Aksioni "Duar të pastra"

[dardajan]

Partia demokratike u angazhua para dhe pas fushates elektorale se do luftonte korrupsionin , dhe populli Shqiptar e votoi ne mase pasi e shihte me syt e vet qe korrupsioni kishte marre permasa katastrofike per vendin dhe vet familjet shqiptare.
Tani partia demokratike ka pushtetin dhe per mendimin tim po zbaton ne te gjitha fushat aksionin me duar te pastra ,prandaj medova qe te gjitha aksionet e saj ku del hapur abuzimi i socialisteve me pushtetin dhe vjedhjet e tyre te pasqyrohen ne nje teme te vecante ku sejcili te kete mundesi te njihet me bemat e socialisteveper te gjykuar.


dardajan


E Marte, 01 Nentor 2005


ZYRTARET VODHEN 7 MILIARDE LEKET E INVESTIMEVE

Eglantina Nasi

Porosia ka qene e prere: "Me tregoni ku kane shkuar fondet e dhena!". Ministri i ri i Punes Kosta Barka, nuk ka preferuar te zgjatet me tej me sqarime para vartesve te tij. Por ka kerkuar patjeter qe te zbulohet ku kane perfunduar fondet per te cilat ne fakt eshte firmosur, por qe duket se nuk jane vene aspak ne perdorim. Behet fjale per shumen e 700 milione lekeve "te reja), te caktuara si investime per vitin 2005. Por ministri i ri ka mbetur i shtangur kur ka konstatuar se realizimi i ketij "zeri" nuk ka arritur as ne kufijte e gjysmes, megjithese kane mbetur vetem dy muaj kohe para mbylljes se afatit te realizimit te tij. Fakti eshte skandaloz, po te mendosh se behet fjale per nje ministri e cila mbulon sektoret me te ndjeshem sociale te vendit si asistencen sociale, edukimet profesionale apo funksionimin e zyrave te punes, per sigurimin e nje niveli sa me optimal punesimi. Ne vend qe keto fonde te vene ne funksion te realizimit te ketyre objektivave, ato vidhen para kohe nga ana e vete zyrtareve te ministrise se Punes.

Por duheshin "duart e pastra" te ministrit Barka qe te dilnin ne shesh keto afera te bera ne kete ministri, te ngjashme me te cilat nuk eshte aspak cudi qe te kene ndodhur edhe ne ministrite e reja.

Kontrolli nxori fakte tronditese

Sipas burimeve te brendshme, Ministri i Punes dhe Ceshtjeve Sociale Kosta Barka ka nisur operacionin e "duarve te pastra". Nje grup pune me specialistet me te mire eshte urdheruar te beje kontrollin e investimeve te porositura nga ish-qeverisja socialiste, ne te cilat perfshihen investime me para nga buxheti i shtetit, investime nga burime te brendshme, investime nga burime te huaja etj. Ministri Koco Barka ka mbetur i habitur kur ka konstatuar qe megjithese jane hedhur firma per rreth 700 milion leke "te reja) investime per vitin 2005 realizimi i ketij "zeri" nuk ka arritur as ne kufijte e gjysmes, megjithese kane mbetur vetem dy muaj kohe. Ne siten e kontrollit jane vene dy "thela" te medha, si shumat e dhena per ngritjen e dy qendrave te formimit professional ne Elbasan dhe Fier. Nje pike e erret, e shenuar "me laps te kuq" nga ministri i ri eshte projekti "Shperndarja e sherbimeve sociale", ku Banka Boterore se bashku me shtetin shqiptar ka hedhur miliona dollare, por duket se ato nuk dihet ku kane perfunduar. Sipas burimeve te Ministrise realizimi i ketij projekti nuk ka shkuar me shume se 15 perqind kundrejt objektivit per vitin 2005. Porosia ka qene e prere: "Me tregoni ku kane shkuar fondet e dhena!". Ne veshtiresi jane vene si kontrolloret, ashtu edhe firmetaret, tenderuesit dhe urdheruesit, te cilet kundrejt rezultatit do te pergjigjen per vendet e punes, deri per ndjekje penale ne rast abuzimi, shperdorimi ose mosveprimi. Ministri i Punes dhe Ceshtjeve Sociale Kosta Barka ka plainifikuar qe pas kontrollit do te ndermarre vete nje verifikim personalte investimeve, nje lloj testi edhe per vete kontrolloret dhe ekipin e punes te ngritur vete nga ai.

Ish-ministri Bejtaj ankohej per fondet e pakta

Nderkaq, ish-ministri i Punes dhe Ceshtjeve Sociale Engjell Bejtaj eshte ankuar per fondet e pakta te qeverise socialiste qe i caktoheshin atij per sektoret perkates, sidomos per ate te punesimit. Ne nje raport te detajuar te ish-ministrit Engjell Bejtaj lidhur me nxitjen e projekteve te punesimit, nje vit me pare vihej re ankesa per fondet e planifikuara nga ana e qeverise per vitin 2005. Por kush i fitonte ne te vertete edhe ato pak fonde te cilat akordoheshin? Burime te brendshme prane kesaj ministrie, tregojne se pjesa me e madhe e punedhenesve te cilet perfitonin prej tyre, u duhej pse jo edhe te paguanin nen dore specialistet e ministrise se Punes per t'i patur keto fonde. Keshtu, keta zyrtare perfitonin ne menyre te padrejte dyfish, nga njera ane duke vjedhur fondet e shtetit ne rruge e siper te akorduara per te vene ne jete investimet apo projektet e caktuara te qeverise dhe nga ana tjeter, merrnin jo rralle edhe rryshfete nga punedhenesit. Te gjitha keto shkelje, te cilat perfliteshin me me ze te ulet dhe qe diheshin nga te gjithe ne ministrine e Punes, tashme kane rast qe te publikohen dhe pse jo autoret e tyre te ndeshkohen. Duke besuar plotesisht se operacioni "Duar te Pastra" do te vijoje edhe ne ditet e ardhshme dhe jo vetem ne kete ministri me publikimin e shkeljeve dhe vjedhjeve qe jane bere deri tani nga ish zyrtaret e larte te ministrive.





