Zgjebje në qytetin Studenti

[helene]

Dermatologu Përnaska: Konviktoret, më shumë të prekura nga zgjebja. Femrat më shumë të prekura se sa meshkujt
Qyteti Studenti, raste me zgjebe te konviktorët


Erjon Ajazi

Rreth 35 vizita në ditë bëhen nëpër poliklinikat e Tiranës për sëmundjen e zgjebjes. Me kthimin e studentëve, muaji i fundit ka sjellë rritjen e të prekurve. “Në Tiranë sëmundja e zgjebjes shfaqet më shumë te vajzat sesa te meshkujt. Kryesisht të prekura nga zgjebja janë konviktoret, të cilat e transmetojnë infeksionin me anë të ndërrimit të veshjeve të njëra-tjetrës”. Kështu ka konfirmuar për gazetën “Shekulli” doktori i shkencave mjekësore të repartit të dermatologjisë në Poliklinikën nr. 3 të Tiranës, Bujar Përnaska. Ai shprehet se vajzat duhet të jenë më të kujdesshme, pasi rastet më të shpeshta të zgjebjes konstatohen tek ato. Sipas dermatologut Përnaska, edhe pse janë shfaqur raste të zgjebjes, nëpër poliklinika nuk ekzistojnë përmasat alarmuese që Tirana të ndodhet përpara një rreziku të epidemisë së zgjebjes. Gjithsej, në të gjitha repartet e dermatologjisë bëhen 35 vizita në ditë, ku pjesa më e madhe e të vizituarve përkojnë me moshën 21 vjeç.
Zgjebja është sëmundje e stinëve të ftohta. Në Shqipëri shfaqet më tepër në vendet e mbipopulluara me kontroll pothuajse zero si çerdhe, kopshte, konvikte dhe shkolla. Mjekimi bëhet në shkallë familjare dhe kolektive. Pra, mjekohen persona që kanë qenë dhe janë në kontakt me të sëmurin, pavarësisht nëse kanë apo jo shenja sëmundjeje. Zgjebja është një sëmundje e përhapur sot dhe njihet me emra të ndryshëm si zhuga, kroma, skabie etj. Kjo sëmundje shkaktohet nga një morr shumë i vogël, i quajtur “akarius skabiei”, i cili lëviz më tepër natën, në temperaturë të ngrohtë, kur trupi bie në qetësi.
Shenjat e para të zgjebes
Një ndër shenjat e para të infeksionit janë kruajtjet gjatë natës, pasi natën trupi bie në qetësi dhe temperatura e tij është e lartë. Kruajtjet shfaqen afërsisht një muaj pas infektimit. Vendi më i shpeshtë i kruajtjes dhe paraqitja e puçrave të kuqe është nëpërmjet gishtërinjve, pastaj në sipërfaqen e brendshme të kthesave të duarve, në bërryla, nën gji, në sqetulla. Shkencërisht te femrat këto puçra shfaqen në bark, në organet gjenitale, ndërsa te meshkujt në gjunj dhe në gishtat e këmbës. Një tjetër shenjë është shfaqja e puçrave çifte, të cilat lenë shenja në lëkurë kur “akarius skabiei” futet dhe del prej saj. Këto puçra te njerëzit janë të ndryshme nga format e puçrave që konstatohen te qeni, macja dhe nganjëherë edhe te kali. Infeksioni bëhet në kontaktin direkt me të sëmurin dhe në mënyrë indirekte nëpërmjet veshjeve, rrobave, sendeve të përdorimit nga i sëmuri me zgjebe.
Janë të shumta rrugët që të çojnë te zgjebja. Disa prej tyre janë: shkaku i ndotjes së mjedisit, të mungesës së pastërtisë, moskryerjes së vaksinave dhe veshjeve të pjesëtarëve të tjerë të familjes ose shoqërisë. Papastërtia dhe moslarja e trupit nuk kanë ndikim të rëndësishëm në përhapjen e zhugës. Në përhapjen e saj luajnë rol të rëndësishëm kushtet shoqërore- ekonomike dhe higjiena sanitare.

