Labinoti - Elbasan

[miko]

Memelli: Kemi qenë dhe jemi pretendentë



Elbasani nuk ka ndër mend të humbasë pikë të tjera në ndeshjet e mbetura, sepse përndryshe do të vinte në diskutim objektivin që synon të realizojë gjatë këtij edicioni. Edhe pse verdheblutë kanë takime mjaft të vështira në javët e ardhshme, në kampin elbasanas ka një mobilizim për të marrë maksimumin e mundshëm. Sulmuesi korçar i Elbasanit, Migen Memelli, shprehet se ekipi me të cilin ai luan që nga fillimi i gjysmës së dytë të kampionatit ka shanse të mëdha për të realizuar objektivin e përcaktuar. Memelli, së pari, thotë që verdheblutë duhet të mundin bindshëm kundërshtarin e radhës. Pastaj duhet menduar që në të njëjtën mënyrë të ndëshkohen edhe kundërshtarët e tjerë. "Gjatë këtij kampionati verdheblutë janë mundur në Shkodër, Durrës dhe Lushnjë, ndërsa në stadiumin e tyre vazhdojnë të mbeten të pathyeshëm. Kjo tregon qartë se kjo skuadër është mjaft e fortë dhe do të vazhdojë të mbetet e tillë deri në fund, pavarësisht se Tirana është shkëputur 9 pikë," - thotë Memelli, i cili e pranon që sulmi nuk ka shkëlqyer aq sa duhet, por kjo nuk do të thotë që Elbasani nuk mund të shënojë në portat kundërshtare. "Ne jemi ekip ku zhvillohet një lojë perfekte kolektive, ku rastet për të shënuar nuk u krijohen vetëm sulmuesve, por të gjithë futbollistëve. Kjo ka të bëjë me lojën karakteristike të verdhebluve, ku shënon edhe mbrojtësi më shumë se sulmuesi. Sigurisht, në pjesën e mbetur të kampionatit, për vetë natyrën që ka gara, do të jetë sulmi ai që duhet të vendosë fatet e Elbasanit. Ky repart e ka përmirësuar lojën dhe mendoj se do të jetë shumë më rezultativ sesa deri tani. Mendoj se, duke synuar një rendiment më të lartë të Elbasanit për këtë periudhë, duhet bashkërenduar në mënyrë të përsosur loja midis reparteve. Funksionimi i këtij mekanizmi pa probleme do të jetë mjaft frytdhënës. Duke shpresuar se do të luajmë pa mungesa, Elbasani do ta kalojë me sukses çdo ndeshje që ka përpara," - shton më tej sulmuesi Memelli. Ne, ashtu si e kemi të fjetur mendjen për mbrojtjen, po kështu duhet të ndihemi edhe për sulmin. Ky repart duhet të ngjitet në nivelin që ka e gjithë skuadra. Në këtë ekip ka kohë që sundon mentaliteti i fituesit dhe në çdo ndeshje verdheblutë duhet të futen për të marrë tripikëshin. Asgjë nuk është e pamundur, pasi krahasuar edhe me rivalët, Elbasani është superior. Ajo që mbetet për t'u korrigjuar në lojën e verdhebluve është menaxhimi me kujdes i ekipit në momentet delikate. Jam i sigurt që Elbasani do ta justifikojë jo vetëm investimin e bërë nga presidenca, por edhe punën e stafit teknik dhe mbështetjen morale të sportdashësve. Janë këto dhe shumë arsye të tjera që Elbasani do të jetë edhe më i fortë në pjesën e mbetur të kampionatit. Atëherë përse duhet të dyshojmë që ky Elbasan nuk mund të mbetet rival për kreun?" - përfundon Migen Memelli, sulmuesi korçar i Elbasanit.




Marre nga www.sportishqiptar.com.al

[manoklla]

Qerim, u gezova qe u pergjigje sepse shkrimet e tua i lexoj gjithmone me endje. Me vjen te buzeqesh me ate qe thua per inatin qe kishin lojtaret e Tiranes. Nuk jam i sigurte vec ne kuptoj se cdo te thuash. Sporti nuk luhet me buzeqeshje (ashtu luan vetem Marcos Cafu' qe i ngjit topi te kemba dhe mund te ndeze edhe nje cigare gjate lojes po te doje), po Millan Baci asnjehere s'ka vrare njeri.

