Labinoti - Elbasan

[Qerim]

Elbasani peson humbjen e dyte ne kampionat, kete here kunder Skenderbeut.

Gol Memeli ne minuten e 80`

Po keta korcaret kaq shume e urrejne Elbasanin. Me kujtohet edhe nje here tjeter , para nja 10 vjetesh. Skenderbeu nuk kishte asnje shanc per te mbetur ne superlige .Elbasanit i duhej te pakten 1 pike ne takimin me Skenderbeun ,ne Elbasan, qe te mbetej ne superlige.

Kane ardhur me mijera tifoze korcare ne Elbasan me rastin e kesaj ndeshje
.Kane luajtur me gjithe shpirt, vetem qe ta mposhtnin Elbasanin. Dhe do ja kishin dale nese arbitri i ndeshjes te mos mbante me Elbasanin.

[miko]

E ka dhjere (me nder lool) fare muhabetin sportishqiptar.Ka pothuajse nje jave qe nuk eshte online dhe skemi nga te marrim material

Sido qe te jete per te komentuar humbjen nga Skenderbeu,ate qe kam per te thene eshte fakti qe nuk jemi Reali (meqe ra fjala i hengri 3 petlla loool) qe te kete ecuri rezultatesh pozitive pa pesuar asnje humbje.Humbja na la ne vend numero por cka na lehteson paska jane rezultatet negative te rivaleve tane.Duhet te rimarrim veten mbas kesaj humbjeje e te vazhdojme serine e mire te rezultateve per te arritur ne nje diference pikesh qe do na siguroje ne nje fare menyre nga hapa te tjere te gabuar.

Gjithmone Verdh e Blu

[miko]

Verdheblutë e kanë pranuar në heshtje lojën e dobët që kanë bërë në ndeshjen me Skënderbeun

Elbasani, eufori apo një ditë e keqe?

Humbja e fundit e ekipit të Elbasanit i ka mërzitur të gjithë në kampin verdheblu. Heshtja e futbollistëve ndoshta do të thotë se ata e kanë pranuar fajin për humbjen me Skënderbeun. Presidenca ka qenë tejet e mërzitur, çka ka bërë që presidenti Laze të reagojë menjëherë, madje të deklarojë se do të vendosë gjoba për çdo protagonist në ndeshjen e Korçës. Fillimisht është menduar se do të vendoset nga 500 dollarë gjobë për çdo lojtar, por ka gjasa që kjo shumë të dyfishohet. Por çfarë e ka irrituar kaq shumë "bosin" verdheblu? Në deklaratën e tij mësohet se nuk ishte i kënaqur nga loja dhe jo nga humbja. Për këtë ai ka të drejtë, por të kthehemi tek ekipi. Elbasani ishte në një ditë të keqe, apo ishte eufori pas katër fitoreve rresht të marra me ekipe shumë të forta? Duke e krahasuar me humbjen me Partizanin, edhe kjo në trasfertë, humbja e Korçës i kishte të dyja brenda, edhe euforinë, edhe ditën e keqe në të cilën ndodheshin verdheblutë, pa mohuar shpirtin e garës që dëshmoi Skënderbeu. Pjesën e parë Elbasani e mori shumë lehtë, me mendimin që do ta ndëshkojë në kundërsulm Skënderbeun, por verdheblutë nuk e kishin autoritetin e kryesuesit që ta fitonin atë ndeshje, pasi shumë futbollistë kishin kaluar në vetëkënaqësi. Por nga ana tjetër mund të themi se ishte edhe një ditë e keqe për verdheblutë, pasi shumë lojtarë vinin nga dëmtimet, pa harruar edhe presionin e vendësve, për ta fituar me çdo kusht atë ndeshje. Elbasani, në të gjitha trasfertat që ka lënë pikë, ka treguar që në lojë të paktën ka merituar më shumë, ndryshe nga ndeshja e fundit. Por çfarë iku, nuk kthehet më. Ndoshta këtë po mendojnë të gjithë në kampin elbasanas dhe autokritika më e mirë është një fitore bindëse me Teutën, që kësaj radhe do të luhet në "Ruzhdi Bizhuta", aty ky Elbasani nuk njeh humbje gati prej dy vitesh. Fatmirësisht, rivalët më të afërt, Besa dhe Tirana, nuk kanë arritur të marrin më shumë se një pikë dhe ky fakt në njëfarë mase i ka ngushëlluar ata. Por duke pasur ambicie fitimin e titullit, prapëseprapë humbja e Korçës nuk kalohet kollaj. Kalendari është favorizues këtë javë për nënkampionët, prandaj ata do të mundohen që ta kalojnë këtë moment të vështirë, për të shkuar pastaj në Shkodër më autoritarë dhe me moral të ngritur. Por sot do të presim edhe analizën e thellë të ndeshjes së fundit, ku presidenti Laze do t'u komunikojë edhe gjobat futbollistëve. Gjithsesi, ky ndëshkim nuk është për të përfituar nga ata, por për të shkundur ndërgjegjen e secilit lojtar për lojën e dobët që bënë në Korçë. Me siguri që në ndeshjen e radhës Elbasani do të dijë të reagojë, pasi në këtë sezon e ka treguar një herë.

