Miqësia shqiptaro-greke

[brooklyn2007]

Kur kane abuzuar shqiptaret ndaj grekerve? Pse behesh vegel e grekerve ti? Apo qendron ajo qe thashe me lart? Mos u thua te tjereve se je grek ti vete?

Me thuaj specifikisht te lutem rastet e abuzimit shqiptar ndaj grekeve!

Dhe e dyta edhe une do ta doja me gjithe shpirt miqesine e bashkepunimin me popujt tane fqinje, shumica e shqiptareve te njejten gje duan. Ceshtja eshte kjo duhet te jete e ndersjellte.
Kur ne Gerrqi si masat popullore si dhe pushtetaret e tyre nuk e ndjejne kete pse duhet te perulemi ne e te zgjasim doren e miqesise? Dhe e kemi bere kete me qindra raste, e me thuaj cfare kemi perfituar? Asgje biles kemi humbur.

Greqia eshte i vetmi vend ne bote qe akoma ka pretendime territoriale ndaj Republikes se Shqiperise.

Mjafton te te permend kohen kur grekerit ishin hyzmeqare te bejlereve shqiptare ne kohen e Ali Pashait ose dhe me perpara?!. Ty te genjen mendja se ne ate kohe, me gjithe injorancen qe egzistonte, grekerit trajtoheshin me mire sec trajtohen shqiptaret "hyzmeqare" sot ne Greqi?!!! Pra sic e sheh historia vetem perseritet pa e ditur se ku ishte zanafilla e gjithe kesaj. Qe te duash miqesine me dike se pari duhet filluar nga vetja jote. Ti nuk mund te kerkosh miqesine e grekerve pa e pastruar shpirtin nga urrejtja dhe mosbesimi i trasheguar neper vite. Eshte pikerisht kjo urrjejtje qe s'te lejon qofte edhe ta mendosh miqesine me ta sic po e tregojne shume veta ketu ne kete teme. Dhe mos ngaterroni politikat e nje qeverie me masen popullore. Popujt jane popuj kudo. Gjithe problemi eshte si te gjendet ajo pjese inteligjente e te dyja popujve dhe te ulen e te sqarojne njehere e mire problemet e trasheguara. Me urrejtje s'ka per tu arritur kurre asgje nese nuk fillojme te mendojme per menyrat se si te bashkjetojme bashke sa me mire ne te ardhmen dhe kjo nuk eshte perulje. Me kete i tregon grekerve dhe gjithe botes qe te sheh se shqiptaret nuk jane ato njerez qe i sheh jo pak here ne faqet e para te gazetave te Evropes si trafikante droge, kriminele te ndryshem, luftenxites etj, por jane ne rradhe te pare njerez qe shohin perspektiven e te ardhmes dhe kane kulture qytetare dhe demokratike. Ne fillim te rregullohemi ne se s'jemi ne rregull gjekundi, te tjerat i rregullon koha.

[dardaniAU]

pershendetje,

Une nuk e dije se a ekziston ndonje ligje i luftes,ne Greqi, por ne e dije i sigurt 100% se Greket kurre ne shqiptarve nuk na kane deshte te miren, Ruset jane ata qe kane me na be shume probleme, rrehte pranimit te kosoves ne OKB, ndersa Greket do te jen ata qe do te na bejn shume problem pranimin e kosoves si shtet nga ana e Bashksis Evropiane! ngase keto dy jane armiqet me te mdhenje te kombit shqiptar, duke mose harruar serbet!!!

[Baptist]

Mjafton te te permend kohen kur grekerit ishin hyzmeqare te bejlereve shqiptare ne kohen e Ali Pashait ose dhe me perpara?!. Ty te genjen mendja se ne ate kohe, me gjithe injorancen qe egzistonte, grekerit trajtoheshin me mire sec trajtohen shqiptaret "hyzmeqare" sot ne Greqi?!!!

Pjesa nden kete kuotim, as ja vlen te debatohet se vetem sepse disa mutacione shqiptare nuk kane as ndjesine themelore te se drejtes njerezore qe te mos shtyijne viktimen t'i kerkoje falje kriminelit. Po perqendrohem tek paragrafi i cituar me lart.

