe zagaret me makina bejne gara shpejtesia aty ku luajne femijet e vegjel.
Pis milet.. rrac e ndyre..shtet ngordhalaq..polic qelbaniker katundesh.. bij hajdutesh..
------------
GSH..tregon..
---------
Policia: Nuk kemi forca të lira për të patrulluar bregdetin

Denoncimi: Automjetet shëtisin ende në rërë


--------------------------------------------------------------------------------

DURRES

Si çdo fillim sezoni edhe në këtë të sivjetshmin nuk është e thënë që riti të mos përsëritet. Nuk janë papastërtitë, mungesa e ujit apo mungesa e energjisë elektrike problemi kryesor i pushuesve në plazhin e Durrësit.

Bëhet fjalë për drejtues automjetesh dhe motorësh, të cilët me mjetet e tyre futen në rërën e bregdetit, duke rrezikuar jetën e atyre që pushojnë dhe sidomos të fëmijëve, të cilët janë më pak të kujdesshëm për vetë moshën e tyre. Shoferët që lëvizin nëpër rërë nuk hyjnë vetëm për të parkuar apo për të lëvizur nga një plazh në tjetrin, ka ende nga ata që lëvizin nëpër rërë për të bërë guidë apo thjeshtë për "xhiro". Veçanërisht të apasionuar pas këtyre shëtitjeve në mes të njerëzve, duke reklamuar makinat e bukura janë të rinjtë. Mjaft pushues janë ankuar pranë postës së policisë së plazhit për këtë fenomen. Por sipas uniformave blu ende nuk ka forca të lira policore të caktuara vetëm për të patrulluar në plazh dhe për të mbajtur rregullin e qetësinë. Megjithëse policisë së Durrësit i kanë mbërritur përforcime të shumta nga Tirana, posaçërisht për periudhën e plazhit, pjesa dërrmuese e tyre është pozicionuar në hyrjet e Durrësit dhe të Plazhit, ku është dhe fluksi më i madh i automjeteve. Sipas të gjitha gjasave policia do të nisë patrullimet edhe në bregdet vetëm pas datës 1 korrik, kur hotelet dhe motelet do të mbushen plot, pra kur sezoni do të konsiderohet zyrtarisht i hapur.
-----------

[Anton]

Ndotja, ja shifrat vdekjeprurëse


--------------------------------------------------------------------------------

Irena Shabani

Prej dhjetë vjetësh duke ndjekur gjurmët e një mallkimi të pathënë jetojnë nën ajrin e rëndë të qiellit që mbulon Porto Romanon. Janë mbi 15 mijë banorë që nuk e njohin të vërtetën e tokës së ndotur me lëndë vdekjeprurëse. Nuk e kuptojnë prej nga iu vjen e keqja, bëjnë zhurmë vetëm e vetëm që Fabrika e Lëkurëve të mos rihapet. Ndërkohë çdo ditë thithin me hundë, pijnë me ujë ose nëpërmjet qumështit helmin vdekjeprurës që nuk do vonojë shumë për t'u kthyer në kancer.

Analizat
Ka qenë një organizatë UNEP (Programi i Kombeve të Bashkuara për Ambientin) ajo që ka bërë analizat dhe ka publikuar shifrat alarmante të ndotjes në Porto Romano. Ish-ndërmarrja Kimike në Durrës, është mbyllur në vitin 1990. Deri në momentin që është mbyllur ajo ka prodhuar Bikromat Natriumi për përpunimin e lëkurës si edhe pesticide si Lindan dhe Tiram. Duke iu referuar këtyre analizave të UNEP-it, kërkohet urgjent ndërhyrja e shtetit me qëllim që të mbrohet shëndeti dhe siguria e fëmijve dhe të rriturve. Si pasojë e këtyre proceseve, zonat më të ndotura, janë ato ku ka qenë ish-ndërmarrja si edhe një depo e braktisur kimikatesh. Si pasojë e kimikateve është ndotur rëndë edhe uji që banorët e përdorin për t'u larë. Studimi tregon se zona më e ndotur është ajo ku ndodhej ndërmarrja. Aktualisht ngjitur me murin e saj banojnë disa familje. UNEP ka marrë disa monstra ujë nga puset e ujit që fshatarët e përdorin për larje, ujitje dhe shumë veprimtari të tjera. Një monstër ujë nëntokësorë e marrë prej një pusi uji përmbante 4,4 miligram për litër klorbenzen, që është 4 mijë herë më tepër se niveli i pranueshëm për ujin e pijshëm në disa vende të Bashkimit Europian. Ekspozimi i vazhdueshëm ndaj sasive të mëdha të klorobenzenit mund të shkaktojë pasoja negative në sistemin nervor, palcën e kockave, mëlçi, veshka, gjak dhe në organet riprodhuese. Analizat e hollësishme të UNEP-it janë shtrirë edhe mbi kafshët shtëpiake që banorët e ardhur nga zonat e skajshme të Shqipërisë i përdorin për qumësht. Këshu një monstër qumështi e marrë nga një lopë shtëpiake ka rezultuar me përqëndrim të izomerit beta HCH 100 herë më të lartë se në disa vende të Bashkimit Europian. Monstrat e marra nga toka kanë rezultuar me përqëndrime jashtëzakonisht të larta të izomerit HCH në shkallën 1 290 miligram për kilogramë deri në 3 140 miligram për kilogramë.

