Kënga e parë...!

[Matrix]

Ne kishen tone jane kenduar me raste, per ndonje gezim ose per vit te ri (te them te drejten ka kohe qe grupi yne polifonik nuk eshte mbledhur Por te siguroj, se nuk ka atmosfere me te hareshme se ato qe krijojne keto kenge kur kendohen, jane pritur gjithmone me ovacione ...
Dhe c’na duhet Revolucioni apo “revolucioni”. Ne na mjafton te mbahemi te gjithe bashke fort pas Tij.

Inscrite,

Nga keto qe shkruan, duket qarte se keto jane kenge qe i kendon nje grup (zakonisht ky quhet Grupi i adhurimit dhe eshte pasardhesi i Korit te Kishes Katolike)

Ne rast se ky grup nuk mblidhet, kisha eshte memece.

Jam shume dakord me ty se ne mund t'i kendojme Krishtit dhe vete, dhe te jemi plotesisht te lire ne Te ne frymen tone.

Kjo disave mund t'ju mjaftoje dhe te ndjehen shume rehat.

Por, eshte e sigurt se edhe sikur te gjithe te krishtereve t'u mjaftonte, Krishtit nuk do i mjaftonte kurre dhe nuk do ndjehej kurre rehat.

Ai deshiron te kete Trupin e Tij ne toke, AI KERKON TE JETE I DUKSHEM NE TOKE, jo thjesht te kete disa ndjekes individuale te shenjte.
Dhe per te patur kete Trup, kete Dukshmeri, kete shprehje te Veten, Ai eshte gati ta ktheje te gjithe boten permbys.

Liveintwoplaces dhe Shtegtari,

Juve u eshte zbuluar dicka qe shume vetave nuk u eshte zbuluar. Mos u mundoni te luani rolin e Krishtit dhe t'u mbushni mendjen te tjereve mbi kete qe ju eshte zbuluar, lerjani Atij kete pune.
Ju kenaquni me Ate, ne menyren me te thjeshte dhe me te dashur te mundshme, dhe mireprisni me dashurine e Tij, kedo qe do t'ju sjelle Ai.

[marcus1]

Ai deshiron te kete Trupin e Tij ne toke, AI KERKON TE JETE I DUKSHEM NE TOKE, jo thjesht te kete disa ndjekes individuale te shenjte.
Dhe per te patur kete Trup, kete Dukshmeri, kete shprehje te Veten, Ai eshte gati ta ktheje te gjithe boten permbys.

Çfarë tjetër mund t'u shtoj këtyre fjalëve veçse një AMEN të fortë!

[marcus1]

Abigail, në radhë të parë dua të them se nuk kam qenë aspak kritik dhe as gjykues ndaj kishës tënde në shkrimin tim të mëparshëm. Mos e thëntë Zoti që unë të gjykoj kishën tënde. Mos e thëntë Zoti që unë të akuzoj disa kisha për të ngritur ndonjë kishë tjetër. Dua gjithashtu të theksoj se nuk e kam ndërmënd t'i futem një logjike kalamanjsh: "Kisha ime eshte e mire, kisha jote eshte e keqe". As nuk e kam pasur ndonjëherë në mënd këtë gjë.

Tani në lidhje me ato që ke shkruar:

Livent, une nuk i ngaterroj gjerat aspak. Ti ke te pakten 10 vjet qe nuk ke ardhur ne kishen time, dhe keshtu qe smund te flasesh me siguri per ato qe thua. Nuk eshte aspak ashtu. Shume here te dielave na thone ne oren qe kendojme te kendojme ne shqip. Edhe kemi kenduar ne aq pak shqiptare qe kemi qene dhe greket kane degjuar dhe u ka pelqyer.

Pikërsisht këtu qëndron problemi, tek shprehja "na thonë". Shpesh here i dëgjoj këto lloj shprehjesh. "Në kishën time kemi shumë liri, pleqtë na lejojnë të bëjmë këtë apo atë, na thonë që të ngjitemi në podjum për të ndarë diçka" etj, etj. Këto shprehje i kam dëgjuar jo rrallë dhe me të thënë të drejtën më irritojnë. Cilët janë ata që lejojnë apo pengojnë që disa të tjerë të marrin pjesë në jetën e Kishës? Pikërisht këtu qëndron një nga ndryshimet e botëkuptimit tim me tëndin për sa i përket Kishës. Pleqtë e kishës nuk janë gjë tjetër veçse shërbëtorë të Kishës, të Trupit të Krishtit. Trupi i Tij, Kisha, sa herë paraqiten nevoja të ndryshme, nxjerr pikërisht këto pleqtë apo persona të tjerë me dhunti të ndryshme që t'i shërbejnë trupit. Pra ata nuk janë asgjë më shumë dhe asgjë më pak se shërbëtorët e trupit të Krishtit. Pra nuk janë ata që i thonë trupit se çfarë duhet të bëjë, por është trupi që i thotë atyre (sipas nevojave që paraqiten) se çfarë duhet të bëjnë ata.

