Si i vleresoni aktivitetet e SHMG-se per lirimin e gazetares Rajmonda Malecka?

[antonio28]

Shoqata për Mbrojtjen e Gazetarëve (SHMG) dënon ashpër vendimin kontravers dhe skandaloz të Gjykatës Themelore I të Shkupit, me të cilin gazetarja Rajmonda Maleçka sërish i shqiptohet dënimi me 5 vjet burg.

Vendimi i kësaj gjykate është krejtësisht politik dhe vlerësojmë se në këtrë rast gazetarja Rajmonda është bërë viktimë e një larje hesapesh të partive qeverisëse me elektoratin e tyre rreth rastit të Kondovës.

Kërkojmë që Gjykata e Apelit, sikurse herën e parë, të anulojë vendimin tepër skandaloz të Gjykatës Themelore dhe të krijojë kushte për një gjykim të drejtë dhe real të gazetares shqiptare dhe babait të saj.

Kërkojmë që të gjitha shoqatat, përfshirë edhe Shoqatën e Gazetarëve të Maqedonisë (ZNM- Zdruzenie na Novinarite vo Makedonija, e cila nuk ka bërë asnjë reagim rreth burgosjes së koleges tonë), të ngrenë zërin e fuqishëm për lirimin e Maleçkës dhe të kontribuojnë që drejtësia të dalë në shesh.

Kërkoojmë që të gjithë gazetarët, pra ne si kolegë, t’i bëhemi krah gazetares Maleçka që edhe ajo të dalë në liri dhe të ushtrojë profesionin e saj.

Kërkojmë nga presidenti i shtetit, kryeministri, ministrant partitë politike (sidomos ato shqiptare) të analizojnë seriozisht rastin e dënimit të një gazetareje me 5 vjet burg, sepse, sado që të duket i vogël, ai do t’i kushtojë shumë shtrenjtë Maqedonisë në rrugën e saj drejt integrimit në NATO dhe BE.

Në rast të injorimit të kërkesave tona, do të jemi të detyruar të protestojmë dhe të ndërmarrim edhe masa tjera për të liruar gazetaren Maleçka.


http://www.apj.org.mk/