Maqedonia fitoi status të kandidates për anëtarësim në BE

[Davius]

Greqia e kënaqur nga qëndrimi i BE-së për Maqedoninë

Athinë, 09:35

Qeveria e Greqisë shprehu kënaqësi nga qëndrimet e Komisionit Evropian (KE) për Maqedoninë, meqë në konkluzat janë "përfshirë synimet greke", lajmëroi korrespondenti i Makfaks-it nga Athina.

Ministria greke e Punëve të Jashtme (MPJ), duke komentuar "ambicjet evropiane të Shkupit", mbrëmë lajmëroi se "KE-ja absolutisht qartë përcaktoi se kjo rrugë e gjatë vazhdon nën emrin IRJM", e cila është "e obliguar të bashkëpunojë në angazhimet për gjetjen e zgjidhjes së ndërsjellë të pranueshme për emrin".

Çështja e emrit tani paraqet kriter politik për pranimin e ardhshëm të Maqedonisë në BE - pohon MPJ-ja greke.

Vetëm marrëveshja e ndërsjellë për emrin do ta lehtësojë përmirësimin e marrëdhënieve bilaterale, bashkëpunimin rajonal, si dhe perspektivën evropiane të Maqedonisë - paralajmëron MPJ-ja greke.

Qëndrimet e KE-së "janë udhërrëfim për përshtatjen" e Maqedonisë, mes tjerash, edhe në kontestin për emrin, bëhet e ditur në kumtesën e Demokracisë së Re në pushtet.

Sipas kësaj partie, Maqedonia është "e obliguar të lirohet nga rrobëria historike-politike" dhe "në mënyrë të barabartë është e obliguar të kultivojë fqinjësi të mirë dhe bashkëpunim përmes frymës konstruktive dhe konsensusit lidhur me Greqinë".

"Deri te pranimi në BE nuk do të vjen pa qëndrimin unanim të të gjitha 25 shteteve anëtare", thuhet në reagimin e ashpër të partisë greke në pushtet, Demokracia e Re.

[Davius]

PËRKRAHJE NGA ITALIA, SHBA-JA DHE SPANJA PËR ASPIRATAT EVROPIANE TË MAQEDONISË

Shefja e diplomacisë së Maqedonisë Ilinka Mitreva sot në Lubjanë në margjinat e takimit të Këshillit të Ministrave të OSBE-së u takua me ndihmësin e sekretarit shtetëror për çështje evropiane të SHBA-së, Daniel Frid, me ministrin spanjol të Punëve të Jashtme Miguel Anhel Moratinos dhe me zëvendësministrin italian të Punëve të Jashtme, Roberto Antonione.

Integrimi evropian dhe evroatlantik i Maqedonisë ishin tema të takimit të shefes së diplomacisë së Maqedonisë me ndihmësin e sekretarit shtetëror për çështje evropiane të SHBA-së Daniel Frid.

"SHBA-ja beson në zgjerimin e Unionit Evropian dhe konsideron se të gjitha vendet e Ballkanit duhet të bëhen anëtare të Unionit. Vendet në rajon duhet të vazhdojnë intensivisht të punojnë në plotësimin e kritereve", theksoi Frid.

Spanja e mbështetë Maqedoninë që të fitojë status kandidat për anëtarësim në Bashkimin Evropian në Samitin e ardhshëm të Unionit, vlerësuan shefat e diplomacive të dy vendeve Ilinka Mitreva dhe Miguel Anhel Moratinos.

Ministrja Mitreva, në takim theksoi se Maqedonia e meriton statusin kandidat për shkak të përparimit të madh që e ka bërë në këto tri vite e gjysmë. Marrja e statusit, siç tha Mitreva, do të jetë mesazh i fuqishëm jo vetëm për Maqedoninë por edhe për mbarë rajonin.

Ajo potencoi se pas marrjes së mendimit pozitiv nga Komisioni Evropian, Maqedonia do të vazhdojë intensivisht të punojë në reformat dhe do t'i plotësojë prioritetet kyçe nga mendimi i dhënë, mes të cilave ishin edhe ligji për policinë, sistemi njësportel dhe reformat në gjyqësi.

