Miqësia shqiptaro-greke

[Albo]

Apo ti me shoke quani "arritje" te turismit shqiptar 1.000.000 shqiptaret me pasaporte te huaj qe bejne turizem patriotik?

Cili eshte ndryshimi midis $1000 qe harxhon nje turist suedez nga $1000 qe harxhon nje emigrant shqiptar qe kalon 2 jave pushime ne Shqiperi? Dhe nuk e dija qe ekzistonte edhe "turizmi patriotik", dija qe cdo emigrant shqiptar ka mundesine te zgjedhi midis pushimeve ne nje vend te huaj apo pushimeve ne Shqiperi.

Ndjehem i fyer kur llogaritem ne vendin tim si i huaj.

Ndihesh i fyer nga realiteti e jo nga shteti shqiptar. Realiteti eshte qe ti nuk jeton me ne Shqiperi, ti nuk punon me ne Shqiperi, ti vetem pushon ne Shqiperi. Dhe ata qe pushojne ne nje vend per 2-3 jave ne vit e kane emrin TURISTE! Qofshin keta nga Shqiperia, Kosova, apo nga Zimbabveja.

A ka ndonje popull ne bote qe ka miqesi me greket qe te kemi ne? Edhe serbet per arsye politike e mbajne miqesin me ta. I thash njehere pronarit tim: me thuaj nje popull qe ju do juve greket dhe ai ma ktheu : me thuaj ti nje popull qe duam ne greket .....

Ne fakt, ti vete je prova me e mire e miqesise shqiptaro-greke, ti je nje shqiptar qe punon me nje grek, mbase prej vitesh. Eshte njera ane te flasesh per fjalet e steriotipet e njerezve, eshte tjeter gje te gjykosh ftohte realitetin. Dhe kjo teme nuk ka per qellim te imponoje nje miqesi qe nuk ekziston, por ka per qellim qe te te ndergjegjesoje ty dhe kedo per realitetin e maredhenieve shqiptaro-greke.

Dhe ti si emigrant shqiptar ne Greqi apo ai turisti grek ne Shqiperi une i quaj "realitet i gjalle".

Albo

[drity]

Cili eshte ndryshimi midis $1000 qe harxhon nje turist suedez nga $1000 qe harxhon nje emigrant shqiptar qe kalon 2 jave pushime ne Shqiperi? Dhe nuk e dija qe ekzistonte edhe "turizmi patriotik", dija qe cdo emigrant shqiptar ka mundesine te zgjedhi midis pushimeve ne nje vend te huaj apo pushimeve ne Shqiperi.

Ndryshimi jane kriteret e tyre te ndryshme per zgjedhjen e destinacionit turistik. Emigranti shqiptar kerkon te gjeje ne Shqiperi familjen, fisin, shoket, kujtimet, pra memedheun. Dhe keto kritere Shqiperia i ka te plotesuara pa nevojen e nderhyrjes se qeverise. Perkundrazi, ai suedezi ka te tjera kritere, psh ujin, dritat, sherbimin, etc... dhe keto te fundit jane puna e qeverise.
Ata 1mil "turistet" shqiptare do te ngelen gjithmone 1mil. Nqs duam me shume turiste duhet te plotesojme kriteret e atyre te tjerve.

Kjo na sjell tek turizmi patriotik qe zotrote nuk e kupton. Ai quhet i tille pikerisht sepse edhe duke pasur mundesi per te zgjedhur pushime me te rehatshme, shqiptaret qe jetojne jashte i bejne keto pushime ne Shqiperi. Prandaj per ardhjen e "turisteve" shqiptare nuk duhet falenderuar qeveria por vete turistet shqiptare, qofshin nga Shqiperia, nga Kosova apo Maqedonia. Komprende?