Copyright © KOHA JONE - E perditshme e pavarur Powered by WebPhotoPro

[Lunesta]

Drejtorët e PS, gati shkarkimi


N.Perndoj

TIRANË- Puna e ministrave të qeverisë “Berisha” është në rrugë të mbarë, sipas deputetëve të Partisë Demokratike. Por kjo nuk ka mjaftuar, që edhe dje në mbledhjen e grupit parlamentar të mos kishte debat për një tjetër çështje që po përflitet çdo ditë, reforma në administratë. Një grup deputetësh kanë kërkuar gjatë mbledhjes që të ketë reformë të thellë në administratë, pasi, sipas tyre, në drejtoritë rajonale ndodhen sërish përfaqësues të PS-së. Sipas deputetëve, Partia Demokratike ka mjaft njerëz për t’i zëvendësuar denjësisht titullarët aktualë. Madje deputetët kanë shkuar deri aty sa e kanë cilësuar të pavend faktin që në krye të disa drejtorive të qëndrojnë edhe zyrtarë që në zgjedhjet e fundit parlamentare kanë qenë kandidatë për deputetë nën siglën e PS-së. Nga ana e tij, kryeministri Sali Berisha ka shpjeguar se kjo çështje po ndiqet me kujdes nga qeveria që ai drejton. Berisha ka shpjeguar edhe njëherë se në drejtoritë në nivel qendror, mund të ndërhyjë qeveria. Ndërkohë që për reformën në nivel lokal duhet të mendojnë strukturat e partisë dhe vetë deputetët, sipas ligjit. Gjatë mbledhjes kjo çështje ka sjellë edhe reagimin e disa ministrave, të cilët kanë qenë të një ideje se emërimi i drejtorëve të rinj, përveç kontribut politik, duhet të bëhet edhe mbi bazat e përgatitjes profesionale.
Drejtoritë rajonale
Dy javë më parë, në mbledhjen e grupit parlamentar të PD-së, kryeministri Sali Berisha deklaroi se brenda një afati të shkurtër, 210 drejtorët rajonalë do të zëvendësohen nga të tjerë punonjës, që kësaj here do t’i përkisnin partisë në pushtet, PD-së. Në këtë mbledhje u fol për lëvizje të mëdha në të gjitha drejtoritë rajonale. Madje deputetët u informuan se nga 210 drejtori që ndodhen në të gjithë Shqipërinë, 160 prej tyre do t’i përkisnin Partisë Demokratike. Ndërkohë, përmes paktit të arritur me drejtuesit e partive qeverisëse, u vendos që 50 drejtori rajonale të drejtohen nga partitë e koalicionit qeverisës. Përveç këtij vendimi, asgjë tjetër nuk u konkretizua në atë mbledhje, për t’u vazhduar si diskutim në një mbledhje të dytë. Dhe pikërisht dje deputetët iu rikthyen sërish këtij debati, jo shumë për atë që ata kanë në kompetencë, por për drejtoritë në nivel qendror, drejtuesit e të cilëve janë emëruar që në kohën e qeverisjes së PS-së.

Nishani, zëdhënës i grupit të PD
TIRANË- Për herë të parë, grupi parlamentar i Partisë Demokratike do të ketë zëdhënësin e tij. Burime nga grupi parlamentar i PD-së deklaruan dje për „Shekullin“, se nga kryeministri Sali Berisha dhe një grup deputetësh është propozuar që Bujar Nishani të jetë zëdhënësi i grupit parlamentar, një eksperiencë që nuk është ndjekur me parë nga PD-ja. Propozimi për Nishanin zëdhënës pritet të miratohet mbledhjen më të afërt të grupit parlamentar të PD-së. Nishani është ndër të paktët zyrtarë të Partisë Demokratike që ka reaguar publikisht për disa çështje të rëndësishme, që lidhen veçanërisht me punën e Prokurorisë. Në të njëjtën kohë, ai vazhdon që të mbajë lidhje me strukturat e PD-së Tiranë si sekretar i përgjithshëm i kësaj dege. Angazhimi i tij qoftë me strukturat e partisë, por edhe me çështjet kryesore politike në vend, ka bërë që një pjesë e deputetëve, por edhe vetë kryeministri Sali Berisha, ta propozojë atë në postin e zëdhënësit të grupit parlamentar të PD-së.




01/11/2005

[dardajan]

E Merkure, 02 Nentor 2005


MILIONA TE VJEDHURA NGA FONDET PER AZILET

Eglantina Nasi

Korrupsioni ne sektoret qe mbulohen nga ministria e Punes, ka depertuar edhe ne menaxhimin e fondeve per shtepite e te moshuarve. Duket se milionat nuk jane vjedhur vetem nga projektet e investimeve ne sektoret e punesimit, sic denoncoi dy dite me pare vete drejtuesi i ri i kesaj ministrie Kosta Barka. Por edhe ne sektore te tjere, ndoshta te padukshem per publikun e gjere, por teper te prekshem per masen e njerezve tek te cilet kane ndikim. Kete radhe, jane vete te moshuarit e azileve te cilet ngrejne zerin kunder ketyre vjedhjeve qe jane bere ne insituticionet e rehabilitimit te tyre. Aty ku milionat e hedhura nga shteti nuk kane qene te pakta, por qe kane perfunduar tek ata vetem ne copa buke dhe kavanoze receli per tre persona. Duke pershendetur nismen e ministrit Barka "duar te pastra", jo vetem keta te moshuar mjerane, por edhe mijera qytetare te tjere jane ne pritje te zbulimit dhe denoncimit te abuzimeve te reja qe jane bere me institucionet sociale ne vend.