Shefi i diplomacisë së Spanjës, Moratinos theksoi se pozicioni spanjoll ndaj Maqedonisë është i qartë. Për Maqedoninë absolutisht asnjëherë nuk ka pasur kurrfarë dyshime se perspektivën e ka në BE. Spanja e mbështetë kandidaturën e Maqedonisë, respektivisht marrjen e statusit kandidat për anëtarësim në BE, tha Moratinos, duke shtuar se qëndrimi spanjoll është se vendet e Ballkanit Perëndimor duhet të hyjnë në Union.

Në takim është paralajmëruar se Moratinos në fillim të shkurtit të vitin e ardhshëm do të qëndrojë për vizitë në Republikën e Maqedonisë.

Në takimin me Antonionen është konfirmuar përkrahja italiane për evraspirimet e Maqedonisë dhe për marrjen e statusit kandidat për anëtarësim në BE të Samitit të ardhshëm të BE-së.

"Ju përkrahim dhe do t'ju ndihmojmë që të arrini qëllimin", theksoi Antonione në takimin me Mitrevën. Së bashku është konstatuar se marrja e statusit kandidat për anëtarësim do ta përmirësojë biznes klimën në Maqedoni dhe do të ketë rëndësi të madhe për joshjen e investimeve të huaja.

Mitreva e informoi Antonionen se Maqedonia i është përkushtuar reformave dhe do të punojnë sa më mirë që t'i realizojnë dhe të marrë një raport sa më të mirë nga Komisioni evropian në gjysmën e dytë të vitit 2006.

Lidhur me anëtarësimin e NATO-s, Ministrja Mitreva theksoi se pret që Maqedonia e cila, siç thekshet ka arritje të shkëlqyera në standardet e nevojshme të marrë ftesë për raundin e ardhshëm të zgjerimit të Aleancës.

Përkrahje për aspiratat e Maqedonisë në BE, shefja e diplomacisë së Maqedonisë mori edhe në takimin bilateral me ministrin e Punëve të Jashtme të Irlandës, Noel Trejsi.

"Absolutisht e përkrahim kandidaturën e Maqedonisë. Irlanda është këtu t'ju përkrah në çdo mënyrë", tha ministri i Çështjeve Evropiane i Irlandës, Noel Trejsi.

Siç njofton raportuesi i MIA-s nga Lubjana, ai vlerësoi se Evropa duhet të jetë e hapur për të gjithë, ndërsa Bashkimi Evropian të dërgojë sinjal pozitiv se po plotësohet agjenda e Selanikut.

Mitreva, duke theksuar se e pret përkrahjen për statusin e kandidatit, potencoi se Maqedonia me rezultatet e arritura është shembull në rajon, por megjithatë vazhdon me agjendën reformiste.

Ministri slloven i Punëve të Jashtme Dimitrij Rupell, në takimin me Mitrevën, shprehu bindje se Maqedonia do të bëhet kandidat për anëtarësim në BE, duke shtuar se Këshilli evropian me siguri do të marrë vendim pozitiv për statusin e kandidatit. Ai nënvizoi se Sllovenia është e gatshme që me këmbim të përvojave të ndihmojë në qasjen e mëtejshme të Maqedonisë në BE.

Mitreva, duke shfaqur falënderim deri te Rupeli për përkrahjen e deritanishme, shprehu pritje se kjo përkrahje do të vazhdojë edhe për marrjen e statusit kandidat.

Përkrahje për aspitatat e Maqedonisë në BE, shefja e diplomacisë së Maqedonisë fitoi edhe në takimin bilateral me ministrin finlandez të Punëve të Jashtme, Erki Tuomioja.

Mitreva nesër në ditën e dytë të mbledhjes së 13-të të Këshillit ministror të OSBE-së, para të pranishëmve do të flasë për rrugën evropiane të Maqedonisë, si dhe për reformat në organizimin e nevojshëm për përforcimin e efikasitetit në luftën me llojet e reja të kërcënimit, me të cilat po ballafaqohet bota. Pritet që Mitreva edhe nesër të ketë takime bilaterale me ministrat e pranishëm në takimin në Lubjanë.