Lexojme sikur na paska qene turp qe grekerit qene hyzmeqare. Pse valle? Nuk kishte edhe shqiptare hyzmeqare qe trajtoheshin njelloj? Mos valle pronaret shqiptare i kishin zbuar greket nga pronat e Camerise, i kishin prere vrare e masakruar me gra a femije dhe ua kishin grabitur pronat?

Me sa duket pronari grek te ka bere bashkepronar per kacurrelat e shkelqyera, dhe mendon qe pervoaj personale mund te pergjithesohet.

[Albo]

Festival kulturor 2 ditor ne Kalane e Gjirokastres, kendon live kengetaria greke Gliqeria

HumanAid, në bashkëpunim me autoritetet vendore të qarkut të Gjirokastrës dhe të komunës së Dropullit të Poshtëm dhe me mbështetjen e Dhomës së Tregtisë Greqi - Shqipëri, organizon, për herë të parë, Festivalin Kulturor dyditor, me synim promovimin etrashëgimisë së pasur kulturore të kësaj treve dhe krijimin e një ure tjetër miqësie dhe bashkëpunimi mes dy popujve fqinj, falë komunikimit të përbashkët që ofrojnë muzika dhe kultura. Festivali zhvillohet më 18 dhe 19 gusht, përkatësisht në fshatin Derviçan të Dropullit të Poshtëm dhe në kalanë e Gjirokastrës.
Nata e parë e festivalit, e cila do të çelet në orën 20:00 u kushtohet traditave dhe trashëgimisë kulturore të Minoritetit Etnik Grek. Pas ceremonisë së hapjes dhe bekimit të këtij aktiviteti, ngjiten në skenë grupe autoktone nga zonat e ndryshme të Minoritetit Etnik Grek veshur me kostume tradicionale dhe do të interpretojnë këngët polifonike dhe vallet e tyre karakteristike nën shoqërimin e orkestrave popullore.

Gjatë natës së dytë të festivalit, në orën 20:30, në kalanë piktoreske të qytetit të Gjirokastrës, jep koncert këngëtarja e mirënjohur greke, Gliqeria.

Krahas veprimtarive të mësipërme, në fshatin Derviçan hapet ekspozita e veprave të pikturës, ku artistët, gjatë dy ditëve të festivalit, do të kenë mundësi të shpalosin frytet e punës dhe shpirtin e tyre krijues.

Kjo nismë që ndërmerret për herë të parë, synon në kthimin e këtij festivali në një aktivitet të përvitshëm të unitetit dhe të kulturës.



Glikerisë në Gjirokastër i zënë hotelin dasmorët

Tri orë koncert baras me shumë mërzi për këngëtaren greke Glikeria. Ndonëse mbrëmjen e së dielës ka kënduar për tri orë live në kalanë e Gjirokastrës, incidentet për të nuk patën të mbaruar.

Kanë nisur fillimisht me autobusin, i cili është prishur gjatë rrugës, në të cilin udhëtonte grupi shoqërues i këngëtares, që për të parën herë mbërriti në Shqipëri për këtë koncert. Veç saj, koncerti i ideuar për të nisur në orën 22:00 të mbrëmjes, ka filluar dy orë me vonesë në 24:00, gjë që i ka pështjelluar jo vetëm publikun e pakët që mban “Kalaja” e Argjirosë (rreth 500 vende), por edhe vetë këngëtaren, e cila është shokuar nga aq pak fansa. Në koncertin që zgjati rreth tri orë, këngëtarja e njohur greke interpretoi këngë të zgjedhura nga repertori i saj, të cilat u duartrokitën nga publiku i pranishëm. Gjatë koncertit Glikera përshëndeti publikun në dy gjuhë, shqip dhe greqisht, ndërsa në përfundim të tij do të shprehej se “Jam shumë e lumtur që kam kënduar në skenën e kalasë së Gjirokastrës. Ishte ëndrra ime dhe më në fund e realizova. Të këndoje për publikun gjirokastrit ishte kënaqësi”, u shpreh ajo, duke shtuar se kam realizuar një nga ëndrrat e mia duke kënduar për këtë publik”, shton më tej pas përfundimit të koncertit, megjithatë notat e mërzisë janë të evidentueshme te këngëtarja. Por çudia shkon edhe më tej, me këngëtaren, të cilën duket se tersi e ka ndjekur gjatë këtë mbrëmje të parë në Shqipëri. Dhomat e hotelit që organizatorët e koncertit kishin zgjedhur për të fjetur këngëtarja dhe grupi i saj, qenë zënë nga një grup i madh dasmorësh që pronari i hotelit kishte strehuar. Nga burimet e pranishme në këtë koncert mësohet se ky incident i radhës irriton këngëtaren, e cila më pas është nisur në mesnatë drejt Greqisë. Koncerti i këngëtares greke u organizua nga shoqata joqeveritare greke ‘HumanAid’, me mbështetjen e prefektit të Qarkut të Gjirokastrës, këshillit të Qarkut të Gjirokastrës dhe bashkisë së këtij qyteti. “Për organizimin e këtij koncerti dhanë kontribut edhe shumë shoqata joqeveritare, në Greqi dhe në Shqipëri”, shprehet Ilir Gjini, kryetari i shoqatës joqeveritare “Syri i Medias së Re” (SMR), shoqatë që mbështeti organizimin e koncertit të Glikerisë në kalanë e Argjirosë. p.n.

