Labinoti - Elbasan

[miko]

O Miki kampion vere nuk ka,ose le te dali Tirana ose Partizani po te dene.Ne do dalim thjesht kampione 2005/2006.

Thua te mos te kem haberin se cfare them...?

Ishte ne konteksin e fjalise i dashur Elmajico pastaj ne fond te gjithe jemi ne te njejtin mendim,"Titulli kampion te arrije ne Elbasan",e vitin e ardhshem gjithe lajmet sportive kur te referohen per Kampionen te nenkuptojne Elbasanin tone

[miko]

Gezuar Festat gjithe Verdh e Bluve

Ps.U mundova me vene nje super foto po sja dola mbane

[Qerim]

Sulmuesi Erion Rizvanolli kërkon të japë ndihmën e tij në shpalljen kampion të verdhebluve &nbsp05-01-2006
Rizvanolli: Ja përse zgjodha Elbasanin
Fatmir Popja


Një tjetër futbollist cilësor i është bashkuar ekipit kryesues të superligës shqiptare këtë fillimviti. Ai është 25-vjeçari Erion Rizvanolli, me një karrierë të suksesshme sportive gjatë këtyre viteve. Rizvanolli është aktivizuar si titullar me Tiranën, Shkumbinin e Partizanin, si dhe me ekipet NK Zagreb dhe Tata Banja të Hungarisë. Me këtë të fundit sulmuesi Rizvanolli ka luajtur gjatë gjysmës së dytë të vitit 2005. Me t'u rikthyer në Shqipëri sulmuesi Rizvanolli ka pasur oferta të shumta nga ekipet që pretendojnë trofe gjatë këtij edicioni, por ai ka preferuar të vishet verdheblu. Në një intervistë për gazetën "Sporti shqiptar", Erion Rizvanolli argumenton arsyet përse zgjodhi pikërisht Elbasanin si dhe objektivat që i ka vënë vetes tani që do të luajë për ngjyrat verdheblu.
- Në mediat sportive është folur për oferta të shumta për Rizvanollin, ndërsa ju firmosët për Elbasanin. Përse?
- Nuk më intereson se çfarë është shkruar në mediat sportive. Jam mjaft i qetë, se nuk kam bërë një zgjedhje të imponuar, por ajo ka ardhur natyrshëm dhe në një moment mjaft të përshtatshëm për të gjitha palët. Njëri nga klubet që më bëri ofertë ishte edhe Elbasani. Natyrisht, ky klub tregon vlerësim dhe respekt maksimal për çdo futbollist dhe mbi të gjitha ka qenë kjo, një nga arsyet kryesore që zgjodha verdheblutë. Ky ekip në këtë edicion ka shkëlqyer dhe synon të shpallet kampion. Në një situatë të tillë, nuk ka futbollist që synon të bëjë karrierë, që do të hezitonte të refuzonte një ofertë nga një ekip kryesues. Sapo presidenti Arben Laze më ftoi për të biseduar për kushtet e kontratës, e ndieva veten mëse të vlerësuar. Ajo që dua të theksoj është përgjegjësia maksimale për ta justifikuar besimin që shfaqi presidenca e verdhebluve ndaj meje.
- Riktheheni në kampionat, pasi keni luajtur gjatë një sezoni në kampionatin hungarez...
- Gjatë gjysmës së dytë të vitit 2005 kam qenë lojtar i Tata Banja të Hungarisë. Ky ekip sapo ishte ngjitur në kategorinë e më të mirëve të futbollit të këtij vendi dhe në mbyllje të vitit u rendit në mesin e tabelës. Me qenë i sinqertë, jo në të gjitha ndeshjet kam luajtur si titullar tek ky ekip hungarez, ku kushtet ishin të shkëlqyera për një futbollist profesionist. Disa dëmtime serioze më dënuan të qëndroj në stol për disa javë, gjë që më bëri të mos ndihem dhe aq mirë sa mendoja.
- Cilat janë objektivat tuaja tek Elbasani?
- Më kryesorja është që ndihem mirë, aq më tepër që kam zgjedhur një nga ekipet më të mira të kampionatit shqiptar. Të luash me Elbasanin, për cilindo futbollist është një privilegj, që nuk të afrohet shpesh. Pa dyshim që në arritjen e këtij suksesi do të përpiqem të jap kontributin tim maksimal. Kam pranur të luaj me një ekip me synime ambicioze, sepse edhe unë personalisht jam ambicioz. Në këtë sezon që do të luaj për ngjyrat e Elbasanit do të përpiqem të shpalos vlerat e mia më të mira si sulmues. I jam bashkuar Elbasanit në ditët e tija më të mira dhe nuk ka asnjë dyshim që rezultatet e verdhebluve do të jenë edhe më të mira në dy fazat e mbetura.
- Besoni se Elbasani do të jetë kampion?
- Plotësisht po. Këtë ekip nuk e ka të lehtë asnjëri prej rivalëve tanë ta mposhtë. Sivjet, trofetë nuk kanë për t'i marrë si dikur ekipet e kryeqytetit. Elbasani, nuk është për t'u habitur, që mund t'i fitojë të dyja.
- Të enjten ekipi fillon një mini fazë përgatitore në Ulqin. A do të udhëtoni më grupin apo...?
- Me ekipin jam bashkuar që mesditën e kësaj të mërkure dhe nuk kam për t'iu ndarë asnjë sekondë stërvitjes. Pa disiplinë dhe pa stërvitje sistematike nuk ka rezultate.
- Çfarë mesazhi keni për qytetin e Elbasanit?
- Së pari dua të falënderoj presidentin Laze për besimin që tregoi ndaj meje, së bashku me trajnerin Daja. Po kështu do t'u uroja elbasanasve një vit sa më të mbarë dhe me fitoren e titullit kampion.

