Vitaminat dhe efektet e tyre

[Xhuxhumaku]

Vitamina D, ja si mund të na shpëtojë

Kur të dërguarit e Institutit Kombëtar të Mjekësisë do të ulen përballë kolegëve të Akademisë Kombëtare të Shkencave në Uashington, do të vendoset fati i vitaminës D, "Hirushes" së të gjitha vitaminave. A do të arrijnë ata ta bindnin qeverinë federale për të rritur dozën e përditshme të rekomanduar? Mjaftojnë të dhënat për deficitet te të vegjlit, ku sipas "Washington Post" vuan një në dy fëmijë, ajo që po i shtyn ekspertët të mendojnë seriozisht për rritjen e dozave të saj të përditshme. Për vite me radhë, rëndësia e saj është zbehur nga e famshmja vitamina C, një çudibërëse për gripin dhe ftohjet, apo edhe nga vitamina A në një botë ku gjithmonë e më shpesh sheh njerëz me syze dhe probleme me sytë. Kështu, vitamina D është konsideruar si e dorës së dytë. Sigurisht që nuk mund të hidhet poshtë roli i saj në absorbimin e kalciumit për formacionin kockor të trupit. Meqë mund të merret lehtësisht nga drita e diellit, ndryshe nga të tjerat që merreshin përmes ushqimeve, jo më kot është cilësuar si vitaminë ekonomike. Në Amerikë, zilja e parë e alarmit nisi të bjerë në mesin e shekullit të shkuar. Me urbanizimin, ndryshimin stilit të jetesës, për fëmijët kishte gjithmonë më pak diell. Ndaj për të luftuar rakitizmin dhe sëmundjet e tjera të kockave, Vitamina D shtohej direkt në qumësht. Pastaj një histori e gjatë "rënieje". Nëpër farmaci kutitë me vitamina D janë të fundit në listë nëse krahasohen me vitaminat A dhe B. Sot, një kuti me këtë lloj vitamine, kushton 8.99, ndërsa një kuti me multivitamina e ekspozuar bukur në raft kushton 23 dollarë e 90? Megjithatë, në vitin e fundit 2274 studime shkencore janë përqendruar mbi rëndësinë e vitaminës D që nuk bazohej vetëm te kockat dhe kalciumi. Një studim i publikuar në korrik në një revistë shkencore tregon se lidhja mes absorbimit të vitaminës D dhe uljes së rreziqeve për t‘u prekur nga tumori në gji, në vezore dhe nga prostata. Kërkimet mbi kafshët në laborator tregojnë për rëndësinë e saj në shumë mekanizma qelizorë prej nga ku nisin tumoret. Një tjetër studim i "National Cancer Insitute", sugjeron se kush merr vitaminë D redukton me 50 për qind rrezikun për t‘u sëmurur nga tumoret. Nivele të ulëta të saj influencojnë në sëmundjen e alzaimerit, mbi sklerozën e shumëfishtë, parkinsonin apo autizmin. Vitamina D konsiderohet si "vitamina e çudirave". Pas një studimi të gjatë 40-vjeçar, u zbulua se një dozë e përditshme mund të përgjysmojë rrezikun e kancerit të gjirit dhe të zorrës së trashë. Studimi ka treguar se ajo luan një rol jetësor në parandalimin nga sëmundjet e zemrës, kancerin, diabetin, tensionin e lartë, skizofreninë dhe sklerozën dhe në të njëjtën kohë luan rol të rëndësishëm në forcimin e kockave. Mungesa e ndjeshme e kësaj vitamine në Hemisferën e Veriut bën që banorët e këtyre vendeve të vdesin para kohe për shkak të sëmundjeve të ndryshme. Skocezët ia kanë vënë fajin diellit të pakët dhe verës së shkurtër, si shkaktarët e shkallës së lartë në sëmundjet e zemrës. Karen Hansen sqaron për "Los Angelos Times" se: "Kush ka nivele të larta të vitaminës D mund të jetë shumë i shëndetshëm. Me pak, fjalë kërkimet janë kufizuar për të zbuluar lidhjet. Për shembull, Instituti i Shëndetit në Kanada, për shembull po studion impaktin e vitaminës D mbi llojin e gripit A, që në Amerikën Latine vazhdon të quhet gripi i derrit, sepse është zbuluar se deficiti i kësaj vitamine ul shumë mbrojtjen e sistemit imunitar. Vitamina D është elementi për të kuptuar se përse gripi përhapet kryesisht në vjeshtë dhe dimër. Në një studim me mijëra fëmijë zbuloi se ata që kishin një nivel vitamine D më të ulët se 10 nanogramë për mililitër kishin 11 herë më shumë mundësi për t‘u sëmurur nga infeksionet e rrugëve të frymëmarrjes në krahasim me ata që e kishin më të lartë nivelin e vitaminës D. Po kështu, një studim disavjeçar tregoi se një porcion i vogël vaj mëlçie merluci, shumë e pasur me vitaminë D, e marrë për rreth 4 muaj, redukton me 50 për qind mundësinë për t‘u sëmurur nga gripi gjatë dimrit. Mjaftojnë pak minuta për t‘u ekspozuar në diell, që trupi ynë të prodhojë rreth 500 mikrogramë vitaminë D. Është vënë re që vitamina D sintetizon kalciumin në kocka, megjithatë, roli i saj në sistemin imunitar është shumë i rëndësishëm. Beteja sapo ka filluar. A do të mundë vitamina D të dalë nga errësira ku ne vetë e kemi futur?

