Labinoti - Elbasan

[miko]

Verdheblutë mundin minimalisht Besën, por në lojë nuk i kanë bindur plotësisht tifozët dhe trajnerin

Nevil Dede i jep fitoren Elbasanit

Elbasani Besa 1 0
Shënues: Dede 39' (11-m)

Elbasani: Kotorri, Brahja, Dede, Vrapi, Merxha, Osja, Devolli, Tetova (Abraham 68), Ishka (Çapja 54'), Bejzade, K.Dalipi (Nora '88). Trajner: I.Daja
Besa: Dura, Kraja, Sisoko, Timothe, Kacollja, Lila, Arapi, Babaj (Hysenaj 71'), Emanuel (Hamzai 48'), Fortunat, Veliaj (Karapici 66'). Trajner: I.Duro
Gjyqtarë: A.Janku (Tiranë), D.Salaj (Shkodër), A.Guçe (Lushnjë)
Karton i verdhë: Kacollja
Karton i kuq: Kacollja.

"Radiografia"
3' Ishka gjuan nga larg dhe pret i sigurt Dura.
6' K. Dalipi gjuan me kokë jashtë kuadratit të portës kavajase.
10'- Veliaj gjuan në befasi, por grushton Kotorri.
12'- Bejzade depërton me shpejtësi dhe shënon, por goli vlerësohet i pavlefshëm për pozicion jashtë loje.
20'- Klevis Dalipi ndërmerr një inkursion personal nga mesi i fushës, duke kaluar dy-tre futbollistë kundërshtarë. Pason bukur për Bejzaden, por ky i fundit vonon ca, duke ia hequr topin nga këmbët mbrojtësit kavajas, në momentin deciziv.
32'- Ishka kombinon me Bejzaden, i cili gjuan me kokë, por mbi traun e portës kavajase.
39'- Devolli kroson në zonë, ku K.Dalipi përpiqet të realizojë, por një mbrojtës e frenon në mënyrë të parregullt. Gjyqtari nuk heziton dhe jep 11 metërsh. Dede gjuan saktë dhe 1 0 për Elbasanin.
40'- Kundërsulm i Besës së Kavajës. Veliaj shkëputet bukur në thellësi të mbrojtjes verdheblu, pason saktë për Sisokon, i cili gjuan menjëherë fluturimthi, por pa shënjestrën e duhur. Topi i goditur me forcë prej tij kalon paksa mbi traun e portës së Kotorrit.
49'- Tetova vonon shumë në zonë, duke humbur një rast ideal shënimi.
55'- Bejzade tregohet individualist për një moment, ndërhyn një mbrojtës i Besës dhe shpëton porta mike.
59'- Bejzade bëhet protagonist i një aksioni të bukur të Elbasanit. Pasi rrëmben një top në mesfushë, ndërmerr një aksion individual, duke shkuar deri në thellësi të mbrojtjes së Besës. Por në momentin final del bashkë me topin jashtë vijës fundore. Elbasani humbet një rast të mirë për shënim.
66'- Kacollja e prek topin me dorë dhe merr kartonin e dytë të verdhë, duke marrë të kuqen.
68'- Bejzade shpërthen nga e djathta, pason te K.Dalipi, që nuk arrin të shënojë fare pranë portës mike.
77'- Bejzade këtë radhë tregohet bujar më shumë sesa duhej, duke e përcjellë topin te K.Dalipi, i cili në mënyrë të pabesueshme e ka dërguar jashtë.
78'- Bejzade gjuan fuqishëm, por mbi tra.
83'- K.Dalipi, i vetëm, gjuan jashtë.
85'- Sërish K.Dalipi gabon para portë së Besës.
90'- Karapici gjuan fort, por Kotorri i ndodhur në pozicion pret.