Elbasani shtyn me 24 orë nisjen në Ulqin
Ekipi i Elbasanit nuk ka udhëtuar gjatë ditës së djeshme për në Ulqin të Malit të Zi, sikurse ishte paralajmëruar, por kjo është shtyrë për afro 24 orë. Shkak i ndryshimit të planeve të bëra më parë ka qenë mungesa e pasaportave të reja nga disa lojtarë. Madje, i papajisur me këtë dokument ka rezultuar edhe trajneri i portierëve Bujar Gogunja. Klubi verdheblu menjëherë ka marrë masat për t'u përgatitur i gjithë dokumentacioni i nevojshëm për të udhëtuar pa probleme jashtë shtetit të gjithë lojtarët dhe drejtuesit e Elbasanit. Nisja drejt Ulqinit, ku verdheblutë do të zhvillojnë një minifazë përgatitore, do të realizohet paraditen e sotme.

Abraham, mbërritja me një ditë vonesë
I fundit që do t'i bashkohet Elbasanit në qytetin malazez të Ulqinit do të jetë nigeriani Abraham, i cili kaloi pushimet e fundvitit pranë familjes së tij. Mesfushori i verdhebluve është i vetmi futbollist i huaj që luajti gjatë gjysmës së parë të kampionatit tek Elbasani. Ai u lejua të udhëtonte drejt vendlindjes nga presidenca, e cila i mbuloi edhe shpenzimet e udhëtimit vajtje ardhje si shpërblim për nivelin e mirë të lojërave të bëra nga ky futbollist.

Verdheblutë, stërvitje dy herë në ditë
Edhe dje, Elbasani ka zhvilluar dy seanca stërvitore, të cilat do të vijnë duke u intensifikuar gjatë periudhës përgatitore që do të zhvillohet në Ulqin. Njëra nga seancat e ditës së djeshme është zhvilluar në pallatin e sportit "Tomor Sinani", ndërsa tjetra në kompleksin sportiv "Shefqet Lamçe". Në këto seanca kanë qenë të pranishëm shumica e futbollistëve, ndërsa disa prej tyre janë lejuar të stërviten në mënyrë individuale me lejen e trajnerëve. Ata do të paraqiten mëngjesin e kësaj të enjte në ambientet e klubit pa përjashtim, për t'u nisur të gjithë drejt qytetit të Ulqinit.

Tefik Osmani mbetet në Maqedoni
Grumbulli i ekipit tonë kombëtar Shpresa, që ka filluar që dje në Tiranë, nuk ka qenë i plotë, pasi edhe Tefik Osmani nuk ka qenë i gatshëm për këtë grumbullim. Ai ka ngecur në Maqedoni. Vetë Osmani, siç dihet, ka përfunduar huazimin tek Elbasani dhe brenda këtyre ditëve duhet të kthehet në Ukrainë për të vijuar stërvitjet me ekipin që ka firmosur edhe kontratën. Por për të mbërritur deri në Ukrainë, korçarit i është dashur të udhëtojë deri në Maqedoni për të marrë edhe vizën për të kaluar në këtë shtet. Pas mbërritjes, procedurat e vonuara kanë bërë që futbollisti i kombëtares shqiptare të qëndrojë më shumë në këtë shtet të huaj.

[miko]

Mbrojtësi i kombëtares tregon divergjencat e tij me trajnerin e Elbasanit

Osmani: Nga Elbasani më largoi Ilir Daja

Vetëm pak ditë kanë kaluar nga viti 2006 të dhe futbollisti i ekipit tonë kombëtar, Tefik Osmani, ka zbuluar largimin e tij nga Elbasani, që zgjati jo më shumë se disa javë. Në formë huazimi, Osmani u kthye nga Metalurgu i Zaporozhjes për tek Elbasani, por edhe në këtë skuadër, për aq kohë sa qëndroi, nuk luajti sa
ishte parashikuar. Tashmë vetë Osmani ka deklaruar "divorcin" me verdheblutë, por para se të niset drejt Ukrainës, ekipit të tij, ka deklaruar arsyet e këtij largimi. Dje, për gazetën "Sporti shqiptar", Tefik Osmani do të deklaronte: "Më vjen keq që po e them tani, por nga Elbasani më ka larguar vetëm Ilir Daja. Kisha shumë dëshirë të qëndroja edhe në këto dy faza, por mosmarrëveshjet me këtë trajner më kanë detyruar t'i them lamtumirë ish ekipit tim. Nuk mund të them më tepër se kaq për vetë faktin se gjërat e tjera
janë personale, por të gjithë e dinë shumë mirë se unë nuk jam aktivizuar në shumë ndeshje dhe të gjitha këto kanë ndodhur për shkak të trajnerit Daja. Përsa i përket presidentit Laze dhe
sportdashësve elbasanas, kam respektin më të madh. Më vjen shumë keq që do të largohem në këtë mënyrë nga Elbasani, për shkak të një trajneri, që më së paku nuk ka ditur të komunikojë me mua. Kam punuar me shumë trajnerë dhe kam pasur respektin e tyre, madje më kanë dhënë atë që meritoja. Ilir Daja, me pak fjalë, nuk ishte i tillë. Madje, po e përsëris, vetëm ai më bëri që të largohem nga Elbasani. Më shumë se kaq nuk kam se çfarë të them."
Me pak fjalë, korçari Osmani nuk ka deklaruar më shumë se kaq në këtë fillimviti, teksa është duke menduar largimin e tij drejt Ukrainës dhe ky largim duket se është i sigurt, pasi vetë futbollisti ka një kontratë me këtë skuadër.