E domosdoshme në fillim

Rroftë vitamina D sidomos për fëmijët nën katër muajsh, është kjo rregulla e artë që u sugjerojnë prindërve pediatrit francezë. Ata janë plotësisht dakord me "rizbulimin" e vitaminës D që po bëhet në Amerikë. "Jam plotësisht dakord sidomos për fëmijët e vegjël. Në të vërtetë, vitamina D forcon skeletin dhe kontribuon në kockëzimin e pjesëve shumë delikate të legenit dhe kërcinjve. Këshilla është se vitamina A dhe D nuk duhet të mungojnë kurrë në muajt e parë të jetës. Por, me të drejtë lind pyetja se në cilën periudhë të jetës është më e këshillueshme të përdoret. "Në fëmijët e sapolindur, rreth 4 muajsh është e domosdoshme. Sidomos për të sapolindurit që ushqehen me gji nga nënat është e detyrueshme, sepse qumështi natyral është i varfër me vitaminë D. Pak më shumë përmban qumështi artificial, megjithatë në të dyja rastet është e rëndësishme të përdoren suplemente shtesë", tregojnë ata.

Vitamina A


E domosdoshme për të luftuar infeksionet dhe për shikim të mirë. Burimi më i mirë i vitaminës A janë karotat e gjalla, por ajo gjendet edhe në perimet e gjelbra me gjethe, patatet e ëmbla, brokoli, kungulli, kajsia dhe qumështi. Madje, edhe një racion i këtyre perimeve do të sigurojë kërkesat e përditshme të vitaminës A.



Vitamina B


Vitaminat B janë substanca të përbëra, të lidhura me njëra-tjetrën, që shpesh gjenden në ushqime dhe që përfshihen në disa funksione të trupit si: rritja, metabolizmi i energjisë, mirëmbajtja e sistemit nervor, funksionimi i duhur i veshkave etj. Burimet më të mira të vitaminave B kompleks janë perimet gjethore të gjelbra, buka e zezë, majaja ushqyese, embrioni i grurit, lëkura e orizit dhe lakra e egër.

Vitamina C

Vitamina C është ndoshta më e njohura nga të gjitha vitaminat. Ajo ndihmon në formimin e indit lidhës, i cili i mban qelizat së bashku dhe formon pejzën (ligamentin), kërcin dhe muret e enëve të gjakut. Në qoftë se vitamina C mungon, muret e enëve të gjakut dobësohen, duke e lejuar gjakun të rrjedhë në inde. Thesaret e vitaminës C janë: specat jeshilë, brokoli, lakër "Brukseli", gjethet e rrepës, portokajtë, limonët, lakrat, qitrot, mandarinat, domatet etj.


Pesë mënyra se si vitamina D mund të na shpëtojë jetën


Ul peshën dhe "redukton" diabetin


Vitamina D ndihmon në humbjen e peshës, pasi bën që insulina të djegë yndyrat, të punojë më mirë


Redukton rreziqet e problemeve të zemrës

Vitamina D forcon qarkullimin e gjakut duke "qetësuar" arteriet dhe ulur tensionin e gjakut


Forcon strukturën kockore

Pa vitaminë D kalciumi nuk absorbohet. Më shumë vitaminë D dhe parandalohet osteoporoza dhe frakturat kockore


Ndihmon në parandalimin e tumoreve

Duke forcuar sistemin imunitar Vitamina D është një aleat i domosdoshëm në luftën kundër kancerit


Ku gjendet ajo?

