Vrau gruan: Ishte dorëlëshuar me fëmijët

[Davius]

Mihal Miho ka treguar para hetuesve sherrin që e çoi në ekzekutimin e bashkëshortes së vet

Vrau gruan: Ishte dorëlëshuar me fëmijët

Thoma Nika

SARANDË

Një ditë pas vrasjes së bashkëshortes së vet, Mihal Miho, është shprehur shumë i penduar për atë që kishte bërë. Sipas prokurorisë e cila po merret me hetimin e çështjes, 49-vjeçari Miho e ka pranuar krimin, por ka shtuar se drejt tij e ka shtyrë gjendja e rënduar dhe e turbullt psikologjike gjatë zhvillimit të debatit me bashkëshorten e vet Elefteria. Ai ka thënë se asnjë motiv tjetër nuk qëndron në themel të vrasjes, përveç sjelljes jashtëzakonisht të butë që gruaja e tij mbante ndaj fëmijëve.

“Nuk më mbante vesh në këshillat që i jepja për të mos qenë e lëshuar me fëmijët,-ka thënë ai, duke shpjeguar se atij i duhej të punonte në lloj-llloj specialitetesh, që nga axhustator, xhenerik, hidraulik etj dhe nuk kishte kohë të merrej me ta. Përveç vajzës së martuar, që punon e jeton në ishullin e Korfuzit, ai është prind edhe i një vajze tjetër e i një djali, në moshën e adoleshencës. “ Debati ynë i vetëm ka qenë që fëmijët të mos e prishnin lekun pa hesap”,-ka treguar Miho para hetuesve.

Përgjegjëse për prishjen e parave “pa arsye” nga fëmijët e tij adoleshentë, 49-vjeçari ka bërë bashkëshorten e vet, e cila, sipas tij, u plotësonte çdo dëshirë, sado e tejkaluar që të ishte, për t’u dhënë lekë xhepi.
Kundërshtitë e shfaqura në këtë pikë mes prindërve kanë bërë që vajza e dytë ta lerë kohë më parë Sarandën e të shkojë në Patra të Greqisë, tek gjyshërit nga ana e babait. Mihali njihej në Sarandë si njeri punëtor e usta i zoti, që një pjesë të shtëpisë e kishte kthyer në ofiçinë makinash e motorash. Kishte shumë kërkesa dhe shumë ngarkesë. I dhënë i tëri pas punës, ai nuk kishte kohë të merrej “edhe me fëmijët, veçse shikoja që ime shoqe ishte më shumë nga ç’duhej dorëlëshuar e liberale me ta, gjë që nuk mund ta toleroja”,-ka shtuar ai.

Këto janë vetëm shpjegimet e para që Miho ka mundur të japë në kushtet e tronditjes dhe të pendesës së thellë që po përjeton në qelinë e paraburgimit në komisariatin e Sarandës. Ndoshta gjendja e rënduar depressive që është duke kaluar, ka qenë pengesë që të merrej masa e sigurisë, e pritshme për t’u bërë ditën e djeshme, ndaj tij. Dosja është duke u plotësuar edhe me deponime të tjera të të akuzuarit për veprën e vrasjes me paramendim
Ndërkohë edhe njerëzit e tjerë të familjes, jashtë qelisë, përjetojnë gjithashtu një situatë të rënduar psikologjike, përvec dhimbjes për humbjen e nënës nga ana e fëmijëve dhe të vajzës nga ana e nënës së viktimës. Vajza e madhe e shtëpisë, me banim në Korfuz ka dashur të marrë edhe gjyshen atje për të bashkëjetuar në familjen e saj.

_________________

Care behet keshtu more Zot, nuk jemi bere jo per te qesh bota me ne, por per te qajte per ne

[green]

Ndoshta iu duk sikur do ngjallej perseri ajo.
Dihet qe nena merret me shume me femijet dhe ka shume me shume butesi me ta.

p.s. nga cila gazete eshte marre ky lajm davius? Dhe si e ka vrare (ne c'menyre) se me c'lexova nuk permendej ne asnje vend.

[Davius]

p.s. nga cila gazete eshte marre ky lajm davius? Dhe si e ka vrare (ne c'menyre) se me c'lexova nuk permendej ne asnje vend.

Eshte nga Gazeta Shekulli green.

Shfletova edhe ca gazeta tjera po se hasa kund kete lajm, por hasa ne lajme tjera zi e ma zi sa qe mandej mendoja se do kishte qene me mire te mos i lexoja.

Shendet