Pra është kisha që i zgjidh problemet e saja, jo një, dy apo disa persona sado të perëndishëm të jenë ata.

Beson se mund te te genjeja per gjeja te tilla. Nuk besoj se do e mendoje nje gje te tille.

Aspak nuk e besoj një gjë të tillë, por hidhi edhe një herë sy asaj që ke thënë ti se sa ndryshe është me atë që kam thënë unë.

Ja me thuaj sa here ka ndodhur qe te Djelave ndersa pjestaret e kishes se Lipasmatave kendojne, te filloje nje shqiptar te kendoje ne shqip dhe shqiptaret e tjere ta ndjekin ate?

dhe:

Te jesh e sigurte se nese shqiptaret do kendonin cdo te Djele kenge shqiptare ne kishat greke, do fillonin ankesat dhe do t'u ndalonin (me te drejte besoj une) ta bejne kete gje cdo te Djele.

Dhe ti thua:

Shume here te dielave na thone ne oren qe kendojme te kendojme ne shqip.

A mund t'i shohësh ndryshimet? Është tjetër gjë të fillojë një shqiptar vetë, pa i thënë kush, dhe tjetër gjë t'i jepet leje për të kënduar. Gjithashtu ti thua shumë herë të djelave, pra nuk ndodh çdo të djelë.

Po te isha ne vendin tend do te isha shume e matur ne ato qe thua dhe do e kisha frike Perendine.
Rasti jone nuk eshte ndonje rast tjeter, dhe NE KISHEN TIME NUK FLET VETEM NJE PERSON.
Flet nje plak i kishes te Dielen paradite qe ben predikimin ose jep mesazhin. Dhe kjo eshte caktuar nga kisha dhe vet besimtaret.Ka dite te jera dhe takimet e tjera ku flasin te gjithe, luten te gjithe, dikutojne te gjithe, etj.

Çfarë është caktuar nga kisha dhe vetë besimtarët? Megjithatë më mirë që në këtë rast je naive dhe mendon se është caktuar nga kisha dhe vetë besimtarët sepse në rast të kundërt do ishte hipokrizi.

Nese dikush dikush shkon ne ndonje kishe dhe i duket se nuk eshte e drejte ajo kishe, dhe shkon perseri ne nje tjeter, dhe perseri ajo nuk i ben se nuk eshte e perkryer, dhe nese shkon diku ne nje tjeter dhe mendon se ajo kishe eshte e perkryer, ajo kishe do te pushoje se qeni e perkryer nga momenti qe do te shkoje nje person i tille, qe sipas mendimit te tij, te gjitha kishat jane te gabuara dhe me te meta.

E dashur motër, vetëm në këtë pasazh ke përdorur tre here termin "shkoj në kishë". A mund të më gjesh ti sikur vetëm një herë këtë shprehje në të tërë Dhjatën e Re?

Më erdhi tani në mëndje rasti ku Pali i drejtohet kishës së Korintasve në lidhje me gjuhët e panjohura. Të kujtohet rasti që ai flet për rastin nëse dikush do shkonte në kishë dhe do dëgjonte të flisnin në gjuhë të panjohura, do mendojë se ata janë të çmëndur, ndërsa nëse i dëgjon të profetizojnë do lavdërojë edhe ai Perëndinë? Jo më kot e solla këtë rast. Vije re se si e kam thënë më lart, "shkonte në kishë". A nuk të duket e natyrshme? Dëgjo një predikim të kujtdo mbi këtë pjesë të biblës. Të gjithë që do merren me këtë pjesë, do përdorin shprehjen "nëse dikush do vijë në kishë". Ky është mentaliteti i krishtërimit modern. Hidhi tani një sy biblës tënde që ke në shtëpi. Do çuditesh kur të shohësh se aty nuk përdoret aspak kjo shprehje.