Elbasani, sot analizë të thellë humbjes
Stafi tekni dhe drejtuesit e Elbasanit do të bëjnë një analizë të thellë me futbollistët verdheblu për humbjen e fundit në Korçë me Skënderbeun. Në fakt, në bisedat e lojtarëve, ata e kanë pranuar lojën e dobët. Pritet të marrë pjesë në këtë analizë edhe presidenti Laze, i cili do të kërkojë edhe arsyen e humbjes dhe ndoshta do t'u komunikojë atyre masën e gjobës, të cilën ai e ka bërë të ditur që pas ndeshjes të së premtes.

Nora dhe K.Dalipi drejt riaftësimit
Dy sulmuesit e Elbasanit, Arlind Nora dhe Klevis Dalipi, janë drejt riaftësimit të plotë dhe mund të jenë të gatshëm që në ndeshjen e radhës me Teutën. Nora dhe K.Dalipi i kanë munguar ekipit për disa ndeshje, por tashmë ata do të jenë një armë më shumë për trajnerin Daja, i cili tashmë në sulm do të ketë edhe dy alternativa të tjera. Dje ka qenë dita e parë e stërvitjes, kështu që duhet pritur deri të shtunën për të mësuar gjendjen e plotë të verdhebluve.




Marre nga www.sportishqiptar.com.al

[miko]

1. Elbasani 26
2. Besa 20
3. Tirana 20
4. Partizani 19
5. Dinamo 17
6. Vllaznia 14
7. Skenderbeu 14
8. Lushnja 13
9. Teuta 12
10.Shkumbini 9


Gjithmone Verdh e Blu

[miko]

Kane perfunduar takimet e javes se 13 te Superliges shqiptare. Tirana e Dinamo jane ndare me nga nje gol ne derbin e sotem, ndersa Vllaznia ka fituar ne shtepi 3 me 0 ndaj Lushnjes.Teuta eshte mundur ne fushen e Elbasanit me rezultatin 2-1.Ka qene vetem nje gol i shenuar ai ne takimin mes Shkumbinit e Beses se Rrakllit, qe i ka sjelle fitoren peqinasve. Edhe pas mbylljes se kesaj jave, ne krye te renditjes qendron Elbasani me 29 pike, i ndjekur nga Tirana me 21 pike.


www.top-channel.tv


8 pike diference sipas tch (se mua me dalin ndryshe llogarite) nuk eshte keq.Pra avash avash kemi te drejten ta besojme endrren si nje realitet

Gjithmone Verdh e Blu

[miko]

Verdheblutë rrezikojnë disi në fund me Teutën, por fitojnë dhe shkëputen akoma

Elbasani s'mund të gabonte dy herë rresht

Elbasani - Teuta 2-1

Shënues: Vrapi 45', Qorri 69', Shaqiri 83'

Elbasani: Kotorri, Dede, Brahja, Vrapi, Abraham, Merxha, Devolli, Osja, Tetova (Kuçi 76'), Nora (K.Dalipi 30'), Qorri (O.Osmani 83') Trajner: I.Daja.
Teuta: Kapllani, Pashaj, Zëre, Dollaku, Buna, Mancaku, Kovaç (Curri 75'), Kapaj, Xhihani, Emanuel (Tiko 73'), O.Muka (Shaqiri 78'). Trajner: H.Lika.
Gjyqtarë: Sh.Guçe (Lushnjë), P.Gaxhaj (Gjirokastër), E.Biçaku (Librazhd)
Karton i verdhë: Pashaj