Komenti
Elbasani ka marrë tri pikë të vlefshme në ndeshjen e hapjes së kampionatit, por loja ka lënë shumë për të dëshiruar, duke pasur parasysh objektivat që ka kjo skuadër. Fitorja e verdhebluve nuk ka pasur shumë shkëlqim, por vendësit u janë gëzuar tri pikëve, pasi shpresojnë që në ditët e ardhshme të bëjnë ndryshime të shpejta për sa i takon mënyrës së lojës dhe ngritjes së saj në një nivel sa më të lartë. Të dy ekipet janë përpjekur të japin maksimumin në fushë. Elbasani ka mundur të fitore, sepse luajti më qartë dhe sulmoi më tepër gjatë gjithë ndeshjes. Megjithatë, u vunë re gabime që duhet të eliminohen sa më shpejt, për të mos rrezikuar në të ardhmen. Përpjekjet e Bejzades nuk sollën rezultatin e duhur, pasi ai nuk u mbështet siç duhej nga sulmuesi tjetër K.Dalipi, i cili nga fundi i ndeshjes ia la vendin Norës, që u mirëprit mjaft mirë kur u fut në fushë nga spektatorët. Vendësit fituan falë golit të Dedes me 11 metërsh. Në vazhdim, vendësit bënë shumë përpjekje, por pa sukses, pasi K.Dalipi nuk ishte në formën e tij të zakonshme, duke shpërdoruar mjaft nga rastet e krijuara. Nga ana e saj, Besa u mundua të përballonte euforinë verdheblu, por idetë e saj në sulm nuk ishin të qarta, duke mos krijuar shumë raste dhe shpesh duke u tërhequr pa qenë nevoja. Megjithatë, kavajasit bënë një rezistencë të mirë dhe ndoshta trajneri Agim Canaj, që javën tjetër do të jetë kreu i stolit të Besës, do ta dijë ta udhëheqë drejt fitores së parë, pasi kavajasit luajnë në fushën e tyre dhe aty do të luajnë më të lirshëm para publikut të vet. Besa javën tjetër pret Partizanin, një kundërshtar i fortë, por objektivi kavajas nuk të lë të gabosh dy herë. Ndërsa Elbasani ndeshjen e dytë do ta luajë në Tiranë përballë Dinamos, kundërshtar të cilin nuk arriti dot ta mposhtte sezonin e kaluar, si në Tiranë, ashtu edhe në Elbasan. Verdheblutë kanë 10 ditë kohë për t'u përgatitur, prandaj ata do të kërkojnë edhe një herë tjetër ta fitojnë ndeshjen.

Thanë pas ndeshjes:
Ilir Daja, trajner i Elbasanit: "Sigurisht që marrja e tri pikëve më kënaq, por që jemi të sinqertë, nuk ishim ashtu sikurse duhet. Ende vuajmë një ngarkesë të madhe fizike, të marrë në fazën përgatitore. Pastaj ndikoi edhe loja para publikut tonë të mrekullueshëm, që është me pretendime për rezultatet. Gjej rastin t'i falënderoj tifozët për mbështetjen, si dhe të pranojmë disa dobësi të aspektit tekniko taktik, që do t'i eliminojmë, në mënyrë që t'i interpretojmë ndeshjet e tjera me sukses. Ndërsa kundërshtari mendoj se dha maksimumin dhe do të jetë një ekip serioz në superligë."
Ilir Duro, trajner i Besës: "Ekipi ynë do të synojë të ecë sa më mirë në ndeshjet e tjera, pasi mundësitë janë të gjitha. Duhet ta kishim administruar më mirë lojën, por nuk e bëmë këtë. Megjithatë, nuk është fundi i botës, pasi Elbasani, me sa pashë unë, është një ekip që do të jetë pretendent sërish në këtë sezon. Shpresoj që ndeshja tjetër të jetë e suksesshme për ne."

Të veçanta:
- Të paktën 8 mijë vetë e kanë ndjekur në "Ruzhdi Bizhuta" ndeshjen Elbasani Besa.
- Dede, në ndeshjen e tij të 300-të, ka shënuar golin e vetëm dhe njëkohësisht të fitores për ekipin e tij.



Marre nga www.sportishqiptar.com.al

Urime cuna per fitoren qe na dhuruat.Urimet i takojne ne vecanti dhe sportdashsve elbasanas qe mbushin shkallet e stadiumit cdo jave si pak ekipe ne Shqiperi.