Une e kam mik dhe te siguroj se pak djem ishin si Millani si njeri. Ai ishte kapiteni i Tiranes per 7-8 vjet: asnjehere s'eshte zene me kundershtaret. Ka qene shembull korrektese. Amaa i kam pare shpeshhere qe shtrihesh pa bere fall (pra pa prekur fare kundershtarin ne takell), merrte topin ne nje veprim qe e ben shpesh Maldini nga ana e majte, ngrihesh dhe nisesh ne kundersulm e i krosonte Agustinit.

Tirana ishte shpesh e keqja per njerezit nga rrethet sepse Shqiperia ishte thjesh nje kamp i madh perqendrimi dhe shume veta enderronin te shkonin atje por pashaportizimi ishte shume i veshtire, gati i pamundur. Prandaj "te miret" ishin gjithmone ata nga rrethet dhe "te keqinjte" tiranasit. Ama si ta veme me Flamurtarin e Vlores, qe ishte ekip shume simpatik dhe e mundte shpesh Partizanin dhe Dinamon, po me Tiranen e kishte gjithmone pisk dhe rrifesh sistematikisht? Me cilin ishit ju te rretheve, me Flamurtarin prape? Apo me Tiranen?

Une isha me Tiranen, sepse isha antikomunist dhe tirons.

Kapitulli Agalliu: Lojtar spektakolar, i shpejte si era, tipik kundersulmi. Bente 13-14 gola ne kampionat po te ishte ne forme. Kur erdhi te Partizani, i duhej te luante me mbrojtje te rreshtuara mire sepse kunder Partizanit skuadrat e tjera luanin per barazim shume shpesh pra ishte veshtire t'i caje keto mbrojtje. Pra duhej te pakten nje pyke e rende fizikisht. Partizani nuk kishte asnje te tille ne ato vite (luanin Kacaci, Agalliu, Ylli Shehu - te tre shkurtabiqa qe s'frytezonin kroset, pra nuk mundesonin sulme totale me shume lojtare); ja pse nuk konkuronte dot Tiranen.

Me 1986 Tirana-Partizani doli 7-3 (e mbani mend?), zemra m'u be mal. Ajo ka qene ndeshja me spektakolare e viteve '80. Qe Partizani te hante 7 gola s'kishte bere vaki ndonjehere ne Shqiperi. Komunistet e kuq pra qenkan te mposhtshem. 3 muaj me pare vellezerit Popa kishin hyre ne ambasaden italiane 300 metra larg stadiumit "Qemal Stafa". Populli fliste. Ne tifozet gelonim. Morri i kuq mori goditjen e pare.

Ju lutem mos me thoni qe te mos e ngaterroj sportin me politike se do me lini te kuptoj qe s'merrni vesh nga c'ka ngjare para vitit 1990. Sporti ishte komplet politike atehere. Dhe Tirana beri politiken e vet disidente e luante me inat qe t'i tregonte botes qe te fortet ishin antikomunistet e jo partizane-kalecat. Dhe ia arriti.

Ne ato vite ndihmese te tille kane dhene edhe Vllaznia me Labinotin qe fituan kampionate ne vitet 1982-3 dhe 1983-4. Por Tirana u kundervihesh Dinamos e Partizanit ne kuadrin e qytetit prandaj kishte edhe me teper rendesi. Prandaj nuk e la Flamurtarin te fitonte asnjehere ne kampionat, Vlora perfaqesonte zemren e komunistave, qytetin hero, gazetaret e ekzaltonin shume me teper se c'benin me Vllaznine, Elbasanin, Durrsin; pra impenjimi i bardhebluve me ta ishte maksimal.
Flamurtari asnjehere s'fitoi kampionat ne vitet '80 edhe pse arriti disa here i dyti.

Pra Qerim te lutem, bej dallimin e duhur: te miret ishin Tirana, Vllaznia, Elbasani, Durrsi. Te keqinjte ishin vetem dy (MB-ja dhe MM-ja). Jam i sigurte qe do te me kuptosh. Une do pushoj se sulmuari Partizanin dhe Dinamon vetem kur te ndryshojne emrat e tyre te urryer. Deri atehere per mua ngelin morra.