Dhe e fundit, si e dini ju (Pango qe e shkruan dhe ti qe ja perhap propaganden) qe ata 2500 turistet franceze (qe mos marr greket si shembull se do te te duket tendencioze) kane ardhur per turizem dhe jo per pune? Asnjehere ne kufirin shqiptar nuk kerkohet arsyeja e hyrjes si ne US qe te pyesin "business or leisure?". He?

Ndihesh i fyer nga realiteti e jo nga shteti shqiptar. Realiteti eshte qe ti nuk jeton me ne Shqiperi, ti nuk punon me ne Shqiperi, ti vetem pushon ne Shqiperi. Dhe ata qe pushojne ne nje vend per 2-3 jave ne vit e kane emrin TURISTE! Qofshin keta nga Shqiperia, Kosova, apo nga Zimbabveja.

Turizmi, Pango: 840 mije turiste te huaj ne Shqiperi

Nuk ndihem i fyer kur me quajne turist, por kur me quajne turist i "huaj". Kapish?

Tashti merre kete postim bashke me ate qe postove vete dhe veri tek tema e turizmit, se aty e kane vendin.

[brooklyn2007]

Skenderbeu, në penelin e piktorit grek, Engonopuli

Dok. Moikom Zeqo


Kam disa ditë që po hulumtoj mbi krijimtarinë e njërës nga figurave më të çuditshme të kulturës greke dhe europiane të poetit dhe piktorit surrealist, Niko Engonopuli (1907-1985). Ky autor i shquar mori pjesë në lëvizjen revolucionare të guximshme, botëndryshuese dhe tronditëse të surrealizmit evropian. Mik i Andre Bretonit “papës së surrealizmit”, i poetit nobelist Odisea Eliti (1911-1996), i poetit amerikan Ezra Paundit, Niko Engonopuli bëri emër në “revolucionin onirik” të shpërthimit të imagjinatave dhe të përfytyrimeve të habitshme dhe të skajshme. Me bindje të majta, kundër komercionalizmit dhe shfrytëzimit, ravijëzon ankthin ekzistencial pa përmasa, kërkon një terapi humaniste dhe një “Kryengritje universale të shpirtit”.
Poezitë e tij janë metaforike dhe me revoltë shpërthyese. Ai ka shkruar për revolucionin grek të vitit 1821, për revolucionet amerikano-latine të kryekalorësit të lirisë “Simon Bolivari”, për antifashizmin dhe luftën civile mbas Luftës së Dytë Botërore në Greqi.
Por Niko Engonopuli ka qenë edhe piktor i shquar, fantazmagorik dhe tendencioz, plot vizionarizëm të ri.
Kam fatin dhe nderin që kam zbuluar një portret unikal surrealist të Gjergj Kastriot Skënderbeut, që po e botoj për herë të parë për publikun shqiptar. Portreti e tregon Skënderbeun si një Akil të Ri të botës. Është pa mjekër, me mustaqe të gjata, mban mbi kokë një përkrenare të çuditshme, me dy kokërdhokë sysh, në gjoks ka pazmoren si dhe figurën e një meduze, me flokë palmash dhe jo gjarpërinjsh, siç është arketipi ikonografik i Meduzës antike. Ky portret unik është tronditës dhe tepër shprehës.
Në tërë ikonografinë mesjetare dhe moderne të Skënderbeologjisë, ky portret është i vetmi i zhanrit të pikturës surrealiste.
Niko Engonopuli ka lënë gjurmë në kulturën moderne greke dhe europiane. Portreti i tij për Skënderbeun është një emblemë dashurie dhe respekti për shqiptarët.
Në epokën globale ky është një motiv qytetërues dhe ndërlidhës midis popullit shqiptar dhe grek. Portreti surrealist i Gjergj Kastriot Skënderbeut vlen të botohet dhe të riprodhohet në Shqipëri, të bëhet i njohur.

