Ndryshimi i rregullores. Letër autoriteteve nga burgu i Rogozhinës
“Duam më shumë seks në qeli, ndryshe protesta”
--------------------------------------------------------------------------------
Klodiana lala
k.lala@gazetashqiptare.com
TIRANE
Më shumë seks në burgje, ndryshe do të protestojmë”. Një letër e firmosur nga pothuaj të gjithë të dënuarit në burgun e Rogozhinës është nisur në drejtim të Presidentit të Republikës, kryeministrit dhe autoriteteve të tjera të larta të shtetit. Me një letër shoqëruese të shkruar me shkrim dore dhe të firmosur nga Ylli Kambo, një nga ish-bosët e firmave piramidale, ata kundërshtojnë vendimin e marrë vetëm pak javë më parë nga drejtoria e përgjithshme e burgjeve, për reduktimin e orëve të takimeve speciale. “Ky urdhër është i paargumentuar, i pambështetur në ligj dhe bie në kundërshtim me nenet e Kushtetutës. Argumentimi i vendimit se është bërë për arsye sigurie është i pavërtetë, sepse nuk ka ndodhur në asnjë rast që takimet speciale të jenë bërë pengesë në sigurinë dhe thyerjen e rregullores”, - thuhet në peticion. Të dënuarit shprehen se urdhri i drejtorit të përgjithshëm të Burgjeve është një diskriminim që u bëhet dhe është një dënim i padrejtë që bëhet dhe në mënyrë kolektive. “Takimet speciale kanë shërbyer dhe shërbejnë për trajtimin moral dhe njerëzor të të dënuarit”, - shprehen të burgosurit. Drejtori i Përgjithshëm i Burgjeve Shehri tha se ende nuk kishte dijeni për një peticion të tillë, pasi nuk kishte mbërritur në zyrën e tij. “Me të marrë peticionin, do të shqyrtoj me kujdes kërkesat e të burgosurve, megjithëse ne po punojmë për të përmirësuar gjendjen në ambientet e vuajtjes së dënimit”, - tha ai.
Kërkesat
Zgjatja e orarit të takimeve speciale, është një ndër kërkesat kryesore që të dënuarit e Rrogozhinës parashtrojnë në peticion, por ata janë gjithashtu të pakënaqur për trajtimin që u bëhet në qeli, duke renditur dhe një sërë kërkesash të tjera. Në peticionin me dhjetë pika, të dënuarit kërkojnë ushqim më të mirë, punësim sipas ligjit, pajisjen me kartelë mjekësore, arsimin dhe formim profesional, shtim të aktiviteteve sportive dhe argëtuese, përpilimin e një rregulloreje të brendshme në burg, që ata të njohin të drejtat e tyre si dhe dhënien e lejeve për rastet e fatkeqësive familjare. Ata pretendojnë se shumë nga të drejtat e tyre janë shkelur dhe akuzojnë drejtorin e Përgjithshëm të Burgjeve, se që nga dita e emërimit në postin që mban, nuk ka vajtur për të dëgjuar qoftë dhe një herë problemet e tyre. “Në mendojmë dhe punojmë me shpresën që të shkojmë drejt Evropës, zhvillimit e respektimit të të drejtave të njeriut, ndaj kërkojmë shfuqizimin e një urdhri të tillë”, - përfundojnë të burgosurit në peticionin e tyre, duke paralajmëruar protesta në rast se kërkesat e tyre nuk do të merrem parasysh.
-----------
Nuk e shkrujta per gallate kete teme, edhe pse ne fakt eshte per te qeshur e per te qare, se sa per menyren e perkryer qe pergjegjesit e firmave piramidale, kriminelat, hajdutat etj etj qe kane marre ne qafe popullin, dhe femrat e popullit, qe kane shkaterruar balancen e familjes, kerkojne qe edhe nga qelia, sipas "standarteve europiane" te kene me teper seks. Un do thoja qe ne vend qe keta njerez t'i luten 200 here perendise qe nuk vuajne neper burgjet si ato amerikane( ku megjithmend kane kushte me te mira higjenike....) ku vuajne kriminelat e kalibrit te tyre, dhe kur seksin nuk e ben por e peson, tani na dashkan dhe te drejta te tilla. Cfare spo na degjojne veshet. Keta monstra jane produkt i 50 vjet komunizem i kombinuar me qeverisjet mercenare te 15 viteve te fundit.
Përgjigju Duke Cituar
Postuar më parë nga Gio
Krijoni Kontakt