Zombie

si tifoz i perjetshem i tirones qe jam, edhe un jom gezuar si i cmend per ate fitoren 7-3 me partizanin, por jo se e shihja partizonin si ekip komunist a budallalliqe te ktilla, por thjesht se ishte ndeshje derbi, tifoze te te njejtit qytet ishim, dhe partizoni ishte ekip shume i mire. Pra te rrifje partizonin ishte kenaqesi. Keto brockullat e tipit ;jom tirons, jom antikomunist' me duken idiotizma.

[BlueBaron]

... Per ate kohe te rrifje Partizonin ishte njesoj si te kishe mundur diktaturen. E vetmja gje qe na gezonte atehere ishte sporti, dhe fitoret kunder skuadrave te sistemit ishin akoma me ekzaltuese ...

... Ec Tirona ...
... Perpara çuna ...

[miko]

Verdheblutë nuk arrijnë të mposhtin kryesuesen, prandaj pak shpresa u mbeten për kreun e renditjes



Elbasani dhe Tirana ndahen paqësisht, duke ruajtur diferencën midis tyre. Kryendeshja e javës 26-të është mbyllur në barazim 2?2, duke dhuruar emocione, gola, ritëm, por edhe tension në ndonjë fragment të lojës. Gjithsesi, edhe pse dy rivalët për titull janë ndeshur midis njëri-tjetrit, përsëri asgjë nuk është zgjidhur për sa i takon trofeut të superligës. Si asnjëherë tjetër, me gjithë shiun e dendur, afro 10 mijë spektatorë kanë zënë vend në shkallët e stadiumit "Ruzhdi Bizhuta" më se një orë para dhe shumë të tjerë e kanë pasur të vështirë të futen në të, pasi kapaciteti maksimal i tij shkon vetëm deri në 12 mijë vetë. Tifozëria vendëse e ka ndezur atmosferën sportive mjaft kohë para ndeshjes dhe kur skuadrat kanë dalë në fushë anëkënd stadiumit janë ndezur fishekzjarre sikur të luhej një finale e madhe. Të dy ekipet kanë dalë në fushën e blertë pasi gjyqtarët e kanë inspektuar nëse ishte apo jo e përshtatshme për t'u luajtur një takim kaq i rëndësishëm, pasi sasia e reshjeve gati e kishte përmbytur "Ruzhdi Bizhutën". Vendimi i marrë nga treshja e kryesuar nga Albano Janku për fillimin e sfidës, pasi ajo ishte shtyrë për 13 minuta e ka gëzuar pa masë tifozërinë e ardhur jo vetëm nga Elbasani dhe Tirana, por edhe nga qytetet e tjera. Ekipi verdheblu e ka nisur mjaft mirë ndeshjen dhe që në minutat e para është vënë në kërkim të golit. Për fat, ia ka arritur këtij në minutën e 12-të me anë të sulmuesit me përvojë K. Dalipi. Edhe më pas, ekipi vendës e ka kërkuar golin, por edhe bardheblutë bëjnë të njëjtën gjë. Në fund të minutës 29-të, Altin Rraklli depërton mjaft bukur në zonën e Elbasanit, por frenohet nga Dede në mënyrë të parregullt dhe vendësit ndëshkohen me 11-metërsh, që kthehet në gol nga Bulku. Verdheblutë nuk pajtohen me barazimin dhe kërkojnë ta mbyllin me fitore pjesën e parë, por portieri i Tiranës, Nallbani, është në formë dhe eviton të paktën dy gola të sigurt. Trajneri Bushati, në fillim të pjesës së dytë fut në lojë edhe Asllanin, i cili, si zakonisht, i jep freski sulmit. Mirëpo ndërsa verdheblutë krijojnë shumë raste te porta e Tiranës, ishte kapiteni Muka që i ndëshkon ata pas një gjuajtje tepër të saktë në zonë. Por verdheblutë nuk reshtin së sulmuari dhe pesë minuta më pas fitojnë një 11-metërsh, që e kthen në gol kapiteni Ahmataj. Loja rihapet sërish dhe emocionet shtohen në tribunat e spektatorëve. Mirëpo terreni rëndohet se tepërmi nga reshjet dhe rrjedhimisht futbollistët bëjnë gabime. Përfundimi i takimit i gjen në sulm elbasanasit, por, për fat të keq, pa e mbyllur atë me fitore, pasi Tirana ka ditur ta mbrojë barazimin, duke e ruajtur diferencën e krijuar me rivalen e saj të përhershme. Barazimi më shumë i ka vlejtur Tiranës, që kur duhen edhe 10 ndeshje për t'u mbyllur kampionati, e sheh veten shumë përpara. Elbasanit nuk i mbetet gjë tjetër, veçse të shpresojë në ndonjë hap fals të Tiranës, por ama të mos gabojë vetë. Nga java në javë, shpresat e elbasanasve vijnë duke u zvogëluar, por sidomos barazimi i djeshëm u ka lënë më pak shpresa. Tirana do të ketë një tjetër ndeshje të vështirë javës që vjen, atë me Dinamon. Por edhe Elbasani nuk do ta ketë të lehtë në Peqin përballë Shkumbinit.

