Etika e përdorimit të celularëve

[Davius]

Celularët janë bërë pjesë e pandarë e jetës sonë të përditshme. Sot, më shumë se një miliard njerëz komunikojnë me celularë.

Ndërkohë që komunikimi me celularë ka shumë anë të mira, përfshi këtu lehtësinë, fleksibilitetin dhe sigurinë personale, ngadonjëherë mund të cënojë intimitetin e njerëzve të tjerëve. Përdorimi me kujdes i celularit tuaj – apo me fjalë të tjera përdorimi me etikën e duhur i celularit – është i rëndësishëm si për konsideratën ndaj të tjerëve, ashtu edhe në ruajtjen e sigurisë tuaj dhe të personave rreth jush.

Kjo broshurë rradhit disa nga situatat në të cilat mund të përdoret etika e celularit.

Vende Publike

Tingëllima e zileve të celularëve në ambientet e kinemave, teatrove, restoranteve dhe vendeve të tjera publike mund të bezdisë njerëzit që ndodhen pranë jush.

Do të ishte ideale ta fikni telefonin dhe të dëgjoni mesazhet më vonë. Në rast se kjo është e pamundur, vendosni telefonin në pozicion “pa zë” apo “me dridhje”, në mënyrë që të mos shqetësoni të tjerët.

Rrugë tepër të populluara

Kur ndodheni në një rrugë apo hapësirë publike tepër të populluar, është një ndjenjë e natyrshme kujdesi ta mbani telefonin tuaj në një xhep apo çantë të sigurtë për të minimizuar mundësinë e vjedhjes së tij.
Në qoftë se ju duhet të përdorni celularin kur ndodheni në rrugë, kushtoni kujdes ndaj çdo gjëje që ndodh përreth jush, sidomos ndaj trafikut dhe kalimtarëve të tjerë.

Situata Sociale

Të qenit me dikë i cili vazhdimisht i telefonon apo shkruan mesazhe dikujt tjetër, mund të jetë e bezdisshme, madje edhe fyese. Kur ndodheni në situata sociale, tregoni konsideratë ndaj njerëzve të tjerë, minimizoni telefonatat apo mesazhet dhe nëse e shihni të arsyeshme, bashkëbisedoni me personat pranë jush.


Vendi i Punës

Ekziston një varietet shumë i madh rregullash për përdorimin e celularëve në vendet e punës. Në disa raste mund të jetë ide e mirë të ulni nivelin e ziles tuaj, apo ta vendosni telefonin në pozicion “pa zë”/ “me dridhje” për të evituar shqetësimin e njerëzve përreth jush.

Mjetet Fluturuese

Mjetet Fluturuese përmbajnë aparatura elektronike, disa prej të cilave mund të jenë të ndjeshme ndaj interferencave. Sikundër mund të jeni njoftuar nga punonjësit e mjeteve fluturuese, ju duhet të fikni celularin apo aparatura të tilla si PC datacard para nisjes së mjetit fluturues dhe t’i mbani të fikura gjatë gjithë fluturimit.

Spitalet/Mjekimet

Njerëzve u kërkohet ta mbyllin celularin në disa ambiente spitalore, për të evituar interferencat me pajisjet e ndjeshme.
Në rast pasigurie, vendimi më i mirë është fikja e celularit kurdoherë që vizitoni një ambient spitalor apo mjekues.
Ju gjithashtu duhet të ndaloni përdorimin e aparaturave të tjera të lëvizshme, të cilat përmbajnë radio transmetuese të ngjashme me atë të celularëve, siç janë PC datacards.
Në qoftë se mbani aparat për rregullimin e impulseve të zemrës (stimulues kardiak) apo aparatura mjekësoret të implantuara, gjithmonë këshilloni mjekun tuaj për përdorimin e celularëve.

Mesazhet e Shkruara (SMS)

Mesazhet e Shkruara (SMS) , janë jo vetëm një mënyrë ekonomike komunikimi për konsumatorët, por gjithmonë e më shumë po rritet përdorimi i tyre si mjet biznesi i kujdesshëm dhe i shumëanshëm.
Megjithatë, është e kuptueshme kufizimi i tekstit në çështje praktike biznesi, siç mund të jetë konfirmimi i një mbledhjeje. Komunikime të gjata me anë të tekstit kushtojnë kohë dhe nëse keni diçka të rëndësishme apo komplekse për të komunikuar, një telefonatë në të shumtën e rasteve është gjithmonë më efikase.

Kamerat e telefonave
Disa njerëz nuk dëshirojnë të fotografohen. Gjatë përdorimit të një kamere telefonike është e rëndësishme të respektoni të drejtat e të tjerëve dhe të mos cënoni intimitetin e tyre.