Ne foto:Tefik Osmani dhe Bledar Devolli, dy ish futbollistë verdheblu, të larguar këo ditë nga Elbasani për kontradikta

[miko]

Nr.1

Mesfushori gjirokastrit ndihet i zhgënjyer nga sjellja e teknikut, që, sipas tij, bënte lojë të dyfishtë

Devolli tregon "krisjen" me trajnerin Daja

Bledar Devolli pothuajse i ka dhënë lamtumirën ekipit të Elbasanit. Kontradiktat në muajin dhjetor me trajnerin Ilir Daja nuk janë mbyllur as në këtë vit të ri 2006 që sapo ka nisur, çka ka bërë që mesfushori gjirokastrit të mos udhëtonte me skuadrën e Elbasanit drejt Ulqinit për fazën përgatitore. Për "Sportin shqiptar", Devolli tregon "krisjen" e marrëdhënieve me trajnerin Daja, ku, sipas tij, mbeten enigmatike shkaqet mosaktivizimit si titullar. Pas një bisede që pati dje me presidentin Arben Laze, mesfushori i njohur i kampionatit shqiptar bën të ditur se është shumë e vështirë që situata të rregullohet si më parë.
- Devolli, pse nuk jeni nisur me ekipin e Elbasanit drejt Ulqinit për të zhvilluar fazën përgatitore?
- Ishte vendimi i trajnerit Ilir Daja, i cili e pa të arsyeshme të mos më grumbullonte me ekipin pas një bisede që patëm së bashku.
- Për çfarë bëhet fjalë konkretisht?
- Siç e keni parë edhe vetë, në ndeshjet e fazës së dytë, pjesën më të madhe kam qenë rezervë, ku kam luajtur fare pak në krahasim me atë që mendoja në fillim, kur mbërrita në këtë ekip. I ndodhur në këto kushte, i kam kërkuar trajnerit të di se çfarë nuk shkon si duhet në lidhje me këtë problem, ndërkohë që ai nga njëra anë shprehte besim maksimal, por mbrapa krahëve nxirrte pretekstin se s'kisha përgatitje fizike. Kjo situatë më bënte të mendoja se në këtë mes ka diçka tjetër që nuk shkon, pasi unë jam i ndërgjegjshëm për formën time dhe kjo ishte një arsye sa për të larë gojën. Për këtë i kërkova trajnerit Daja që të marrë kasetat filmike të ndeshjes dhe të shohë më mirë lëvizjet e mia në fushë, ose në rast të kundërt të më thoshte që nuk bëja pjesë në planet e tij. Është normale që çdo trajner ka preferencat e veta për lojtarët dhe në këtë pikë nuk kam asgjë kundër me të, por problemi qëndron se veten time e konsideroj të aftë për të qenë titullar në çdo skuadër të superligës. Mendoj se 9 kampionate që kam në karrierë, me skuadra si Luftëtari, Bylisi, Tomorri, Lushnja, Tirana, Vllaznia, janë të mjaftueshme për të qënë titullar edhe te Elbasani. Kjo duket se e acaroi trajnerin Daja, ku nga informacionet që kam, ka deklaruar brenda skuadrës se në ekip do të rrijë o ai, o unë.
- Po me trajnerin Arben Laze çfarë biseduat dje?
- Sa për presidentin Laze, kam respektin më të madh, pasi ai është treguar korrekt me mua në të gjitha drejtimet. Në bisedën e djeshme ai më garantoi se do të ndërhynte për të rregulluar marrëdhëniet e mia me trajnerin. Kam bindjen se një gjë e tillë nuk ka për të ndodhur kurrë, duke parë edhe fjalinë e fundit të Ilir Dajës, që do të largohej nga drejtimi i Elbasanit nëse unë rikthehem.
- Cilat do të jenë veprimet tuaja në ditët në vazhdim?
- Synimi im nuk është të largohem nga Elbasani pa fituar titullin kampion që ua kisha premtuar tifozëve të mrekullueshëm, por në radhë të parë dua garanci për aktivizimin tim si titullar. Në rast se një gjë e tillë nuk ndodh, me keqardhje do të largohem prej këtij ekipi, për të gjetur një tjetër skuadër, ku të më vlerësojnë më shumë për çfarë jap në fushën e lojës.




Nr.2

Ndeshja e luajtur dje në Ulqin ka përfunduar në favor të kuqebluve të trajnerit Dedja