Politikat e gabuara te Sherbimit Social Shteteror

"Kerkojme nga qeveria e re, te nise hetimet ndaj abuzuesve me fondet per te moshuarit e azileve te Shqiperise" shprehet Baftjar Caushi, kryetari i Shoqates per Integrim te te Moshuarve te cilet banojne ne shtepite e pleqve ne gjithe Shqiperine. Te moshuarit, denojne politikat e gabuara te Sherbimit Social Shteteror, te cilat sipas shoqates "Per Integrim te te Moshuarve, nuk kane qene efikase per t"u ardhur ne ndihme ketyre njerezve. "Ne mendojme se ne shtepite e te moshuarve, ne Tirane, Shkoder, Kavaje, Fier dhe Gjirokaster, ka pasur shume abuzime me fondet e brendshme te azileve dhe te fondeve te dhuruara nga fondacionet e huaja"- shprehet Baftjar Caushi. Sipas tij, "keto fonde nuk dihet ku kane vajtur dhe pikerisht per keto, ngulim kembe qe ne kuadrin e politikave te reja te luftes kunder korrupsionit ne institucione, te hetohen edhe fondet e dhena per azilet". Te moshuarit kerkojne hetime direkte nga Prokuroria e Pergjithshme dhe nga Kontrrolli i Larte i Shtetit, per te gjitha fondet e trajtuara nga shtepite e te moshuarve ne rrethe dhe ne vecanti nga Sherbimi Social Shteteror. Te moshuarit te cilet jetojne ne azile, pershendesin ministrin e Punes dhe Shanseve te Barabarta, per marrjen e nismes per zbardhjen e fondeve te akorduara nga kjo ministri per shtresat ne nevoje. "Ishte teper e turpshme per ministrine e Punes dhe Ceshtjeve Sociale, qe ne 15 vitet e fundit i ktheu shtepite e te moshuarve "azilet) ne vende mjerane" - thote Caushi. Sipas tij, pensionet te moshuarve nuk u jepen ne rregull edhe veshmbathjet ua japin fondacionet e huaja. "Ushqimet ne azile jane te cilesise se dobet, punonjesit abuzojne dhe me gramaturat, ku nje vazo kos prej 350 gramesh e ndanim tre veta" - shpjegon Caushi.

Jeta mjerane ne nje azil shqiptar

"Frutat jane nje luks per ne, gjate gjithe vitit nuk na japin me shume se nje kokerr" - vazhdon te tregoje ai, hallet e pleqve te braktisur nga shteti dhe shoqeria. Por hallet e tyre nuk qendrojne vetem ketu. Ne rast se dikush prej tyre semuret, eshte i destinuar te sherohet vetiu, ose te kaloje ne boten e pertejme pa kujdesin e duhur shendetesor. "Kur te moshuarit semuren, shtrohen ne spitale, sa per te thene. Spitali e sjell perseri ne azil pa asnje ndryshim dhe ne vdesim duke u perpelitur ne meshire te fatit" - thote Caushi. Por ka akoma edhe me teper, qe nga godinat pa ngrohje ne dimer e pa freski ne vere e deri tek mungesa e nje paracetomoli ne dhomen-inferimeri te azileve. Per te gjitha keto mangesi, te moshuarit te cilet ngrysin ditet e tyre te fundit, ne shtepite e pleqve kerkojne daljen para drejtesise te fajtoreve dhe te abuzuesve me shumat e parave, te akorduara per ta.

Ministri Barka zbuloi 7 miliarde te vjedhura

Behet fjale per shumen e 700 milione lekeve "te reja), te caktuara si investime per vitin 2005. Ministri i ri i Punes dhe Shanseve te Barabarta, ka mbetur i shtangur kur ka konstatuar se realizimi i ketij "zeri" nuk ka arritur as ne kufijte e gjysmes, megjithese kane mbetur vetem dy muaj kohe para mbylljes se afatit te realizimit te tij. Ne siten e kontrollit jane vene dy "thela" te medha, si shumat e dhena per ngritjen e dy qendrave te formimit professional ne Elbasan dhe Fier. Nje pike e erret, e shenuar "me laps te kuq" nga ministri i ri eshte projekti "Shperndarja e sherbimeve sociale", ku Banka Boterore se bashku me shtetin shqiptar ka hedhur miliona dollare, por duket se ato nuk dihet ku kane perfunduar. Sipas burimeve te Ministrise realizimi i ketij projekti nuk ka shkuar me shume se 15 perqind kundrejt objektivit per vitin 2005. Porosia ka qene e prere: "Me tregoni ku kane shkuar fondet e dhena!". Ne veshtiresi jane vene si kontrolloret, ashtu edhe firmetaret, tenderuesit dhe urdheruesit, te cilet kundrejt rezultatit do te pergjigjen per vendet e punes, deri per ndjekje penale ne rast abuzimi, shperdorimi ose mosveprimi. Ministri i Punes dhe Ceshtjeve Sociale Kosta Barka ka plainifikuar qe pas kontrollit do te ndermarre vete nje verifikim personal te investimeve, nje lloj testi edhe per vete kontrolloret dhe ekipin e punes te ngritur vete nga ai.





Copyright © KOHA JONE - E perditshme e pavarur Powered by WebPhotoPro

[dardajan]

E Merkure, 02 Nentor 2005


20 MILIONE DOLLARE, DEFICITI NE ISKSH E QSUT

Ja deklaratat tronditese te bera nga ministri i Shendetesise:

- Dikasteri trashegon 20 milione deficit nga ISKSH-ja dhe QSUT

- Gjendja ne sektorin e shendetesise, nuk eshte aspak e mire

- Pas 15 vjet transformimesh, shtrij doren per carcafe ne QSUT

- Shteti e ka sherbimin spitalor falas. Por behen pagesa nen dore

- Ne QSUT per 1400 apo 1500 shtreter kemi rreth 800 mjeke

- Konflikti i interesave ekziston dhe pse jo problem kryesor

- Nje shef sherbimi menaxhon miliona dollare te ministrise

- Mjeku do te paguhet per konsulten. Por jo per aparaturat etj.