15 minuta në diell për tri herë në javë

Dietë me salmon dhe vaj mëlçie merluci

4 gota qumështi në ditë


Ndihmon në parandalimin e gripit A

Shumë studime kanë gjetur deficite të mëdha të Vitaminës D te të prekurit nga gripi A

SHQIP

[sirena_adria]

5 Vitaminat Që Ju Ndihmojnë Të Jeni Më Produktivë

Nëse kohët e fundit keni kërkuar më shumë motivim për të qenë produktiv, marrja e disa lëndëve ushqyese mund të jetë në gjendje t’ju ndihmojë.

Në fakt, ka disa suplemente, të cilave njerëzit i drejtohen në këto raste. Por, duhet të dini se edhe pse marrja e një suplementi mund të jetë e dobishme për shumë aspekte të shëndetit tuaj, kjo nuk duhet të jetë kurrë e vetmja gjë në të cilën mbështeteni.

Suplementet nuk duhet të zëvendësojnë kurrë lëndët ushqyese që merrni natyrshëm përmes një regjimi ushqimor të ekuilibruar. Megjithatë, ndonjëherë ka vitamina dhe lëndë ushqyese të cilat i kemi me pakicë në organizëm ose që nuk i marrim mjaftueshëm nëpërmjet ushqimit. Ky është edhe rasti kur suplementet hyjnë në lojë.

Nëse po kërkoni në mënyrë specifike për suplemente që rrisin produktivitetit, ka disa rrugë që mund të ndiqni. Së pari, një vitaminë që mund të ndihmojë në rritjen e energjisë mund t’ju ndihmojnë më së miri. Së bashku me rritjen e energjisë, ju gjithashtu mund të zgjidhni suplemente që do të përmirësojnë kujtesën dhe fokusin dhe do të lehtësojnë stresin.

Për të mësuar më shumë rreth tyre, AgroWeb.org ju fton të njoheni me disa nga sugjerimet në vijim.

Vitamina B12

Nëse nuk konsumoni mjaftueshëm produkte shtazore, ju mund të mos jeni duke marrë mjaftueshëm vitaminë B12 për të përmbushur nevojat tuaja. Kjo është për shkak se vitamina B12 është e bollshme në mënyrë natyrale në shumë ushqime dhe pije me bazë shtazore si qumështi, vezët, djathi, peshku dhe mishi. B12 është një vitaminë e rëndësishme sepse ndihmon trupin tonë të formojë më shumë qeliza të kuqe të gjakut dhe ndihmon shëndetin e zemrës. Përveç kësaj, mund të ndihmojë gjithashtu duke siguruar energjinë e nevojshme për të pasur një ditë produktive.

Xhinko biloba

Ky është një suplement bimor me përbërës aktivë si flavonoidet dhe terpenoidet, të cilët besohet se ndihmojnë në përmirësimin e rrjedhjes së gjakut në tru dhe e mbrojnë atë nga stresi oksidativ. Kjo është arsyeja pse kjo shtesë përdoret zakonisht për të përmirësuar fokusin dhe vëmendjen.

Ekstrakti i çajit jeshil

Çaji jeshil është natyralisht plot me antioksidantë dhe dihet se ndihmon shëndetin e njerëzve duke nxitur oksidimin e yndyrës, reduktuar rrezikun e kancerit dhe duke ngadalësuar plakjen e trurit. Plus, në krye të të gjitha këtyre përfitimeve, çaji jeshil mund të rrisë produktivitetin duke iu ofruar kafeinë dhe një përbërje të veçantë që mund të ndihmojë trurin tuaj. Por nëse nuk jeni adhurues i shijes së këtij çaji, mund të blini një ekstrakt në formë pilule, i cili ju jep të njëjtat përfitime.

Koenzima Q10 (CoQ10)

Një antioksidant natyral që ndihmon në prodhimin e energjisë në mitokondri, të cilat janë qendrat e fuqisë së qelizave, dhe ndihmon në shndërrimin e energjisë nga ushqimi që hamë në një formë që trupi mund ta përdorë. Disa studime sugjerojnë se suplementet CoQ10 mund të ndihmojnë në rritjen e niveleve të energjisë. Edhe pse në përgjithësi konsiderohet një shterë e sigurt, është e rëndësishme të flisni me një mjek përpara se ta filloni, veçanërisht nëse jeni duke marrë ilaçe.

L-theanina

Ky është një aminoacid që kur kombinohet me kafeinë, mund t’i ndihmojë njerëzit të jenë më të përqëndruar.


