Kuvendi i Shqipërisë miraton rezolutën për pavarësi të plotë për Kosovën

[Albo]

Parlamenti shqiptar miraton projekt-rezoluten per Kosoven: Pavaresi te plote pa kushte

TIRANE (11 Nentor) -Kuvendi i Shqiperise ka miratuar sot ne parim projekt-rezoluten per Kosoven, ku kerkohet qe nga bisedimet per statusin qe do te fillojne kete muaj, te percaktohet pavaresia e saj. Rezoluta eshte hartuar ne Komisionin e Jashtem dhe eshte produkt i bashkepunimit mes anetareve te pozites dhe opozites ne kete komision. Fillimisht ka pasur dy tekste per projektrezoluten, por me pas u arrit konsesusi dhe ne kuvend eshte paraqitur nje tekst i vetem i cili u miratua ne parim nga deputetet e te gjitha paleve politike.

Votimi u parapri nga disa diskutime lidhur me pika te caktuara te rezolutes apo renditjen e pjeseve te saj ku deputete te ndryshem kerkuan ndryshime. Pas votimit pro ne parim, teksti i rezolutes do te paraqitet ne Kuvend te henen per te marre miratimin ne formen e tij perfundimtare. Ne projektrezolute kerkohet pavaresi per Kosoven, respektim i kufijve dhe respektim i te drejtave te minoriteteve dhe bashkejeteses.em/em(NEWS24/Balkanweb)

[Albo]

Kosova, Pavarësia e plotë bashkon PS me PD

PD tërhiqet nga qëndrimi i Mustafajt


Rozeta Rapushi

Kuvendi miratoi me konsensus një rezolutë të vetme për Kosovën. Pas rreth një muaj debatesh për qëndrimin që duhet të ketë parlamenti Shqiptar për situatën në Kosovë, deputetët votuan pro një rezolute e cila flet për pavarësi të plotë dhe një Kosovë demokratike e të pavarur. Konsensusi mes palëve erdhi, pasi nga teksti i saj u hoqën termat e manifestuara nga ministri i Jashtëm, Besnik Mustafaj, për “Pavarësi të Kushtëzuar”. “Ne jemi për një pavarësi të plotë dhe rezoluta e shpreh këtë në çdo rresht të saj”, - tha Kryetari i Komisionit parlamentar për politikat e jashtme, Preç Zogaj. Të këtij mendimi ishin dhe deputetët socialistë, të cilët këmbëngulën në përpunimin e dy rezolutave dhe shkrirjen e tyre në një të vetme, ku të flitej për një Kosovë të pavarur.

Përmbajtja
Në materialin e dorëzuar në Kuvend, del qartë se Shqipëria mbështet pavarësinë e Kosovës. Për këtë koncept votuan dje pro të gjithë deputetët e kuvendit, duke i dhënë zgjidhje më në fund debatit të stërzgjatur për situatën në Kosovë. “Shpreson se nga procesi i bisedimeve do të arrijë të dalë në afate të shkurtra një rezultat i qëndrueshëm dhe që reflekton dëshirat e qytetarëve për një Kosovë të pavarur, demokratike, evropiane, për të ndërtuar të ardhmen e tyre në paqe, harmoni ndëretnike dhe zhvillim ekonomik dhe social”, thuhet në rezolutën e përcjellë dje kuvendit nga Komisioni i Jashtëm. Po kështu, në të theksohet se kuvendi mbështet qëndrimet dhe rolin moderues të qeverisë shqiptare duke inkurajuar atë në vazhdimin dhe thellimin e dialogut me qeverinë e Prishtinës, si dhe e sheh procesin e përcaktimit të statusit final të Kosovës në përputhje me aspiratat për një shoqëri të hapur demokratike.

Rishikimi
Me gjithë konsensusin e deklaruar, kundërshtarët politikë gjetën sërish arsye për të debatuar. Këtë herë, shkaku nuk ishte përmbajtja e rezolutës që duhet të përcillte mbështetjen për pavarësinë e Kosovës, por rregullimi i disa termave teknikë për të forcuar rolin e Shqipërisë në këtë proces. “Para se të miratohet në tërësi, rezoluta ka nevojë për disa rregullime. Fjala “shpreson fuqishëm”, duhet të kthehet në “beson”, në mënyrë që të bëhet më i qartë pozicioni i parlamentit shqiptar për një shtet të pavarur demokratik dhe evropian të Kosovës”, - tha kryetari i grupit të PS-së, Pandeli Majko. Por për demokratët, qëllimi dhe mesazhi i rezolutës është i qartë, megjithatë, edhe ata ishin për rishikimin e fundit të saj.

Zvarritja
Për një muaj rresht, PD-PS debatuan për përmbajtjen e rezolutës. Shkaku i debateve ishin deklaratat e vazhdueshme të ministrit të Jashtëm, Besnik Mustafaj i cili shprehte termin një pavarësi të kushtëzuar për Kosovën. Duke u kapur pas këtyre qëndrimeve që binin ndesh me ato të Presidentit Moisiu, kryeministrit Berisha apo kryetares së Kuvendit Topalli, socialistët nuk pranonin që në rezolutën që do i përcillej Kuvendit, të përfshihej ky koncept. Për këtë arsye, komisionit ju desh një muaj që të dilte me një projekt të vetëm.

1.Partia Socialiste ishte e para që mori nismën për të hartuar një rezolutë për situatën në Kosovë, veçanërisht pas hapjes së diskutimeve për statusin e saj.
2.Menjëherë pas nismës së socialistëve, Partia Demokratike dorëzoi në Komisionin e Jashtëm një rezolutë të dytë po për të
njëjtën çështje.
3.Gjatë diskutimit në komision, socialistët nuk pranonin që merret në konsideratë materiali i dorëzuar nga mazhoranca. Sipas Arta Dades dhe ish- ministrit Islami, aty flitej për “Pavarësi të Kushtëzuar”.
4.Debati u ndez kur në komision mori pjesë ministri i Jashtëm, Besnik Mustafaj, i cili vërtetoi se nuk
tërhiqej nga “Pavarësi e Kushtëzuar”.
5. Termin e ministrit, demokratët e përfshinë në rezolutën e tyre si : “Kushtet janë respektimi i minoritetit serb, zbutja dhe mos ndryshimi i kufijve, dhe një pavarësi që përcillet nga prania e ndërkombëtarëve.
6. Para disa ditësh, Komisioni i Jashtëm vendosi shkrirjen e dy rezolutave në një të vetme. Në të u përcaktua qartë, se Kuvendi është për një Kosovë të pavarur dhe demokratike.

[Llapi]

Kjo edhe ishte ajo qfar duhet te bente Parlamenti Shqiptar dhe partit politike me ne fund dolen unik sa i perket Kosoves.