I zhytur ne miliona dollare eshte katandisur tashme sistemi yne shendetesor. Kjo si pasoje e deficiteve te trasheguara nga institucionet e tij kryesore, si Instituti i Sigurimit dhe Kujdesit Shendetesor apo ai i Qendres Spitalore "Nene Tereza". Ka qene ete ministri i Shendetesise Maksim Cikuli i cili ka vene ne dukje gjate nje interviste te tij shifrat e borxheve te trasheguara nga te dyja institucionet e permendura. "Trashegojme nje deficit prej 10 milione dollaresh ne Institutin e Sigurimit dhe Kujdesit Shendetesor. Pse ka ardhur ky? Ka ardhur vetem si rezultat i nje politike te pabazuar nga ana financiare. Po keshtu dhe ne QSUT deficiti eshte po kaq, 10 milione dollare. Imagjinoni per nje ministri Shendetesie te nje vendi me te ardhura modeste, qe i duhet te shlyeje pikerisht keto borxhe" ka pohuar ministri i Shendetesise Cikuli ne intervisten e tij per Top Channel. Nga ana tjeter, nuk ka ngurruar te shprehet se gjendja e sistemit tone shendetesor nuk eshte aspak e mire. Sipas tij, reformat e pritshme ne kete sistem, behen me te veshtira pas deficitit qe trashegon dikasteri.

Nevojitet patjeter nje reforme ne shendetesi

"Per fat te keq, reforma ketu tek ne shpeshhere eshte konceptuar si heqie dhe venie njerezish. Ne stafin aktual te ministrise se Shendetesise as qe behet fjale per nje menyre te tille pune. Reforma do te jete nje reforme e konceptuar mire dhe nje reforme e thelle qe ka te beje kryesisht me sistemet e financimit te shendetesise" tha nder te tjera ministri Cikuli. Nderkohe qe sipas tij, ne kuadrin e reformes, do dalin dhe menyrat e reja te organizimit te spitaleve. "Une mund t"ju them shifra qe mund t"ju alarmonin. Vetem ne QSUT per 1400 apo 1500 shtreter kemi rreth 800 mjeke, fut dhe stazhieret. A eshte i drejte ky raport? Po te llogarisesh dhe shfrytezimin e shtreterve, 75 apo 80 per qind i bie qe te kemi nje mjek per 1.2 apo 1.3 paciente. Nuk shkon" pohon ministri i ri i Shendetesise. Nga ana tjeter, ai ngre edhe problemin e konfliktit te interesave i cili sipas tij, sigurisht qe nuk eshte problemi kryesor ne shendetesi, por ekziston. "Ne shendetesi ka persona ne konflikt te hapur interesi, si pershembull drejtore spitalesh apo shefa sherbimesh me kabinete private. Pra eshte nje konflikt i hapur interesi, i trajtuar nga ky inspektoriat" pohon ministri Cikuli. Nga ana tjeter, shendetesia perballet edhe me nje problem emergjent, ate te ekzistences se mjekeve te papune. "Domethene si ka mundesi qe i njejti njeri qe eshte profesor ne fakultet, qe eshte shef sherbimi drejton 2 apo 3 klinika private nderkohe qe pune duhet te kete per te gjithe?" tha ministri. Pra, investimi qe ka bere sektori publik per ate, ai e shfrytezon direkt ne sektorin privat. Ketu ka dicka te pandershme. E ardhmja dihet eshte ndarja e plote e sistemeve, por kete pune nuk e vendos ministria e Shendetesise. Fakti qe pacientet duan medoemos te shihen nga X profesor i nje sherbimi, jashte sistemit te referimit, krijon ne kete moment nje afere private midis ketij pacienti dhe ketij profesori.





Copyright © KOHA JONE - E perditshme e pavarur Powered by WebPhotoPro

[dardajan]

Kreu i Tatimeve: Ndjekje penale për 13 inspektorë




ANA XHEKA/ DURRES
Kreu i degës së Tatim-Taksave në Durrës inicion një furtunë shkarkimesh në radhët e punonjësve të Policisë Tatimore.

Pas afro dy muajsh nga riemërimi në këtë detyrë, Ramazan Myrto, i ka kërkuar Drejtorisë së Përgjithshme të Tatimeve pushimin nga puna të të gjithë ekipit, me në krye shefin e kësaj strukture Edmond Jazexhi. Në listë janë 13 vetë, duke u përjashtuar nga kërkesa e largimit nga puna vetëm pesë punonjës të prapavijës. Sipas Myrtos, kërkesa e tij bazohet në fakte të rënda që e implikojnë Policinë Tatimore të kësaj dege në shmangie nga detyra, stimulimin e evazionit fiskal dhe të lënies jashtë skemës fiskale të një numri të madh biznesesh që zhvillojnë aktivitetin e tyre në Durrës. Myrto ka shkuar më tej, duke paralajmëruar ndjekje penale për të gjithë punonjësit. Sipas kreut të Tatimorëve, një informacion i Bashkisë së Durrësit, i kryer nga Policia Bashkiake dhe i përcjellë në degën e Tatim-Taksave konfirmon 300 biznese të ndryshme, të vegjël, që zhvillojnë prej vitesh aktivitetin e tyre tregtar apo të shërbimit në qytetin bregdetar dhe janë aktualisht jashtë skemës tatimore. Ndërkohë vetë Myrto deklaron se, hulumtimet e bëra nga specialistë të kësaj dege tregojnë për një numër shumë më të madh të bizneseve në Durrës që zhvillojnë aktivitetin e tyre, duke iu shmangur detyrimeve fiskale. Pjesa më e madhe e bizneseve që nuk paguajnë detyrimet vendore dhe ndaj zyrës së Tatim-Taksave e kanë vendndodhjen e tyre në periferi, por brenda kësaj kategorie numërohen dhe të tjera që zhvillojnë veprimtarinë e tyre në akse të brendshme afër qendrës së qytetit. “Unë e cilësoj këtë situatë të lënë qëllimisht jashtë kontrollit nga ana e punonjësve të Policisë Tatimore, ku ndërthuren shumë afera dhe interesa të dënueshme”, deklaron Myrto. Sipas tij, në asnjë rast dhe në asnjë mënyrë nuk mund të justifikohet fakti që prej kohësh, nën hundën e Policisë Tatimore rriten dhe lulëzojnë biznese që nuk paguajnë detyrimet ndaj shtetit. Menjëherë pas kësaj kërkese, drejtuar Drejtorisë së Përgjithshme të Tatim-Taksave, Myrto ka urdhëruar evidentimin e të gjitha aktiviteteve në të gjithë Qarkun e Durrësit. “Janë ngritur struktura të posaçme që po kalojnë në sitë një e nga një të gjitha llojet e aktiviteteve të biznesit në Durrës, që nga ata më të vjetrit e deri tek ata të ndërtuar rishtaz”. Në kërkesën e paraqitur në Drejtorinë e Përgjithshme të Tatimeve, Myrto e argumenton kërkesën e tij me disa akuza për punonjësit e Policisë Tatimore: mosvjelje në masën e duhur të detyrimeve tatimore, mosregjistrim rigoroz i aktiviteteve të biznesit në Qarkun e Durrësit, mosdhënia e hollësive në lidhje me përgjegjësinë individuale të secilit punonjës të Policisë Tatimore. Ende nuk është bërë publik gjithashtu edhe qëndrimi i palës tjetër, punonjësve ndaj të cilëve është kërkuar të merret masa e mësipërme administrative.