Ja se si e thotë Pali: "Pra, në qoftë se, kur gjithë kisha është mbledhur në një vënd, të gjithë flasin gjuhëra dhe hyjnë profanë ose jobesimtarë...."

Si thua ti Abigail, do jetë sforcuar Pali që të mos përmëndë këtu shprehjen; "shkoj në kishë"? Jo, aspak! Pali nuk e njihte fare këtë shprehje. Po ashtu edhe besimtarët e thjeshtë. Ata nuk mund ta imagjinonin dot se dikush mund të shkojë në kishë, sespe për ata kisha ishin vetë ata, kisha ishte një organizëm i gjallë, ndërsa ti e përdor këtë shprehje, që është krejtësisht e huaj për biblën, tre herë në të njëjtin pasazh.

Ne menyre shoqerore, nuk lejoj asnje te hap nam te keq duke publikur dhe gjykuar jo vetem kishen time por edhe te tjera, ku shume te tjere aty njohen Perendine dhe aty ndertohen cdo dite duke degjuar Fjalen e tij, sado te meta te kete ajo kishe, dhe nuk ka asnje kishe te jete e perkryer sepse nuk ka edhe besimtare te perkryer. Nese dikush shikon padrejtesi tek nje kishe le ti lutet Perendise dhe te agjeroje qe gjerat te ndryshojne. Kjo do te ishte me e drejte dhe e paster ne syte e Perendise.

Nese nje apo pese persona nuk jane dakort me nje kishe, kjo nuk do te thote se kjo kishe eshte gabim, dhe hajde me vrap te largohemi nga kjo kishe.

Edhe një herë Abigail, nëse do shohësh shkrimin tim më me kujdes do shohësh se unë as nuk kam hapur nam të keq për kishën tënde as nuk e kam gjykuar atë. Unë thjeshtë kam thënë se nuk ndodh atje diçka, që unë e quajta normale që të mos ndodhë. Për sa i përket faktit se atje flet vetëm një njeri (të Djelave) unë e kam sjellë si diçka ndryshe nga se si e mendoj unë kishën. Pra nuk e kam gjykuar, por kam vënë në dukje ndryshimin që ajo kishë ka me një kishë ku të gjithë marrin pjesë në të gjitha takimet e kishës.

Përsa i përket tani asaj që thua se nuk egziston asnjë kishë e përkryer. E kam dëguar shpesh herë të ma thonë këtë gjë. Ajo që nuk mund të kuptoj është se si ka mundësi që ma thonë vazhdimisht këtë gjë. Mundohem të kujtohem se mos kam thënë ndonjëherë se jam në kërkim të një kishe të përkryer, por megjithatë, këtë fjalë nuk e kam gjetur asnjëherë në fjalorin tim.

Një vështrim i shpejtë kishave të Dhjatës së re, si në letrat e Palit apo te zbulesa, mjafton për të parë se kisha e përkryer nuk ka egzistuar asnjëherë.

Dhe megjithatë, Ajo është e përkryer!

[Matrix]

Po ndaj me ju këngën më të re të Kishës së Tiranës.
Kjo këngë lindi dje, nga një vëlla këtu.
(Sipas motivit festiv të valles popullore "Gëzoni, gëzoni o ju krushq o, se ju po merrni, nusen o...)

Po me rreh zemra për Eklesinë,
Që ësht’ më e bardhë se borë,
Mbush me shenjtorë

Nepërmjet Krishtit,
Morëm lirinë,
Me Të vumë kurorë

Me njëri-tjetrin,
Lidhur me Krishtin,
Zjarrin dashuror,
Jemi fis mbretëror

Ndajmë së bashku,
Jetën më të larte,
Që Ati na dhuroi,
Biri na bashkoi

Ref: Gëzoni, gëzoni, o ju krushq o
E Krishtit ësht’ o Nusja o

Hidhni valle o ju shenjtorë
Se juve jeni te Tijët dasmorë

[Matrix]

A e ke menduar vallë?

A ke menduar vallë,
Cdo të thotë të jesh pjesë e Tij
Që dhimbjen dhe gëzimin me Të bashkë ta ndash?

A ke menduar vallë të jesh bashkë me Të
Në një gotë të pish dhe në një pjate të hash?

A ke ëndërruar si është të jetosh Jetën e Tij,
Atë Jetë që Ai nga Ati e ka trashëguar,
A ke përjetuar të shijosh shenjtërinë,
Dhe nga të tjere shenjtorë të jesh i rrethuar?