/AgroWeb.org

https://agroweb.org/ne-forme/trupi-s...me-produktive/

[sirena_adria]

Vitamina dhe minerale të rëndësishme për shëndetin e grave

Vitaminat dhe mineralet janë mikronutrientë që janë thelbësorë për mirëqenien tonë të përgjithshme.

Edhe pse ato konsumohen në sasi të vogla, por luajnë një rol kyç në shumë funksione vendimtare të trupit. Nevojat ushqyese ndryshojnë nga personi në person dhe gjithashtu ndryshojnë midis gjinive. Ka disa vitamina dhe minerale që kanë përfitime specifike për gratë. Ndërsa një grua përparon nëpër faza të ndryshme të jetës, nevoja e saj për këto vitamina dhe minerale mund të ndryshojë.

Vitamina B9

Vitamina B9 ose folati luan një rol të rëndësishëm gjatë shtatzënisë. Parandalon komplikimet në rritjen e fetusit si ato që lidhen me shëndetin e shtyllës kurrizore dhe trurit. Ajo gjithashtu rrit prodhimin e qelizave të kuqe. Gratë 18 vjeç e lart duhet të marrin 400 mcg në ditë dhe 500 mcg gjatë shtatzënisë. Shumë mjekë rekomandojnë suplemente të acidit folik para dhe gjatë shtatzënisë.

Vitamina D

Sipas studimeve, gratë e moshës 19-50 vjeç dhe ato shtatzëna ose që ushqejnë fëmijët e tyre me gji mund të kenë më shumë mangësi ushqyese se të tjerat. Mungesa e vitaminës D është një prej tyre. Është përshkruar që gratë e kësaj moshe duhet të marrin të paktën 15 mg vitaminë D. Mikronutrienti është thelbësor për mineralizimin e shëndetshëm të kockave. Mungesa e tij mund të rezultojë në kocka më të dobëta.

Vitamina B12

Vitamina B12 ndihmon në prodhimin e qelizave të kuqe të gjakut, gjenerimin e energjisë, metabolizmin e proteinave, funksionimin e sistemit nervor dhe të tjera. Gratë që vuajnë nga mungesa e kësaj vitamine mund të vuajnë nga probleme neurologjike dhe disa lloje të anemisë. Mungesa zakonisht ndodh kur trupi nuk është në gjendje të përthithë vitaminën siç duhet.

Hekuri

Shumë gra vuajnë nga mungesa e hekurit gjatë viteve të tyre riprodhuese. Minerali është thelbësor për funksionet riprodhuese, forcimin e përgjigjes imune dhe për rritjen dhe zhvillimin e përgjithshëm. Një grua (19-50 vjeç) duhet të marrë 18 mg hekur në ditë. Gjatë shtatzënisë, doza duhet të rritet në 27 mg.


Infokusi '

https://gazetainfokus.com/vitamina-d...detin-e-grave/

[ATMAN]

qka permban vitami c dhe si ndertohet pre qfare perbehet nje vitamin c a dini te me tregoni

Limoni eshte koncentrat i vitamines C ,gjithashtu limoni eshte fruti me alkalin qe ekziston ne planetin toke, por nuk duhet te merret direkt sepse eshte edhe shume acid ,por duke e shtrydhur limonin , dhe pastaj duke e perziere lengun e limonit me uje dhe duke i shtuar shume pak kripe himalajesh brenda dhe duke e trazuar mire dhe dduke e konsumuar brenda 5 apo 10 oresh pastaj kesaj kohe vitamina C qe ndodhet brenda ne uje eshte e humbur dhe shperdoruar sepse nuk rezizton me shume se kaq,nese kjo recete me leng limoni konsumohet shpejt dhe brenda afatit kohor kjo eshte elizir i vertete per forcimin e sistemit imunitar te njeriut dhe rritjes se jetegjatesine e njeriut, vitamina C nuk prodhohet dot nga trupi njeriut dhe keshtu qe eshte e domosdoshme qe te merret nga burime te jashteme te trupit tone ne kete rast nepermjet ushqimeve qe konsumojme

[ATMAN]

qka permban vitami c dhe si ndertohet pre qfare perbehet nje vitamin c a dini te me tregoni

Vitamina C është një nga vitaminat më të njohura dhe të rëndësishme për organizmin e njeriut. Ajo ndihmon në funksionimin e sistemit imunitar, të cilin e bën më të fortë dhe më efektiv në mbrojtjen nga sëmundjet. Ajo gjithashtu funksionon si antioksidant, duke ndihmuar në luftën kundër dëmeve të lëngjeve të trupit nga radikalet e lira.