[miko]

Blutë lënë dy pikë të tjera rrugës, teksa barazojnë 0-0 me Elbasanin në stadiumin "Qemal Stafa"

Dinamo dhe Elbasani ndahen në paqe

Nuk është e thënë që ndërmjet Dinamos dhe Elbasanit të ketë një fitues, të paktën në 5 ndeshjet e zhvilluara së fundmi. Edhe dje, në stadiumin kombëtar "Qemal Stafa", blutë barazuan 0-0 ndaj një rivali direkt, dukë lënë rrugës edhe dy pikë të tjera, pas zhgënjimit në Lushnje. Përpara fillimit të takimit, futbollistët dinamovitë kishin premtuar se do të fitonin takimin, madje do të dhuronin edhe spektakël. Nëse e para nuk u arrit, e dyta kurrsesi nuk mund të quhet e mjaftueshme për një skuadër me shumë pretendime që ka në gjirin e saj 12 futbollistë të porsablerë. Trajneri Vasil Bici, ndryshe nga Bonaçiçi, preferoi ndaj elbasanasve të linte në stol Asllanin, Qorri dhe Milen, duke aktivizuar Eskuderon, Vinçetiçin dhe F.Xhafën. Nëse blutë luajtën me rreshtimin 4-4-2, trajneri Daja i Elbasanit preferoi një mesfushë të ngjeshur me 5 futbollistë, ndërkohë që në mbrojtje ishte i pakalueshëm kapiteni Nevil Dede. Pjesa e parë karakterizohet nga një luftë e ashpër sidomos në mesfushë, ku futbollistët e të dy ekipeve nuk lëshojnë pe, madje gabojnë shumë në pasime, çka sjell një çoroditje në fazën ofensive. Dinamo është më afër golit me anë të senegalezit Gudjabi, por sulmuesi kryesor i bluve është i pasaktë përpara portës. Nga ana tjetër, miqtë luajnë ngjeshur me topa të shkurtër dhe kërkojnë të vënë në vështirësi Likën me anë të kundërsulmeve të rrezikshme. Fraksioni i dytë i lojës i sheh vendësit të orientuar drejt sulmit, çka sjell që mbrojtja të linte disa hapësira, por që nuk shfrytëzohen si duhet nga Bejzade, Ishka dhe Nora. Më i miri në fushë për Dinamon, pa dyshim ishte peruani Huan Karlos Marinjo, i cili me veprimet e tij spektakolare nxirrte shokët të lirë, madje fitoi pjesën më të madhe të faulleve. 23-vjeçari pati një rast të pastër goli në pjesën e dytë, kur gjuajtja e tij me kokë u largua mrekullisht nga portieri Kotorri. Për sa i takon dyshes sulmuese Gudjabi-F.Xhafa, duhet thënë se asnjëherë nuk e goditën portën dhe nuk mundën ta tërhiqnin skuadrën përpara. Vetëm Marinjo me Ahmatajn dhe Eskuderon ishin fare pak që Dinamo të kalonte në avantazh. Të tre këta futbollist treguan një lojë racionale, por që nuk u mbështet sa duhet nga pjesa tjetër e skuadrës. Zëvendësimet e kryera nga trajneri Bici nuk i dhanë fitoren skuadrës, duke e stopuar në vend-numëro edhe në këtë javë të dytë të kampionatit. Në lidhje me lojën e elbasanasve, patjetër që meritojnë komplimente, sepse ditën t'i përballonin shumë mirë të gjitha situatat e vështira të krijuara, ndërkohë që rrezikuan ndjeshëm portën e Likës. Elbasani ia arriti qëllimit për të dalë nga fusha me një rezultat pozitiv, ndërkohë që nuk mund të thuhet e njëjta gjë për Dinamon, e cila ka pasur një kohë më të gjatë përgatitje se çdo skuadër tjetër. Duke filluar që nga ndeshja e ardhshme derbi, blutë duhet të korrigjojnë medoemos fazën sulmuese, sepse vetëm spektakli dhe driblimet dehëse të Marinjos nuk janë të mjaftueshme për t'u shpallur kampion.