Si kurohet zgjebja
Pasi shenjat e sëmundjes shfaqen një muaj pas infektimit, atëherë duhet të bëhet mjekimi i menjëhershëm jo vetëm i të sëmurëve, por edhe të gjithë anëtarëve të tjerë të familjes, duke mos marrë parasysh mungesën e shenjave tek ata. Sot mjekësia posedon medikamentet efikase për ta mjekuar me sukses këtë sëmundje. Sulfuri është bari më i vjetër kundër zhugës, i lirë dhe i sigurt. Përdoret në trajtë pomade 15 % te të rriturit dhe 10 % te fëmijët. Rëndësi të veçantë ka profilaksia, mjekimi i të sëmurëve me të kontaktuarit, dezenfektimi i sendeve përdoruese, zierrja, larja e ndërresave me ujë të vakët e sapun dhe hekurosja mjaftojnë për të asgjësuar parazitët. Kur sëmundja nuk mjekohet qysh në fillimet e saj, atëherë ajo kronicizohet ose vjetërsohet dhe mund të infektohet dhe të ekzematizohet. Rëndësi të veçantë ka edhe prerja e thonjve.




30/10/2005

[Alket123]

mos u kruani atehere pse kruheni.

[Mateus]

Shyqyr qe nuk e kam te dashuren tek qyteti studenti se do t'me thoshte atehere" Pse s'ma kruan i dashur"



ps: Mendoj se gazeta ka spekulluar me nje shkrim te tille.

[Alket123]

ps: Mendoj se gazeta ka spekulluar me nje shkrim te tille.

as mos e diskuto!

[MiLaNiStE]

ewwwww mjer ato lol

/me bon kryqin

[Alket123]

disa nga keto studentet kane dale prostituta te lira $100. mjere ata qe paguan per qejfin te marrin dhe zgjeben tani.

[Dito]

Ky shkrim eshte nje turp i vertete, ne cdo vit ka pasur persona sporadike me kete semundje e cila eshte teper e kurueshme dhe mjaft e lehte per tu diktuar. Persa i perket informacionit qe mora ne telefon nga Mjeku Edmond Celiku rezultoi qe ka ndonje rast te vecante por jo epidemi. Ajo cka me tha ne menyre konfidenciale miku im Edmond ishte: Mos duan te organizojne ndonje tender andej nga poliklinika qendrore dhe organizojne kesi lojrash me ndonje gazetaruc qe vrapon si budallai.

Dito.

[Lunesta]

E ca se ra zgjebja? Sikur ra murtaja.

Nejse cdo te keqe e ka nje te mire. Thone qe po kalove zgjeben veshtire se te ze me ndonje semundje infektive.

Kur me ra mua zgjebja ne kopsht me lyen trupin me vajgur kunder krruajtjes. Sot kane dale patjeter medikamente te reja.

[DeLiRiUm TrEmEnS]

Gazetari sikurse ndodh rrendom ne shqiperi eshte paguar prej mjekut per ti berre reklame ketij te fundit. nqs do te ishte gazetar serioz do te kishte pyetur disa mjek dhe jo vetem nje, qekurse reparti i infektivit ne qendren spitalore perbehet prej nje grup mjekesh.Mgja lajme te tilla jane gallate per banoret e QS-se!!! Me siguri studentet socialiste pasi kane lexuar nje lajm te tille do kene nisur te bertasin "poshte qeveria berisha!", sikurse staudentet demokrate ne 1999, therrisnin "Poshte qeveria Mjako!" sa here ju iknin dritat.
Jeta konviktore eshte KLASS!!!

[abnk]

Kryesisht të prekura nga zgjebja janë konviktoret, të cilat e transmetojnë infeksionin me anë të ndërrimit të veshjeve të njëra-tjetrës”.

WTF, over?

Zgjebja=crabs...msova nji fjale t're sot.