Rupel si kryesues i Organizatës së Sigurisë dhe Bashkëpunimit të Evropës paradite e hapi takimin e Këshillit ministror të OSBE-së. Duke iu drejtura pjesmëarrësve Rupel kërkoi liberalizimin e regjimit të vizave për Ballkanin Perëndimor midis së cilëve, siç theksoi, Maqedonia ka arritjet më të mëdha reformatore dhe është më afër statusit kandidat për anëtarësim në BE. Sipas tij, regjimi restrektiv i vizave nuk do të ndihmojë në luftën kundër krimit të organizuar në Ballkan

[Davius]

Ren - Maqedonia zyrtarisht të bëhet kandidate për anëtarësim në

Bruksel, 12:25


Evrokomesari për Zgjerim, Oli Ren, sot do t`i bëjë thirrje Bashkimit Evropian që zgjerimi ta ruaj kursin, edhe përkundër brengosjes së thellë të Francës dhe Holandës, shkruan sot "Fajnenshëll Tajms".

Reni do të kërkojë që ministrat e Punëve të Jashtme të BE-së në takimin e sotëm ta mbështesin qëndrimin e Komisionit se Maqedonia zyrtarisht duhet të bëhet vend kandidat për anëtarësim në Bashkimin.

Parisi dhe Haga, sërish konsiderojnë se do të jetë vështirë të vazhdojë procesi i zgjerimit pa kontratë për Buxhetin e BE-së, si pasojë e mosmarrëveshjeve që vazhdojnë për Kushtetutën Evropiane, që është hedhur poshtë në referendumet në të dyja shtetet.

Kjo jo vetëm për këtë vend, po ashtu ka lidhje me kontekstin më të gjerë politik dhe ekonomik", tha një diplomat francez, duke shtuar se "nëse s`ka buxhet për t`i dalë në ndihmë zgjerimit të fundit, do të jetë shumë vështirë që të vazhdojmë me zgjerimin e mëtejshëm".

Komisioni dhe Britania e Madhe, duhet të luftojnë me skepticizmin për zgjerimin e mëtejshëm të BE-së, te disa prej vendeve të vjetra anëtare.

Përfaqësuesit francezë duan që pauzën e tanishme për mendim për kushtetutën e dështuar ta përdorin në procesin e zgjerimit dhe bëjnë thirrje për debat për kufijt e Evropës - hap ky që mund t`i shkatërrojë shpresat e disa vendeve si Ukraina, e cila dëshiron që BE-ja t`i lërë dyert hapur, me qëllim që ajo të kyçet një ditë.

Vendimin formal për Maqedoninë do ta parashtrojë Këshilli Evropian i liderëve të BE-së, i cili do të takohet të enjten dhe të premten dhe qëllimi kryesor i të cilit do të jetë tejkalimit i qorrsokakut për buxhetin e BE-së për vitin 2007-2013.

Por, takimi i sotëm i ministrave të punëve të jashtme mund ta prejudikojë vendimin përfundimtar për vendin e parë kandidat për anëtarësim pas referendumit francez dhe holandez të këtij viti.

Ky është sinjal shumë i rëndësishëm politik për Maqedoninë dhe Ballkanin Perëndimor dhe për këtë arsye unë do ta inkurajoja Këshillin Evropian që ta aprovojë rekomandimin e Komisionit, shprehet Reni, duke shtuar se Maqedonia në këtë moment është shteti i vetëm funksional multietnik në Ballkanin Perëndimor.

[Davius]

BUXHETI I BE-SË DHE MAQEDONIA - TEMA KRYESORE NË SAMITIN DYDITOR TË UNIONIT

Mosdakordimet rreth eurobuxhetit për periudhën 2007-2013, si dhe çështja për ndarjen e statusit kandidat të Maqedonisë për anëtarësim në Union, do të jenë në qendër të vëmendjes gjatë Samitit dyditor të shefave të shteteve dhe qeverive të anëtareve të BE-së, që fillon nesër në Bruksel.

Kryesuesja me BE-në, Britania e Madhe, sot duhej të parashtrojë propozim të ri të buxhetit, me të cilin janë paraparë më shumë para në arkën e përbashkët, duke insistuar që të gjendet një zgjidhje kompromise pasi që propozimi paraprak i Londrës hasi në kritikë të ashpër pothuajse te të gjitha vendet-anëtare të Unionit.