Disa nga karakteristikat dhe funksionet e vitaminës C janë:

Ndihmon në prodhimin e kolagjenit, një proteinë e rëndësishme për të mbajtur lëkurën, kockat dhe gjymtyret e trupit të shëndetshme.

Ndihmon në rritjen dhe riparimin e qelizave, duke ndikuar në rritjen dhe shërimin e plagëve.

Përmirëson thithjen e hekurit nga trupi, duke ndihmuar në parandalimin e anemisë.

Ndihmon në parandalimin dhe trajtimin e sëmundjeve të traktit të frymëmarrjes dhe të infeksioneve të ndryshme.

Ndihmon në zvogëlimin e rrezikut të sëmundjeve të zemrës dhe kancerit.

Disa burime të mira të vitaminës C janë frutat dhe perimet si portokallja, limoni, kivi, ananas, brokoli, paprika dhe luleshtrydhe. Sasia e nevojshme ditore e vitaminës C ndryshon në varësi të moshës, gjinisë dhe niveleve të aktivitetit fizik, por përgjithësisht rekomandohet sasia prej 75-90 mg në ditë për të rriturit. Megjithatë, sasia e rekomanduar mund të ndryshojë në disa raste, siç janë sëmundjet, shtatzënia dhe laktacioni, kështu që është e rëndësishme të konsultoheni me një mjek ose dietolog për të marrë rekomandime të mira për nevojat tuaja specifike në vitaminë C.

[sirena_adria]

Cilat janë vitaminat më të mira që ju duhen për një gjumë cilësor

Pamjaftueshmëria e vitaminave besohet të jetë një faktor i rëndësishëm në shfaqjen e pagjumësisë, duke i shkaktuar pasoja të rënda në organizmit.

Studimet kanë treguar se sëmundjet dyfishohen nëse njeriu fle më pak se 7 orë. Nëse njeriu fle më pak se gjashtë orë, ky rrezik katërfishohet. Pagjumësia ndikohet jo vetëm nga stresi, puna, por edhe stili i jetesës. Në këtë artikull të AgroWeb.org do të mësoni për vitaminat që ju duhen që të keni një gjumë cilësor.

Vitamina C

Vitamina C është shumë e rëndësishme për sistemin imunitar. Studimet thonë se sasitë e pamjaftueshme të kësaj vitamine shkaktojnë pagjumësi dhe probleme me gjumin. Ekspertët rekomandojnë ngrënien e specave, agrumeve, kivit, lakrave të vogla dhe mangove për të marrë më shumë vitamina.

Vitamina B12

Vitamina B12 garanton shëndetin e nervave dhe rruazave të kuqe të gjakut. Ajo ndihmon në krijimin e energjisë në organizëm. Nivelet e ulëta të kësaj vitamine shkaktojnë probleme nervore, lodhje, çrregullime të gjumit, mpirje dhe luhatje të humorit.

Sasia e rekomanduar e kësaj vitamine është nga 250 deri në 500 mikrogramë në ditë.

Vitaminën B12 e gjeni edhe në ushqimet e mëposhtme:

Sardelet

Salmoni i egër

Drithërat e plota

Qumështi

Kosi

Djathi i bardhë

Vezët

Vitamina D

Nivelet e ulëta të vitaminës D shkaktojnë probleme me gjumin.

Ushqimet ku mund ta gjeni: Vaji i mëlçisë së peshkut, vaji i peshkut, produktet e pasuruara të bulmetit, drithërat e pasuruar.

Omega-3

Acidet yndyrore rekomandohen nga mjekët sepse përmirësojnë cilësinë e gjumit. Këto acide yndyrore i gjeni me shumicë tek peshqit, por edhe farat e ndryshme.

Peshqit e rritur në ujëra të ftohta siç janë salmoni, sardelet, trofta, skumbria dhe harenga përmbajnë nivelet më të larta të acideve yndyrore.

Guacat e detit, midhjet dhe gaforret përmbajnë gjithashtu sasi të mëdha të acideve yndyrore omega-3.


Gazeta Express

https://www.gazetaexpress.com/cilat-...gjume-cilesor/

[sirena_adria]

Vitaminat më të Rëndësishme Kundër çdo Sëmundje – Ushqimet ku i Gjeni

Përballja me sëmundje të ndryshme që organizmi mund të zhvillojë është sigurisht shumë e vështirë dhe e mundimshme.

Shkaqet se përse një njeri sëmuret janë nga më të ndryshmet, duke filluar që nga gjenetika e deri tek stili i jetesës apo aksidente të jashtme.

Ajo çfarë është e rëndësishme, është kujdesi që secili duhet t’i kushtojë mirëqenies dhe shëndetit të tij.

