Përmirësohet ndjeshëm furnizimi me energji elektrike në vend

[Lunesta]

ja si ja shperblen Sal Ir Seni vlores per 97 ten



Izolohet dhe Vlora, 4 mijë njerëz bllokohen tek Ura e Mifolit

Vlorë- Shirat e furishëm e të vazhdueshëm që kanë rënë gjatë natës në rajonin e vlorës, Fierit, Mallakastër, Permetit, Tepelenës dhe Gjirokastrës, kanë krijuar një situatë të pazakontë përmbytjesh.

Si rezultat i kësaj situate, lumi i Vjosës është fryrë së tepërmi dhe ka dalë nga shtrati në zonën e komunës së Novoselës, gjë që ka shkaktuar një përmbytje totale me një shtrirje që shkon nga Selenica e deri në Akerni. E gjithë komuna e Novoselës që shtrihet përgjatë lumit Vjosa është përmbytur plotësisht. Situata më problematike është te ura e Mifolit në Novoselë, ku lumi Vjosa ka dalë me një gjerësi nga ura e deri në fshatin Mifol, gati 500m dhe nga ura e deri matanë fshatit Ferras të Fierit, gati 300m gjerësi. Po ashtu, ujrat e dala nga shtrati lumit kanë përmbytur rreth 10 shtepi të ndërtuara gabimisht gjatë urës së Mifolit, ujrat kanë hyrë në një lartësi 500 cm në brendësi të tyre, ndërkohë që niveli i tyre në zonat e përmbytura arrin deri në 3 m.

Sipas burimeve nga komuna e Novoselës, deri tani nuk ka patur probleme në njerëz, por janë mbytur edhe dhjetëra hektarë tokë dhe me qindra bagëti dhe shpendë. Vlera e dëmeve të shkaktuara arrin në miliona lekë, sipas të dhënave paraprake, si rezultat i kësaj përmbytjeje të pazakontë, është bllokuar qarkullimi rrugor pranë urës së Mifolit nga të dyja anët e saj. Drejtori i policisë së qarkut të Vlorës, kryekomisar Josif Shtembari tha sot se e gjithë policia e Vlorës ka shkuar në ndihmë të banorëve të zonës së përmbytur, kanë ardhur edhe dy helikopterë si dhe automjete ushtarake, të cilët kanë bërë të mundur transportin e njerëzve nga të dyja anët e urës, autobuzet me studentë të qytetit të Fierit që ktheheshin në shtepi, janë detyruar të kthehen pas, ndërkohë që shumë automjete kanë mbetur të bllokuar në pritje të tërheqjes së ujrave. Sipas kryetarit të komunës së Novoselës zotit Kanan Shakaj , komuna ka shpallur gjendjen e jashtëzakonshme dhe është bërë evakuimi i popullatës në të gjithë zonën e përmbytur. Llogaritja e saktë e dëmeve të shkaktuara do të bëhet vetëm kur të tërhiqen ujrat dhe të normalizohet situata. Kjo situatë është parë në këtë zonë rreth 40 vjet më parë, shprehen më të vjetrit. Masa të shpejta të Bashkisë së Vlorës për normalizimin e situatës së përmbytjeve në qytet.

Pas natës së përmbytjeve në qytetin e Vlorës, ku shirat e rëna përmbytën lagje dhe rrugë të qytetit, sidomos në zonën e Skelës, Bashkia e Vlorës ka reaguar menjëherë. Në zonat problematike ka shkuar vet Kryetari i Bashkisë zoti Shpetim Gjika, së bashku me zëvendësat e tij, ku ka parë nga afër situatën dhe ka udhëzuar ndërhyrjet për normalizimin sa më parë të situatës.

Eshtë fakt se, situatë të tilla janë të pashmangshme, jo vetëm për Vlorën, një qytet në nivele të përafërta me detin, por edhe në qytetet moderne të Italisë, Austrisë, Gjermanisë etj. Sasia e shirave të rëna gjatë gjithë natës, ka qenë e papërballueshme me rrjetin e kanalizimeve të qytetit të Vlorës, megjithatë Bashkia ka ndërhyrë për tu ardhur në ndihmë banorëve të zonave të përmbytura.

Kryetari i Bashkisë së Vlorës zoti Shpetim Gjika ka kërkuar zgjidhje të shpejtë të situatës, duke propozuar ndërhyrje emergjente për hapjen e kanaleve që krijojnë mundësi të shpejta për tërheqjen e ujrave.

Zonat më të prekura janë ato të Skelës në segmentin rrugor Vlorë-Skelë, atë në lagjen "Pavarësia", në lagjen "10 Korriku", në lagjen "1 Maji" dhe "24 Maji" etj.
24 ore


grricu me vloren o sal grricu se njiher ta tregun ate te vicit...