***
Mora këto ditë një letër nga miku im poet dhe studiues, Dionis Qirzidhi, letra është si më poshtë :
“I dashur Moikom,
Uroj të jeni mirë. Kam mbresat më të mira nga sinqeriteti dhe dashamirësia me të cilën më mbështolli në Tiranë emocionalisht .
Arsyeja që po ju shkruaj është 100-vjetori i lindjes së poetit dhe piktorit surrealist, Nikos Engonopulos.
Siç e di, duke m’u dhënë rasti të studiojë jetën e veprën e plotë të Engonopulos zbulova se ai ka një dashuri të madhe për Shqipërinë. Engonopulos, që i fliste gjyshi për Heroin Kombëtar Skenderbeun, e ka bërë dy herë portretin e Heroit tonë Kombëtar. Burimi poetik i Engonopulos është, siç deklaron ai, “Alipashaida” e Haxhi Shehretit, krahas me Bodëlerin e poetë të tjerë francezë, që ti Moikom i ke pasqyruar më pare nga unë.
Ai, Mokom, në pemën gjenealogjike nuk është arvanit, por u rrit në mjedise arvanite e ndihej shpirtërisht i lidhur ngushtë me ta. Ai e shpreh dashurinë për Shqipërinë shpesh here, ndaj dhe Empirikos e quan “greko-shqiptari i famshëm, Mrekullia e Elbasanit, i cili përshëndeste alla shqiptarçe me pëllëmbën e dorës së djathtë të shtrirë në zemër…”
Të gjitha këto më bënë që të mirrja iniciativën për të bërë të mundur organizimin e një veprimtarie cilësore në Tiranë me rastin e 100-vjetorit të lindjes së tij.
Gjatë veprimtarive të mëdha të organizuara në Athinë këto ditë kam dëgjuar e parë, p.sh., në Pallatin e Muzikës (Megaro Muziki) të gjitha ato detaje të jetës së tij që lidheshin me Shqipërinë.
Ideale do të ishte me këtë rast të botohej një vëllim poetik me poezitë e Engonopulos, ku do të përfshihej poema “Bolivari”, e përkthyer integralisht nga Niko Kacalidha si dhe poezitë më të mira të tij, të përkthyera nga Aristotel Spiro. Siç dihet, poeti Besnik Mustafaj ishte i pari që ka përkthyer një fragment të poezisë “Për grate”, të përfshirë tek “Antologjia e poezisë greke”, botuar në vitin 1986.
Këtë ide pata rastin t’ja paraqisja dhe diskutuar edhe me Ambasadorin tonë të respektuar, z. Vili Minarolli, ashtu si dhe diskutuam bashkë, apo siç desha t’ja thoshja ministrit të Kulturës, Bujarit, por ai të nesërmen nuk ishte më në pushtet.
Bashkë me letrën, po ju dërgoj dhe studimin tim për Niko Engonopulosin, në formë broshure që ti e ke lexuar, si dhe projekt-programin e veprimtarisë, ashtu siç e mendoj unë.
Siç do ta shohësh, Nasos Vajenas dhe Anastas Vistoniti, të cilët janë dhe dy nga studiuesit e Engonopulos, kanë shprehur gatishmërinë që të vijnë në Tiranë. Këtë ide timen e diskutova dhe me poetin mik të Shqipërisë, Titos Patriqios, i cili më porositi që t’ju dërgoj të fala për Faslli Halitin e Nestor Jonuzin e t’ju them atyre se ruan kujtime nga më të mirat për të gjithë krijuesit shqiptarë. Poeti fisnik, Tito Patriqosi duke pare përpjekjet e mia, më këshilloi që në Tiranë të ekspozohen veprat në origjinal të Egonopulit dhe jo fotokopjet, për këtë më rregulloi takimin me kritiken e shquar të artit dhe drejtoreshën e Galerisë Kombëtare, Z. Marina Llambraqi-Plaka të cilën e pata njohur së bashku me Nestor Jonuzin e Faslli Haliti kur ata paten mirësinë vjet që të vinin në Athinë në “Ditën e Poezisë”, ku organizova në Athinë me krijimtarinë më të mire poetike të poetëve shqiptarë që jetojnë në Greqi. Të gjitha këto i diskutova gjerë dhe me Vajanasin i cili kishte mendime shumë të mira për poezinë tënde Moikom, si dhe të dërgon Kalendarin e Egonopulit, me një shënim dashurie. Ai më këshilloi që projekt programin që synojmë bashkë ta organizojmë, ta dërgoj dhe Qendrës Kombëtare të Librit të Greqisë, ku ai është në këshillin drejtues, për të gjetur mënyrë që të mundur të botohet dhe një vëllim poetik, apo për të dërguar ekspozitën surrealiste të Egonopulit në Tiranë. Të fala të gjithëve, unë do të vi pas Pashkëve me Doktor Koliomihalin enkas për të pare Muzeun Mezuraj e për t’u takuar me mall me të gjithë Ju.
Me dashuri
Dionis Qirzidhi