Pasiguria financiare dhe çështja për aftësi për pranim të anëtareve të reja është një nga shkaqet kryesore për shkak të cilave Franca u kundërshtua në propozimin, që Maqedonisë t'i miratohet statusi i kandidates për anëtarësim në Union. Franca konsideron se para valës së re të zgjerimit, duhet të konsolidohen gjendjet e brendshme në Union, ndërsa për këtë çështje do të duhet të debatohet në gjysmën e parë të vitit 2006, kur me Unionin do të kryesojë Austria.

Propozimi i ri i Britanisë së Madhe përmban përjashtim minimal në llogari të mangësisë, të cilin ky vend e gëzon nga viti 1984 kur bëhet fjalë për kontributin në arkën e përbashkët në Bruksel. Propozimi për buxhetin është i kufizuar në 1,03 për qind nga bruto-prodhimi vendor i BE-së. Me të parashihet që buxheti të ketë vlerë prej 849,3 miliardë euro, që është pak më shumë në krahasim me 847 miliardë euro të propozuar më parë.

Njëkohësisht, Londra qartë vuri në dijeni se nuk do të heqë dorë nga privilegji i saj në pikëpamje të mangësisë, përderisa Unioni nuk pajtohet në ulje drastike të subvencioneve për bujqësi.

Franca, e cila është gjigant i vërtetë bujqësor në BE, më së paku u kundërshtua në "shantazhën" e këtillë të Britanisë së Madhe.

Propozimin britanik si "jo korrekt" e konsiderojnë edhe katër anëtaret e reja të Unionit, për të cilat Londra parashikoi më pak financa për zhvillim.

[StormAngel]

Harroni te cekni se problemin me te madh Maqedonia e ka me Francen e cila kembengul ne mos pranimin e Maqedonise ne BE.

[Davius]

Harroni te cekni se problemin me te madh Maqedonia e ka me Francen e cila kembengul ne mos pranimin e Maqedonise ne BE.

Do te perfundon edhe kjo perralle Storm sot edhe neser dhe jemi shume afer BE-se.

Franca do leshon pe se s'ben, mandej te gjithe ambasadoret evropian mbeshtesin anetaresimin e Maqedonise ne BE.

[Davius]

Ambasadorët evropianë rekomandojnë status të kandidatit për Maqedoninë

Bruksel, 11:00


Shtetet anëtare të Bashkimit Evropian afruan qëndrimet lidhur me marrjen e vendimit për dhënien e statusit të kandidatit për anëtarësim të Maqedonisë, përkundër rezervave, të shprehura nga Franca, deklaruan diplomatët evropianë.

Ambasadorët e 25 anëtareve të Bashkimit miratuan deklaratë në të cilën rekomandojnë që Shkupit t`i pranohet statusi i kandidatit për anëtarësim, lajmëroi Rojtersi. Çështja duhet të shqyrtohet në takimin e liderëve evropianë.
Hapat e mëtejshëm drejt fillimit të negociatave për aderim në BE, do të jenë objekt i debatit më të gjerë, gjegjësisht strategji e BE-së për zgjerim, siç kërkon Franca, bëhet e ditur në dokumentin.

Përfaqësuesi evropian, po ashtu, mbështeti idenë që teksti të shqyrtohet nga liderët evropianë. Vendimi që Maqedonisë t`i ndahet statusi i kandidatit për anëtarësim, megjithatë varet nga mundësia e kryesisë britanike të BE-së të arrijë marrëveshje për buxhetin e viteve 2007-2013, bën të ditur diplomati francez.

[Davius]

Harroni te cekni se problemin me te madh Maqedonia e ka me Francen e cila kembengul ne mos pranimin e Maqedonise ne BE.

Bashkimi Evropian pranoi Maqedoninë si kandidate për anëtarësim.

17-12-2005

Bashkimi Evropian vendosi të pranojë Maqedoninë si kandidate për anëtarësim, por tha se hyrja e saj në radhët e bllokut nuk do të shqyrtohet derisa të miratohet një strategji për zgjerim.

Udhëheqësit e Bashkimit Evropian i dhanë këtij vendi ballkanik statusin e kandidatit pasi përfunduan dje bisedimet mbi buxhetin në Bruksel.