Shekulli & Panorama

[brooklyn2007]

Pa tjeter, prandaj mendoj qe votimi per heqjen e ligjit te luftes me Republiken e Shqiperise do te ishte nje hap ne ate drejtim.

Serisht me duhet t'jua bej te qarte juve edhe te tjereve. Ketu nuk po flitet per miqesine midis shtetit Grek dhe atij Shqiptar. Ketu po flitet per miqesine midis dy popujve tane. Ligji i luftes (nese vertet egziston juridikisht) eshte nje ceshtje politike midis dy vendeve dhe jo dicka shoqerore-kulturore. Mos e kufizoni kaq shume konceptin e miqesise vetem ne aspektin politik. Por qe edhe ceshtja e ligjit te luftes te zgjidhet, bashke me Camerine, pronat shqiptare ne Greqi si dhe shume ceshtje te tjera dypalshe, kerkojne qe te kete dialog dhe jo nxjerrje dhembesh ose venie kushtesh paraprake. Pa u vendosur dialogu i duhur, me shume siguri asnjera pale nuk do te leshoje pe dhe rrjedhimisht asgje nuk ka per tu zgjidhur. Dhe qe ky dialog te vendoset, ne rradhe te pare kerkon nje pjekuri si nga ana jone ashtu dhe nga ana greke sigurisht. Por meqe ne flasim nga ana jone, atehere ne duhet ta kerkojme kete mendesi te pjekur nga ana jone ne fillim dhe me pas te shohim nese egziston mundesia qe ta gjejme edhe tek greku. Ne rast te kundert, nese qofte edhe teorikisht ne themi qe "Greku eshte armiku jone i perjetshem dhe pike", atehere ne vetem sa i bejme dem te ardhmes tone ne lidhje me marredheniet me fqinjet.

[Albo]

Bellaj, partia e Karamanlis e do për deputet në Greqi


(Derguar me: 21/08/07) Altin Latifi

Tepër i famshëm në Janinë, Arjan Bellaj mund të fitojë të mërkurën statusin e kandidatit për deputet të Nea Dimokratias (Demokracia e Re) në këtë qytet. Ish-futbollisti i kombëtares shqiptare është një nga dy emrat e përfolur për të kandiduar nën siglën e partisë së kryeministrit Karamanlis, në zgjedhjet e përgjithshme parlamentare që do të mbahen më 16 shtator në Greqi. Lajmi është bërë i ditur dje në disa të përditshme greke, ndërkohë që është konfirmuar edhe nga vetë ish-mbrojtësi i përfaqësueses shqiptare dhe aktualisht drejtor teknik e ndihmës trajner i klubit të Pas Janinës në kampionatin helen. Duke parë popullaritetin e gjirokastritit, drejtuesit lokalë të partisë në pushtet, kanë menduar që në listën e kandidatëve të mundshëm, të futet edhe lojtari i famshëm i klubit të Janinës, një idhull i tifozerisë së këtij qyteti. “Megjithatë, shanset më të mëdha i ka deputeti aktual, që mund të rikonfirmohet”, thotë nëpërmjet telefonit për “Gazetën Shqiptare”, Arjan Bellaj. Vendimi pritet që të merret nesër, ndërkohë që e gjithë Greqia këto ditë është e pushtuar nga ethet e fushatës elektorale për zgjedhjet e parakohshme. Vetëm pak ditë më parë, kryeministri Kostas Karamanlis deklaroi shpërndarjen e Parlamentit, duke iu hapur në këtë mënyrë rrugën zgjedhjeve të parakohshme parlamentare.