***
Letra e mësipërme është plot informacion plotësues. Shkrimi im i parë për Niko Engonopolis është botuar në vitin 2005, shpresoj se jam i pari që kam zbuluar dhe kam artikuluar publikisht për shqiptarët mbi Nikon, personalitetin e madh, me dashuri të thekshme për Shqipërinë dhe Skënderbeun e pavdirë. Miku im, Dionisi jeton dhe punon në Greqi, është tip i rrallë, i ditur, pasionant, kërkimtar i madh, i çuditshëm. Jam i detyruar ta ballafaqoj Dionisin. Origjina e Niko Engonololis është shqiptare, ai është arvanitas, ka shkruar poezi të mrekullueshme për Elbasanin, për viset shqiptare. Viti 2007 është 100-vjetori i lindjes së këtij personaliteti të madh. Shqiptarët duhet ta njohin patjetër këtë artist të veçantë.

http://www.balkanweb.com/gazetav4/index.php?id=23270

[Faik]

Dora Bakojani dhe lidhjet e saja me shqiptarët


Dora Bakojani nga nëna ka origjinë shqiptare sepse mëma e saj Marika Januku është arvanitase, gjithashtu është edhe kushërirë me arvanitasin tjetër Teodoros Pangallos, deputet i partisë socialiste PASOK i cili edhe ky arvanitas ka qenë ministër i jashtëm i Greqisë

Nga Arben LLALLA
arbenllalla@gmail.com

Ministrja e jashtme e Greqisë Dora Bakojani nuk është thjesht një emër, një ministre e Greqisë, ajo është një nga politikanet më të fuqishme të shtetit grek. Znj.Dora është vajza e ish-Kryeministrit Kostandin Miçotaqit, mbesa e ish-Kryeministrit të njohur Elefteros Venizelos i cili është daja i babait të saj. Ajo është ish-gruaja e deputetit Pavllo Bakojanis i vrarë më 1989, po ashtu Dora Bakojani ka edhe vëllanë deputet në Kuvendin e Greqisë Qiriako Miçotaqin. Pra me plotë gojë mund të thuhet se kjo grua që bënë politikën e jashtme të Greqisë ka ndikim të fuqishëm jo vetëm në Greqi, por edhe më gjerë. Familja Miçotaqi ka miqësi të ngushtë me familjen Bush qe kanë udhëhequr dhe udhëheqin Sh.B.A.
Në vitin 1953 Kostandin Miçotaqi do të martohej me Marika Janukun dhe pas një viti martese do të lindte fëmija i tyre i parë Dora. Nga kjo martesë do të vinin në jetë edhe tre fëmijë të tjerë Aleksia, Katerina dhe Qiriako.