Bashkimi Evropian tha se Maqedonia ka bërë përparim të ndjeshëm në përmbushjen e kritereve për anëtarësim, por nuk caktoi ndonjë afat për shqyrtimin e hyrjes së këtij vendi në organizatë.

BE-ja tha se ka nevojë të zhvillojë një debat të plotë mbi zgjerimin para se të shqyrtojë pranimin e vendeve të reja anëtare. Franca ka bërë thirrje për debat, duke thënë se blloku 25 vendesh anëtare mund të mos jetë në gjendje të pranojë anëtarë të rinj.

Bashkimi Evropian pranoi 10 vende të reja anëtare nga Evropa Qendrore dhe Lindore në vitin 2004 dhe ka në plan të pranojë Rumaninë e Bullgarinë brenda vitit 2008.

[Davius]

MAQEDONIA E FITOI STATUSIN KANDIDAT PËR ANËTARËSIM NË BE

Liderët evropianë në takimin e kreut në Bruksel herët në mëngjes kanë vendosur qw Maqedonisë t'ia ndajnë statusin kandidat për anëtarësim në BE.

Në konkludimet e dokumentit përfundimtar të Samitit, përshëndetet mendimi i Komisionit Evropian dhe përparimi që e ka bërë Maqedonia në arritjen e kritereve nga Kopenhaga.

BE-ja vendosi t'ia ndajë statusin kandidat Maqedonisë, duke e marrë parasysh përparimin në plotësimin e kritereve politike të Kopenhagës dhe obligimet nga Procesi i Stabilizimit dhe Asociimit. Hapat e ardhshme, thuhet në konkludimet, do të shqyrtohen në të ardhmen dhe do të varen nga debati për zgjerimin e BE-së dhe nga përparimi lidhur me kriteret e Kopenhagës.

Vendimin pozitiv të liderëve evropianë në konferencën për shtyp në Bruksel pas përfundimit të Samitit e ka konfirmuar kryeministri britanik Toni Bler, vendi i të cilit është kryesues aktual me BE-në.

"Vizioni i BE-së është Evropa e bashkuar. Maqedonia është pjesë e këtij vizioni", tha Bleri.

Pasi vendi të bëhet kandidat për anëtarëim, duhet të caktohet data për fillimin e negociatave për të gjitha aspektet për anëtarësim në BE - të përfshirë në 32 kapituj në legjislaturën e BE-së, duke e përfshirë tregtinë, ambientin e jetesës, konkurrencën dhe shëndetësinë...

Vendi kandidat duhet t'i harmonizojë ligjet e tij me legjislaturën e BE-së. Procesi deri në anëtarësim në BE mund të zgjat disa vite.

Sipas rezultateve nga anketa e Institutit për hulumtime sociologjike dhe politiko-juridike, e zbatuar në tetor të këtij viti, mbi 90 për qind të qytetarëve të Maqedonisë dëshirojnë që Maqedonia të bëhet anëtare e BE-së.

Maqedonia parashtroi aplikim për anëtarësim në BE më 22 mars të vitit të kaluar në Dablin, gjatë kryesimit irlandez me BE-në. Përgjigjet e europyetësorit Maqedonia ia dorëzoi kryetarit të Komisionit Evropian Zhoze Manuel Baroso më 14 shkurt të këtij viti, ndërsa më 9 nëntor mori mendim pozitiv lidhur me aplikimin për anëtarësim.

Shkupi dhe Brukseli kanë vendosur marrëdhënie diplomatike në fund të vitit 1995, ndërsa Maqedonia, si vend i parë nga rajoni e ka nënshkruar Marrëveshjen për stabilizim dhe asociim në prill të vitit 2001.




FJALIM I PRESIDENTIT CËRVENKOVSKI ME RASTIN E STATUSIT KANDIDAT TË MAQEDONISË PËR ANËTARËSIM NË BE


Presidenti i Republikës së Maqedonisë Branko Cërvenkovski, në fjalimin e sotëm tha se vendimi i Bashkimit Evropian që Maqedonisë t'i ndahet statusi i vendit kandidat për anëtarësim "është sukses i madh për vendin dhe popullin tonë".