Rikthimi i Myrtos

Drejtuesi aktual i zyrës së Tatimeve në Durrës, Ramazan Myrto, u emërua në këtë post në fund të muajit shtator, pas arrestimit dhe nisjes së hetimit për të një vit e gjysmë më parë. Në një intervistë të dhënë për “Panoramën”, vetë Myrto u shpreh se, rikthimi i tij në detyrë ishte në përputhje me legjislacionin, pas pezullimit të çështjes së ngritur ndaj tij. “Ishte një akuzë totalisht false dhe e pabazuar në prova reale. Rikthimi im duhet të ishte bërë që në korrik të vitit 2004, atëherë kur Prokuroria e Durrësit pezulloi çështjen dhe më shpalli të pafajshëm”, deklaroi Myrto.



Precedenti
Arrestimet e zyrtarëve

Ish-kreu i Zyrës së Tatimeve në Durrës, Asqeri Radeshi dhe dy inspektorë janë arrestuar nga policia e Durrësit, nën akuzën e abuzimeve gjatë kryerjes së detyrave. Radeshi dhe inspektori Dorian Deçolli u prangosën në fillim të muajit tetor, ndërsa u shpall në kërkim Adriatik Kroi, i cili u ndalua më 17 tetor në Pogradec. Ndaj tyre rëndojnë akuzat e krijimit të firmave fantazmë, falsifikim formularësh, vulash e stampash, duke i shkaktuar shtetit dëm të konsiderueshëm ekono-mik. Gjykata e Faktit në Durrës vendosi për të tre masën e arrestit në burg pa afat deri në përfundim të hetimit të çështjes. Për të hetuar këto abuzime është ngritur një grup me prokurorisë dhe specialistë ekonomikë.





© 2003 Gazeta Panorama

[dardajan]

Kryeministri nxjerr një urdhër: Të gjithë të dorëzojnë një vërtetim që duan të hetohen


Berisha: Hetoni ministritë që kemi akuzuar

Do të rishihet çdo praktikë vendimesh nga qeverisja socialiste



Qeveria ka vendosur të kontrollojë të gjitha vendimmarrjet publike, që mund të jenë të cënuara nga konflikti i interesave.

Vendimi është marrë dje nga kryeministri, Sali Berisha, i cili ka urdhëruar zëvendësin e tij, Rusmajli, dhe njësinë antikorrupsion në Këshillin e Ministrave, që ka nxjerrë një urdhër për shmangien e konfliktit të interesave në administratën shtetërore, ministritë dhe institucionet në varësi të Këshillit të Ministrave. Deri në fund të dhjetorit (29 dhjetor 05) pranë kryeministrit, do të raportohet mbi ato vendimmarrje që janë marrë nën presionin e konfliktit të interesave. Në këtë mënyrë kryeministri Berisha ka vendosur të rishohë të gjitha vendimmarrjet publike në shtet nga njerëz, të cilët kanë pasur të bëjnë me konfliktin e interesave. Gjatë kohës që ka qenë në opozitë, Berisha ka akuzuar shumë ministra për konflikt interesash, si ish-ministrin e Bujqësisë, Duka, ish-ministrin e Transporteve, Poçi, ish-ministrin e Ekonomisë, Angjeli etj. Këto do të jenë edhe institucionet që do të kontrollohen më shumë. “Të identifikohen aktet, dëmet dhe zyrtarët përgjegjës, përfituesit e padrejtë dhe në çdo rast të konfliktit të interesave të fillojnë procedurat e ndëshkimit disiplinor, të kalimit të barrës së dëmshpërblimit te përgjegjësi, e deri tek kalimi i çështjes për procedim penal”, thuhet në urdhrin e Berishës. Berisha ka kërkuar që të gjitha çështjet të jenë transparente edhe me opinionin publik dhe të ketë akses të plotë të medias për dokumentet e kërkuara. “Kryeministri urdhëron institucionet të evidentojnë aktet, zyrtarët përgjegjës, dëmet, përfituesit e padrejtë dhe në çdo rast të evidentimit të konfliktit të interesave, të fillojnë procedurat e ndëshkimit disiplinor, kalimin e barrës së dëmshpërblimit te përgjegjësit, deri te kalimi i çështjes për hetim penal”, tha zëdhënësi i kryeministrit, Dritan Mishto, dje në konferencë për shtyp.

Kërkesa
Sipas urdhrit, çdo ministri dhe institucion në varësi të tyre duhet të marrë masat që çdo nëpunës i administratës së shtetit, brenda datës 30 nëntor të lëshojë autorizimin në favor të institucionit për kontrollin dhe verifikimin e interesave të tyre private. “Në rast moslëshimi të këtij autorizimi nga ana e zyrtarit, të zbatohet ligji, - thotë Berisha në urdhër,- duke marrë parasysh edhe procedimin disiplinor ndaj çdo punonjësi që nuk merr parasysh një fakt të tillë”. “Për çdo zyrtar që emërohet në detyrë, të merren masat që ai të lëshojë autorizimin e mësipërm me fillimin e marrëdhënieve të punës, jo më vonë se 30 ditë nga data e fillimit të tyre”, thuhet në urdhrin e Berishës. Në vijim të kësaj kërkese, sipas urdhrit të kryeministrit, duhet që brenda datës 30 nëntor të paraqiten në qeveri për miratim nga ana e zv.kryeministrit, Ilir Rusmajli, të gjitha projektaktet nënligjore që duhet të nxjerrë Këshilli i Ministrave në vijim të këtyre kërkesave.