Kimikatet kancerogjene
Lindani në përgjithësi konsiderohet si një nga kimikatet më të rrezikshme. Ai është një substancë kancerogjene që shkakton kancer të mëlçisë. Po kështu ekspozimi në nivelet mesatare ka shkaktuar kancer të mëlçisë, të veshkave dhe sistemit imunitar. Lindani gjithashtu është i qëndrueshëm në mjedis dhe i bioakumulueshëm në zinxhirin ushqimor. Kromi 6 valent është një tjetër burim serioz shqetësimi. Sipas analizave të UNEP, monstrat e marra nuk kanë teguar nivele të larta të kromit, një kancerogjen ky i njohur. Megjithatë sipas UNEP-it, nevjiten urgjentisht kërkime të mëtejshme për këtë formë si edhe format e tjera. Veç kësaj janë përdorur për shtrimin e rrugëve lokale dhe mbetje të pasura me krom të ndërmarrjes. Të gjitha këto kushte paraqesin rrezikshmëri të lartë për shëndetin e njerëzve. Ndërkohë që masa më e mirë mbrojtje për jetën e 15 mijë qytetarëve të Porto Romanos është evakuimi nga zona më e ndotur e gjithë Ballkanit, po merren thjesht masa për të përmirësuar infrastrukturën e kësaj zone që ata të mos largohen nga aty. Po për këtë është Banka Botërore që ka dhënë 250 milionë dollarë për pastrimin e kësaj zone nga mbetjet kimike. Në të vërtetë Lindani vdekjeprurës, kromi dhe squfuri kanë depërtuar thellë tokës, dhe që Lindani të bëhet i padëmshëm duhet të kalojnë shumë dekada.



Pa koment.

Kemi shiju shume here perendimin e diellit ne det ne ate zone.

Pervec protestes e deshperimit nuk me mbetet.

[drini_në_TR]

Keni shumë të drejtë!
Ju lumtë për vullnetin që keni!
Është për më tepër faj i drejtësisë tonë, pra më ekzaktësisht është i Prokurorisë së Përgjithshme Shqiptare që nuk merr masa në dënim të atyre që përdhosin dhe shpërdorojnë mjedisin. Është vërtetë një fatkeqësi e madhe, dhe besoj se është e vështirë që ne të mund të zgjidhim ndonjë gjë këtu në forum, përveç rastit kur në këtë temë të vij dhe të lexoj ndonjë punonjës apo gjykatës nga Drejtësia Shqiptare. Shpresoj që gjërat të exin për më mirë. Unë jam student në arkitekturë dhe do të kisha shumë qjef që kur të dipllomohem të marrë pjesë në planifikime urbane përgjatë trojeve Shqiptare. Unë anoj nga ana e të ashtu quajturve "Green Architecture" apo "Sustainable Architecture" ku në plan të parë dhe të rëndësishëm është mjedisi natyror. Shpresoj që gjërat të shkojnë për më mirë.
Shumë Nderime
drini.

[iliria e para]

Po e shof qe ka kohe qe u hap kjo teme, aq e rendsishme per njeriun dhe njerzimin kaq pak diskutime!
Ketu ska te bejne vecse me bregun e detit,ketu eshte e krejt natyra. Ne Shqiperi behn helmime me permasa te medha ne forme te pesticideve, ujrave te zeza si nga personat private si nga ndermarrjet te ndryshme.
Shpejt nuk do te kete uj te pishem ne Shqiperi. Prodhimet bujqesore do te jene te helmuara e deti i rrezikshem per shendetin e njeriut.
Asnje nga partite e medhaja nuk marrin masa per permirsimin e kesaj dukurie. Nganjehere flasin si kot, gjoja se po flasim dicka.
As mediat nuk e kan marr rrolin qe ju takon per te terhjekur vememndjen tek keto dukuri.
Thjeshte nuk po punohet ne permirsimin e ruajtjes se natyres se mrrekullueshme shqiptare.
Duhet te gjithe te bejme apel dhe cka te kemi ne mundesine tone per permirsimein e kesaj gjeje.

