Graffiti

[Darzana]

Oowo Drini sa bukur keto poezi,nuk di se cilin te vecoja me shum, por ja vargjet me titull Poezi me pelqeu, ke talent dhe me erdhi mire qe te takova me te gjitha keto poezi.SUKSESE Drini ne kultivimin e fjales se shkruar .We missed you

[drini_në_TR]

Zonjush, emrin Darzana e përdorni duke e ditur kuptimin që ka në gjuhën sanskritishte?...

Mbaj mend që edhe unë ju kam takuar këtu në forum, i prekur pas disa poezive të tua... dhe më vjen mirë të them se ndjenjat që gjeta tek to janë pikërisht sikur fjala sanskrite Darzana: paqe, ëndërr, vizjon, liri...

Të falemnderit shumë zoj dar(Z)ana për fjalët e mira.

Të uroj përzemërsisht SUKSESE në kultivimin e fjalëve dhe HARMONI të ndjenjave të jetës tënde.

Me mirënjohje & përshëndetje,
Drini

[drini_në_TR]

(Pip)ushe


(Pip) i bukur
e di ti
më ngordh?...
Tek lëviz flokët
duke ecur trotuarin
më shikon
drejtë në ndjenjën time
dielli qorron pafundësisht...
ç’të bëj unë
se ti je kalimtare?...
(rrugëve të Tiranës)


17.3.07

[drini_në_TR]

imagjinoj
(tekst kënge)


Imagjinoj vendin tim
ku e thjeshtë është çdo gjë
pa dhunë dhe krim
me ditë plotë diell që ndriçon

(refren)
Imagjinoj gjithë njerëzit
që jetojnë të sotme...

...ee ee een

Imagjinoj një vend pa frikë
ku është e lehtë të jetosh
asgjë për t’urryer e luftuar
me shpirt të lirë të besosh

(refren)
Imagjinoj gjithë njerëzit
që jetojnë në paq...

...Tii ii iii...

(refren2)
Mund të thuash unë ëndërroj
por s’jam i vetmi që e bëj
që beson një ditë do t’jet më mirë
dhe të gjithë së bashku në një komb.




02.04.07

shënim: shqipërim i këngës 'Imagine' të John Lennon nga unë & (kompozitori/kantautori) Kristi, version në shqip i këngës e cila do të dali këtë verë si pjesë e një albumi me shumë artista (të cilën kohës ja lë surprizën), dhe që këndoj me gjithë shpirt.

[drini_në_TR]

sikur


sikur zëri
të ngrohte akullin
sikur fjalët
t'i jepnin erë të mirë ajërit
sikur unë dhe ti
të shifeshim në sy pa inate


s'do të doja gjë tjetër
për zotin s'gënjej
e kam gjetur
ktë copëz jete në vetvete...


kur një beb belbëzon
kur një i rritur e mbron
e adoleshenti bën sipas kokës
i kam gjetur të tre
brenda vetvetes...


ndjesinë tek zgjohem
nga pakënaqjet
frymën time
jetën.



07.04.07

[mondishall]

sikur


sikur zëri
të ngrohte akullin
sikur fjalët
t'i jepnin erë të mirë ajërit
sikur unë dhe ti
të shifeshim në sy pa inate


s'do të doja gjë tjetër
për zotin s'gënjej
e kam gjetur
ktë copëz jete në vetvete...


kur një beb belbëzon
kur një i rritur e mbron
e adoleshenti bën sipas kokës
i kam gjetur të tre
brenda vetvetes...


ndjesinë tek zgjohem
nga pakënaqjet
frymën time
jetën.



07.04.07

Drini! Me morre gjithe kohen qe duhet per leximin e poezive te tua. S'me mbetej gje tjeter, vecse te citoja me lart poezine e fundit, si nje epilog teper te sinqerte te shpirtit tend poetik. Uroj me gjith shpirt vazhdimesi te tille, qe te vecon ne stil dhe mendim shprehes. Me respekt Mondi

[drini_në_TR]

Momente në Bllok



Dorë për dore t’kapura
kto kohët e fundit
ecin ca goca
si përditë t’pispillosura
kan gjet mynyrn’e tyre
si me ja fut çunave
që shofin punën e atyre...