Konflikti
Në fakt, urdhri përmban paksa konflikt interesi brenda tij. Berisha në këtë urdhër ka parashikuar që çdo ministri të bashkëpunojë me Inspektoratin e Lartë të Deklarimit dhe të Kontrollit të Pasurive, por pika e dytë e urdhrit për bashkëpunëtorët, është vendosur Koalicioni Shqiptar kundër korrupsionit dhe ekspertët e tij. Dhe në vend të tretë në urdhër janë vendosur programet ndërkombëtare në këtë fushë, që asistojnë për konfliktin e interesave. Për këtë urdhër në Këshillin e Ministrave ka punuar Fatbardh Kadilli, i cili në fakt për një kohë shumë të gjatë, (deri në pjesëmarrjen e tij në KOP) këtë vit, ka qenë drejtues i këtij koalicioni. Më pas, për shkak të impenjimit në KOP ai u largua nga koalicioni. Ndërkaq, në këtë urdhër, është marrë parasysh vetëm ky koalicion dhe asnjë OJF tjetër që merret me këtë luftë. i.h



Kryeinspektorja shprehet se pasuritë e politikanëve po investigohen
Laskaj: Po verifikojmë pasurinë e ministrit Basha

Verifikimi i pasurisë së ministrit të Transportit, Lulzim Basha, nuk ka përfunduar akoma nga Inspektoriati i Lartë i Deklarimit të Pasurisë. Kryeinspektorja Fatmira Laskaj deklaroi dje se “ministrit vetëm sa i kanë rakorduar shifrat e dhëna, por verifikimi i deklarimit të pasurisë nuk ka përfunduar akoma”. Sipas saj, “në momentet e deklarimit fillestar të pasurisë së një subjekti (zyrtari), ne nuk mund të ndërhyjmë, por mund t’i marrim ato si të mirëqena”. “Pavarësisht kësaj, ministri Basha ka shprehur gatishmërinë për të paraqitur të gjitha dokumentet ku vërtetohet pasuria e deklaruar. Gjithashtu ne i kemi bërë të ditur se ka filluar hetimi nga ana jonë për pasurinë e tij, si për çdo subjekt tjetër”, deklaroi Laskaj. Ajo ka bërë të ditur se “kujdesi i treguar në mënyrën e plotësimit të deklaratës bëri që kontrolli paraprak të përfundonte brenda një kohe të shkurtër, për rrjedhojë përfundoi kontrolli aritmetik e logjik dhe të 63 deklaratat kanë kaluar për kontrollin e plotë për verifikimin e vërtetësisë dhe të saktësisë së të dhënave që përmbahen në deklarata”. Këtu përfshihen edhe politikanët, veçanërisht ata persona që janë zgjedhur për herë të parë si deputetë. Së shpejti pritet të nënshkruhet një marrëveshje mes ILKPD-së dhe Ministrinë së Punëve të Jashtme për të bërë të mundur verifikimin e pasurisë së politikanëve dhe zyrtarëve të lartë jashtë shtetit. Në këtë memorandum mirëkuptimi parashikohet hetimi i llogarive bankare rrjedhëse të politikanëve në bankat e huaja. Sipas Laskajt, kjo marrëveshje do të sjellë një lehtësimin të punës së institucionit të saj për verifikimin e pasurive.



20 dhjetor
Deri në datë 20 dhjetor, kryeministri do të ketë raportin e vlerësimit të situatës, mbi bazën e të cilit qytetarët shqiptarë do të informohen në mënyrë transparente për situatën e konfliktit të interesave në të gjithë administratën publike.
30 nentor
Deri në datën 30 nëntor, të gjithë zyrtarët e administratës shtetërore duhet të lëshojnë një autorizim, në bazë të të cilit të bëjnë të qartë se pranojnë të kontrollohen nga zyrtarët e tyre për konfliktin e interesave.

© 2003 Gazeta Panorama

[dardajan]

Çmimet e references
vendimi

Kryeministri Berisha urdhëron Ministrinë e Financave: Të hartohen rregulla të reja për magazinat doganore


Qeveria: Do tregojmë çmimet e referencës

Vendim për mdryshimin e Kodit Doganor. Ja si do bëhen emërimet


Mirvjena Dizdari
Çmimet e referencës do të publikohen në të gjitha sitet e institucioneve që janë në varësi të Ministrisë së Financave.

Qeveria ka urdhëruar ngritjen e një komiteti në Ministrinë e Financave, i përbërë nga ekspertë të tatimeve, doganave, kontabël të fushave të ndryshme, që do të përcaktojë çmimet e referencës, të cilat do të publikohen dhe do të zbatohen nga doganieri, jo më sipas vullnetit të tij, por sipas vendimit të këtij komiteti. “Ky vendim realizon një premtim shumë të rëndësishëm elektoral të koalicionit qeveritar për trajtim të barabartë, për rregulla të barabarta për biznesin, transparencë të plotë në çmimet e referencës, të cilat siç e dini, janë përdorur në mënyra vërtet arbitrare, jotransparente, janë përdorur për gjoba, ryshfete, e pse jo për ndëshkime politike të biznesmenëve. Mendoj se me këtë vendim ne i japim fund arbitraritetit të përdorur gjatë gjithë këtyre viteve ndaj biznesit shqiptar”, ka theksuar Berisha.