"Radiografia"
5' Moment i mirë për vendësit, por që nuk shfrytëzohet nga dyshja e sulmuesve Qorri-Nora.
7' Kombinime të shpejta të verdhebluve në hyrje të zonës mike dhe Devolli gjuan pa adresë.
14' Nora provon të gjuajë nga larg, por jashtë.
15' Tetova pason tek Abraham, i cili kroson përpara portës së Kapllanit, por mbrojtësit e devijojnë topin tej vijës fundore.
22' Emanuel ndodhet i vetëm në zonë, por Kotorri i bllokon rrezen në momentin e finalizimit të gjuajtjes.
24' Nora e lë fushën pas një dëmtimi të rëndë që ka pësuar gjatë një dyluftimi me lojtarët miq.
26' Rast ideal për vendësit, mbrojtësi Brahja e kalon topin për te kapiteni Dede, i cili gjen të lirë Tetovën, por ky nuk arrin të realizojë.
27' Abraham kroson bukur te Qorri, por ky preferon të pasojë te Merxha. Gjuajtja e këtij të fundit përfundon pranë shtyllës pingule të kuadratit të mbrojtur nga Kapllani.
30' Devolli ekzekuton bukur një goditje të lirë, por pret Kapllani.
38' Vrapi e rrezikon portën e Kapllanit pas një krosi nga mesfusha.
40' Merxha dhe Qorri nuk arrijnë që të shënojnë në portën durrsake, edhe pse ndodhen në pozicion të favorshëm.
41' Vrapi e ka rivënë topin në lojë nga thellësia drejtpërdrejt në zonën e portës së Teutës, por Devolli me gjuajtjen e tij e ka kaluar topin pranë shtyllës mike.
45' Elbasani me anë të Qorrit ekzekuton një goditje dënimi nga krahu i djathtë. Topi përfundon në zonë dhe mbrojtësi Vrapi ka goditur shkëlqyeshëm me kthesë topin e ardhur pas krosimit, duke tundur rrjetën e portës së Kapllanit. 1-0 për Elbasanin.
48' Qorri kroson për te Klevis Dalipi, i cili vonon, ndërhyn Merxha, por topi përfundon tej vijës anësore.
59' Mancaku kroson, por ndërhyn Dede me kokë, duke evituar rrezikun.
61' Osja godet nga distanaca, por mbi traun e portës durrsake.
62'- Mancaku godet në drejtim të portës, por pa rezultat.
63' Qorri ka një rast të mirë, por në momentin e gjuajtjes bllokohet nga mbrojtja durrsake.
69' Elbasanasit janë të papërmbajtshëm në fushë. Devolli pason për te Klevis Dalipin, i cili gjen në pozicion të përshtatshëm Qorrin, që gjuan fuqishëm dhe shënon. 2 0 për Elbasanin.
74' Xhihani gjuan lehtë, edhe pse ndodhet i vetëm përballë Kotorrit.
82' Mancaku gjuan drejpërdrejt në duart e Kotorrit pas një goditjeje dënimi.
83' Teuta ushtron presion në portën e Kotorrit. Një top i gjuajtur në drejtim të kuadratit të Elbasanit është kthyer jashtë zone nga mbrojtja. Shaqiri, i futur pak minuta më parë në lojë, ka gjuajtur me saktësi, duke e ngushtur diferencën. Elbasani-Teuta 2-1.

Komenti
Elbasani sërish ka triumfuar në fushën e stadiumit "Ruzhdi Bizhuta", ku nuk njeh humbje prej afro dy vjetësh. "Viktima" e radhës ka qenë Teuta e Durrësit, e cila ka bërë një prezantim të kënaqshëm në këtë ndeshje. Humbja e një jave më parë e verdhebluve e kishte ulur disi interesimin e sportdashësve të zjarrtë të këtij qyteti, por megjithatë ka qenë më i madh se sa ai i stadiumeve të tjera. Vendasit janë futur në fushë mjaft të mobilizuar dhe me besim të plotë për arritjen e fitores. Pavarësisht se në radhët e tyre mungonte goleadori Bejzade, mesfushori Çapja dhe mbrojtësi Tefik Osmani, niveli i lojës së tyre ka qenë i kënaqshëm. Qysh në fillim të ndeshjes presioni i verdhebluve në portën e Teutës ka qenë i dukshëm. Elbasani e ka kërkuar golin nëpërmjet lojës sulmuese, e cila ka ardhur në rritje dhe e gjithë skuadra ka luajtur për të arritur te goli i epërsisë. Fundi i pjesës së parë ka qenë mjaft i mirë për verdheblutë dhe kur kishin mbetur vetëm pak çaste që të mbaronte koha shtesë, mbrojtësi energjik Endri Vrapi ka shënuar një gol mjaft të bukur, duke e zhbllokuar rezultatin.
Pjesa e dytë ka pasur më shumë ritëm dhe në pjesën më të madhe të saj ishin përsëri vendasit që e kanë dominuar lojën. Rastet e shumta e kanë vënë në pozitë të vështirë Teutën, e cila ka luajtur e ngjeshur në mbrojtje, pa pasur mundësi të kundërpërgjigjet. Në minutën e 69-të ka ardhur dhe goli i dytë për Elbasanin me autor Qorrin dhe pas kësaj minute u duk se verdheblutë do ta shpartallonin kundërshtarin. Por ka ndodhur e kundërta e asaj që parashikohej. Miqtë nuk janë dorëzuar dhe kanë rezistuar mjaft mirë. Në minutat e fundit ata janë "zgjuar" dhe kanë rrezikuar disa herë. Në një nga këto raste futbollisti Shaqiri ka shënuar edhe golin e parë, por dhe të vetmin për Teutën në këtë ndeshje.
Në kohën shtesë prej 5 minutash në mbyllje të ndeshjes miqtë janë shfaqur më të qartë dhe nuk mund të quhej surprizë as shënimi i golit tjetër nga Teuta, që ka treguar se ka një ekip të mirë. Fitorja e radhës e verdhebluve ka qenë plotësisht e merituar dhe tifozëria vendëse si zakonisht e ka festuar atë me shpresën se Elbasani nuk ka për të humbur as në ndeshjet në trasfertë në të ardhmen.