Kandidimi

Arjan Bellajt i duhet të fitojë ndaj deputetit aktual të Janinës për të fituar statusin e kandidatit për deputet të Partisë Nea Dimokratika në Greqi. Vetë ish lojtari i kombëtares shqiptare pranon se ai është një nga emrat e mundshëm, megjithatë shanset më të mëdha i ka ai që mban aktualisht postin e deputetit në Parlament, ndërkohë që vendimi i drejtuesve të partisë pritet që të merret nesër. “Unë nuk kam pyetur në selinë qendrore për këtë çështje, por mesa mësova nga këto qarqet këtu në Janinë, shanset më të mëdha i ka deputeti i tanishëm. Gjithsesi, të shohim, pasi të mërkurën vendoset”, ka deklaruar ish mbrojtësi i përfaqësueses kuqezi. Bellaj aktualisht mbulon rolin e drejtorit teknik dhe të ndihmës trajnerit në klubin e Janinës, Pas Janina, por mbetet një nga emrat më të adhuruar në këtë qytet.

Bellaj

Edhe pse është një shqiptar, i lindur në Gjirokastër, Arjan Bellaj e ka kaluar një pjesë të mirë të jetës së tij në Greqi, ku ka milituar për vite me radhë në disa skuadra të këtij kampionati. Në 5 vitet e fundit ai ka qenë një nga yjet e klubit të qytetit, Pas Janina, duke qenë edhe një idhull për tifozerinë. Sezoni i shkuar, ai 2006-2007, ishte i fundit për të si futbollist. Bellaj i dha fund karrierës, por jo futbollit, pasi presidenti i Janinës Aleksis Kujas, e vendosi në rolin e drejtorit teknik dhe njëkohësisht ndihmës trajnerit të klubit. Arjan Bellaj ka qenë gjithashtu një prej mbro-jtësve më të mirë të kombëtares shqiptare, ku ka milituar për disa vite. Në kohën e Brigelit ai ishte një nga lojtarët kyçë të mbrojtjes së hekurt që përmbante edhe Arjan Xhumbën, Geri Çipin apo Ervin Fakajn.

Intervista e Bellajt: Kam pak shanse, por të shohim

Ajran, shtypi grek ju ka përfolur si një nga kandidatët e mundshëm për deputet në Janinë. Si është e vërteta e kësaj?

Normalisht që ky është një nder që më bëhet, por për momentin sa dini ju di edhe unë. E kam lexuar në shtypin grek një gjë të tillë, por të shohim, shanset nuk janë të mëdha të them të drejtën. Më kanë marrë shumë vetë në telefon dhe nuk di ç’tu them, pasi ende nuk është vendosur gjë.

Në fakt, prisni që të zgjidheni si kandidat nga Partia e Karamanlisit?

Shiko, unë nuk kam pyetur në qendër, në parti, kam pyetur vetëm qarqet e Neo Dimokratias këtu në Janinë dhe mesa mora vesh shanset më të mëdha i ka deputeti aktual. Megjithatë, çdo gjë do të vendoset të mërkurën. Atëherë do të merret vesh tamam.

A do ta pranonit një kandidim të mundshëm për deputet në Janinë?

Sigurisht, kush nuk do ta pranonte? Ky është një nder që i bëhet çdo njeriu.

[Albo]

Fatos Kongoli, një ditë me veprat në Sarandë

Nuk ka se si të mungojnë organizime të tillë. Padyshim për Fatos Kongolin, shkrimtarin e njohur shqiptar, evente të tilla kanë vend gjithmonë.