[beni67]

Gallate. Per zotin jeni bere per gaz. Vetem lajme bombastike dhe per se me c'qellim. Qe te themi se ja ku shkoi Shqiperia, mire e kemi se votuam per ate qeveri. Po pse o Viox Saliu e porositi shiun qe te izolohet vlora, apo e ka fajin Saliu qe nje grua me probleme mendore vetembytet ne Zaranike. Dikush tjeter na thote se erdhi qameti dhe tirana ngeli pa uje packa se nuk e di i shkreti se njesia e matjes per prurjet eshte metra kub dhe jo metra katrore. Nje tjeter jep lajmin e kobshem qe grate po vdesin ne maternitet. Ej thirrini mendjes se jeni bere qesharake. Te pakten jini te arsyeshem ne ato qe thoni. Fale shiut qe ra apo jo fakti eshte qe qeveria e kaloi edhe kete krize, packa se shkaktaret jane te tjere. Nga ana tjeter menaxhimi i situates se permbytjeve ishte mjaft profesional dhe i shpejte. Nje tregues i kesaj eshte mospasja e viktimave ( perjashto rastin e Zaranikes ) Pra me lind nje pyetje pse i meshoni vetem te keqiave dhe fatkeqesive, pse beni sikur i qani hallin popullit kur nga ana tjeter ferkoni duart...?

[Qerim]

Energjetika
Biznesi pjesëmarrës në privatizimet energjetike
Gjatë takimit të djeshëm me biznesin vendës, ministri Ruli i ka kërkuar këtij të fundit ndihmë për investime në sektorin energjetik, si dhe privatizimin e rrjetit të shpërndarjes. Ministri ka pohuar se energjia është një mall që do të kërkohet gjithmonë në treg dhe se investimet e tanishme në këtë sektor do të sjellin fitime të mëvonshme


Veprim i mire i qeverise Berisha. Eshte mire qe bisnezi te kontriboje vete ne shtimin e
energjise dhe te mos prese qe ajo te vije nga qielli.
Nese qeveria Berisha do te kete ide te tjera te mira si kjo ,rezultatet nuk do vonojne te vine.

[Lunesta]

Berisha gjithmone ide te mira ka. Me te mira se zoti.

[-Edu]

ne Kosove, Korporata energjetike e Kosoves ka filluar nje sistem te quajtur ABC.

Me kete sistem lagjet do te ndahen ne tri shkalle ate A, B dhe C.

Ne qofte se e tere lagjja paguan rrymen me rregull ate'here nuk do te kete reduktime fare ose shume pak (30min ne dite etj)

pra sa paguajn rrymen lagjja si kolektive aq rryme do te kene, sa ma pak paguajn do te kene reduktime me te medha.

ta shohim se si do te funksionon ky sistem.

[DiGiTeX]

Berisha gjithmone ide te mira ka. Me te mira se zoti.

ehh mo lal ... ai nuk di ku eshte vete .. se dhe vete po e shikone qe nuk ka {mendere} me qene kryeminister sepse po e con shqiperine drejt nje shkaterimi total ...

Haide respekte All !

[Qerim]

Komisioni i Ekonomisë miraton ndryshimin që i lejon KESH-it të blejë energji pa çmim dhe sasi fikse

Hiqet fondi limit për blerjen e energjisë nga KESH

Ky ndryshim synon të parandalojë dështimin e tenderit të KESH-it në 19 dhjetor të këtij viti