Miqësorja, Vllaznia mund 2-1 Elbasanin

Një miqësore luksi ka qenë ajo që është zhvilluar dje në Mal të Zi mes Elbasanit, që kryeson superligën, dhe Vllaznisë së Shkodrës. Kjo e fundit, që ka fituar me rezultatin 2-1, me gola të kapitenit Sinani dhe Canit, ka luajtur me formacionin e saj më të mirë, ndërsa trajneri Ilir Daja ka pasur në dispozicion vetëm 12 futbollistë. Golin e nderit për verdheblutë e shënoi Bejzade nga pika e bardhë e penalltisë. Trajneri Hysen Dedja e nisi ndeshjen me Ndojën, Telin, Ndrekën, Radusinoviçin, Hotin, Ahin, Doçin, Leandron, Licin, Sinanin dhe Reinaldon, ndërsa Elbasani luajti me Kotorrin, Deden, Brahjen, Vrapin, Kuçin, Qorrin, E.Dalipin, Osjen, Tetovën, Bejzaden dhe Stojkun. Në stolin e Elbasanit ishte i gatshëm për të luajtur vetëm mesfushori Çapja, i cili luajti gjatë pjesës së dytë, ndërkohë që shumë lojtarë verdheblu, si K.Dalipi, Devoli dhe Nora, kanë qenë të dëmtuar, ndërsa afrikani Abraham nuk është bashkuar ende me skuadrën. Për Vllazninë kanë luajtur të gjithë lojtarët që kishte në dispozicion trajneri Dedja. Mund të theksohet se në fund të pjesës së parë, braziliani Reinaldo ia ka lënë vendin Canit, i cili shënoi dhe golin e dytë për kuqeblutë në minutën e 78-të. Në minutën e 30-të të pjesës së parë ishte Sinani që kaloi Vllazninë në epërsi, ndërkohë që goli i elbasanasve, me autor Bejzaden, u shënua në minutën e 80-të me 11-metërsh. Duhet thënë se kryesuesit e kampionatit goditën një herë shtyllën transversale, pas një goditjeje të Qorrit. Gjatë pjesës së dytë të ndeshjes, në formacionin e kuqebluve luajti disa minuta edhe shqiptaro-malazezi Junçaj, por ai nuk e bindi stafin teknik, i cili i bëri të ditur lojtarit në fjalë të kthehej andej nga kishte ardhur. Një fakt tjetër që duhet përmendur, është ai që ka të bëjë me sulmuesin Erion Rizvanolli, i cili është dëmtuar që në seancën e parë stërvitore me ekipin e tij të ri.
Të dy trajnerët kanë mbetur të kënaqur në radhë të parë me kushtet që kanë gjetur në tokën malazeze. Ndërsa trajneri Hysen Dedja është shprehur më entuziast, më shumë për gjendjen e lojtarëve të tij se për fitoren me Elbasanin. Ai ka veçuar paraqitjen e mirë të Licit, i cili ka firmosur pak ditë më parë për kuqeblutë, por edhe ngritjen e nivelit të lojës së lojtarëve të rinj.



Marre nga www.sportishqiptar.com.al

[miko]

O cuna do desha te diskutonin pak mbi managmentin e ekipit.Jeni te ftuar te jepni mendimet e sygjerimet tuaja mbi gjithe ate qe quhet imazhi i ekipit.
Per mendimin tim ai butiku i Benit tek turimzi me duket shume i goditur per arsye se ndodhet ne qender te qytetit e eshte ne nje kompleks tregtar te mirfillte.Por do deshiroja te krijohej dhe nje tjeter me specifik e vetem me materiale te ekipit ne ambientet e stadiumit.
Persa i perket materialeve me keqardhje me duhet ta pranoj se nuk jane dhe te ndonje cilesie te mire.Prsh mezi gjeta nje bluze te ekipit ne madhesine M edhe perseri me ishte shume e gjere e shume gjate.Plus qe per madhesi me te vogla nuk kishte.Dhe kam frike qe "Lotto" nuk ka bere punim cilesor,si shkel e shko me duket mua.
Plus qe material per te vegjlit nuk ka.Jam munduar te gjej nja dy fanella per femije dhe skam gjetur.As ndonje flamur te madh nuk ka patur,e as ndonje poster te ekipit.Pra ka qene pak si "varfer" nga ky aspekt organizimi i ekipit,pa harruar faktin qe akoma nuk kemi nje site zyrtar te punuar bukur e te prganizuar mire sic ka prsh Vllaznia,Tirana,Partizani,Besa.
Shpresoj qe gjerat te kene ndryshuar sadopak e te rregullojme ca gjera te vogla qe per mendimin tim luajne nje rol shume pozitiv ne imazhin e ekipit si brenda e jashte.Prsh ti pershtatemi paksa modelit te ekipamentit se Tiranes,Vllaznise edhe e Dinamos me pelqen (si fanelle e kam fjalen).

U mundova te sjell foto te ekipamenteve por fatkqesisht nuk gjeta.

[miko]

Presidenti verdheblu i quan shpifje fjalët e Osmanit dhe Devollit, ndërkohë që mbështet trajnerin Daja

