Postuar më parë nga
Albanino
UçK-ja nuk është Fondamentaliste
Eshtë dhe kjo një tezë që ka filluar të rigjallërohet shumë kohët e fundit. Përhapësit e kësaj teze janë në shumicën dërrmuese jashtë Shqipërisë. Përhapësit e kësaj teze mbështeten në faktin tashmë të njohur se shqiptarët e Kosovës janë shumica muslimane si dhe në krahasimet e luftës që bën UçK-ja me luftën që u zhvillua në Bosnjë, Ceçeni, Kurdistan dhe Afganistan. Edhe kjo është një tezë që nuk përputhet aspak me realitetin e UçK-së.
Kurani dhe Flamuri Kombëtar
Le tu referohemi fakteve.
Fakti i parë : Në morinë e krahasimeve të luftës që bëhet në Kosovë, nga disa politikanë dhe analistë, ka filluar të përdoret dhe shëmbulli i luftës së popullit çeçen, për pavarsi nga Rusia. Megjithë ngjashmëritë, lufta e popullit çeçen, nuk ngjan me luftën e popullit të Kosovës. Ka disa arsye aktuale dhe historike. Lufta e popullit çeçen kundër Rusisë, thelbi i saj çlirimtar, u mbulua nga velloja fetare, nga muslimanizmi. Edhe Xhokhar Dudajevi, edhe i moderuari Asllan Maskadov edhe fundamentalisti Shamil Basajev, që të tre si doktrinë të tyre përdorën Kuranin. Ndërsa populli i Kosovës dhe drejtuesit e tij, qoftë të UCK-së, apo qoftë politikanët e tjerë, si mbulesë të luftës së tyre çlirimtare kanë antifashizmin.
Fakti i dytë : Në luftën e zhvilluar në Bosnjë, u përzie lufta civile me luftë fetare. Eshtë e njohur doktrina e Alija Izetbegoviçit mbi kombin musliman. Kësaj ju përgjigj dhe ana serbe dhe kroate mbi kombin e krishterë. Ndërsa populli shqiptar në Kosovë zhvillon një luftë të pastër çlirimtare. Doktrina e luftës së tij është evropiane, moderne dhe civilizuese. Thelbi i UçK-së është antifashizmi. Përpjekjet që bëhen për ta paraqitur UCK-në me tendenca fondamentaliste, janë të pabaza dhe dashakeqe. Për të treguar se UçK-ja nuk ka asnjë tendencë fondamentaliste, po sjellim disa argumente konkretë.
Së pari: Në radhët e ushtrisë çlirimtare të Kosovës, marrin pjesë si luftëtare mjaft gra dhe vajza kosovare. Shëmbulli më tipik ishte lufta dhe vdekja heroike e Xhevë Lladrovcit, bashkëshortes së heroit të Kosovës, Femi Lladrovci. Ndërsa fondamentalizmi islamik e ndalon pjesmarrjen e femrës në luftë. Ai e mbyll në shtëpi dhe i vesh ferexhenë duke e përbuzur dhe përdhosur dinjtetin e saj.
Së dyti : Fondamentalizmi islamik mbi varret e të vrarëve vendos Kuranin. Ndërsa Ushtria çlirimtare e Kosovës mbi varret e luftëtarëve të vrarë, vendos flamurin kombëtar. I gjithë opinioni publik ndërkombëtar është dëshmitar se mbi varret e qindra e mijra dëshmorëve, Ushtria çlirimtare e Kosovës, ka hedhur me qindra mijra flamurë, por asnjë Kuran.
Së treti : Në ceremonitë e varrimit të luftëtarëve të lirisë në Kosovë, nuk janë dëgjuar asnjëherë syret e hoxhallarëve apo baballarëve të teqeve, por bataretë dhe krismat e kallashikovëve. Vetëm ato i kanë shoqëruar në banesën e fundit dëshmorët e Kosovës. Ku është atëhere « fondamentalizmi » i UçK-së ?
Skane luftu per hyrija, e as Kuran, por per 'FREEDOM'.
Përgjigju Duke Cituar
Krijoni Kontakt