Deklarojnë:
Ilir Daja, trajner i Elbasanit: "Jam shumë i kënaqur si nga rezultati edhe nga mënyra se si luajti skuadra e Elbasanit në këtë ndeshje. Kemi pasur mungesa, por përsëri kemi marrë maksimumin. Jam i bindur se kundërshtari në çdo javë do të provojë forcën reale të Elbasanit. Por maksimumi do të merret vetëm atëherë kur të ndihemi vërtet me "këmbë në tokë", pasi në të kundërt mund të pësojmë zhgënjime, siç ndodhi në një ndeshje të kësaj faze. Me Teutën arritëm të merrnim rezultatin e dëshiruar, pavarësisht se në fundin e ndeshjes kundërshtari na vuri në pozita të vështira. Ndeshjet e ardhshme janë mjaft delikate, por ne do të përpiqemi të marrim përsëri maksimumin."
Hasan Lika, trajner i Teutës: "Për sa i përket lojës, mund të them se Teuta zhvilloi një ndeshje mjaft të mirë, aq më tepër kur përballë nesh ishte një skuadër me pretendime, si Elbasani. Me meritë ky ekip kryeson në superligë, ashtu siç dhe arriti ta fitojë ndeshjen me Teutën. Ne patëm rritje në lojë, por rezultati nuk qe në favorin tonë. Gjatë gjithë ndeshjes e kërkuam golin, por nuk arritëm të shënonim më shumë se një herë. Gjithsesi, në këtë ndeshje, pavarësisht se u goditëm me dy gola, u munduam të gjejmë forcat për ta ngushtuar diferencën. Mund të kishim marrë edhe barazim, pasi Teuta ka forca, por e rëndësishme është që ndeshja ishte korrekte dhe gjyqtari qe pjesë e zhvillimit të lojës dhe rezultatit."



Marre nga www.sportishqiptar.com.al

[miko]

Mbrojtësi tiranas i verdhebluve Endri Vrapi ka shënuar golin e dytë në këtë sezon