A ke menduar cdo të thotë që të jesh një vëlla
Apo një motër në Kishën e Gjallë?
Jo thjesht një amator laik,
I ulur diku, pa emër e fjalë?

A e ke menduar cdo të thotë të jesh shtyllë,
E Tempullit Qiellor, ku Krishti banon?
Jo thjesht një kalimtar që një herë a dy herë në javë,
Këtë Tempull e viziton.

A e ke menduar cdo të thotë që të shohësh Nusen,
Se si Dhendrrin e Saj adhuron?
E lirë, E Virgjër, Pa njolla e rrudha,
Dhe zërin tënd me Zërin e Saj ta bashkosh?

A e ke menduar se një Vend Frymor ekziston,
Ku Qielli dhe Toka janë një,
Dhe Perjetësia shkrihet me Kohën,
Dhe Dera e Qiellit e hapur qëndron?

Shijoje këtë Vend ku rrjedh Ujë i Gjallë,
dhe Pema e Jetës ka celur,
Eklesia quhet ky Qytet…
Kjo Nuse…
Ky Tempull…

[marcus1]

A e ke menduar vallë?

A ke menduar vallë,
Cdo të thotë të jesh pjesë e Tij
Që dhimbjen dhe gëzimin me Të bashkë ta ndash?

A ke menduar vallë të jesh bashkë me Të
Në një gotë të pish dhe në një pjate të hash?

A ke ëndërruar si është të jetosh Jetën e Tij,
Atë Jetë që Ai nga Ati e ka trashëguar,
A ke përjetuar të shijosh shenjtërinë,
Dhe nga të tjere shenjtorë të jesh i rrethuar?

A ke menduar cdo të thotë që të jesh një vëlla
Apo një motër në Kishën e Gjallë?
Jo thjesht një amator laik,
I ulur diku, pa emër e fjalë?

A e ke menduar cdo të thotë të jesh shtyllë,
E Tempullit Qiellor, ku Krishti banon?
Jo thjesht një kalimtar që një herë a dy herë në javë,
Këtë Tempull e viziton.

A e ke menduar cdo të thotë që të shohësh Nusen,
Se si Dhendrrin e Saj adhuron?
E lirë, E Virgjër, Pa njolla e rrudha,
Dhe zërin tënd me Zërin e Saj ta bashkosh?

A e ke menduar se një Vend Frymor ekziston,
Ku Qielli dhe Toka janë një,
Dhe Perjetësia shkrihet me Kohën,
Dhe Dera e Qiellit e hapur qëndron?

Shijoje këtë Vend ku rrjedh Ujë i Gjallë,
dhe Pema e Jetës ka celur,
Eklesia quhet ky Qytet…
Kjo Nuse…
Ky Tempull…

Matrix, mirë që për atë këngën e parë na dhe disa të dhëna, po për këtë të dytën nuk na the asgjë. Mos vallë është një poezi e re që ke bërë?

[Matrix]

Lindi menjehere sapo postova te paren.

[inscrite]

Matrix, jo vetem e kemi menduar dhe enderruar gjithe cka ti pershkruan ne poezine tende, por jemi duke e jetuar.

Ja, po te flas pak per kishen time. Ne Krishtin dua te te them se keto radhe nuk po i shkruaj thjesht per te te paraqitur fakte per te. Por se Ate qe ti e quan Babiloni, i perket e tera Atij, ajo eshte e dashur dhe e dorezuar Atij. Eshte e bukur ne Krishtin. Kemi edhe ne revolucionin tone, eshte ai i dashurise per Krishtin dhe per njeri tjetrin, po kthehen edhe tek ne gjerat permbys, por po kthehen perbrenda vetes sone, ndersa Ai trondit unin tone dhe lejon dashurine e Tij te rrjedhe, po ndodh ne mes nesh ndersa sprovohemi nga provat qe na vijne nga bota dhe nga jeta e perbashket me njeri tjetrin. Dhe ndersa ndodh keshtu, ka gjithmone e me pak nga njeriu dhe me shume prej Tij mes nesh. Po e perseris, ne i jemi dorezuar Atij. I kemi dhuruar jeten dhe zemren, sepse Ai na deshi i pari. Dhe nderkohe na meson ta duam njeri tjetrin gjithmone e me shume me dashurine e Tij.

