Kush e drejton botën tuaj?

[Davius]

Çfarë është më e rëndësishme për ty: kontinenti apo kombësia?
Si pjesë e stinës "Kush e drejton botën tuaj", BBC-ja komisionoi një sondazh për të dëgjuar opinionin në botë lidhur me rëndësinë e pushtetit dhe të ndikimit që ka ai në jetën e njerëzve.

Rreth 50 mijë vetë në 68 vende u pyetën se tek kush kishin më tepër besim; kush kishte më shumë influencë në jetën e tyre dhe a besonin se e kishin në dorë ndryshimin e jetës së tyre.

Nga të gjitha pyetjet e shtruara në sondazh evropianët u treguan më skeptikë.

Një e treta e personave të pyetur në 23 vende evropiane thanë se nuk u besonin politikanëve, biznesmenëve, njerëzve të fesë, udhëheqësve ushtarakë.

Kurse në Evropën Lindore 50 për qind e të anketuarve nuk u besonin personave me pushtet.

Ndërsa në shkallë botërore vetëm një çerek i njerëzve të pyetur u besojnë të fuqishmëve.

Në Britani, Danimarkë, Norvegji dhe Irlandë më shumë se tre të katërtat e personave të intervistuar thanë se mund ta ndryshonin jetën e tyre, por më pak se gjysma e të pyeturve në Evropën Lindore u përgjigjën pozitivisht kësaj pyetjeje

Gati 61 për qind e kosovarëve thonë se familja ushtron influencën më të madhe në jetën e individit, 22 për qind e tyre thanë se janë në gjendje ta ndryshojnë jetën.

Në krahasim me qytetarët evropianë kosovarët kanë opinionin më të lartë përsa i takon përfaqësimit të tyre dhe pushtet, dhe ndershmërisë së zgjedhjeve.

BBC/Albanian