Gafat e gazetarisë shqiptare

[iliria e para]

Faqja 17 - AKTUALITET Nentor 30, 2005


Në polici pretendoi se u qëlluan nga grabitës të maskuar

Lushnjë, ekzekutoi shokun që i kërkoi t’i kthente paratë hua





--------------------------------------------------------------------------------

Gazeta shqiptare

LUSHNJE – Vret shokun e ngushtë për të mos i kthyer paratë borxh. Ngjarja e rëndë ka ndodhur mbrëmjen e së hënës rreth orës 21.00, në fshatin Zgjamë të komunës Karbunarë e Vogël në Lushnjë. Gjatë grindjes për borxhin e pakthyer, ka mbetur i vdekur prej plumbave të pistoletës 40-vjeçari Ruzhdi Krasniqi, ndërsa 25-vjeçari Edi Lamçe ka mbetur i plagosur rëndë. Për këtë ngjarje në polici ka raportuar 43-vjeçari Ali Mata, i cili në versionin e tij të ngjarjes ka pretenduar se kishte qenë për të darkuar së bashku me dy viktimat në një lokal në fshatin Zgjamë. Sipas tij, gjatë rrugës së kthimit për në qytet, u kanë dalë përpara disa persona të maskuar që kanë tentuar t’i grabisin. Krasniqi dhe Lamçe kanë mbetur të plagosur gjatë tentativës për t’u rezistuar grabitësve, ka thënë Mata. Por burime konfidenciale në policinë e Fierit informojnë se versioni që ka paraqitur 43-vjeçari Mata nuk është i besueshëm. Burime nga grupi hetimor bëjnë të ditur se Mata prej disa kohësh i kishte marrë borxh një shumë të madhe të hollash shokut të vet 40-vjeçar, Krasniqi. Të hënën ai e kishte marrë në telefon duke i komunikuar se do t’ia kthente paratë, ndërsa për nderin që i kishte bërë duke ia huazuar ato, e kishte ftuar për një darkë. Në këtë darkë, Mata kishte ftuar edhe të nipin Lamçen. Sipas policisë, dy palët kanë zhvilluar biseda të tensionuara gjatë kohës kur kanë darkuar, objekt i të cilave kanë qenë paratë e marra borxh. Ata kanë dalë të acaruar nga lokali dhe mendohet se debatet kanë vijuar edhe gjatë rrugës kthyese për në qytetin e Lushnjës. Në grindje e sipër palët janë konfrontuar me armë zjarri, si pasojë e të cilave ka mbetur i vdekur 40-vjeçari Krasniqi, ndërsa 25-vjeçari Lamçe i plagosur rëndë. Ky i dyti është dërguar menjëherë në spitalin e Tiranës, ku gjendet jashtë rrezikut për jetën, ndërsa policia ka bërë arrestimin e 43-vjeçarit Krasniqi, i cili dyshohet si autor i vrasjes. ir. ho

[deqanas]

hahahaha
i ngjan ati lajmit te tipit:
beri vetvrasje dhe iku ne drejtim te panjohur!?!?
policia ne kerkim te autorit.