Vrapi: Me Elbasanin titullin, kombëtaren me Brigelin

Dikur ishte një djalosh i panjohur dhe luante në radhët e ekipit të Lushnjës si titullar, por askush nuk e kishte menduar se tiranasi shtatshkurtër do të binte në sy me një ekip të vogël që synonte mbijetesën në superligë. Këtë sezon, Endri Vrapi do të kalonte në radhët e Elbasanit, ku që në fillim do të jetë një futbollist i pazëvendësueshëm. Vrapi ka shënuar golin e dytë me fanellën e Elbasanit dhe është një ndër kandidatët për të veshur fanellën e ekipit tonë kombëtar pas grumbullimit në "zborin" e tij të parë të trajnerit Brigel. Në një prononcim për "Sportin shqiptar", 24-vjeçari i mbrojtjes verdheblu është shprehur pas përfundimit të takimit kundër ekipit të Teutës se golin ua dedikon tifozëve verdheblu dhe shton se skuadra e tij është në rrugën e duhur drejt titullit kampion. "Sigurisht që jam i lumtur që kam shënuar sërish për ekipin e Elbasanit, por më e rëndësishme është se skuadra ka arritur një fitore shumë të rëndësishme për kreun, pas asaj humbjeje të pësuar me Skënderbeun," - shprehet Vrapi. Ndërkohë, ekipi i Elbasanit ka koleksionuar një tjetër tripikësh shumë të vleshëm. Pas barazimit të Tiranës në derbi dhe humbjes së Besës, verdheblutë e debutuesi Daja janë shkëputur në +7 nga vendi i dytë, Partizani. Endri Vrapi gjithashtu thotë edhe për takimet e ardhshme, sidomos dy sfida tepër të nxehta të kësaj jave, në trasfertë me Lushnjën dhe Vllazninë. "Dy sfidat e ardhshme janë shumë të rëndësishme për ekipin tonë dhe Elbasani do t'i vlerësojë maksimalisht të dyja këto ndeshje. Jam i bindur se skuadra nuk do të dorëzohet për sa i përket titullit, që varet më shumë nga ne. Elbasani është ekipi që deri tani ka qenë shumë i pafat lidhur me dëmtimet e shumta që e kanë prekur ekipin, por famirësisht janë zëvendësuar me sukses dëmtimet," - shton Vrapi. Lidhur më te ardhmen e tij, kandidati për një vend në mbrojtjen problematike të kuqezinjve shprehet se është i lumtur që ka marrë pjesë në grumbullimin e parë të gjermanit në "zboret" e tij dhe premton se do të zhvillojë ndeshje në të ardhmen shumë pozitive. "Jam i lumtur se për mua ky është një vlerësim tepër i madh. Jam shumë i ri dhe kuptohet, ashtu si çdo futbollist tjetër, ëndrra ime është të vesh fanellën kuqezi," - thekson ai. Por duke parë paraqitjet e tij deri në këto javë të superligës, të lë të besosh se kombëtarja jonë tashmë ka një alternativë dhe tiranasi mund të jetë një i tillë. Dëshira e Vrapit këtë sezon është titulli kampion me Elbasanin, që për momentin nuk duket tabu dhe paraqitja pozitive në sytë e Brigelit për të bindur gjermanin se kombëtarja ka një vend edhe për Endri Vrapin. Në fund të prononcimit të tij, mbrojtësi Vrapi shprehet edhe për dy ndeshjet e kësaj jave: "Në Lushnjë është një ndeshje shumë e fortë, por jo e pakalueshme. E njoh mirë mentalitetin e kësaj skuadre dhe mendoj se do të jetë një ndeshje e vështirë, por Elbasani këtë sezon do të synojë që edhe në trasfertë të marrë një rezultat pozitiv. Për sa i përket takimit me Vllazninë, më parë të kalojmë Lushnjën, ka kohë deri të shtunën për të menduar për sfidën me kuqeblutë."

Nora, dëmtimi e lë tri javë të tjera pushim
Kur mendonte se do të ishte plotësisht i gatshëm pas dëmtimit të parë të pësuar, Arlind Nora ka qenë viktimë e fatit të keq në takimin me Teutën, e fituar nga Elbasani. Sulmuesi gjirokastrit ka pësuar një dëmtim në këmbë dhe do t'i duhet të paktën tri javë pushim. Nora është shprehur se ndihet shumë keq për faktin se nuk ka pasur mundësi të shfaqi vlerat e tij me Elbasanin. "Kam këputur ligamentet e këmbës dhe mendoj se do të duhet kohë për t'u rikuperuar plotësisht. Dëshiroj të jap kontributin tim në dy takimet e trasfertës për Elbasanin, por besoj se edhe shokët e ekipit do t'ia dalin mbanë," - është shprehur Nora.




Marre nga www.sportishqiptar.com.al

[Pasiqe]

Miki ro si ka mundesi qe ju punon sportishqiptar juve?

[miko]

O Zombie me mbajne me kimet mua prandaj...se u bej goxha reklame lool

Sinqerisht tani,nuk e di sesi por edhe mua shpesh here nuk me hapet faqja.Edhe sot ne fillim nuk munda ta hap por mbas disa Refresh-a te mire ma beri qefin e u hap.

Ah meqe ra fjala sot sportishqiptar mbush plot 70 vjet.Personalisht e nga ana e sportdashesve elbasanllinj,i uroj shume vite te tjera pune ne dobi te sportit shqiptar.Edhe 100 gjithe Stafit

[elbasanlliu yll]

Miko Re,ta Baft Zoti Hallall,kshu Vazhdo,jemi Akoma Te Paret Eh?na Maj Te Informum