Deklaruan pas ndeshjes
Vasil Bici, trajner i Dinamos:
"E dominuam krejtësisht lojën, por treguam dobësi në fazën e sulmit, ku nuk i shfrytëzuam ato raste që na u paraqitën. Në pjesën e parë e patëm të vështirë të dilnim në lojën tonë, ndërkohë që në të dytën kontrolluam të gjithë sektorët e fushës, por Elbasani u mbrojt me shumë forca. Sigurisht, nuk jemi të kënaqur me këtë barazim, por duhet ta pranojmë se 3 lojtarë nuk gëzojnë formë të mirë, ndërkohë që edhe të huajt kërkojnë kohë të ambientohen me skuadrën. Pavarësisht se lamë dy pikë të tjera rrugës, nuk duhet të dorëzohemi, sepse kampionati është i gjatë dhe skuadrat janë afër me njëra-tjetrën. Për sa u takon përshtypjeve të para për Marinjon, Eskuderon dhe Vinçetiçin, mund të them se janë futbollistë me kualitet që u duhen edhe pak ditë stërvitje për të treguar se çfarë janë në gjendje të bëjnë. Duke filluar që sot, duhet të mendojmë për derbin me Partizanin."

Ilir Daja, trajner i Elbasanit:
"Mendoj se barazimi ishte rezultati më i drejtë i këtij takimi. Dinamo na vuri në disa momente në vështirësi, kjo falë edhe volumit më të madh të lojës që kreu. Në këtë ndeshje vinim me dy mungesa kryesore, si ato të Dalipit dhe Norës, çka bëri që të natyralizoja Bejzaden si sulmues kryesor, kur dihet se ai është një fantazist. Jam i kënaqur me këtë barazim të marrë në trasfertë dhe njëkohësisht ndaj një rivali direkt për titullin kampion. Përgëzoj lojtarët për sedrën e shfaqur në fushë dhe gjithë tifozët që kishin ardhur për të na mbështetur.


Të veçanta
- Tifozeria elbasanase ishte e përafërt në numër me atë dinamovite në shkallët e stadiumit "Qemal Stafa".
- Në tribunën "VIP" u vu re mungesa e të dy presidentëve, Sulaj dhe Laze. Ndërkohë, nga tribuna e ndoqi ndeshjen ish-ministri i Rendit, Igli Toska.
- Ky ishte barazimi i pestë radhazi që blutë barazojnë në kampionat me ekipin e Elbasanit, kur kujtojmë se sezonin e kaluar tri ndeshje u mbyllën në shifrat 0-0, ndërkohë e fundit 1-1. Edhe këtë herë, nuk ishte e thënë që njëra prejt të dy skuadrave të fitonte ndeshjen, çka tregoi një rivalitet të ashpër.
- Goran Vinçetiç debutoi dje në radhët e Dinamos me numrin 4.


Marre nga www.sportishqiptar.com.al



Urime cunave per rezultatin pozitiv jashte,per me teper qe ky rezultat u realizua ndaj nje kundershtari serioz.Urime akoma dhe nje here tifozerise sone te zjarrte.Cuna jeni njesha


Gjithe te mirat

[miko]

Verdheblutë më në fund arrijnë të shënojnë shumë gola, ndërsa Skënderbeut i shterojnë fuqite