[Brari]

Dikur ne te dy anet e Rruges Tirane-Kashar -Vore gjelberonin gati ne 25 kilometra gjatesi parcela ku kultivoheshin Fruta e Perime.

Tek tuk kish dhe ndonje shpi katunari.

Ne ate zone kalon vec lumi i vogel i Lanes qe derdhet ne lumin e Ishmit e perfundon ne det diku ne veri te Rodonit.

Sot Mafia me Kontrabando-euro-dollarin e saje e ka kthyer qe nga Zogu zi e deri ne Vore kte Oaz te gjelberuar ne zone industriale.

Tirana po mbytet ne tym e pluhur.

Kur populli i Tiranes qe mendohet se eshte me i kulturuari nuk reagon e fut cdo minute tonelata helm ne mushkri mendo katundaria qe nga Shkodra gjer ne Vlore..

Nje dite kte vere ne Tirane aty tek pallati kultures duke pire kafe bera nje matje.
Numerova sa Benza kalonin ne Shesh ne drejtimin Bashki-15 katc ne nje minute.

Gati 35 benza te rinj ishte numri mesatar.
Mirpo nje Benz kalonte mes 20-30 makinave te zakonshme.
Pra i bie rreth 500-600 makina ne minut.
Mendo qender Qyteti ku duhej lene zon e lire per kembesore e ajer-thithes lulishtesh e parqesh..eshte tashme qendra e Tiranes nje kaldaje pa oxhak qe vjell helm cdo sekond..
Lagjeve me shpi te ulta e bahce u ka hy Mafia e po i betonon me pallate 10-15 katshe. Oborret e pallateve dikur 3-4-5 kateshe po i kthejne ne Blloqe tip Manhatan. Oborret e Shkolla-Kopshteve i kan gri Blenda Gonxhet e Kokdhim Skendot duke u rrasur kudo pallate beton-xhami 20 katshe.
Pra Tirana nuk ka ajer.
Thone eshte zbukuruar..
Sepse aq kuptojne injorantet tone te cilet bukuri quajne dritat neon e klubet e Nates e bordellot.
Tirana eshte nje Hale gjigande e asgje tjeter.

A jane injorante burr-shtetasit tone?

Jooo..por ata mendojne ngushte..

Po u semurem ne e njerzit tone...mendojn ata.. kemi aq Para e aq ambasadore miq sa brenda dites ti cojme Tonet ne klinika te jashtme...Tjeret ala skan vajtur ne te semes..thon me vehte ata qafire..

Taku i Ngjelajve..e ngriti problemin e AJRIT gjat fushates..
Ekspertet e tije ben matje dhe nxorren shifra alarmante te nivelit te ndotjes ne ajer..

[ALBA]

Është ndërmarrë dje një aksion sensibilizues "Për një qytetet të pastër". Por kjo "iniciativë e të rinjve", siç e quajti kryetari i bashkisë Edi Rama, është krejt e pamjaftueshme përballë nivelit të ndotjes që ka sot Shqipëria

48 kg pluhur në vit për banor, është e dhënë e paraqitur nga Instituti Kombëtar i Mjedisit

Dita e mjedisit, Shqipëria, e tejndotur

Vendi ynë po shkon drejt një katastrofe humanitare, për shkak të ndotjes gjithnjë në rritje, të shkaktuar prej gazrave helmues, të cilat shkojnë 10 shkallë më lart nivelit të toleruar të përcaktuar nga Organizata Botërore e Shëndetësisë

Alida Beqiri

Me rastin e ditës botërore të mjedisit, dhjetëra nxënës e studentë, vullnetarë nga qyteti i Tiranës dhe të ardhur nga rrethet, morën pjesë dje në aksionin e organizuar nga Bashkia e Tiranës për pastrimin e kryeqytetit. Ky ishte një aksion sensibilizues "Për një qytetet të pastër", i cili nisi 2 muaj më parë nga studentët e Fakultetit të sociologjisë. Por kjo "iniciativë e të rinjve", siç e quajti kryetari i bashkisë Edi Rama, është krejt e pamjaftueshme përballë nivelit të ndotjes që ka sot Shqipëria. Vendi ynë po shkon drejt një katastrofe humanitare, për shkak të ndotjes gjithnjë në rritje, të shkaktuar prej gazrave helmues, të cilat shkojnë 10 shkallë më lart nivelit të toleruar të përcaktuar nga Organizata Botërore e Shëndetësisë (WHO), thonë ekspertët.