Presidenti i Elbasanit, Arben Laze, ka mbetur i habitur nga qëndrimet e dy futbollistëve që nuk po stërviten me verdheblutë në Ulqin, Osmani dhe Devolli. Presidenti Laze, ashtu sikurse edhe trajneri Ilir Daja, u befasua nga ajo çfarë kishin thënë Tefik Osmani dhe Bledar Devolli në lidhje me marrëdhëniet e tyre me trajnerin. "Përpara se këta lojtarë t'i bënin të njohura në shtyp qëndrimet e tyre, duhet të kishin diskutuar zyrtarisht me presidencën apo me trajnerin Daja. Të dy këta lojtarë e kanë tepruar me deklaratat dhe akuzat në adresë të trajnerit. Ata janë vlerësuar nga klubi ynë për kontributin e dhënë, por nuk mund t'i lejojmë të hedhin baltë mbi dinjitetin tonë. Tek Elbasani, kushdo duhet ta ketë kuptuar dhe duhet ta dijë qartë se ligjin nuk mund ta bëjë një futbollist apo një grup futbollistësh. Trajneri Ilir Daja gëzon mbështetje të fuqishme nga ana jonë dhe ndonjë futbollist të përkëdhelur të mos e gënjejë mendja se mund të sakrifikojmë për hir të tij, qoftë edhe kur ai ka dhënë maksimumin. Me këtë dua t'i bëj të ditur çdo lojtari tonë se me investimet tona nuk mund të abuzojë askush. Me dy lojtarët që kanë akuzuar padrejtësisht trajnerin Daja do të zhvilloj një takim dhe do t'u kërkoj arsyet e vërteta pse vepruan kështu, duke pritur këtë kohë për të sulmuar trajnerin Daja," - deklaroi Laze për "Sportin shqiptar". Ai sqaroi më pas se Osmani dhe Devolli kanë kontratë me Elbasanin dhe nuk do të lejohen të largohen. "Ata janë futbollistë të Elbasanit me kontratë të rregullt. Ne u kemi paguar atyre të gjitha detyrimet kontraktuale dhe nuk mund t'i lejojmë të kalojnë në ekipe të tjera, që kurrë nuk mund të jenë më të mira se Elbasani. Pa kërkuar falje për shpifjet dhe akuzat e sajuara për interesa që kuptohet se kujt i shërbejnë, Devolli dhe Osmani nuk do ta marrin lejen e kalimit. Rregullat në klubin tonë janë njësoj për të gjithë," - tha në fund presidenti Laze, sipas së cilit akuzat e dy lojtarëve janë vetëm sajesa.



Marre nga www.sportishqiptar.com.al

[miko]

Sipas trajnerit të verdhebluve, skuadrës së tij i nevojitet një organizator dhe një mesfushor i djathtë

Daja kërkon dy përforcime për Elbasanin

Shumëkush mund të thotë se ekipi i Elbasanit nuk ka nevojë për futbollistë të tjerë, por trajneri Ilir Daja mendon të kundërtën. "E di që tani është shumë e vështirë të gjenden lojtarë cilësorë në qarkullim, qoftë edhe jashtë vendit, por Elbasanit i duhen edhe dy mesfushorë për të qenë më i kompletuar për pjesën e mbetur të kampionatit. Një prej këtyre mesfushorëve duhet të luajë rolin e organizatorit, ndërsa tjetri në rolin e mesfushorit të djathtë. Nëse vërtet duhet të mos kemi probleme gjatë pjesës së dytë të kampionatit, duhen bërë sa më parë këto dy përforcime. Në të kundërt, nuk është se ne do të dorëzohemi, por dua që të bëjmë më të mirën. Tek Elbasani ka shumë lojtarë që shumë shpejt mund të adoptohen në role të ndryshme," shprehet mes të tjerash trajneri Ilir Daja, i cili është përkushtuar maksimalisht në minifazën përgatitore të Ulqinit. Vërtet që ai nuk ka ndonjë eksperiencë të madhe në drejtimin e ekipeve të kampionatit tonë, por trajneri Daja është shumë serioz në punën e tij. Gjithmonë ai kërkon disiplinë dhe zbatim rigoroz të programit që aplikon nga të gjithë lojtarët. "Jemi këtu në Ulqin, pasi kushtet e stërvitjes janë disi më të mira se në vendin tonë. Përveç kësaj, lojtarët janë grup dhe harmonizohen më shumë me njëri tjetrin. Jemi munduar ta shfrytëzojmë maksimalisht kohën që kemi në dispozicion. Djemtë janë të angazhuar, por problemi kryesor për ne mbeten dëmtimet e shumta. Janë 4 lojtarë me probleme dhe nuk e di a do t'i kem të gatshëm për ndeshjen e parë të fazës së tretë. Edhe në ndeshjen miqësore me Vllazninë kam bërë vetëm një zëvendësim, pasi nuk kisha në dispozicion lojtarë të tjerë. Ajo ishte vetëm një miqësore, imagjinoni sikur të jetë kështu në ndeshjet zyrtare. Për këtë arsye, kam kërkuar dy përforcimet në mesfushë, pasi barra kryesore u bie këtyre lojtarëve. Kur kalon mesi i pjesës së dytë të ndeshjes, dy mesfushorë duhen zëvendësuar, por unë nuk kam alternativa, gjithmonë nëse nuk ka ndonjë dëmtim të papritur. Rolin e organizatorit në ekip e kanë bërë disa, por kjo nuk mund të zgjasë edhe shumë kohë. Jemi kryesues dhe i kemi shpallur vetes si qëllim të dalim kampionë këtë vit, prandaj nuk ka kthim prapa për ne. Jemi të destinuar të sakrifikojmë të gjithë, që nga presidenti, trajnerët dhe lojtarët, pasi tifozët nuk do të na lejojnë këtë sezon të mos e marrim titullin," ka shtuar më tej trajneri Daja. Ndërkohë, për sa i përket ndeshjes së parë me Besën, që do të luhet në "Ruzhdi Bizhuta", trajneri i Elbasanit, ka thënë: "Ekipi kavajas është shumë i fortë këtë vit. Për fat të mirë, kam pasur rastin ta ndjek nga afër atë edhe këtu në Ulqin. Di që Besës i janë shtuar edhe disa lojtarë të tjerë, pra është freskuar. Kavajasit janë përgatitur dhe po përgatiten seriozisht, ndaj nuk do ta kemi të lehtë në ndeshjen e parë. Por ne jemi të destinuar të fitojmë dhe do të luajmë gjithmonë për tri pikët, aq më tepër që luajmë në shtëpinë tonë dhe publiku është i etur për të parë një fitore të bukur pas kaq kohësh."