Po re, mu aty tek blloku
sfilon përditë mo(por)da
me makina dhe goca
nga më t’bukrat
ku dhe lokalet
kan toplistn’e më t’preferuarave


Dhe ti ulesh i shoqërum
si t’gjith të tjerët e ul
e tek thu nja dy fjalë
sytë i ke tu gjujt
njonën që i kan dal shalët
ku të tërheq e shkrujtmja n’bluzë
nga mbrapa mbi tanga
‘Mo ma shif punën
m’shif sa mulo kjo guna...’


Dhe t’gjith duken të qeshur
më t’rëndsishëm e interesant se tjetri
vijnë ktu se u intereson vetëm vetja
ndërsa unë ndihem vetëm
i vetmuar tek ndjej zbrastësinë
sa pa vlera ësht’ambjenti
i një shoqërie t’kompleksizuar
nga ekstremi i individualitetit
e mekur nga hallet dhe streset
që vet ja bën vetes...


Mos vallë
duhet t’filloj edhe unë
t’shaj e t’marr nëpër goj njerëz
(gjasme bëj thashetheme)?
Apo mos duhet
t’ja fus
sa më shumë të tjerëve
(që t’ja rris vlerat vetes)?
Apo mos vallë
i bihet n’hak shqiptarit
kur ja do t’mirën vendit
(dhe njëri-tjetrit)?


Apo kur sillesh mirë
nuk vlerësohesh
dhe kur i do t’mirën
(këtij vëndi)
përdhosesh?...


(dhe tek ke një nga ato ide
si me i kontribu kti vendi
veçse kur t'vjen një zë:
‘Ça je t’u bo re
po lu derën?’)


Jo mor lal
ky që jom do jem...


(tek pijë një kafe tek blloku
i pakuptuar, pa pompozitet
por mirë me veten).




21.04.07

[drini_në_TR]

sikur t’kujtohesha për mirë


mbështes kokën tek dora
dhe bërrylin tek tavolina
dora tjetër shkruan
dy-tre fjalë t’mallëngjyera
kujtimesh
mbase mund të vlejnë për mirë
mbase hiç për hiç...


...puthje nate të pafund
me ledhatime dhe prekje dashurie
tek rrotulloheshim diku të shtrirë
e s’u shqisnim deri në t’gdhirë
sa herë kam qarë për ndonjë gocë
sa herë kam lënë,
apo jam lënë...


mbase në këtë çast
jam veç unë
dhe një poç abazhuri që ndriçon
sytë ngrohen nga kjo dritë e zbehtë
ndërsa hijet përreth janë kujtime...


sikur t’më kujtonte për mirë
çdo gocë që kam puthur
sikur t’më kujtonte ndonjëra
dhe të ndihej e lumtur
që njëherë ka takuar mua
e sidoqoftë kemi sakrifikuar
pak dashuri me njeri-tjetrin
ku mbase dhe jemi gabuar...


sikur para se ta zërë gjumi
kujtimi im t’i linte shije të mirë
do isha çuni më i lumtur
pa ta dija...


...se në zemër ndjej dashuri.



06.05.07

[drini_në_TR]

Pallateve të qytetit

u rrodhën ngjyrat

u bënë baltë

që m’u shkri në duar

ngelën pemët, rrugët

dhe gocat e bukura

shoqnia ime dhe unë

dhe ndjenjat e mia t’përvëluara


pakënaqësinë e thava

frikën e humba

ja zhvesha komplekset natës

Tironën time e dua...

unë thjeshtë jap dashuri

e n’sy s’më ngelen pluhura

zgjohem çdo çast në qytetin tim

t’u shiju atë që vlen për t’u ndjesuar...

[drini_në_TR]

29.06.07

oh ç’ndjeva dridhje

se çka shkrepi

jeta më dha përgjigje

sytë panë qartë

këmbët zunë gjurmën e peshës

ndërsa gurgullimën

e brengës

ma rrëmbeu ajëri i jetës

vajzë e çiltër dhe e bukur

s’kam më frikë se të humb

oh moj ndjesi e femrës

ke lindur që të t’ha unë

gjerisa në përjetësi është e vërtetë

jetësinë dhurojmë

kur prekemi të dy

gocë e ëmbël

jam dhe do jem unë

duke të luajtur ty...