Me ardhjen në pushtet të diktaturës më 1968 familja Miçotaqi emigroi në Francë dhe u vendosën në Paris. Atje ajo ndoqi mësimet në Liceun gjerman dhe më tej studioi në Gjermani për shkencat politike dhe komunikim në Universitetin e Mynihut. Pas rënies së diktaturës më 1974 familja e saj u kthye në Greqi ku vazhdoi studimet në fakultetin juridik të Athinës, dega e së drejtës publike. Në dhjetor të vitit 1974 Dora do të martohej me gazetarin e njohur Pavllo Bakojanis dhe nga kjo martesë lindën dy fëmijë Aleksia dhe Kosta. Më 26 shtator të 1989 grupi terrorist grek i njohur me emrin 17 nëntori do të vriste deputetin e patrisë Nea Demokratia (Demokracia e Re) Pavllo Bakojanin, bashkëshortin e Dora Bakojanit. Pas vrasjes së bashkëshortit Dora Bakojani do të konkurronte për deputetet për në Kuvendin e Greqisë, dhe më 5 nëntor 1989 u zgjodh për herë të parë deputete në zonën ku kishte fituar edhe ish-bashkëshorti i saj tashmë i vdekur. Do të zgjidhej edhe disa herë deputete. Në tetor të 1990 ishte zëvendësministre pranë kryeministrit të Greqisë dhe më 1992 ministre e kulturës së Greqisë. Pas nëntë vitesh nga vdekja e burrit të parë Pavllo Bakojanit, Dora do të martohet me Isidoro Kuvelo duke e ruajtur mbiemrin nga martesa e parë. Në tetor të vitit 2002 u zgjodh Kryetare e Bashkisë së Athinës dhe është e para grua në historinë e Athinës që udhëheq kryeqytetin e Greqisë. Gjatë periudhës që znj.Dora Bakojani ishte kryetare e Bashkisë së Athinës, më 8 dhjetor 2005 ajo i dha titullin “Qytetar Nderi” ish-ambasadorit shqiptar në Athinë z.Bashkim Zeneli me motivacionin “Në shenjë nderimi dhe afirmimi të ndjenjave miqësore”. Në çastet e dorzimit të medaljes zonja Bakoja tha: “Ia japim këtë medalje ambasadorit, që ka jetuar këto vjet me ne, me urimet më të mira për marrëdhëniet midis dy vendeve tona”. Me këtë rastë në Bashkinë e Athinës në shenjë nderimi dhe respekti u ngrit edhe flamuri shqiptar përkrah flamurëve të Greqisë dhe BE. Ish-ambasadori shqiptar është i pari diplomat i huaj që nderohet me medaljen e artë të kryeqytetit të Greqisë dhe kjo nuk është një rastësi por një vlersim i lartë për diplomatin shqiptar.
Që nga viti 2006 është ministre e jashtme e Greqisë duke qenë numri dy më i fuqishëm i partisë në pushtet Demokracia e Re. Dora Bakojani për sukseset e saj në politikë është dekoruar dhe ka fituar disa çmime ndërkombëtare si “InternationalLeadershipAward”, “FontanadiRoma, WorldMayor”, “CityMayors”
Ka fituar gjithashtu edhe titullit të Kryebashkiakut të Botës për vitin 2005.

Rreth origjinës shqiptare të Dora Bakojanit

Dora Bakojani nga nëna ka origjinë shqiptare sepse mëma e saj Marika Januku është arvanitase, gjithashtu është edhe kushërirë me arvanitasin tjetër Teodoros Pangallos, deputet i partisë socialiste PASOK i cili edhe ky arvanitas ka qenë ministër i jashtëm i Greqisë. Por edhe babai i saj ish-Kryeministër i Greqisë (1990-1993) Kostandin Miçotaqi është arvanitas duke e ditur faktin se daja i tij sh-kryeministër i Greqisë Elefteros Venizelos ishte arvaniats. Po ashtu duhet të themi se ministër i jashtëm i Greqisë ka qenë edhe kryetari i sotëm i Greqisë Karolos Papuliasi që është me origjinë çame nga Voshtina e Janinës. Pra me plot gojë mundet të thuhet se politika e jashtme e Greqisë është udhëhequr dhe udhëhiqet nga grekë me origjinë shqiptare prej disa vitesh.