Sipas ekspertëve përtej kurimit të saktë, parandalimi i sëmundjeve apo inflamacioneve të organizmit me anë të jetës së shëndetëshme është elementi kyç edhe për një jetë të gjatë e pa probleme.

Megjithëse mund të duket sikur impakti i tyre në organizëm nuk është i menjëhershëm, vitaminat janë thelbësore për shëndetin.

Në këtë artikull AgroWeb.org ju tregon disa nga vitaminat më të mira që ndihmojnë në luftën ndaj shumë sëmundjeve dhe i parandalojnë ato.


Si Ndihmojnë Vitaminat

Vitaminat qofshin këto në suplemente apo në ushqime kanë veti antinflamatore për trupin.

Kjo përkthehet në më pak sëmundje për një kohë të gjatë dhe më shumë shëndet.

Mjekët i listojnë ndër mënyrat më të mira për të qëndruar gjithnjë në formë dhe për të mbajtur organet tuaja plot energji dhe jetë.

Konkretisht rekomandohen gjashtë prej tyre të cilat ndihmojnë organizmin dhe luftojnë sëmundjet.


Vitamina A

Studimi të cilit i referohet AgroWeb.org, tregon se vitamina A ndihmon sistemin imunitar të luftojë sëmundjet.

Vitamina A ndahet në dy forma, beta-karoten dhe vetë vitamina A.

Beta– karoten është një provitaminë e cila, pasi hyn në trup kthehet në vitaminë A dhe forma e saj primare vitamina A e cila funksionon si një antioksidant për qelizat e këqija të trupit.

Dietat e pasura me këto dy forma të vitaminës A janë një mënyrë e mirë për të mbajtur larg sëmundjet.

Disa nga ushqimet ku mund t’a gjeni natyralisht këtë vitamine AgroWeb.org jua rendit më poshtë.

Karrota
Lakra
Spinaqi
Lulerradhiqja
Veza
Brokoli


Vitamina B

Njerëzit që kanë nivele të ulëta të vitaminës B kanë shumë mundësi të zhvillojnë sëmundje në trupin e tyre.

Kjo mungesë rrit proteinat reaktive në organizëm të cilat ndikojnë në zhvillimin e sëmundjeve si artriti.

Për të evituar të gjithë këto probleme dhe për t’u mbrojtur nga një sërë sëmundjesh të tjera, merrni sa më shumë vitaminë B dhe B6.

Mënyra më e mirë dhe e sigurt e përfitimit të këtyre të mirave është nga ushqimet natyrale.

Më të pasurat me këtë lloj vitamine i gjeni të listuara më poshtë.

Specat
Kërpudha
Pula
Lakrat
Pjepri
Peshku ton
Bishtajorët
Bananet


Vitamina C

E njohur për fuqinë dhe shëndetin që i dhuron organizmit vitamina C është ndër më të rëndësishmet.

Lufton dhe zhduk qelizat e këqija në trup duke vepruar si një antinflamator natyral.

Njësoj si vitamina B, nëse keni mungesë edhe në këtë rast trupi mund të reagojë negativisht duke zhvilluar proteina reaktive.

Për të parandaluar të gjithë këto probleme mundohuni të fusni në dietën tuaj ushqimet e mëshposhtëme.

Portokalli
Kivi
Limoni
Lulelakra
Brokoli
Kokrrat e trëndafilit të egër
Speci djegës
Majdanozi
Spinaqi


Vitamina D

Vitamina D është një ndër më të rëndësishmet për organizmin dhe është shumë e lehtë të kesh mungesë të saj.

Studime të shumta kanë treguar se, mungesa e kësaj vitamine bëhet shkak për zhvillimin e një sërë sëmundjesh.

Ndonëse gjatë verës mund ta përfitoni natyralisht nga dielli këtë vitaminë, për pjesën tjetër të vitit konsumoni ushqimet e mëposhtëme.

E verdha e vezëve
Qumështi
Peshku
Djathi
Bamjet
Fasulet


Vitamina E

Një tjetër antioksidant dhe antinflamator natyral që dhuron shumë shëndet është vitamina E.

Kjo vitaminë ndihmon si në parandalimin e sëmundjeve, ashtu edhe në rikuperimin e tyre në një kohë të shkurtër.

Natyralisht gjendet në disa ushqime të cilat AgroWeb.org j’ua liston mëposhtë.

Farat e lulediellit
Bajamet
Spinaqi
Lajthitë
Speci i kuq
Kivi
Trofta


Vitamina K

Sipas ekspertëve vitamina K është një mënyrë e mirë për të luftuar sëmundjet e kockave siç është artriti.