Elbasani i rrëmben kreun Partizanit

Elbasani ka fituar bindshëm ndaj Skënderbeut të dielën në stadiumin "Ruzhdi Bizhuta", duke qenë kryesues i vetëm i superligës në përfundim të javës së tretë. Nënkampionët e edicionit të kaluar dje kanë treguar me lojën e zhvilluar se mund të përsërisin suksesin e vitit të fundit. Verdheblutë e kanë paralajmëruar Skënderbeun për humbjen qysh në sekondat e para të ndeshjes, ku për pak sa nuk kanë shënuar me anë të Skerdi Bejzades. Dhe pa kaluar as dy minutat e para, Bejzade, pas një gjuajtjeje të fuqishme, e ka mposhtur portierin Mustafa, i cili është detyruar të nxjerrë kokulur topin nga rrjeta. Kalimi në avantazh i ka inkurajuar vendësit e mbështetur fuqishëm edhe nga sportdashësit e zjarrtë. Elbasanasit nuk kanë reshtur së sulmuari portën e Skënderbeut për minuta të tëra. Në gjysmën e pjesës së parë, Nora për pak sa nuk e ka dyfishuar rezultatin, por ka qenë i pafat, pasi topi i goditur prej tij është përplasur me shtyllën. Në fund të pjesës së parë, portieri Mustafa largohet me karton të kuq, pasi ka penguar Norën në hyrje të zonës, ndërsa trajneri Josa largon Veizin, duke futur në portën e mbetur bosh portierin rezervë Ametlli. Në pjesën e dytë vendësit përsëri janë zotër në fushë dhe e "bombardojnë" kuadratin e Skënderbeut minutë pas minute. Kur nuk kishin kaluar ende 10 minuta nga gjysëm loja e dytë, Bejzade, një nga më të mirët në fushë, i jep Norës shansin të shënojë, por ky vonon. Sulmuesi gjirokastrit bën autokritikë pak minuta më vonë, duke shënuar një gol të shkëlqyer. Po kështu, edhe Tetova ka treguar klasin e tij në minutën e 74-t, kur ka gjuajtur fuqishëm, duke trefishuar rezultatin. Pas këtij avantazhi, vendësit e ulin disi ritmin, ndërsa Bejzade bën të pamundurën që të shënojë, por ndërsa shërben për të gjithë lojtarët e tjerë, këta i shpërdorojnë rastet. Atëherë kur të gjithë besonin se ndeshja po mbyllej 3?0 për Elbasanin, Roxher ka përfituar nga hapja e mbrojtjes së verdhebluve, duke shënuar golin e nderit për Skënderbeun. Megjithëkëtë, fitorja e Elbasanit nuk është zbehur, duke i mbushur ata me optimizën se një tjetër si kjo do të arrihet edhe në trasfertën e radhës në Durrës.

Deklarojnë:
Ilir Daja, trajner i Elbasanit: "Jam i kënaqur jo vetëm për arritjen e rezultatit, por edhe për faktin se kemi arritur që brenda tri ditësh të përballojmë me sukses dy sfida të rëndësishme. Në ndeshjen e fundit ra në sy edhe forma e mirë fizike e verdhebluve dhe me këtë rast do t'i shprehja falënderimet e mia përgatitësit atletik Rauf Dimraj. Rezultati i sotëm ishte më se i merituar dhe u pa mjaft qartë që mbrojtja është konsoliduar, pa harruar përmirësimet në repartin e sulmit. Sigurisht që aktivizimi i Norës solli këtë rezultat, por edhe sot ekipi nuk dha më të mirën. Ne kemi hyrë me objektiv që të jemi kryesues të superligës, por që të ruajmë kryesimin duhet të bindim edhe me lojë. Për momentin do të gëzojmë fitoren dhe qysh këtë fillim javë duhet të mendojmë për ndeshjen në trasfertë me Teutën, në mënyrë që edhe në Durrës të marrim tripikëshin."
Mirel Josa, trajner i Skënderbeut: "Për mua nuk ka asnjë lloj justifikimi humbja me Elbasanin dhe një prej përgjegjësve kryesorë jam edhe unë. Kundërshtari ishte më lart sesa ne dhe mjaft i impenjuar gjatë gjithë ndeshjes. Nga mënyra se si luajti dhe se si e kërkoi golin, na çorientoi. Megjithatë, do të thoja se jemi në një situatë që mund të rregullohet vetëm nëse arrijmë të fitojmë ndeshjen e radhës. Ndaj Elbasanit nuk bëmë atë lojë që duhej, por kaq janë mundësitë e lojtarëve të Skënderbeut për momentin. Ne do t'i analizojmë gabimet dhe përgjegjësitë e secilit për humbjen e kësaj ndeshjeje, sepse futbolli nuk luhet vetëm me këmbë, por edhe me tru. Ky që luajtëm me Elbasanin ishte vetëm një futboll i lehtë. Futbollistët e Skënderbeut, që të bëhen profesionistë, duhet të shohin lojën që bën kapiteni i Elbasanit, Nevil Dede."

Të veçanta:
- Rreth 7 mijë spektatorë kanë qenë të pranishëm në stadiumin "Ruzhdi Bizhuta".
- Mesfushori kosovar Fisnik Gashi është aktivizuar për herë të parë në një ndeshje zyrtare të Elbasanit.