Urdhri
Qeveria ka kërkuar që detyrimet doganore duhet të llogariten bashkë me kamatë-vonesën, njësoj si të kishin marrë kredi në bankë. Berisha tha se mbi 100 kompani biznesi, sipas tij, të privilegjuara nga qeveria e mëparshme rezultojnë borxhlije në dogana. “Dogana nuk është institucion borxhi. Ka pasur raste që detyrimet doganore kanë kapur shifra të larta dhe të tjerë biznesmenë janë detyruar të paguajnë kesh në dorë mallrat e zhdoganuara”, shtoi me tej kryeministri. Berisha i kërkoi ministrit të Financave që me urgjencë të sjellë në mbledhjen më të afërt të qeverisë propozimet që kanë të bëjnë me rregulla të reja, transparente dhe bashkëkohore në fushën e magazinave doganore, apo në fushën e abuzimeve të mëdha, të cilat janë tërësisht të shpërndara mbi bazën e një klientelizmi shumë të dëmshëm. “Problematika e krijuar nga këto magazina është shumë e madhe dhe ne përballemi çdo ditë”, theksoi Berisha.

Doganat
Qeveria ka miratuar dje ndryshime në Kodin Doganor, të cilat i përkasin emërimit të punonjësve të doganave. “Në të gjithë piramidën e administratës, hermetizmi do të marrë fund. Do të mund të konkurrojnë ata të cilët kanë të gjithë kredencialet, shkollimin, gradat pasuniversitare, për atë profesion”, është shprehur kryeministri Berisha. Për emërimet në dogana është vendosur që asnjë kandidat për asnjë post të emërohet pa u intervistuar. Ndërkohë, kërkesat për postin e drejtorit të Përgjithshëm do të jenë të hapura për zëvendësdrejtorët e Përgjithshëm të Doganave, që e kanë atë detyrë të paktën për 1 vit, për drejtuesit e nivelit A, që kanë qenë në këtë kategori për të paktën 4 vjet, si dhe për të gjithë zyrtarët e Shërbimit Publik, të barasvlefshëm me postet e mësipërme, të cilët i ushtrojnë këto poste për një periudhë, të paktën 4 vjet.



Afati
Buxheti, me 20 nëntor në Kuvend

Më 20 nëntor projektbuxheti do të paraqitet në Kuvend për miratim. Ministri i Financave, Ritvan Bode, është shprehur se do të bëhet e pamundura që të kapet grafiku që parashikon ligji, në lidhje me hartimin e projektbuxhetit. “Ne do mundohemi të kapim grafikun që parashikon ligji, që më 20 nëntor, projektbuxheti i vitit 2006 të paraqitet në Kuvendin e Shqipërisë”, ka deklaruar Bode. Sipas kreut të Financave, vonesat vijnë për shkak të prapambetjes që u gjet në konsumimin e masave paraprake dhe së dyti për faktin se një pjesë e ministrive të bashkuara kanë nevojë për të riformuluar projekte të buxhetit, jo vetëm të administratës dhe personelit të tërësi, por edhe të fushave të investimeve dhe shërbimeve publike që ata mbulojnë.



Ministria e Financave: Po mbushim arkën e shtetit

Në tetor u mblodhën 30 milionë USD më shumë
Bode: Gjatë fushatës janë futur mallra kontrabandë

Në tetor, të ardhurat nga taksat janë 30 milionë dollarë më shumë sesa parashikimi. Në këtë mënyrë, qeveria ka dhënë provën e parë përpara publikut dhe institucioneve ndërkombëtare financiare që ka mundur të rrisë të ardhurat nga taksat. Ministri i Financave Ridvan Bode, deklaroi se gjendja financiare e qeverisë është stabilizuar, madje ka një shtesë prej 5.5 miliardë lekësh. Por sërish ka disa taksa që, ndonëse nga tetori i këtij viti janë më të larta se e njëjta periudhë e vitit të kaluar, të ardhurat për 10-mujorin janë më të vogla se viti 2004. Shifrat e publikuara për muajin tetor tregojnë rritje në krahasim me të njëjtën periudhë të një viti më parë. “Muaji tetor shënon maksimumin historik në të gjithë periudhën 15-vjeçare të tranzicionit të të ardhurave të arkëtuara në buxhetin e shtetit. Krahasuar me një vit më parë, janë arkëtuar rreth 30 milion USD më shumë, duke bërë tejkalime për këtë muaj gati në të gjitha llojet e tatimeve dhe taksave që janë në fuqi”, ka deklaruar ministri Bode.

Problemet
Megjithëse muaji tetor ka rezultuar me rritje, e kundërta ka ndodhur me periudhën 10-mujore, ku disa taksa kanë nivel më të ulët se e njëjta periudhë e vitit të kaluar. Probleme janë paraqitur jo vetëm në biznesin e vogël, ku të ardhurat janë 18 për qind më pak se në vitin 2004, por edhe me disa mallra të akcizës. “Fushata e tejzgjatur elektorale bëri që sasi të mëdha të mallrave në akcizë të hyjnë kontrabandë në shtetin shqiptar. Jo vetëm një anije e kapur, por disa të tjera janë në hetim. E njëjta gjë ka ndodhur edhe me biznesin e vogël. Ne po raportojmë muaj për muaj”, ka deklaruar kreu i Financave.

Rimbursimi
Për vitin 2005 janë rimbursuar gati dyfishi i TVSH-së së planifikuar. Sipas Bodes, janë rimbursuar TVSH-të jo vetëm për vitin 2005, por edhe ajo e prapambetura dhe që ka qenë e paautorizuar, pasi i përkiste vitit 2004. Në total, për vitin 2005 është rimbursuar trefishi i rimbursimit të TVSH-së në 2004-ën. U janë kthyer bizneseve 2.5 miliardë lekë të reja nga 600 milionë që janë rimbursuar në vitin 2004. “Pra, do të thotë që gjatë fushatës elektorale jo vetëm nuk janë mbledhur taksat, por janë rimbursuar biznese në TVSH. Me të drejtë apo pa të drejtë, kjo është një çështje që duhet verifikuar me dorë të lirë, për të krijuar atë deficit të të ardhurave dhe prapambetje të likuidimit të faturave të shtetit. Kjo e fundit tashmë është rikuperuar tërësisht”, theksoi Bode. Sipas ministrit të Financave gjatë muajve të verës është krijuar edhe një parapagim taksash, pasi në qershor është arkëtuar 1 miliard taksa e Kazinosë, kur ishte parashikuar të arkëtohej në muajin tetor.