Por kësaj radhe për të parën herë, në Sarandë, në qytetin bregdetar është mbajtur një takim i veçantë me shkrimtarin e njohur. Jo vetëm për të folur rreth veprës së tij, botime të shkrimtarit që kanë shënuar sukses të plotë vitet e fundit brenda dhe jashtë Shqipërisë, por edhe për të folur për botime te reja, për vepra që flasin në shumë gjuhë. Në këtë takim të organizuar nga Instituti i Librit dhe Promocionit, Bashkia e qytetit të Sarandës, si dhe Shoqata e Shkrimtarëve të këtij qyteti kanë qenë të pranishëm edhe letrarë të tjerë shqiptar. bashkë me ta dhe dy përfaqësuesit e shtëpive botuese greke, “Pataqis” në Athinë, një nga më të njohurat në Greqi dhe shtëpisë botuese “Desilas” në “Korfuz”, të cilët kanë marrë përsipër të botojnë dy nga veprat e Kongolit “Lëkura e qenit” dhe “Ëndrra në kutinë e shkrepëses”. Shkrimtari i njohur vjen në këtë takim pas arritjeve që ka shënuar me botimet e tij vitet e fundit. Pas pesë romaneve të ciklit “Burgjet e kujtesës”, (“I humburi”, “Dragoi i fildishtë”, “Ëndrra e Damokleut” dhe “Lëkura e qenit”), që e futën autorin në klubin e elitës së letrave shqipe, Fatos Kongoli befasoi në Shqipëri lexuesin me romanin “Te porta e Shën Pjetrit”, i cili brenda një jave në Tiranë u shit në 1200 kopje dhe pas këtij suksesi u ribotua të paktën katër herë në gjuhën shqipe nga viti 2005 nga shtëpia botuese “Toena”. Në muajin prill Kongoli promovoi në Tiranë romanin e tij më të ri “Jetë në një kuti shkrepësesh”, ndërkohë që po në këtë muaj Fatos Kongoli u nderua për veprën “Endrra e Damokleut” me çmimin “Vepra më e mirë letrare në origjinal” nga Shoqata e Botuesve të Maqedonisë në kuadër të Panairit Ndërkombëtar të Librit që u zhvillua në Shkup të Maqedonisë. Por, si sukses i këtij autori është cilësuar edhe romani “Lëkura e qenit”, i cili po në fund të muajit shkurt të këtij viti është botuar në Poloni. Në qershor të vitit 2006 romani i Fatos Kongolit “Lëkura e qenit”, u shpall “Libri i muajit” në Gjermani, ndërkohë që është botuar në Zvicër nga shtëpia botuese “Ammann Verlag” e Zurich-ut.

Panorama

[Albo]

Saranda “pushtohet” nga vallja minoritare

(Vendosur: 20/08/07)

SARANDE - Festivali Folklorik, i cili këto ditë ka pushtuar qytetin bregdetar, ka shpalosur spektakël nga grupe të ndryshme si ai i Finiqit, Himarës, Nartës, Pogonit, Dropullit të Sipërm dhe të Poshtëm.

Mbrëmjen e djeshme mes një pjesëmarrje të konsiderueshme të banorëve të zonës dhe emigrantë të ardhur nga Greqia u organizua në komunën e Finiqit me nismën e vetë kësaj komune në bashkëpunim me gjithë komunat e tjera të minoritetit Festivali Folklorik i minoritetit etnik grek. Ndodhej gjithashtu edhe zëvendëskonsulli i konsullatës greke në Gjirokastër. Pikënisja e këtij festivali ka qenë në Zapio të Athinës nga Forumi i Minoritarëve Emigrantë dhe Shoqata e Artistëve. “Kjo fillesë, shprehet për gazetën kryetari i komunës së Finiqit dhe një nga organizatorët kryesorë të festivalit, Ziso Lluci, vlen për t’u vlerësuar se për herë të parë në demokraci bëhet në mënyrë të organizuar regjistrimi i pasurisë kulturore të kësaj popullsie nga vetë minoritarët”. Përveç këngëve dhe valleve përfaqësuese në intermexon e këtij aktiviteti u bë edhe shfaqja e një dokumentari ku nëpërmjet tij jepeshin vlerat arkeologjike e turistike të vetë Finiqit si kryeqytet i Epirit në shekullin e II para erës sonë. Në festival ishte i ftuar edhe grupi i të rinjve të Gjirokastrës.