Ervin Qafmolla

TIRANË – Rreziku i një dështimi të radhës në tenderin për blerjen e energjisë nga KESH-i, ka çuar në liberalizimin e çmimit të energjisë. Sipas rregullave të reja Koorporata Elektroenergjitike shqiptare mund të blejë energji pa sasi dhe çmim të paracaktuar, por sipas çmimit më të ulët ndër ofertat e paraqitura. Në dokumentacionin standard të tenderit ishte e detyrueshme të vendosej saktësisht sasia e energjisë elektrike që do të blihet si dhe fondi limit i blerjes, çka nënkupton vendosjen e një çmimi fiks për kWh. Kjo masë është konsideruar “absurde” në më shumë se një rast, nga pjesëmarrësit në tenderat e KESH-it, ndërkohë që ka pasur edhe tendera ku është paraqitur vetëm një pjesëmarrës, çka ka çuar në dështimin e tyre. Vendimi që i jep KESH-it më shumë pavarësi, dhe që në veçanti, i lejon të marrë pjesë në të gjithë tenderat për të blerë energji, është miratuar dje nga Komisioni i Ekonomisë. Ndryshimi i miratuar në këtë komision lidhet me ligjin nr. 7971 “Për prokurimin publik”, por arsyetimi i deputetëve të qeverisë, sipas të cilëve, ky ndryshim bëhet për të shmangur dështimet e ardhshme në tendera, nuk është pranuar nga deputetët socialistë. Sipas tyre, kjo masë lejon hapësira për abuzime me tenderat e energjisë. Si rrjedhojë, ky ndryshim është miratuar pa votat e opozitës. “Ky akt normativ është një njollë e zezë, e nëse aprovohet për KESH-in kjo do të kërkojnë dhe ministritë e tjera për të pasur fonde në dispozicion pa limit,” deklaroi deputeti socialist Andis Harasani, ish drejtor i KESH-it. Megjithëse, kreu i Komisionit të Ekonomisë, Edmond Spaho solli shembullin e tenderave të dështuara radhazi brenda këtij viti, votat e opozitës kanë qenë kundër liberalizimit të çmimit dhe sasisë së energjisë që KESH-i mund të blejë. “Gjatë procesit të zhvillimit të tenderave të energjisë elektrike është bërë e domosdoshme një ndërhyrje në ligjin e prokurimit publik në mënyrë të veçantë lidhur me fondin limit, i cili ka sjellë dështimin e tenderave dhe kur janë paraqitur oferta pa dhënë mundësi të konkurrimit ndërmjet tyre,” thuhet në relacionin që i është paraqitur deputetëve në Komisionin e Ekonomisë. Sipas këtij relacioni, edhe pse fondi limit përcaktohej duke iu referuar çmimeve të INSTAT-it dhe institucioneve të tjera përkatëse, por meqë janë vërtetuar probleme me këto përllogaritje, çmimet për blerjen e energjisë nuk i përgjigjen realitetit. “Në këto kushte, edhe pse mund të paraqiten disa konkurrentë, të cilët i kanë të gjitha mundësitë të konkurrojnë ndershmërisht ndërmjet tyre, KESH-i nuk ka të drejtë të vazhdojë procedurat e tenderimit, pasi kalohet fondi limit,” thuhej në relacion. Heqja e fondit limit, sipas deputetëve të pozitës, pritet të ndikojë pozitivisht, si masë parandaluese për një dështim të mundshëm, në tenderin e hapur ndërkombëtar për blerjen e energjisë elektrike për vitin 2006, i cili do të hapet më 19 dhjetor 2005.


Alfred Rushaj, këshilltar juridik në KESH
Tenderat e energjisë së vitit 2005 kanë dështuar kanë ardhur si rezultat i ndjekjes së parimit se çdo ofertë e ardhur mbi fondin limit do të konsiderohet e pavlefshme. Gjatë vitit 2005 ka ndodhur rreth 6 herë dështimi i blerjes së energjisë elektrike me prokurim për këtë vit. Shkak i dështimit të këtyre tenderave ka qenë mospasja e konkurrencës e cila ka ardhur pasi ofertat që janë bërë kane qenë më të larta se fondi limit i përcaktuar nga qeveria për blerjen e energjisë elektrike.

Ylli Bufi
Miratimi i këtij akti hap një shteg për evazion dhe korrupsion në fushën e energjisë elektrike që është dhe fusha më e përfolur. Nuk ka arsye ta shtyjnë qeverinë të marrë këtë iniciativë që meqë INSTA-ti nuk i botoka çmimet e energjisë në kohën e duhur apo për probleme të parëndësishme. Arseja e vërtetë me këtë ndryshim do të sjellë që KESH-i do të ndodhet gjithmonë në situatë emergjente. Unë mendoj që duhet që KESH-it ti krijohen mundësitë për blerje afatgjata sipas rregullave të përdorimit të Fondeve Publike dhe duhet që KESH-i të sigurojë kredi afatgjata për një ose dy vjet. Me këtë akt ligjor ne i japim mundësi KESH-it të blejë energji elektrike shumë më shtrenjtë në situata të paparashikuara.

Aleksandër Biberaj
Mendoj që duke pasur parasysh dhe situatën e krizës që kaluam kjo është një masë që po merret për të zgjidhur krizën energjetike. Tenderat kane dështuar me vite nga kufizimi që vendos fondi limit për blerjen e energjisë elektrike. Siç u tha dhe nga specialistët çmimet në bursë dhe në tregjet energjetike kanë një lëvizje edhe mujore edhe brenda ditës referuar krizës së energjisë elektrike në gjithë Ballkanin. Mendoj se kjo është një masë e duhur që merret në kohën e duhur në mënyrë që ne mos të kemi më dështime tenderash dhe Shqipëria të mbetet në errësirë siç mbeti gjatë kohës së fundi. Unë me këtë akt shoh zgjidhjen e krizës energjetike. Natyrisht qeveria do të blejë energji me afate sa më të gjatat të mundshme dhe unë nuk shoh asnjë element korruptiv nëse ne heqim një barrierë që praktikisht ka penguar realizimin e tenderave.