Statistikat dhe deklaratat e mjekëve tregojnë se përditë rritet numri i të njerëzve të prekur nga kanceri, sëmundjet kardiake dhe nga pneumonia, për shkak të gazrave të ndryshme helmuese dhe dioksidit të karbonit.

Rreth 50,000 ton pluhur dhe dioksid karboni mbushin Tiranë çdo vit, ose rreth 48 kg për banor, janë të dhënat që paraqet Instituti Kombëtar i Mjedisit.

Për këtë shkak Tirana konsiderohet se është një prej qyteteve më të ndotura në botë, pas New Delhit dhe Pekinit, por shumë larg Athinës, Budapestit, Bukureshit apo Madridit.

Ministri i Mjedisit, Et'hem Ruka, me rastin e Ditës Ndërkombëtare të Mjedisit, kërkoi "sensibilizim të qytetarëve për zgjidhjen e problemeve mjedisore në vend". "Niveli i ndotjes së tre elementëve kryesorë të natyrës, tokës, ujit dhe ajrit, janë problemet kryesore të mjedisit në Shqipëri", u shpreh ministri Ruka gjatë aktiviteteve që u organizuan pranë Parkut Rinia, në Tiranë. Sipas tij, kjo ditë duhet të ndërgjegjësojë komunitetin dhe aktorët e tjerë për të mbrojtur pasuritë natyrore. "Ministria e Mjedisit po bashkëpunon edhe me organizmat ndërkombëtare për zbatimin e një sërë projektesh, që do të ndihmojë në eleminimin e 'pikave të nxehta' mjedisore", tha Ruka. Por projektet, që mund të jenë hedhur në letër, janë shumë larg zbatimit të tyre, sepse mungojnë fondet.

Makinat, djegia e plumbit, dobësi cerebrale

Rreth 90 përqind e 100,000 makinave të kryeqytetit shqiptar, janë shumë të vjetra, 70 për qind e tyre përdorin naftë dhe 30 për qind benzinë, por shumica e kësaj benzine përmban plumb dhe sasira të mëdha squfuri, dhe është e ndaluar në vendet e BE.

Shkarkimet nga djegiet e plumbit mund të provokojnë dobësi cerebrale, veçanërisht tek fëmijët, por gjithashtu mund të shkaktojnë probleme gjenetike shumë të rënda në të ardhmen," thonë ekspertët e Institutit të Shëndetit Publik.

Megjithëse nuk ekzistojnë të dhëna plotësisht të verifikueshme, ekspertët thonë se vdekjet e shkaktuara nga sëmundjet që vijnë për shkak të ndotjes, janë rritur 20 për qind në Tiranë gjatë dy viteve të fundit.

Sipas Institutit të Statistikave, sëmundjet e sistemit respirator janë në vend të tretë në listën e shkaqeve të vdekjes, vitin e fundit.

Elbasan, 40,000 tonë pluhur çdo vit

Ekspertët shqiptarë kanë regjistruar gjithashtu një numër në rritje të foshnjeve të lindura me deformime, veçanërisht në zonën e Elbasanit, ku ndotja ditore arrin në 15 shkallë mbi nivelin e pranuar, dhe kjo kryesisht prej gazit sulfurik. Në Elbasan, fabrika të shumta çimentoje dhe furra metalesh, emetojnë 40,000 tonë pluhur çdo vit.

Ekspertët kanë njoftuar se nëpër Shqipëri mund të gjenden mijëra e mijëra tonë kimikate dhe mbeturina toksike, të cilat janë të braktisura në gërmadhat e punishteve të kohës së komunizmit. Megjithatë, burime nga dega e Agjencisë Rajonale të Mjedisit në Elbasan, thonë se niveli i ndotjes në ish-kombinatin Metalurgjik të Elbasanit, ku ushtrojnë aktivitetin e tyre tre firmat e mëdha të industrisë së rëndë, aktualisht është në përputhje me normat e vendosura. "Situata e ndotjes nga industria e rëndë është përmirësuar ndjeshëm kohët e fundit, pas vendosjes së impianteve të

pastrimit të tre firmave të mëdha", tha dje përgjegjësja e degës së Agjencisë Rajonale të Mjedisit në Elbasan, Shpresa Banja. Sipas kësaj agjencie, fabrika e çimentos "ECF" tashmë ka dalë nga skema e ndotjes dhe të gjithë treguesit janë në nivelin e normave të kërkuara. Ndërkohë, në uzinën e ferrokromit "Darfo" ka nisur rikonstruksioni i furrës së 2-të, për ta lidhur më pas me impiantin e pastrimit.