Burimi: vodafone.al

[Davius]

Celularët dhe Drejtimi i Automjetit

Celularët janë bërë pjesë e pandarë e jetës sonë të përditshme. Sot, më shumë se një miliard njerëz komunikojnë me celularë.
Siguria mbi gjithçka

Celularët në automjete mund të kenë avantazhe të mëdha, si për shembull mundësia për të kryer dhe marrë telefonata urgjente, mundësia për kontakt të menjëhershëm me shërbimet e urgjencës, si dhe duke krijuar siguri për njerëzit që udhëtojnë vetëm.

Sidoqoftë, ashtu siç veprohet me çdo gjë që ka të bëjë me mjetet lëvizëse, përgjegjësia kryesore e shoferit mbetet sigurimi i kontrollit të automjetit. Për këtë arsye, celularët duhet të përdoren me kujdes dhe brenda udhëzimeve të njohura për të zbatuar ligjin, minimizuar rrezikun dhe siguruar drejtimin e automjetit.

Kërkimi
Kërkimet tregojnë se mbajtja në dorë e celularit gjatë drejtimit të automjetit shkakton tërheqjen e vëmendjes së shoferit duke rritur rrezikun e një aksidenti.

Telefoni konsiderohet “ i mbajtur në dorë” në qoftë se përfundon në dorën tuaj gjatë çdo momenti të telefonatës, qoftë edhe në momentin e formimit të numrit telefonik.

“Duar të lira” është term që përdoret për të përshkruar pajisje që mundësojnë përdorimin e celularit pa qenë e nevojshme të mbahet në dorë, në çdo kohë, përfshirë këtu momentin e kryerjes apo marrjes së telefonatës.
Gjithashtu, duhet të kini parasysh se përdorimi i pajisjeve “duar të lira” mund të shkaktojë tërheqjen e vëmendjes dhe mund të rrisë probabilitetin e një aksidenti.

Ligji

Vende të ndryshme kanë rregulla të ndryshme për përdorimin e celularëve gjatë drejtimit të automjetit. Në Shqipëri ndalohet me ligj mbajtja në dorë e celularit gjatë drejtimit të automjetit.
Tek Vodafone, ne përdorim komunikimin tonë me klientët dhe punonjësit për të inkurajuar zbatimin e ligjit.

Këshilla jonë

Për sa i përket drejtimit të automjetit, këshilla jonë është e thjeshtë: mos mbani celularin në dorë gjatë drejtimit të automjetit, pavarësisht nga rrethanat.
Siguroni parkimin e automjetit përpara se të merrni në dorë celularin. Në çfarëdo rrethanash, mos lexoni tekste apo dërgoni fotografi gjatë drejtimit të automjetit.

Pajisjet “duar të lira” duhet të përdoren vetëm atëherë kur ju e gjykoni të sigurtë dhe të ligjshme këtë përdorim. Në raste të tilla, shoferi duhet të kryejë telefonata të shkurtra dhe të mënjanojë telefonatat komplekse për të zvogëluar nivelin e tërheqjes së vëmëndjes.

Disa rregulla gjatë udhëtimit

Asnjëherë mos mbani në dorë celularin gjatë kohës së drejtimit të automjetit. Përveç faktit që në shumë vende të botës është në kundështim me ligjin dhe të tërheq vëmendjen, është e rrezikshme dhe fyese ndaj njerëzve të tjerë.
Përdor shërbimin e Sekretarisë Telefonike. Nuk është e domosdoshme të përgjigjeni sa herë tringëllon zilja e celularit. Përdorni shërbimin e Sekretarisë Telefonike dhe telefononi më vonë në një kohë më të përshtatshme.
Ndaloni në një vend të sigurt. Në qoftë se është e nevojshme, ndaloni automjetin dhe parkoni në një vend të sigurt për të kryer apo marrë një telefonatë nga celulari.

Aksesorët.

Përdorimi i kufjeve telefonike dhe kryerja apo marrja e telefonatave gjatë drejtimit të automjetit mund të duket ide e mirë, por përgjegjësia kryesore e shoferit mbetet sigurimi i kontrollit të automjetit.


Transferimi i telefonatës tek një pasagjer. I kërkoni një pasagjeri të kryejë telefonatat me anë të kufjeve telefonike. Ata kanë mundësi të formulojnë numrin e telefonit, ndërsa ju merreni me drejtimin e automjetit.
Evitoni telefonatat stresuese. Ndërprisni çdo bisedë komplekse gjatë drejtimit të automjetit dhe telefononi më vonë pasi ta keni parkuar me kujdes automjetin.

Fikja.

Në rast mëdyshjeje, fikni telefonin.


Burimi: vodafone.al