Tatimet
Në krye të drejtorit të degës së Tatimeve Tiranë, dje është emëruar Ilir Mandri. Gjatë prezantimit të drejtorit të ri të Tiranës, kreu i Tatimeve Prifti ka kërkuar ndërgjegjësim nga punonjësit e kësaj dege. “ Tek ju evidentohet një administratë e shkrehur dhe një shthurje e punës. Duhet të ndryshoni, ndryshe do të rishikohet pozicioni i secilit prej jush”, theksoi Prifti. Drejtori i Përgjithshëm i Tatimeve është shprehur se Ilir Mandri emërohet pas një eksperience relativisht të gjatë pune në administratën tatimore dhe doganore, për të marrë përgjegjësinë që të menaxhojë një nga degët më të rëndësishme për nga pesha që zë në mbledhjen e të ardhurave në shkallë vendi, por edhe nga vështirësitë që has për shkak të numrit të madh të tatimpaguesve. Kreu i Tatimeve, Alfred Prifti, i kërkoi stafit të mbështesin kreun e ri të degës së Tiranës, sepse në këtë degë krahas rezultateve ka shumë rezerva për rritjen e të ardhurave, prandaj duhet një punë e kujdesshme.



Te ardhurat
Ministria e Financave ka marrë përsipër që deri në fund të vitit 2005 nuk do të ketë asnjë prapambetje dhe mosrealizim të parashikimit në të ardhurat. Kjo do të thotë që të dyja administratat, doganat dhe tatimet, duhet të realizojnë planin fiskal, pavarësisht nga imapkti i fushatës zgjedhore.

Reagimi
Bode i është kundërpërgjigjur prokurorit të Përgjithshëm Sollaku, në lidhje me statusin e Policisë Tatimore. “U janë çuar me mijëra dosje organeve të hetimit. Fakti që nuk është vepruar, do të thotë që ka një ngërç dhe që duhet gjetur rruga për të vepruar në mënyrë ligjore. Pra, këtu ka një problem që varet nga Prokuroria e Përgjithshme, e cila drejton gjithë hetimin”, theksoi Bode.

© 2003 Gazeta Panorama

[Brari]

te kujtonet mo dardajan..kur mbas 3 korrikut thosh ruco nanua...dale mo te bejme certifikimin.. dhe e zgjatne ate djall certifikim nja 2-3 muaj e pastaj... na i than berishes merre pushtetin..

cfar qe ki certifikimi..

gjoja ish verifikim votash e mandatesh per deputet..


ne fakt "certifikimi" qe varianti.."Kaldaja"..

ki variant perdoret shpesh kur u mbaron sundimi diktatoreve.. pra ata djegin te gjitha dokumentat komprometuese..

thone se kur ra muri e plasi ne "kucove" ..pra plasi azem-iada.. ne q-itet studenti ay dhjetori i famshem.. ruco nanot e nexho ramizit i vune ne pune kaldajat e bodrumeve te komitetit qënror.. e i grine e dogjen tere malet me dosje kriminale te vepres se tyre te djallezuar..

kete variant perdori dhe diktatori edvin kur trokiti komisioni ngjela ne bashkin-bunker..
male me dokumenta dogjen bizhgo mimot e edvinit.. ne kaldaj mullinjte e bodrumit dhe pastaj i than ngjeles.. eja gjej qenin e ngordhur aty..

edhe "certifikimi" blusho iglo celibash subasho klos edvino ruco fino malo nanoist kete mision kishte..
Pra tani Berisha me olldashnë le te gjejne qenin e ngordhur..

nuk jan budallej specialistet socialiste te lene gjurme korrupsioni..
kot nuku vate ben malua ne amerike.. aty ai i fut miljardat e ruc nanos neper vrima qe ska rontgen qe ti gjeje..
me ato male me para te fshehura nashi ata organizojne 97 e re..

ehh sa ka zanati..

germo tare germo dukej sikur thoshte sallaku ne fjalimin e tij gjoja llogari dhenes ne parlollo..

ka mjeshtra ne PS..
aq mjeshtra jane sa dhe jet sa breshkat e galapagos te kemi nuk do i mesojme kurre hiletë e tire..

kjo eshte bindja ime..

[dardajan]

Mir e ke ti Brar po si thua ti te mos ja tregojne popullit faktet dhe kush ka vjedhur e abuzuar me pushtetin?
Pamvarsisht se kane zhduker kartat finale por qendrojne ato kryesore qe psh jane dhene kaq leke per kete objekt dhe nuk egzistojne as leket e as objektet dikush qe eshte larguar nje dit do pergjigjet kurse te tjeret qe jane ende aty duhen hequr dhe detyruar te paguajne.
Pastaj kjo eshte edhe pjes e politikes qe ti tregoj popullit se cfar kane vjedhur dhe kush, se zgjedhjet vijn prap shum shpejt.

[Brari]

mir e ke o Dardo..por kjo kerkon pune..
mirpo berisha gjithmon gjen dicka qe te ngaterrohet me kembet e veta..
psh kto dite nxuarren punen e 29 nentorit..
kte priste edvinua..
qe ti nderseje zagaret e llojit adnan qatip qe te bejne gurgulera e qe berisha pastaj tu nxjerri nje polic e qe pastaj kecapi e salca socialiste te plasi ne surratet e "antifashistave" ..e pastaj te thuhet se diktatori berisha eshte gestapo e eshte kunder aleatve antifashiste anglo amerikane..etjetj marifete qe i di mire ti luaj parti e edvin ruco braces..

psh berisha mund te dali e te thote i kujt eshte ki 15 katshi ketu..
eshte imi do thot blendo gonxhja..
me cpara e bere mo?
e keshtu del se kush vuadh..

etjetj..

po paret ne kontot e bankave te botes si do i gjej ai..
nejse..

suksese qeverise..

tritani filloi kto dit te krruhet..
sic duket ndonji xerr nga scar i erdhi..