Berisha shkurton badigardët, Zheji shton sekretaret

[Xhuxhumaku]

Berisha shkurton badigardët, Zheji shton sekretaret
RTSH probleme me organizimin, 160 punonjës të administratës vetëm për 50 gazetarë


Shqipëria jo më kot shpesh herë quhet si vendi i çudirave. Ndërsa kryeministri Berisha, merr vendime për shkurtimin e shpenzimeve administrative, madje përgjysmon edhe numrin e badigardëve të vet, ndryshe ndodh në Radiotelevizionin shqiptar. Drejtori i Përgjithshmë i këtij institucioni nuk mjaftohet me një sekretare, por kohët e fundit i ka bërë dy. Të gjithë gazetarët dhe regjizorët e RTSH janë habitur, kur kanë parë se për të takuar drejton Zheji,

fillimisht duhet të paraqiten tek sekretarja e parë. Kjo e fundit njofton sekretaren e dytë, e cila më pas lajmëron Zhejin. Reaksioni është i njëjtë edhe anasjelltas. Zheji i jep porosinë sekretares së parë, kjo ja kalon të dytës që i komunikon të interesuarit dëshirën e drejtorit, nëse ai e pret apo jo. Por rrumpalla nuk ndalet me kaq, sipas sindikatës së këtij institucini, në RTSH janë 160 persona pjesë e administratës, ku futen drejtor, juristë, ekonomistë dhe personeli ndihmës. Vetëm Drejtoria Juridike në RTSH ka 6 juristë, një prej të cilëve punon edhe me kohë të pjesshme. Kjo drejtori më shumë të përngjan me një zyrë avokature se sa pjesë e një televizini publik. Ndërsa barra e prodhimit për televizionin e vetëm publik bie mbi 50 gazetarë. Një shifër që padyshim duhet të ishte e kundërta. Mirëpo çudia nuk mbaron as me kaq. Arben Mëhilli që është komanduar nëndrejtor i përgjithshëm i RTSH mban në të njëjtën kohë edhe detyrën e drejtorit të Drejtorisë Teknike dhe drejtor i Antenave. Sipas burimeve drejtori i trefishtë Mëhilli njihen si një profesionist, mirëpo detyrat që ka marrë mbi shpatulla janë tepër të rënda për ti kryer të treja njëkohësisht. Por, ndërsa drejtori Zheji ka dy sekretare dhe administrata zë pjesën më të madhe të punonjësve në RTSH, është pikërisht kjo kategori që thith edhe shumën më të madhe të pagave të këtij institucioni. Kështu gazetarët e Televizionit, por edhe ata të Radios paguhen me një pagë jo më shumë se 20 mijë lekë të vjetra në muaj. Madje për një periudhë tre vjeçare, që përkon me emërimin si drejtor të përgjithshëm të Artur Zhejit, gazetarëve dhe krijuesve të RTSH nuk ju është paguar vështirësia dhe vjetërsia në punë. Pikërisht për këtë qëllim, ata kanë hedhur në gjyq drejtorin Zheji. Ndërkohë që së fundmi abuzimet e denoncuara nga sindikata e RTSH ka zgjuar edhe Kontrollin e Lartë të Shtetit, i cili më së fundit ka zbarkur përsëri. Vetëm një vit më parë KLSH, gjatë kontrollit të saj vjetor zbuloi mjaft shkelje dhe abuzime. Për këto u cilësua përgjegjës drejtori i Përgjithshëm Zheji, për të cilin u rekomandua shkarkimi nga detyra dhe kallzim në prokurori. Por asnjë nga rekomandimet e KLSH nuk u zbatuan, qoftë nga organi i akuzës, por edhe nga Këshilli Drejtues i RTSH. Prokuroria e mbylli dosjen e Zhejit, pasi sipas saj nuk kishte prova të mjaftueshme, ndërsa Këshilli Drejtues e quajti të padrejtë rekomandimin e KLSH për shkarkimin e drejtorit të përgjithshmë të RTSH. Pas të gjitha këtyre Artur Zheji ka përsëri luksin të mbajë dy sekretare personale, ndërsa gazetarët e RTSH të “kënaqen” me një pagë 20 mijë lekë në muaj.

Ekspress.

[shkodrane82]

Bodyguardin e vet se shkarko ai jo...se e ka punen pisk atehere...

P.S Xhuxho u now what i'm talkin about....