Marre nga www.sportishqiptar.com.al


Urime cunave per fitoren si dhe per kreun e renditjes.Hajde mare e mire ishallah loool.
Shpresoj ta deshirojne me shume kreun e renditjes se vjet,qe te angazhohen me seriozisht per sjelljen e rezultateve pozitive.I uroj ne vecanti ekipit,vazhdueshmeri te spektaklit qe i ofrojne sportdashesit elbasanlli,duke e shoqeruar ate me rezultate pozitive .
Urime akoma dhe nje here tifozerise tone te zjarrte,cila po verteteton cdo jave se si mund te ngrihet futbolli shqiptar ne kembet e veta,dhe se si mund ti sjellim perseri ne stadium spektatoret.


Gjithmone Verdh e blu

[niku-nyc]

Duket qe dhe ket sezon Elbasani do jet kandidat per titull...

[miko]

O Niku jemi vecse ne etapen e 3-te.eshte akoma heret te flasim per kandidate per titull ne nje kampionat si tonin,por gjithsesi me behet qefi per vleresimin tend.Po mundohemi te ndertojme nje ekip dinjitoz i cili do te ofroje spektakel dhe emocione sportdashesit elbasanlli,e jo vetem...
E rendesishme eshte te qendrojme me kembe ne toke,e te punojme shume per arritjen e objektivit.

[episodestory]

undefined

Edhe nje here djema si 20 vjet me pare !!!!!!!!!!!!!!!!!!!!!!!

undefined ckemi mir kshu elbasani jon si gjithmon kampion meqe ra llafi sra fare elbasani i fut carin te gjithve ja hap zgardaballen ajde shnet hi all elbasaniiiiiiiiiiiiiiiiiiiiiiiiiiiiiiii

[Davius]

KS/KF Elbasani is an Albanian football club, which plays in the city of Elbasan. The club plays at the Ruzhdi Bizhuta stadium (capacity 13.500).

[CERIKSI-CHICAGO]

forca elb them se do e fitojne kete vit kampionatin se eshte nje skuader e forte kur ne shpi nuk peson asnje humbje

[miko]

Nr.1

Trajneri i verdhebluve më në fund është kënaqur nga loja e ekipit të tij, por i druhet euforisë

Daja: Gara e vërtetë fillon me Vllazninë

Trajneri i Elbasanit, Ilir Daja, pa bujë dhe pa zhurmë po i jep ekipit të tij autoritetin e duhur të kryesuesit në superligë, duke i bërë xhelozë kolegët e tij, që prej vitesh drejtojnë ekipe të njohura. Por pavarësisht se Elbasani kryeson i vetëm pas 450 minutave lojë, Daja nuk ndihet euforik, madje ka theksuar se po përpiqet që kjo të mos e prekë kurrë ekipin që drejton, sepse do të ishte me pasoja fatale për verdheblutë. Me natyrën e tij tepër të qetë dhe mjaft të matur kur drejton ekipin, Ilir Daja ka fituar popullaritet në komunitetin mjaft të qytetëruar elbasanas dhe sidomos te sportdashësit. Edhe në ekip ai ka fituar respekt, sepse ka ditur ta ndërtojë punën mbi baza të shëndosha, duke qenë kërkues dhe i prerë për sa i përket zbatimit të një regjimi të rreptë sportiv. Pas fitores së thellë me Lushnjën në fushën e stadiumit "Ruzhdi Bizhuta", Daja ka marrë frymë disi i lehtësuar, por nuk nxitohet kur deklaron se gara e vërtetë fillon me Vllazninë. Ai e di më mirë se kushdo tjetër se të gjithë tani duan t'i marrin pikë Elbasanit. Por duke u ndalur te fitorja e fundit, trajneri i verdhebluve falënderon lojtarët për qëndrueshmërinë taktike që shfaqën në ndeshjen me Lushnjën, e cila është tregues i rritjes së këtij ekipi, krahasuar me javët e shkuara. "Edhe nga fitoret mund të nxjerrim mësime me vlera, ashtu si dhe nga humbjet. Asnjëherë kundërshtari, qoftë ky dhe më i dobëti, nuk mund të tolerohet, sepse në të kundërt arritja e rezultatit mund të bëhet mjaft e vështirë. Në pjesën e parë me myzeqarët kjo u evidentua si një nga dobësitë e verdhebluve që, në rast të shënimit nga kundërshtari, mund të na i ndërlikonte pozitat gjatë ndeshjes. Fatmirësisht, rezultati u arrit të thellohej gjatë pjesës së dytë dhe me atë lojë që u zhvillua nga fundi i saj kam mbetur i kënaqur. Sinqerisht jam ndier komod kur shihja se Elbasani po shkonte drejt fundit pa shfaqur lodhje fizike, por edhe mjaft i qartë në veprimet me topin. Bukuria e fitores u shtua më tepër me golat e shënuar nga dyshja e mesfushorëve Osja-Çapja. Golat e tyre të mrekullueshëm janë një shpresë për rizgjim të këtij reparti, që deri tani nuk ka funksionuar me rendimentin që dëshironim. Në mënyrë të veçantë doja të përgëzoja kapitenin Nevil Dede për shpirtin e garës. Të gjithë lojtarët duhet të marrin shembull nga ai. Por edhe grupi në përgjithësi tregoi vlera dhe pa dyshim merita është e të gjithëve në arritjen e sukseseve. Synimi ynë kryesor mbetet që të fitojmë çdo ndeshje dhe të mos hedhim asnjë hap fals në këtë kampionat, të mbushur me të papritura. Në ndeshjet e ardhshme do të doja të luanim si në 20 minutat e fundit me Lushnjën," - shprehet trajneri Daja. Ndërsa për kundërshtarin e radhës, Vllazninë, Daja thekson: "Vllaznia duhet respektuar për nivelin e lartë që ka treguar në disa ndeshje. Ky ekip luan futboll të bukur dhe rezultativ. Këtë fakt do ta mbajmë mirë parasysh, sepse nuk duam të rrezikojmë me duart tona. Për Elbasanin nuk ka të bëjë aspak fakti që kundërshtari ynë vjen pas një humbjeje të thellë në Shkodër. Përkundrazi, për këtë ndeshje do të përgatitemi seriozisht dhe do të synojmë të përsërisim suksesin që arritëm ndaj Lushnjës."