09/12/2005
KATEGORIA: Ekonomi

[darkman]

Miredita te gjitheve.

Sot po lexoja ne gazeten panorama shkrimin me titull te madh.

Tiranë, energjia do mungojë çdo ditë për 90 minuta
Dhe me posht shkruajtur ne Bold ishte si nen tititull
Në kryeqytet dritat do të mungojnë për 90 minuta në orët e pikut. Ndryshe nga muaji i kaluar, ku shkaku i kufizimeve ishte mungesa e energjisë, këtë herë shkaku i ndërprerjeve është mbingarkesa e rrjetit.

I gjithe artikulli vazhdon te flasi per mungesen e energjise ne tirane.
dhe ne nje cep te faqesh ndodhej kjo e dhene:

Nderprerjet ne rrethe

* Korça 10 orë në ditë
* Kukësi 10 orë në ditë
* Elbasan 8 orë në ditë
* Shkodra 8 orë në ditë
* Fier 8 orë në ditë
* Lezhë 8 orë në ditë
* Vlorë 8 orë në ditë
* Durrës 6 orë në ditë
* Gjirokastër 2 orë në ditë

Me vone mesova qe ne diber ishte nje zone me 3 dite pa drita dhe per kete skish asnje rrjesht te shkruajtur ne gazete.

Ndonjeri din te me shpjegoje pse kjo shperndarje e padrejte e energjise elektrike midis zonave te ndryshme apo gjen ndonje justifikim per kete.

Plus desha te pyes edhe per faktin se nderprerjet ne qytetet e tjera qe cuditerisht ne shqiperi quhen rrethet nderprerjet jane deri ne 10 ore dhe gazeta shqetesohet per 90 minutat e tiranes(kryeqytetit) dhe vetem per kryeqytetasit(edhe ky term shume i cuditshem qe po kerkoj perkime ne gjithe gjuhet qe njoh dhe nuk arrij dot te gjej).

Pres me shume interes pergjigjet e juaja

faleminderit.

[darkman]

Besoj qe moderatori ka spostuar temen time ketu.

Nuk e arrij dot ta kuptoj pse e ka bere??
Un mendoj qe shkrimi im nuk ka te bej me permisimin e ndjeshem me furnizim te energjise elektrike dhe nje moderator duhet te jete aq inteligjent sa ta kuptoje qe 'permisimi ndjeshem' dhe 'diferencimi ne shperdarjen e energjise elektrike' jane dy gjera krejtesisht te ndryshme. Plus shkrimi im kishte nje linje ku i rendesishem ishte edhe titulli. Duke hequr titullin e temes jam i idese qe ke manipuluar edhe shkrimin tim duke e bere te paplote.

Pastaj urrej kete menyre moderimi te seksionit. deri para qeverise se re, tema kishte titullin 'Kriza energjitike ne shqiperi' dhe papritur e gjitha transformohet ne 'permisohet ndjeshem furnizimi me energji elektrike'. I dashur moderator sipas edhe kjo eshte nje manipulim.

E di qe ke mundesine te syrgjynosesh edhe kete shkrim, 'ku i dihet se ku', por un mendoj qe kjo nuk eshte nje menyre per te moderuar nje forum.

[darkman]

Besoj qe moderatori ka spostuar temen time ketu.

Nuk e arrij dot ta kuptoj pse e ka bere??
Un mendoj qe shkrimi im nuk ka te bej me permisimin e ndjeshem me furnizim te energjise elektrike dhe nje moderator duhet te jete aq inteligjent sa ta kuptoje qe 'permisimi ndjeshem' dhe 'diferencimi ne shperdarjen e energjise elektrike' jane dy gjera krejtesisht te ndryshme. Plus shkrimi im kishte nje linje ku i rendesishem ishte edhe titulli. Duke hequr titullin e temes jam i idese qe ke manipuluar edhe shkrimin tim duke e bere te paplote.

Pastaj urrej kete menyre moderimi te seksionit. deri para qeverise se re, tema kishte titullin 'Kriza energjitike ne shqiperi' dhe papritur e gjitha transformohet ne 'permisohet ndjeshem furnizimi me energji elektrike'. I dashur moderator sipas edhe kjo eshte nje manipulim.

E di qe ke mundesine te syrgjynosesh edhe kete shkrim, 'ku i dihet se ku', por un mendoj qe kjo nuk eshte nje menyre per te moderuar nje forum.

Nuk meritoj as edhe nje pergjigje!!!!!!