Deklaruan:
Artan Bushati, trajner i Elbasanit: "Në një ndeshje rivalësh, aq më tepër në një terren të papërshtatshëm, nuk mund të pretendohet me tepër për shkallën cilësore të lojës. Sipas meje, të dy ekipet dhanë maksimumin e tyre. Siç rrodhën ngjarjet, morëm atë që merituam. Normalisht, në një ndeshje rivalësh si kjo mungoi spektakli, por jo dëshira për lojën e bukur. Të dy ekipet e kërkuan fitoren, por barazimi është rezultat pozitiv për Tiranën, jo për ne. Në njëfarë mase, ne jemi përsëri në lojë për kreun dhe do të kemi besim deri në fund për realizimin e këtij synimi."

Sulejman Starova, trajner i Tiranës: "Jam i kënaqur në radhë të parë me rezultatin, por edhe për faktin se të dy ekipet zhvilluan një ndeshje dinjitoze. Futbollistët dhanë maksimumin. Kurrsesi nuk mund të luhej më mirë se sa kaq në një terren tepër të rënduar nga reshjet. Në këtë ballafaqim midis dy ekipeve më të mira të kampionatit shqiptar doli se këta janë vërtet më të mirët. Një fitore e Tiranës do të na siguronte trofeun, ndërsa barazimi na jep qetësinë nga ana psikologjike dhe konsolidon mendimin se duhet luftuar për çdo ndeshje, sepse po të vihet re ecuria e deritanishme, këto ekipe kanë gabuar pak. Ato pikë që kemi lënë janë të pranueshme. Dua t'u bëj komplimente djemve të Tiranës, sigurisht edhe atyre të Elbasanit, si dhe të përshëndes publikun e mrekullueshëm të Elbasanit."

Të veçanta:

- Mbi 12 mijë spektatorë e kanë ndjekur kryendeshjen Elbasani-Tirana në tribunë, duke shënuar rekord në superligë deri tani.
- Një cjap i ngjyrosur verdheblu dhe një tufë pëllumbash janë nxjerrë në qendër të fushës para fillimit të takimit në shenjë mbarësie për Elbasanin.
- Krahas presidentëve respektivë të Elbasanit dhe Tiranës, në tribunën "VIP" ka qenë edhe ish-presidenti i Elbasanit, Refik Kumuria, që së bashku me Armend Dallkun kanë bërë tifozllëk për Elbasanin.
- Për herë të parë është shfaqur krizë për bileta në një ndeshje të superligës, ndërsa gazetarët kanë përfunduar në tarracën e tribunës qendrore.
- Ndeshja ka filluar 13 minuta me vonesë, pasi gjyqtarët inspektuan imtësisht fushën e lojës.



Marre nga www.sportishqiptar.com.al
--------------------------------------------------------------------------------------------------------
--------------------------------------------------------------------------------------------------------
--------------------------------------------------------------------------------------------------------

Bravo cuna per cka i dhuruat sportdashesit Elbasanlli...

Nuk ka problem humbem nje ndeshje,e cila mund te ishte me e rendesishmja nga pikpamja morale,por nqs duam te jemi realiste kampionatin e kemi humbur me kohe...

Tashme nuk ka rendesi kjo gje,rendesi per ne ka qe keni arritur te thyeni shume rekorde....