Vitamina K siguron shëndetin e mirë të të gjithë organizmit dhe kocka të forta.

Për burrat rekomandohet 120 mikrogramë në ditë, ndërsa për gratë 90 mikrogramë në ditë.

Për fëmijët dhe bebet këto shifra janë më të ulëta.

Ushqimet më të pasura me vitaminë K janë kryesisht perimet jeshile dhe mishi.

Lakrat
Brokoli
Lulelakra
Mishi i pulës
Mëlçitë
Vezët

Këto vitamina mund t’i merrni edhe si suplemente duke u këshilluar më parë me mjekun tuaj, por mënyra më e mirë është që t’i përfitoni ato natyralisht nga ushqimet.


/ AgroWeb.org

https://agroweb.org/ne-forme/trupi-s...ndje-ushqimet/

[ATMAN]

Vitaminat janë nutrientet esenciale që nevojiten për të mbajtur trupin tonë të shëndetshëm dhe funksionues. Këtu janë disa nga vitaminat më të rëndësishme dhe ushqimet ku mund t'i gjeni:

1. Vitaminë A: Ndihmon në rritjen e kockave, në rritjen dhe funksionimin e qelizave të trupit, dhe në mbrojtjen e lëkurës dhe syve. Gjeni vitaminë A në karrota, spinaq, kungull, kajsi, brokoli dhe në peshk.

2. Vitaminë C: Ndihmon në përmirësimin e sistemit imunitar dhe në mbrojtjen e trupit nga dëmtuesit e lirë. Gjeni vitaminë C në fruta si portokall, limon, grepfrut, kivi, luleshtrydhe dhe në perime si piperka, qepa, spinaq dhe brokoli.

3. Vitaminë D: Ndihmon në rritjen e kockave dhe në mbrojtjen e trupit nga sëmundjet kardiovaskulare dhe diabeti. Gjeni vitaminë D në peshk të yndyrshëm, si salmoni dhe toni, në produkte qumështi të pasuruar me vitaminë D dhe në diell.

4. Vitaminë E: Ndihmon në mbrojtjen e qelizave të trupit nga dëmtimi oksidativ dhe në mbrojtjen e sistemit kardiovaskular. Gjeni vitaminë E në rrush, arra, fara të freskëta dhe në vajrat e bimëve si vaji i ullirit dhe vaji i arrave.

5. Vitaminë K: Ndihmon në rregullimin e koagulimit të gjakut dhe në mbështetjen e shëndetit të kockave. Gjeni vitaminë K në brokoli, spinaq, kelp dhe në mish të gjallë.

Kujdesi dhe shëndeti i trupit duhet të jenë një prioritet i rëndësishëm për ne të gjithë, dhe konsumimi i ushqimeve të pasura me vitaminat e nevojshme mund të ndihmojë në mbajtjen e trupit tonë të shëndetshëm dhe funksionues.

[sirena_adria]

Vitaminat e Nevojshme Për Verën

Përveç se një regjim ushqimor i shëndetshëm, disa vitamina specifike mund të jenë të dobishme gjatë muajve të nxehtë të verës për një shëndet optimal, thonë ekspertët botërorë të shëndetit. AgroWeb.org liston më poshtë ato më të rëndësishmet.

Vitamina A
Siç është vërejtur nga shumë studime, vitamina A ndihmon në formimin dhe mirëmbajtjen e lëkurës, dhëmbëve, indeve skeletore dhe membranave të mukozës të shëndetshme.

Përfitimi që lëkura merr nga vitamina A është më i rëndësishmi gjatë verës. Kjo sepse ne priremi të kalojmë më shumë kohë jashtë jantë kësaj stine.

Prandaj është thelbësore të përmirësoni dhe të kujdeseni për shëndetin e lëkurës.

Edhe pse pjesa më e madhe e njerëzve marrin mjaftueshëm vitaminë A nga ushqimi, mungesa e saj është e rrallë.

Sidoqoftë, nëse nuk merrni mjaftueshëm, mund të konsideroni marrjen e suplementeve të vitaminës A.

Vitamina C
Kjo vitaminë, është një antioksidant që ndihmon në mbrojtjen e qelizave nga dëmtimi i radikaleve të lira.

Ndër të tjera, vitamina C gjithashtu forcon sistemin imunitar, i cili mund të dobësohet si rezultat i udhëtimeve të shumta gjatë verës.

Temperaturat jashtëzakonisht të ngrohta mund të shkaktojnë simptoma të ftohjes dhe gripit, të cilat më së miri shmangen me vitaminën C.