Kovaçi: Të pamundurën për kërkesat e trajnerit
"Jemi duke i parë të gjitha mundësitë për t'ia realizuar kërkesat e trajnerit Daja. Po kontaktojmë përditë me menaxherë të ndryshëm. Bashkë me menaxherin e ekipit, Ferdinand Lleshi, po shohim shumë në tregun malazez dhe atë maqedonas, pa harruar asnjëherë tregun shqiptar," është shprehur Artin Kovaci, drejtori teknik i Elbasanit, i cili ka vizituar klubin e tij në Ulqin dhe është njohur nga afër me problemet e tij. Kovaçi i ka transmetuar presidentit Laze kërkesat e trajnerit Daja dhe sponsori i ekipit i ka dhënë "ok"-in menaxherit të bëjë të pamundurën.

Vjen një malazez, pritet një tjetër
Ka mbërritur dje në kampin verdheblu një prej malazezëve të premtuar nga presidenca e Elbasanit. Igor Dragisheviç, 28 vjeç, është përforcimi i radhës për skuadrën që kryeson kampionatin shqiptar. Ai është aktivizuar në kampionatin grek dhe në atë ukrainas. Në bisedën me menaxherin e tij, kuptohet që Dragisheviçi është një lojtar me cilësi të mira teknike, që përshtatet mirë në çdo cep të mesfushës. Megjithatë, trajneri Daja kërkon ta shohë me sytë e tij në fushën e lojës lojtarin në fjalë, për të mos u nxituar në vendimet e tij. Trajneri i Elbasanit ka deklaruar se kërkon një organizator, por atë e kërkon të jetë i një niveli më të të mirë se i futbollistëve aktualë në ekip. Sipas burimeve pranë klubit verdheblu, sot në Ulqin pritet të vijë edhe një futbollist tjetër. Nuk është bërë i ditur emri i tij, por mësohet se ai militon në kampionatin malazez. Por mësohet se mund të vijë edhe një kroat. Futbollistët që pritet të vijnë, do të testohen mirë nga trajneri Daja dhe të mërkurën, në ndeshjen miqësore që do të zhvillohet me Besën, ai do të vendosë për ta. Të paktën kështu janë planet.

Dimraj, program special për të dëmtuarit
Të bën shumë përshtypje kur sheh përgatitësin atletik të Elbasanit, Rauf Dimraj, i cili pavarësisht moshës, kryeson grupin e lojtarëve të dëmtuar në vrapimet që zgjasin më shumë se 5 km. Nora, Çapja, Rizvanolli dhe ndonjë tjetër, dëgjojnë më vëmendje profesor Raufin, i cili është mjaft i përkushtuar në punën e tij, duke u thënë që vetëm me punë mund ta kalojnë dëmtimin. Një tjetër i dëmtuar, Eriol Merxha, ka mbajtur shënim programin që duhet të ndjekë dhe është kthyer në Elbasan.

Nora, pas dy javësh në 100 % të formës
Nuk është vetëm dëshira e tij për të treguar se ndihet mirë, por edhe trajnerët e Elbasanit pohojnë se Arlind Nora po e kalon dëmtimin, madje përgatitësi atletik shkon deri aty sa thotë se ai mund të jetë i gatshëm në stol për ndeshjen e parë. "Të shohim si do të shkojë kjo javë. Mjeku më ka thënë se shumë shpejt do të jem në formën time optimale, ndoshta pas dy javësh. Të them të drejtën, më vjen pak inat që nuk po luaj, pasi kam shumë dëshirë që në fund të më përmendej emri njësoj në kontributin e titullit kampion, pasi jam i bindur se do ta fitojmë atë. Nuk mund të iki nga Elbasani pa e fituar një titull dhe shansi më i mirë është ky vit. Familjen e kam në Greqi dhe mund të gjej edhe një ekip atje, por pa marrë një titull në Shqipëri, nuk largohem. Besoj shumë se këtë titull do ta marr me Elbasanin," është shprehur sulmuesi gjirokastrit Arlind Nora, i cili këtë sezon ka qenë i pafat, pasi është dëmtuar dy herë.

Verdheblutë, fakultative stërvitja e paradites
Stërvitja e djeshme e verdhebluve është lënë fakultative, por është vënë re që pothuaj të gjithë futbollistët kanë bërë vrap dhe disa prej tyre kanë bërë ushtrime edhe në sallën e forcës. Ndërsa stërvitja e pasdites ka nisur më herët dhe ka zgjatur pak më shumë se zakonisht. Trajneri Ilir Daja shpesh punon në dy grupe, duke aplikuar edhe lojëra të ndryshme.

Abrahami mbërrin, por jo me grupin
Mbrojtësi nigerian Abraham është kthyer para dy ditësh nga vendlindja e tij, por ai deri dje nuk është stërvitur me grupin. Nuk dihet nëse ai do të vijë sot në Ulqin, apo do të bëjë stërvitje individuale në Elbasan. Trajnerët kanë qenë të shqetësuar, pasi nuk e dinë formën e afrikanit, i cili tashmë është nga futbollistët stabël në formacionin verdheblu.