Ja mendo pak, ti shkruan me dashuri dhe pershkrime te bukura per kishen tende. Po kaq e dashur eshte edhe kisha ime per mua, po kaq e bukur me duket. Ndersa ti flet per te, e perjashton nderkohe cdo kishe tjeter, sikur te jene me pak te bukura apo inferiore krahasuar me kishen tende. Une nuk do ta krahasoj kishen time me te tjerat, jane te gjitha te dashura ne syte e Tij. (te them te drejten do perpiqem te mos e krahasoj, sepse me ndodh edhe mua te mendoj se kisha ime eshte me e mira ne bote

Zemra ime gezohet ndersa motra dhe vellezer kudo ne bote mblidhen per ta adhuruar Ate me pasterti dhe thjeshtesi zemre. Dua te them se kjo eshte ajo qe ndodh edhe ne kishen time. Ndersa mblidhemi bashke, edhe ne ngazellojme ne pranine e Tij, edhe ne i shprehim dashurine, lotojme para Tij, e ndiejme te na rrahe zemra prej dashurise per Te, i thurim kenge. C’te themi pra, mos ndoshta eshte me pak hyjnore, me pak e paster, e bukur, e dashur dhe e panjolle? Kur eshte kaq e bukur per ne qe jemi pjese e saj dhe jetojme aty, per Ate qe dha jeten per te mendoj se eshte mijera here me shume.

Kam qeshur kur lexova per korin e kishes (e kishe nderlikuar ca me pershkrimin qe i kishe bere Ne nuk kemi kor kishe. Ndonjehere organizohemi dhe formojme ndonje grup qe kendon per dasmat ne kishe apo per te pershendetur kishen. Thashe grupi sepse kenget labe nuk kendohen ne turme, eshte nje grup qe i kendon ato, sot i perbere nga disa prej nesh here tjeter nga te tjere, por me nje numer te caktuar, se perndryshe nuk kendohen keto lloj kengesh. Ovacionet jane per kenget polifonike, krijojne nje atmosfere te gezueshme, ka edhe shume te qeshura, por jo se ne duartrokasim ndonje grup kengetaresh per performancen e tyre.
Gjithashtu, nuk kam thene t’i kendojme Krishtit vetem, t’i kendojme se bashku si familja e Tij.

Dhe per ta mbyllur, ne nuk jemi ne ketu, ju atje dhe ata te tjeret diku tjeter. Ne jemi te gjithe pjese e Trupit te Tij, dhe secila kishe eshte vecanerisht e bukur ne syte e Tij me individualitetin e saj.

Ne Krishtin,
Inscrite

[ABIGAIL]

Livent.
Nejse, gabimi ishte i imi qe vazhdova te diskutoj nje teme te tille te pakten ketu ne forum, por smund te rrija pa folur kur the se ne kishen time flet nje njeri.

E theksoj edhe nje here. Ne kishen time ne radhe te pare flet Perendia, dhe kete e ben jo nepermjet gojes se nje njeriu por nepermjet shume te tjereve, dhe une jam e kenaqur dhe ndertohem, dhe nuk kam ankesa per sa i perket kishes apo pleqve.

Te me falesh qe diskutova ketu ne forum te gjitha te tjerat.

Ndonjehere eshte me mire te jesh vezhgues ketu ne forum sesa pjesemarres, ashtu sic bene shumica, ndoshta ata dine dicka me teper sesa ne.

Miqesisht Abigail.

[marcus1]

Livent.
Nejse, gabimi ishte i imi qe vazhdova te diskutoj nje teme te tille te pakten ketu ne forum, por smund te rrija pa folur kur the se ne kishen time flet nje njeri.

E theksoj edhe nje here. Ne kishen time ne radhe te pare flet Perendia, dhe kete e ben jo nepermjet gojes se nje njeriu por nepermjet shume te tjereve, dhe une jam e kenaqur dhe ndertohem, dhe nuk kam ankesa per sa i perket kishes apo pleqve.

Te me falesh qe diskutova ketu ne forum te gjitha te tjerat.

Ndonjehere eshte me mire te jesh vezhgues ketu ne forum sesa pjesemarres, ashtu sic bene shumica, ndoshta ata dine dicka me teper sesa ne.

Miqesisht Abigail.

Motër Abigail, në shkrimin tënd vej re një lloj hidhërimi. Dua të të siguroj se nuk kam pasur ndër mënd të të hidhëroj aspak me shkrimet e mia dhe as kam pasur ndërmënd të lartësoj një kishë në kurriz të një kishe tjetër.

Megjithatë, fakti se ti je hidhëruar nga shkrimet e mia tregon se duhet të të kërkoj ndjesë. Më fal që të kam lënduar!