Çdo kush që ka parë në TV takimet e ministres së jashtme greke Dora Bakojani me ministrin e jashtëm shqiptar Lulzim Bashën kanë vënë re se ata kur takohen përqafohen ngrohtësisht me njëri-tjetrin, gjë që nuk është vërejtur midis ministrave të tjerë të dy vendeve. Takimet e sotme midis dy shefave të politikës së jashtme janë më shumë vëllazërore se sa miqësore.

[Clauss]

Teta Dhora është një copë mish 1.90 me 2 sy. Mjafton ta dëgjosh si flet frëngjishten ku ka mbaruar shkollen e anglishten gjuhën e diplomacisë që e përdor cdo ditë. gjasme. dhogë fare, shkrapë. I vëllai është më gjë e zgjuar, me shkollë, ndërsa Dhora e gjora bojin ka vetëm. U bë ministre dhe in time do bëhet dhe kryeministre. Dinë kë mbështesin amerikanët

[Dita]

Çdo kush që ka parë në TV takimet e ministres së jashtme greke Dora Bakojani me ministrin e jashtëm shqiptar Lulzim Bashën kanë vënë re se ata kur takohen përqafohen ngrohtësisht me njëri-tjetrin, gjë që nuk është vërejtur midis ministrave të tjerë të dy vendeve. Takimet e sotme midis dy shefave të politikës së jashtme janë më shumë vëllazërore se sa miqësore.

Thone se me po aq perzemersi e kane takuar ministrin tone te jashtem dhe ajo deputetja bukuroshe greke, por dhe dy ministre te tjera te jashtme, ajo e SHBA dhe ajo e Austrise. A thua dhe ato ta kene pasur per shkak te vellazerise?


Le ta leme menjane sa me lart. Per cfare vellazerie behet fjale realisht? Ne kohen qe zonja ne fjale ka qene ministre e jashtme e Greqise, ne Himare greket hapen shkollen greke ne nje bashki qe eshte shqiptare dhe cuan deri zevendesministrin e jashtem qe ta inauguronte. Sot Himara identifikohet ne internet me himara.eu, jo himara.al, himara.gov.al dhe nuk ka asgje ne kete prezantim qe te te beje te kuptosh se jemi ne shtetin Shqiperi. Shihni ketu:

http://www.forumishqiptar.com/showth...t=90162&page=2

postimi #30, #32, #36.

[Ali Baba Tepele]