Marre nga www.sportishqiptar.com.al

[miko]

Mbrojtësi tiranas i Elbasanit, Endri Vrapi, beson se ekipi do t'i kalojë me sukses kavajasit

Vrapi: Ta nisim mbarë që me Besën

Ndeshja e parë për vitin 2006 po afron për Elbasanin, që do të presë në "Ruzhdi Bizhuta" ekipin e Besës, një ekip me mjaft ambicie në këtë sezon. Kryesuesit e kampionatit nuk janë nën presion për vendin e parë, duke dashur t'i marrin ndeshjet një e nga një, pa parë shumë se çfarë ndodh në kampet rivale. I këtij mendimi është edhe mbrojtësi i verdhebluve, tiranasi Endri Vrapi, që tashmë është një kandidat i fortë për të zënë një vend në ekipin kombëtar. "Me Besën duhet ta nisim mbarë, çka nënkuptoj që duhet të sforcohemi pak më tepër për të arritur fitoren. Eshtë ndeshja e parë për këtë vit dhe tifozët presin shumë nga ne. Ata janë të etur për një ndeshje futbolli, pasi u bënë më shumë se tri javë që është ndërprerë aktiviteti. Ekipi i Elbasanit është stërvitur seriozisht dhe nuk na falet të gabojmë," - shprehet Vrapi, i cili erdhi në fillim të sezonit te nënkampionët. Ashtu si të gjithë në kampin elbasanas, edhe Endri është optimist për objektivat që ka ekipi. Por ai është më modest se të tjerët, duke dashur të qëndrojë me këmbë në tokë. Ja çfarë thotë ai më poshtë: "Vërtet jemi të parët, por të mos harrojmë se janë disa ekipe që pretendojnë. Unë shpresoj te titulli, ashtu siç shpresojnë të gjithë në Elbasan, por duhet t'i marrin ndeshjet një e nga një dhe për asnjë moment të mos kalojmë në eufori, pasi rivalët tanë këtë do të shfrytëzonin. Në përgjithësi, falë edhe mentalitetit që ka futur trajneri ynë, ne pothuajse asnjëherë nuk jemi vetëkënaqur, edhe kur kemi luajtur me kundërshtarë më të dobët, apo kemi shënuar më shumë se dy gola. Ndoshta ka qenë ky fakt një nga pikat tona të forta, ku profesionalizmi fillon që nga punëtori i fushës dhe përfundon te presidenti i ekipit." Janë edhe tri ditë në prag të ndeshjes me Besën. Do të jetë ndeshja e fundit që do të mbyll javën e parë të fazës së tretë dhe në pamje të parë të duket sikur Elbasani do të jetë më komod, teksa do të shohë se çfarë do të ndodhë me rivalët të shtunën. Por Vrapi ka mendim të kundërt. "Të gjithë mendojnë se duke luajtur të dielën, ne jemi të favorizuar, pasi do të shohim çfarë do të ndodhë të shtunën me ekipet ndjekëse. Por unë mendoj se, në qoftë se rivalët tanë fitojnë, Elbasani do të jetë nën presion, sepse do të kërkojë të fitojë patjetër, ashtu siç kemi objektivin për çdo ndeshje. Megjithatë, e rëndësishme është ta nisim mbarë dhe të marrim tri pikë, komentet e tjera janë të tepërta. U them tifozëve të vazhdojnë të na përkrahin, sepse ata janë adrelina jonë. Për mua ata janë "oksigjeni". Kur shoh stadiumit plot, ndiej akoma më shumë detyrim për të dhënë edhe më shumë nga ç'mundem. Ndoshta dhurata jonë për tifozërinë verdheblu do të vijë në fund të sezonit. Shpresoj shumë në arritjen e objektivave, sepse Elbasani e meriton ta fitojë me të vërtetë një titull. Eshtë ekipi që ka afruar më shumë tifozë se të gjithë të tjerët dhe po luan prej dy vjetësh shumë mirë. Duhet edhe pak fat, por ne do të vzhdojmë të besojmë në forcat tona," - përfundon Endri Vrapi, mbrojtësi tiranas i Elbasanit, që luan përkrah Dedes në qendër të repartit të mbrojtjes.

Laze ndjek ndeshjen miqësore të Besës
Presidenti i Elbasanit, Arben Laze, pasi ka inspektuar të tijtë në Ulqin dhe është njohur me gjendjen e ekipit, dje ka përfituar nga rasti dhe ka ndjekur ndeshjen miqësore midis Vllaznisë dhe Besës. Siç dihet, Besa është rivali i Elbasanit këtë javë, prandaj Laze ka luajtur edhe rolin e "spiunit" në këtë ndeshje, në mënyrë që t'i tregojë diçka trajnerit Daja.

Verdheblutë, sot vetëm paraditja pushim
Të gjithë futbollistët e Elbasanit mbrëmë kanë qenë pranë familjeve të tyre, pasi kanë lënë Ulqinin dhe minifazën përgatitore. Sot paradite do të jenë pushim, ndërsa në orën 13:00 bëhet sërish grumbullimi në Elbasan. Rreth orës 14:00 trajneri Daja do të bëjë ndeshje kontrolli dhe do të shohë përfundimisht të tijtë para ndeshjes me Besën.

Elbasani, dëmtohet lehtë edhe Brahja
Listës së të dëmtuarve së ekipit të Elbasanit i është shtuar edhe Julian Brahja, i cili dje paradite nuk ka dalë në stërvitje dhe ka bërë pushim. Ai ka pasur një tërheqje të vogël në kofshë dhe mjeku i ka rekomanduar pushim, për të mos rrezikuar, sepse ndeshja është në prag dhe trajneri Daja nuk ka shumë alternativa për zëvendësim. Ndërkohë, Nora po rikuperohet dita-ditës, ndërsa Rizvanolli është i gatshëm plotësisht.