---------------------------------------------------------------------------------------------------

Nr.2

Egert Kuçi, sulmuesi që premton

Egert Kuçi është një nga futbollistët më të rinj në radhët e Elbasanit në këtë kampionat. Ai është veçse 20 vjeç dhe i është bashkuar Elbasanit që në edicionin e kaluar. Sulmuesi Kuçi është aktivizuar nga trajneri Daja në ndeshjen e kupës ndaj Turbinës dhe për 25 minuta të dielën ndaj Lushnjës. Ndërsa mesjavën e kaluar shënoi ndaj Turbinës, në javën e pestë të kampionatin Kuçi u bë protagonist i disa aksioneve mjaft të bukura. Me veprimet e tij të shkëlqyera, ky futbollist fitoi duartrokitjet e sportdashësve dhe specialistët e futbollit në Elbasan bënë vlerësime pozitive për të.

--------------------------------------------------------------------------------------------------


Marre nga www.sportishqiptar.com.al



Mesa duket fitorja e thelle ndaj nje Lushnje te pafuqishme,si dhe kreu i renditjes ka sjelle qetesi dhe "maturitet" ne kampin verdh e blu.Do te ishte mire qe kjo fryme qe ekziston ne ekip dhe deklaratat me tone te qeta,do te jene te pranishme dhe ne momentet e veshtira te ketij kampionati.Kampionati sapo ka filluar dhe eshte akoma shume heret te vete shpallemi Kampione...

Le te "godasim" cdo ndeshje me te njejtin pasion dhe te pregatitemi te luajme konstant 90 minuta top me cdo kundershtar.Vetem keshtu sillen rezultatet...

Gjithsesi kreu i renditjes sikur na merr pak mendte (nuk jemi mesuar me emocione te tilla loool) prandaj dhe djemte duhet te qendrojne me kembet ne toke e te luajne top,e duke na dhuruar cdo jave spektaklin per te cilin kemi nevoje cdo fundjave,e duke hedhur ne fushen e blerte gjithe energjite per ate sportdashes elbasanas i cili nuk i ka respektuar e adhuruar kaq shume...


Gjthmone Verdh e Blu

[BlueBaron]

... Bravo Elbasoni, ka ekip simpatik dhe trajner "Made in SK Tirona". Gjithanej ku shkojm kena klas dhe finese. Ndjehet dora Lir Dajes ...