Ndoshta ne historine e futbollit shqiptar mbas 20-30 vjeteve nuk do te shkruhet qe ne sezonin 2004-2005 ekipi i Elbasanit kishte ekipin me te mire dhe ofroi me shume spektakel,pasi historia do te shkruaje qe kampionatin e fiton si shume here te tjera "Tirana"....

Por per NE tifozet e zemres ka per te ngelur gjithmone si nje vit qe na dhuroi emocione te paimagjinueshme....

Keni arritur te sillni ne "Ruzhdi Bizhuta" 12 mije tifoze te zemres qe nuk kane llogaritur as shi e as gje per tju inkurajuar ne kete sezon fantastik si te sivjetshmin..

Rendesi per ne kane emocionet qe na keni dhuruar gjithe vitin....do te ishte me bukur sikur te na dhuronit ate dreq titulli....

Tirana eshte nje ekip i madh dhe e vleresojme kete fakt,por nuk duhet te harroje qe edhe "provincialet" stil elbasanllinj ofrojne spektakle shume me te bukura ne historine e futbollit shqiptar....

Nuk po e vazhdoj shume,por cka doja te shtoja si fund eshte fakti ,qe tashme cdo gje ka marre fund pasi nuk mund te presim te fitojme kampionatin nga c'hap te gabuar mund te beje Tirana,duhej ne te shikonim gjate sezonit te mos benim ate hape te gabuara qe na kushtuan kaq shume....

Shpresojme vitin tjeter kampionati te jete i yni........

Ju uroj cuna ta mbyllni kampionatin pa asnje humbje ne vazhdim vetem e vetem per faktin qe ti vertetoni gjithe skuadrave te tjera por dhe vet vetes suaj qe jeni ekipi me i mire ne Shqiperi......

Pershendetje te perzemta presidentit verdheblu....edhe pse nuk eshte elbasanlli dempapadem tregoi qe e dashuron kete ekip me shume se shume drejtues te tjere.....

Nje nga momentet qe kam mallkuar veten qe skam qene ne Shqiperi,shte dje kur doja te isha ne gjirin e atyre tifozave te zjarrte dhe desha dhe une te shijoja ato momente fantastike......

Ps.Kur kam lexu per "cjapin" dhe per "pellumbat" kam vdek tuj qesh..... i marrte nonji gja ishallah,pse kshu do ikim ne Europe ne tuj nxjerr "cjapa" ne cdo ndeshje Europiane....

Mundohuni please ti shmangni keto "gafa" kaq te medha....

Kush ka mundesi te na vendosi ndonje foto nga kto ndeshje,ta dini qe do na bej nder te madh....i jap tre birra kur t'kthehena ne Elbasan...

[Pasiqe]

Miki_ro bravo ju qofte ju elbasanllinjve se e treguat veten sportiste dhe sportdashes te perkryer. Ndeshjen e luajtet dhe Tiranen e rivalizuat si askushi kete vit.

Tirana, Vllaznia dhe Elbasani - skuadrat me simpatike shqiptare.

[Ngadhnjyesi]

Zombie

si tifoz i perjetshem i tirones qe jam, edhe un jom gezuar si i cmend per ate fitoren 7-3 me partizanin, por jo se e shihja partizonin si ekip komunist a budallalliqe te ktilla, por thjesht se ishte ndeshje derbi, tifoze te te njejtit qytet ishim, dhe partizoni ishte ekip shume i mire. Pra te rrifje partizonin ishte kenaqesi. Keto brockullat e tipit ;jom tirons, jom antikomunist' me duken idiotizma.

Wow fjale me mend nga nje tifoz i Tirones. Kisha kohe qe prisja dicka te tille sepse shumica me duken si te droguar kto kohet e fundit, sidomos ata qe kane qene kalamanj gjate diktatures dhe tani krijojne legjendat qe tu shkojne per shtat atyre.

Une kam pas presor fiskulture Ben Celen, nje nga mesfushorat me te mire te Tirones, dhe me ka tregu shume histori te forta te asaj kohe po asnje s'ka pasur ngjyrime politike qe shume tifoze te Tirones duan ti japin vetes tani. Biles njehere me ka treguar se kur ishte ushtar i ka derguar makinen personale nje nga gjeneralet e MM per te luajtur kunder Dinamos. Tirona fitoi ate dite.