Marre nga www.sportishqiptar.com.al


Pfffff sa ters filloi ky vit me gjithe keto demtime e mungesa.Shpresojme te marrim 3 pikshin ndaj kavajsve,e ta nisim vitin me "kemben" e djathte


Gjithmone Verdh e Blu

[miko]

Sulmuesi i ri i verdhebluve, Erion Rizvanolli, rikthehet me synime në superligë

Rizvanolli: Golat, për një Elbasan kampion

Ka debutuar me tepër sukses në radhët e ekipit të Elbasanit, ish-sulmuesi i Partizanit dhe i disa prej ekipeve tona të futbollit. Erion Rizvanolli i ka dhënë ekipit të Elbasanit tre pikët kundër Besës, për javën e 19-të të superligës. Ka qenë pikërisht Rizbanolli njeriu që i ka çliruar sportdashësit e Elbasanit me golin e shënuar në minutën e 69-të. Një gol që për vetë Rizvanollin vlen shumë për të ardhmen. Në një prononcim për "Sportin shqiptar", sulmuesi i njohur i verdhebluve, Erion Rizvanolli, shprehet se ndihet tepër i lumtur pas fitores me Besën. "Për mua është më e rëndësishme që morëm tre pikët dhe jemi sërish në krye të renditjes, por dua të falenderoj shokët e ekipit që më kanë mbështetur shumë dhe pa dyshim, trajnerin Ilir Daja që ka besim tek aftësitë e mia",- thotë sulmuesi i sapoardhur në radhët e kampionëve të dimrit, Erion Rizvanolli. Ndërkohë, numri 15 i verdhebluve shton se Elbasani është një ndër ekipet kryesore për fitimin e titullit dhe ka besim se skuadra e tij do ta përmbushë këtë mision. "Jo më kot nuk u mendova shumë, kur mu bë një ofertë nga verdheblutë, pasi Elbasani këtë sezon, ashtu si një vit më parë, ka synime tepër të mëdha. Skuadra duhet të shikojë përpara. Nuk është se dhamë maksimumin në takimin me Besën, por e rëndësishme është që morëm tre pikët. Do të fillojmë të mendojmë për takimin me Dinamon, pasi është një sfidë tepër e vështirë, por kam besim se skuadra do ta kalojë me tepër sukses",- thekson Rizvanolli, i cili jep mendimin e tij edhe për ekipin: "Skuadra ka një grup futbollistësh tepër cilësorë që bëjnë diferencën. Elbasani është një skuadër tepër e kompletuar dhe për më tepër, dua të shtoj se grupi që ka është për t'u admiruar. Jam ambientuar shumë shpejt dhe sigurisht që si ndeshje e parë me këtë fanelë, unë ndjeja një përgjegjësi dhe emocion tepër të madh. Për sa i përket golit, kam bërë thjesht detyrën. Jam i gëzuar që shënova, pasi debutova me gol dhe ekipi im mori tre pikët, por kjo është meritë e grupit, sepse kanë qenë pikërisht kolegët dhe skuadra, ata që kanë shfaqur grintë dhe një dëshirë për ta fituar ndeshjen. Tek Elbasani kam shumë për të dhënë. Kemi dhe dy faza përpara që janë vendimtare për objektivat e ekipit tonë dhe unë do të mundohem që në çdo ndeshje të jap më të mirën. Shpresoj që ardhja ime të jetë sa më pozitive, por në radhë të parë dua të falenderoj ata tifozë të mrekullueshëm, të cilët më kanë inkurajuar aq shumë pas golit të shënuar dhe pa harruar presidentin Arben Laze, ai, i cili më ka dhënë besimin e plotë që unë të jem sot pjesë e kësaj skuadre". Në fund të prononcimit të tij, sulmuesi i Elbasanit, Erion Rizvanolli, shprehet: "Elbasani do të luftojë deri në fund, për të mbrojtur vendin e parë. Jam kthyer në kampionatin shqiptar, pikërisht me Elbasanin, sepse dua të fitoj titullin kampion. Elbasani është skuadër tepër e kompletuar dhe i ka të gjitha mundësitë, për t'u shpallur kampion."

Sot, stërvitja e parë anti-Dinamo
Vetëm një ditë pushim, e hëna, ndërsa sot verdheblutë do të rinisin stërvitjen nën drejtimin e trajnerit Ilir Daja, për javën anti-Dinamo. Pas fitores me Besën, skuadra e Elbasanit tashmë ka nisur të mendojë për takimin e radhës me Dinamon këtë fundjavë. Verdheblutë do të zhvillojnë stërvitjen e parë sot pasdite në kompleksin sportiv "Shefqet Lamçe", ndërsa pritet që me grupin të bashkohet edhe sulmuesi Klevis Dalipi, i cili ndodhet në Portugali.


Marre nga www.sportishqiptar.com.al




Koment

Flm Erion per golin e mrekullueshem.Faleminderit cuna per fitoren e djeshme dhe per emocionet qe na dhuroni cdo jave

Ju jeni gladiatore te vertete e kete gje e vertetoni cdo ndeshje.Pak rendesi ka nese dilni a jo kampione sivjet,sepse ju tashme jeni kampione ne zemrat tona.
Nje kampionati te tere i kane hyre ethet nga stuhia verdh e blu e kjo gje vec gezim na sjell.

Vazhdoni keshtu se do na keni gjithmone prane jush.

Para cuna

Forca Elbasani


Gjithmone Verdh e Blu (lol)