Panorama

[Albo]

Kryeministri Berisha i dërgon mesazh ngushëllimi Kryeministrit grek Kostas Karamanlis

26/8/2007

Kryeministri Sali Berisha i dërgoi sot një mesazh ngushëllimi Kryeministrit grek Kostas Karamanlis për humbjen e jetës së njerëzve nga zjarret e rënë një ditë më parë në Greqi.

Ndër të tjera, në këtë telegram thuhet:

“I nderuar zoti Kryeministër!

Me keqardhje të thellë mësova për humbjet njerëzore të shkaktuara nga zjarret e mëdha që kanë përfshirë disa zona të Greqisë.

Më lejoni që në këtë moment dhimbjeje të ndaj me Ju hidhërimin për humbjen e jetëve njerëzore dhe t’ju shpreh në emrin tim dhe të qeverisë shqiptare ngushëllimet dhe ndjenjat më të sinqerta të simpatisë për këtë humbje të madhe, për familjet e viktimave, për qeverinë dhe kombin Tuaj.

Qeveria shqiptare është e gatshme dhe ka marrë të gjitha masat e nevojshme për t’ju ofruar çdo lloj ndihme që ju do të keni nevojë për përballimin e situatës”.



Qeveria shqiptare do të akordojë një fond të veçantë për familjet e viktimave dhe dëmet e shkaktuara nga zjarri në Greqi

26/8/2007

Kryeministri Sali Berisha në një prononcim dhënë sot për mediat nga qyteti i Gjirokastrës tha se qeveria do ti akordojë qeverisë greke një fond prej 60 mijë eurosh, ndihmë për familjet e viktimave dhe dëmet e shkaktuara nga zjarret e rëna ditët e fundit në Greqi.

Kryeministri Berisha, ndërsa shprehu keqardhjen për këtë humbje të dhimbshme të jetëve njerëzore, mes të cilëve edhe qytetarë shqiptarë, informoi se ministria e shqiptare e Mbrojtjes, Ministria e Punëve të Jashtme dhe ministria e Brendshme kanë marrë porosi që të jenë në kontakte me homologët e tyre në Greqi dhe të ofrojnë të gjithë ndihmën mundëshme që mund t’i japet vendit fqinj.

Duke i’u referuar situatës së zjarreve në Shqipëri, por që fatmirësisht nuk kanë shkaktuar viktima, Kryeministri Berisha shprehu angazhimin e qeverisë për një strategji të qartë kundër zjarreve, pasi ato po shndërrohen në një realitet të hidhur.



Keshilli i Ministrave

[brooklyn2007]

Mendoj se sot ka nevoje per solidaritet human me popullin grek ne keto momente te veshtira qe po kalon fqinji yne jugor. Sot kane ata nevoje kurse dje ishim ne qe kishim nevoje te ngjashme dhe ndihma greke nuk mungoi. Me poshte nje artikull i shkurter:


Zjarrfikesit greke kane dhuruar nje sasi ndihmash teknike per koleget e tyre shqiptare ne lidhje me operacionet antizjarr. Mesditen e se premtes drejtues te Prefektures se Gjirokastres dhe rajonit te Janines kane pasur nje takim ne doganen e Kakavijes. Ne qender te ketij takimi kane qene masat qe jane marre nga te dyja anet e kufirit ne lidhje me operacionet per shuarjen e vatrave te zjarrit. Gjate kesaj vere efektivat zjarrfikes te Gjirokastres dhe ata te Janines kane bashkepunuar per shuarjen e flakeve ne disa zona te Jugut. Krahas zjarrfikesve dhe autoboteve te repartit te Janines qe iu kane ardhur disa here ne ndihme kolegeve shqiptare edhe nje helikopter i zjarrfikesve greke ndihmoi per shuarjen e zjarrit ne Parkun Kombetar te Sotires ne rrethin e Gjirokastres. Ne fund te takimit zjarrfikesit e Janines iu kane dhuruar kolegeve te tyre shqiptare nje sere pajisjesh te cilat perdoren gjate operacioneve per shuarjen e zjarreve duke premtuar edhe gatishmerine e tyre per ti ardhur ne ndihme kolegeve shqiptare gjate operacioneve te perbashketa per shuarjen e zjarreve.


Gazeta Korrieri 11 Gusht 2007