Vitamina D
Duket e çuditshme që mund t’ju duhet të rrisni marrjen e vitaminës D gjatë verës, pasi trupi ynë prodhon vetë “vitaminën e diellit” kur lëkura e zhveshur ekspozohet ndaj diellit.

Por sipas ekspertëve, vitamina D e gjeneruar nga dielli nuk shpërndahet në mënyrë të barabartë.

Faktorë të tillë si koha e ditës, vendndodhja gjeografike, ndotja e ajrit, mosha, ngjyra e lëkurës dhe përdorimi i kremit të diellit, mund të kufizojnë efektivitetin e saj.

Nëse nuk po merrni mjaftueshëm vitaminë D nga rrezet e diellit, ngrënia e ushqimeve të fortifikuara me këtë vitaminë dhe marrja e suplementeve të saj, mund të ndihmojë në ngushtimin e hendekut.

Vitamina E
Vitamina E i siguron lëkurës tuaj antioksidantë për të eliminuar radikalet e lira të dëmshme dhe për të mbrojtur lëkurën tuaj nga dëmtimet e mëtejshme.

Kjo vitaminë është gjithashtu e njohur për aftësinë e saj për të nxitur prodhimin e kolagjenit, i cili është thelbësor për ruajtjen e elasticitetit të lëkurës.

Kjo është pikërisht ajo që lëkura juaj ka nevojë gjatë muajve të nxehtë dhe të thatë të verës.

Përveç kësaj, vitamina E luan një rol në luftimin e mikrobeve.


/ AgroWeb.org

https://agroweb.org/ne-forme/trupi-s...hme-per-veren/

[sirena_adria]

Vitamina e humorit të mirë/ Zbuloni ushqimet e pasura me të

Njerëzit që vuajnë nga mungesa e vitaminës C, ndihen më të lodhur dhe rrezikohen më shumë nga depresioni.

Studimet të cilave u referohet Agroweb.org shpjegojnë se kjo vitaminë luan një rol thelbësor tek humori i njeriut. Kjo vitaminë ul nivelet e ankthit dhe pakëson gjasat e shfaqjes së depresionit

Vitamina C dhe shëndeti mendor

Një nga termat përshkrues të vitaminës C është acidi askorbik. Mungesa e tij shkakton dëmtime nervore dhe çrregullim bipolar.

Një studim i Universitetit të Nashvill në Tenesi të Shteteve të Bashkuara zbuloi gjithashtu që mungesa e kësaj vitamine shkakton sjellje depressive tek njeriu por edhe rrit dëshirën për sheqer.

Për më tepër, mungesa e vitaminës C shkakton rënie të niveleve të dopaminës dhe serotoninës në tru. Këto të fundit rrisin nivelet e ankthit dhe depresionit.

Burimet më të pasura të Vitaminës C

Vitamina C është një substancë delikate që shkatërrohet nga ajri dhe nxehtësia.

Për pasojë ajo nuk gjendet tek ushqimet e përpunuara, ato të shpejta, mishi dhe produktet e bulmetit.

Konsumi i perimeve dhe frutave të mëposhtme do t’ju ofrojë sasi të bollshme të vitaminës C.

Frutat

Frutat më të pasura me vitaminë C janë portokallet, qitro, mandarinat, pjepri, kivi dhe luleshtrydhet

Perimet dhe barishtet

Vitamina C gjendet me shumicë tek barishtet si spinaqi, barishtet e egra, lulerradhiqja, sallata e ujit, barishtet e panxharit.

Brokoli, lulelakra, lakrat e vogla, specat, lakra e kuqe, domatet dhe lëngu i tyre janë burime shumë të pasura të vitaminës C.

Kujdes me gatimin

Siç e thamë më lart, vitamina C shkatërrohet nga nxehtësia dhe ajri. Për përthithjen me të madhe të kësaj vitamine, ushqimet duhen ngrënë të freskëta ose të gatuara pak.

Lëngu i portokallit humbet shumë vitaminë C gjatë ekspozimit në ajër. Ushqimet që gatuhen shpejt me avull ose kavërdisen do të ruajnë më shumë vitaminë C se ushqimet që gatuhen për një kohë të gjatë në temperatura të larta.

Ushqimet që zihen në ujë do ta lëshojnë vitaminën C në lëng por temperatura e lartë dhe koha e gatimit do të shkaktojnë një eliminim të plotë të saj.


Infokus.com

https://gazetainfokus.com/vitamina-e...-pasura-me-te/