Ekosistemet ujore rezultojnë të ndotura

Në Raportin Mjedisor 2001-2003 të Ministrisë së Mjedisit, krahas nivelit të ndotjes, cilësohet si shqetësuese mungesa e një strategjie kombëtare dhe një plani veprimi për menaxhimin e ujit, që duhet të shoqërohet me përmirësimin e kuadrit ligjor

Dita Ndërkombëtare e Mjedisit e caktuar si e tillë në konferencën e parë të Stolkholmit, më 5 Qershor 1972, nga Organizata e Kombeve të Bashkuara, këtë vit u kushtohet ekosistemeve ujore; lumenjve, liqeneve, deteve dhe oqeaneve. Por ndotja e tyre e vazhdueshme në Shqipëri aktualisht paraqitet mjaft problematike. Në Raportin Mjedisor 2001-2003 të Ministrisë së Mjedisit, krahas nivelit të ndotjes, cilësohet si shqetësuese mungesa e një strategjie kombëtare dhe një plani veprimi për menaxhimin e ujit, që duhet të shoqërohet me përmirësimin e kuadrit ligjor. Ndërkohë, instalimi i impianteve për trajtimin e ujrave të zeza, kryesisht në zonat bregdetare mbetet një çështje e hapur.

Ndërkohë, një substancë kanceroze është gjetur në rezervat ujore nëntokësore të disa zonave për shkak të pesticideve të braktisura. Për të parandaluar katastrofën humanitare, duhen të paktën një miliard dollarë.

Faktorë kryesorë në rritjen e nivelit të ndotjes dhe degradimit të ujrave, mbeten mungesa e administrimit të ujrave të zeza, shkarkimi i mbetjeve urbane të patrajtuara, atyre industriale e spitalore, si dhe peshkimi pa kriter mbeten faktorë kryesorë në rritjen e nivelit të ndotjes dhe degradimit të ujrave.

Si pasojë e shkarkimeve urbane në det, ujërat sipërfaqësore në plazhet kryesore të vendit, liqenet dhe lumenjtë paraqiten mikrobiologjikisht të ndotura. Kështu, zonat më problematike paraqiten plazhet në qytetin e Durrësit dhe Kavajës, dhe më pak të ndotur plazhet në Shëngjin, Vlorë, Sarandë dhe Velipojë.

Plazhet më të pastra, ende të pandotura dhe me cilësinë më të mirë mikrobiologjike në të gjithë bregdetin e vendit tonë, janë plazhet e Borshit, Dhërmiut dhe Himarës.



tema

[Fringo]

Dikur ne te dy anet e Rruges Tirane-Kashar -Vore gjelberonin gati ne 25 kilometra gjatesi parcela ku kultivoheshin Fruta e Perime.

Tek tuk kish dhe ndonje shpi katunari.

Ne ate zone kalon vec lumi i vogel i Lanes qe derdhet ne lumin e Ishmit e perfundon ne det diku ne veri te Rodonit.

Sot Mafia me Kontrabando-euro-dollarin e saje e ka kthyer qe nga Zogu zi e deri ne Vore kte Oaz te gjelberuar ne zone industriale.

Tirana po mbytet ne tym e pluhur.

Kur populli i Tiranes qe mendohet se eshte me i kulturuari nuk reagon e fut cdo minute tonelata helm ne mushkri mendo katundaria qe nga Shkodra gjer ne Vlore..

.

O Braro, kur u ndertuan shumica e atyre fabrikave (pergjate rruges Tirane - Durres) per te cilat flet ti?
Po plepat kur u prene?
Kot me te pyt, se ti si gjithmone me te njejtin refren:socialistet keshtu, socialistet ashtu.
As te kujtohet gje se kur u ngriten?
Po parqet e Tiranes kur u shkaterruan?
Me kronologji te flasim?
Mua me sa me kujtohet ishte gjate qeverisjes se PD-se.
Po ty.......?

[Dick Johnson]

me mire do te behet

[Legjion]

Këto çështje i zgjidh vetëm ekofashizmi.

Megjithatë një hap i parë drejt kësaj është t'i jepen tokat pronarëve të tyre. Përdhosja e natyrës do të zbehej menjëherë. Cili pronar do të shkatërronte tokën e vet?!

Për kundravajtësit dënim kapital. Diagnoza: shqiptarët nuk bashkëpunojnë se e kanë kokën në ****ë dhe mendojnë me zorrën e trashë. Kura: ligj drakonian që t'iu nxjerrë kokën nga *****.