HISTORIA...E HISTORIS SË GREQISË
shkruar nga Danel Cana
“E DONI GREQINË?”
Është një nga pyetjet që, nuk besoj të ketë të huaj sidomos Shqiptarë,që të mos i jetë drejtuar nga vëndasit apo kur ju është dhënë rasti para kamerave të televizionit.Nuk kam asnjë keqkuptim për pyetjen duke pasur parasyshë ndieshmërinë kombëtare të Grekëve dhe ndienjën e të qënit superior, i dukur.Përveçse ja fali natyra këtë dukuri,apo veti si mund të themi ndryshe,gjeti mbështeje të fortë edhe një armë të fuqishme e besnike si “Ortodoksinë” apo fen ortodokse.Na është dhënë disa herë rasti që nga ditët e para të shkeljes sonë në Greqi e deri më sotë,që po bëhen nga 15 deri në 17 vjet për grupimet e mëdha që jetojnë në këtë vënd familjarishtë në mënyrë sistematike por jo normale.
Mirëpo ndryshe përgjigjej një emigrant përpara ushtarit në kufi ditët e para,kur i kapnin i rrihnin,i sondonin dhe i lëshonin ose jo të lirë të vazhdonin rrugën pa i kthyer mbrapa! Ndryshe përgjigjej në ditët e para kur kërkonte punë e vënd për t’u stabilizuar,kur nuk dinin as vetë se ku ishin dhe krejt ndryshe fletë sotë mbas 15 vjetësh,kur edhe gjuhën e kanë përvetësuar edhe kanë krijuar rrjetin shoqëror e miqësorë bashkë me opinionin shoqëror.
Ajo që më detyron të bëj një sqarim lidhur me këtë pyetje shum të drejtë do thosha përsëri,është se para pak ditësh m’u drejtuan si rastësishtë apo “për inerci” kur e përdorin disa, në një stacion radio ku isha duke biseduar një problem me një nga gazeterët e saj të cilin edhe e njihja deri diku personalishtë!
“Gjersa kini një periudhë prej 15 vjetësh,pa tjetër që e dashuroni Greqinë?” ishte pyetja.
Ata që nuk dashurojnë Greqinë janë vetë Grekët-J’u përgjigja sepse çdo i huaj e do dhe e respekton.
Ai e kuptoi alegorinë deri diku por përsëri më pyeti:
-Përse?
- Sepse po ta donin këtë vënd të bukur nga natyra nuk do ta turpëronin në sytë e botës,duke ndiekur politika shkatërruese për vëndin e për popullin.-Ju përgjigja hapur.
Nuk themë se më kuptoi plotësishtë, sepse sedra nacionaliste lulëzon dhe as që bëhet fjalë sot-përsot të imagjinoshë popujt e ballkanit kryesishtë të mos i bien gjoksit si nacinalistë nën petkun e patriotizmit.
Tani po i japë një sqarim se kjo fjalë nuk doli kotë por e ka një burim dhe arsyetim.Do mundohem t’a sqaroj e t’a shoqëroj edhe me një diçiturë shoqëruese fotografike.
Greqia…nga natyra një vënd shum i bukur që fati apo rasti i dha si kurorë dy fise shumë të lashta dhe miqësore me të cilët mund të bënte një pakt miqësor të mrekullueshëm e të pa thyeshëm,që t’a kishin zili gjithë bota ndodhi e kundërta!
Kjo femër e bukur, e brishtë e cila përhap kudo në ambientin rrethues respekt e dashuri,u dashurua aq shumë nga bijtë e saja saqë e donin me krahë,që të pushtonte botën me krahët e saja.U menduan e bënë gjithçka për t’a bërë me krah.I prenë krahët e gjitonëve pa pyetur për dhimbjen,vetëm e vetëm që nëna e tyre të mundëte të fluturonte e të ngjiste majat,që ata ta shikonin sa më lartë e të bërtisnin me krenari “Është nëna jonë! Është vëndi i jon,i madh!Ne e bëmë!” Kështu dukej më madhështore,më e bukur,e magjishme, e meritueshme.
Por nënës kurrë nuk do t’i shërbenin ata krahë artificial! Nëna ishte krijuar e bukur,të ecte mbi këmbët e saja ngadalë në rrugën e historisë së shtruar me guriçka, që edhe këmbët t’i gjakosnin!Këtë fat e patën gjitonët e saj të cilët ecën zbathur me shumë mundime,me këmbët të gjakosuar..por ecën! Mbijetuan!I rezituan dallgës e furtunës që ngriti gjitonija me krahët artificial e cila donte të fluturonte mbi rrugët e vështira e të thepisura të historisë!
Këta krahë të cilët u menduan se do ta ndihmonin të ngrihej mbi të tjerët,veçse e sfilitën dhe e torturuan nënën e bijve lakmitarë të cilët donin të sfidonin Natyrën.Natyra është ajo që na krijoi,ajo që njerëzimi e emëroi “ZOT” mbi gjithçka e përgjithçka.Natyra është ajo që në mënyrë të përsosur di ç’të jepë dhe përse t’a jepë! Dhe kështu që “Nëna” me krahët e vendosur për të fluturuar u detyrua të merrte rrugën për t’u ngjitur në majë, nga do të pushtonte botën me lumturin e saj.Por…fatkeqësishtë këta krahë nuk funksionojnë sepse nuk jan të sajët! Ndaj historia ruajti suprizën t’i thotë “Mos e merr atë mundim,se do biesh e do bëhesh copa” I tregoi se rënia nuk kishte prapësim dhe do prishej përfundimishtë bukuria e kësaj krijese të brishtë.Duhej ruajtur nga mendimet e egzagjeruara të dikujt që e nxiste pa dashur,i shtyrë nga dashuria e madhe,e drejtonte në një rrugë humnerë!
Dhe Nëna tani e ka kuptuar shum mirë zërin e historisë,por problemi është se duhet të gjej një gjuhë t’u flas bijve të saj e t’u tregojë se asnjë shoqe e saj në botë nuk ka fluturuar duke mashtruar e sfiduar natyrën.Përkundrazi...njerzit e zhgënjyer janë futur në vëlla-vrasje për një kapriço! Mjaftë raste të hidhura ka ruajtur historia dhe Nëna asnjëherë nuk do donte që edhe bijt e saj të vazhdonin shëmbullin e keq! Të respektohet Nëna Natyrë është të respektosh njerzit dhe kulturën e bindjet e tyre atje ku jetojnë dhe ku duan të jetojnë si njerëz me të drejta të barabarta.