"Keni edhe të drejtë edhe arsye të ndjeheni krenarë. Sot, morëm mirënjohje të qartë për përparimin e arritur gjatë periudhës së kaluar... Por, vendimi i sotëm paraqet edhe përgjegjësi të jashtëzakonshme që të vazhdojmë me përkushtim edhe më të madh me kursin e njëjtë dhe në drejtim të qëllimit të njëjtë. Na presin sfida të reja dhe punë e madhe. Maqedonia ka edhe fuqi, edhe dituri, edhe vullnet, edhe vendosmëri që t'i realizojë përcaktimet e veta strategjike ", tha Cërvenkovski.




FJALIM I KRYEMINISTRIT BUÇKOVSKI ME RASTIN E STATUSIT KANDIDAT TË MAQEDONISË PËR ANËTARËSIM NË BE


Kryeministri i Republikës së Maqedonisë Vllado Buçkovski, në fjalimin e vet me rastin e vendimit të Bashkimit Evropian që Maqedonisë t'i ndahet statusi i vendit kandidat për anëtarësim tha se "sot morëm vizë për rrugën tonë evropiane".

Kryeministri Buçkovski me këtë rast tha se "më në fund Maqedonia e braktisi kalldrëmën ballkanike dhe i bashkangjitet autostradës që çon në Evropë. Sot u bë e qartë se Maqedonia i duhet Evropës".

Kryetari i Qeverisë së Maqedonisë tha se me vendimin e BE-së së përgënjeshtrohen të gjithë skeptikët të cilët nuk besonin në rrugën e Maqedonisë drejt Evropës, duke shtuar se Qeveria është e gatshme të ballafaqohet me sfidat.

Buçkovski përmendi se dita e vendimit të BE-së përputhet me ditën kur para 15 viteve u formua Qeveria e parë e Republikës së pavarur të Maqedonisë.

"Sot hapim faqe të re në historinë tonë. Duhet të kuptojmë se në histori të rëndësishme janë edhe fitoret edhe disfatat. Ne patëm mjaftë disfata. Maqedonia sot fitoi. Rrëfimi i Maqedonisë sot bëhet suksesi i jonë i përbashkët", tha kryeministri i Maqedonisë.

Buçkovski po ashtu potencoi se "statusi i kandidatit nuk është shkop magjik, me të cilin menjëherë do të zgjidhen çështjet që i prekin qytetarët, posaçërisht ato që kanë të bëjnë me ekonominë dhe cilësinë e jetesës. Megjithatë, binduni se edhe te ne do të përsëriten përvojat e vendeve tjera, ku pas statusit kandidat janë rritur investimet dhe janë përmirësuar kushtet për biznes. Veçmë arrijnë edhe paralajmërime për lehtësimin edhe të regjimit të vizave, por edhe përkrahje për ISPA fondet e reja, të cilat Maqedonia do të mund t'i shfrytëzojë".

"Para neve qëndron një periudhë e prosperitetit dhe reformave serioze. Ky është proces që nuk ka alternativë, por ka shumë mundësi", tha në fjalimin e vet kryeministri i Republikës së Maqedonisë, Vllado Buçkovski.

[bOndi_oo7]

Kush perfiton nga kjo!

Si shqiptar qe fati me ka percaktuar te lind dhe jetoj ne troje te mija por nen pushtet te "fqinjeve" - ne Iliride, nuk mendoj se dhenjia e statusit te vendit kandidat per IJRM,shkon ne favor te neve shqipetareve. (ne aspekt gjeo-politik)

Se pari ,ne bisedimet me Kosoven ne lidhje me kufirin,IJRM do te kete nje status me superiore ne krahasim me palen tjeter-Kosoven,
IJRM do te behet "njefar" faktori ne Ballkan,
Dhe cka eshte edhe me tragjike, e gjithe bota tash do te mendojne se IJRM e ka plotesuar kushtin primar e ajo eshte se ka arritur standardet per nje shtet gjoja multietnik ,ku te gjithe qytetaret jane te barabarte
Dhe ne fund mendoj se kjo do te jete nje grusht i forte i cili do ti kushton shume idese sone per bashkimit te trojeve etnike,

Pres reagimet tuaja