Nqs ka pase anti-komuniste te vertete ne Shqiperi ata jane gjendur ne Shkoder e gjetke po jo ne Tirone qe ishte zemra e Diktatures.

Zombie - ne s'kemi per ta ndryshuar nodnjehere emrin kshu qe rri i qete se ke per te na urryer perjete, perndryshe s'do kete kuptim te jesh tifoz i Tirones.

Me falni qe dola nga tema po s'mund te le te perdhoset emri i Partizonit kot. Urime Elbasanit kte vit, po ben vertet nje pune te shkelqyer. Ishalla vazhdon keshtu ne te ardhmen.

[Pasiqe]

Eh,

Behu behu shoku i Manoklles, kaq mend paske edhe ti megjithese paske qene edhe te Qemal Stafa. Ben Cela presor fiskulture ishte dhe aq ia priste, ti m'a citon.

Sinqerisht nuk kam asnje aresye te mbush mendjen tende e te zbraz timen. Ti s'do e kuptosh kurre qe kishte disidente edhe ne Tirane, te cilet ndryshe nga shkodranet duhet ta qepnin gojen 100 here sepse kishte me shume hafije ne Tiranen e populluar me vlonjate e kolonjare sesa ne Shkoder.

Tani m'u pergjigj pyetjes sime: thoshte dot tifozi i Tirones "Partizoni i qelbur" atehere? S'thoshte dot se krijohej heshtje e plote e te gjitheve u shkonte shtate me qaze. Partizoni s'shahesh dot se mund te te degjonte ndonje veteran.

Ne s'po krijojme legjenda per femijerine tone, po kujtojme si ishin gjerat. Legjendat jane krijuar vetem per partizanet me filmat qe na servirnin per heroizmat e tyre.

Per mua mos e ndryshoni kurre emrin, ajo eshte damka juaj dhe do t'jua beje gjithmone te trishtuar jeten. Tirana, e lindur shume me pare se ju do rroje shume me teper.

[BlueBaron]

... Jam dakord plotesisht me Zombie ...


... per te qene ne teme, bravo i qofte Elbasonit per ekipin qe ka ...

[KOKASHTA]

Pershendetje Skuadra e elbasaniT !

SOPOT - LABINOT 4 GOLA DUAM SOT :P ..

[miko]

Zombie,Ngadhnjyesi,Skuthi i vogël,e keni bërë dhe këtë të shkretë temë për mos o Zot....

Po mjaft mer u hëngrët kështu me njëri tjetrin se ska lezet....

Futbolli është një spektakël ku "mëritë" afatgjate dhe zënkat nuk kanë vend....

Të jesh tifoz i një ekipi do të thotë të dashurosh ekipin tënd të zemrës,dhe jo të urresh ekipin kundërshtar....

Nqs nuk heqim nga futbolli shqiptar këto koncepte te "ndryshkura" atëhere nuk kanë për tu shuar as edhe një here episodet e "civilizuara" të stilit peqinas.....

Nejse atë e kupton secili nga ne me mënyrën e tij....

Por personalisht jam dakort me Ngadhnjyesin dhe me Manokllën...

Unë si Elbasanlli do "bëj festë" sa herë rraf Tiranën,por kjo nuk do të që kam kompleks inferioriteti përballë këtij ekipi apo në ekipin e Tiranës shoh qeverinë që nuk i jep fonde të mjaftueshme Elbasanit......

Është thjesht ajo ndjenja e fitores ndaj një ekipi me histori në futbollin shqiptar...(ashtu siç do gezohesha ne rastin e fitores ndaj Vllaznisë,Partizanit,pse jo dhe Flamurtarit legjendar...)


Zombie,Skuthi i vogël,Ngadhnjyesi...Faleminderit për komplimentet tuaja...
Ekipi i Elbasanit është një ekip modest por që mundohet ti sjelli një kuptim kampionatit shqiptar,duke e rivalizuar me sa kishte fuqi ekipin e vendit të parë..

Mendimi im personal se pavarësisht që nuk fitojmë Ne sivjet kampionatin,kam përshtypjen që Ne ishim ekipi më i mirë sivjet....



Ja kalofshi mirë