[Qyfyre]

Ndryshimi jane kriteret e tyre te ndryshme per zgjedhjen e destinacionit turistik. Emigranti shqiptar kerkon te gjeje ne Shqiperi familjen, fisin, shoket, kujtimet, pra memedheun. Dhe keto kritere Shqiperia i ka te plotesuara pa nevojen e nderhyrjes se qeverise. Perkundrazi, ai suedezi ka te tjera kritere, psh ujin, dritat, sherbimin, etc... dhe keto te fundit jane puna e qeverise.
Ata 1mil "turistet" shqiptare do te ngelen gjithmone 1mil. Nqs duam me shume turiste duhet te plotesojme kriteret e atyre te tjerve.

Kjo na sjell tek turizmi patriotik qe zotrote nuk e kupton. Ai quhet i tille pikerisht sepse edhe duke pasur mundesi per te zgjedhur pushime me te rehatshme, shqiptaret qe jetojne jashte i bejne keto pushime ne Shqiperi. Prandaj per ardhjen e "turisteve" shqiptare nuk duhet falenderuar qeveria por vete turistet shqiptare, qofshin nga Shqiperia, nga Kosova apo Maqedonia. Komprende?

Dhe e fundit, si e dini ju (Pango qe e shkruan dhe ti qe ja perhap propaganden) qe ata 2500 turistet franceze (qe mos marr greket si shembull se do te te duket tendencioze) kane ardhur per turizem dhe jo per pune? Asnjehere ne kufirin shqiptar nuk kerkohet arsyeja e hyrjes si ne US qe te pyesin "business or leisure?". He?





Nuk ndihem i fyer kur me quajne turist, por kur me quajne turist i "huaj". Kapish?

Tashti merre kete postim bashke me ate qe postove vete dhe veri tek tema e turizmit, se aty e kane vendin.

Shume dakort me kete pergjigje. Dicka te tille u nera gati te shkruaja dhe une ne pergjigje te atyre statistikave te dhena qe jepen si arritje e turizmit shqiptar.

Biles do te shtoja qe dhe ata 21 mije greke mund te jene nje pjese e mire shqiptare.

[labi i maleve]

Kurrrrrrreeeeeeeeeeeeeee.......................... ... e pa mundur, kesaj i thon te fusesh kalin e Trojes...............

[Sokoli i Malit]

Kush mund te kete miqesi me greket,apo cili komb ne bot i do apo ju beson atyre?