Faqja 7 - POLITIKE
Nentor 1, 105
Protesta në Sarandë në prag të vizitës së presidentit grek
Pronat e çamëve, ja urdhëri i kryeprokurorit grek për shpronësim
Shteti grek ka të drejtë që të shesë pronat e çamëve në territorin e tij, të cilat i ka konfiskuar në vitin 1940, pasi pronarët e këtyre pasurive nuk janë interesuar për to për më shumë se 27 vjet. Kjo është “teoria” e mbrojtur nga kryeprokurori grek para trupës së Gjykatës së Lartë greke. Në datën 21 tetor, Kryeprokurori grek Dimitris Linos, deklaroi para të gjithë trupës së Gjykatës së Lartë greke se shteti grek ka të drejtë të shesë të gjitha ato prona të ashtuquajtura “Prona armike “ të grekëve, të cilët jetojnë në Shqipëri dhe kanë nënshtetësi shqiptare (të vorio-epiriotëve), përderisa vetë shteti ka përvetësuar pronësinë e tyre dhe përderisa pronarët e tyre kanë mbetur pasivë ndaj tyre për një periudhë kohore mbi 27 vjet. Linos thekson se shteti grek ka të drejtë të përvetësojë të drejtën e zotësisë së pronës sipas Ligjit të Detyruar me numër 2636 ndaj atyre, që në të kaluarën janë quajtur si persona që kanë luftuar ose kanë qenë kundërshtarë të shtetit grek, apo kanë qenë ndërmjetës të pasurive të këtyre kundërshtarëve. Pas këtij përvetësimi, shteti grek ka edhe të drejtë që ti shesë këto prona. Kryeprokurori grek nënvizoi se gjykata e Selanikut veproi shumë drejt në rastin e një çështjeje të tillë kur me vendim të saj hodhi poshtë një gjyq vorio-epiriotësh, sepse për më shumë se 27 vjet ishin pasivë ndaj pasurisë së tyre. Sipas disa burimeve avokatore, ky është propozimi që Kryeprokurori Linos i bëri Gjykatës së Lartë greke në datën 21 tetor, për arsye se në Greqi po përfundon ligji i ri i pronësimit. Në një nen të këtij ligji trajtohen pasuritë e vorio-epiriotëve. Gjykata greke nuk ka marrë asnjë vendim tani për tani, por pritet që ta shqyrtojë dhe ta aprovojë deri në fund të muajit nëntor. Si shembull për të ilustruar idenë e tij, kryeprokurori grek jep rastin kur një vorio-epiriot bleu në vitin 1930 një pasuri të patundshme në rrugën G.Palama në Selanik. Në vitin 1940, në bazë të ligjit 2636/1940, kjo pasuri përfshihet tek pasuritë e ashtuquajtura armike. Pronari vdiq në vitin 1967 dhe pasurinë e trashëguan fëmijët e tij. Në vitin 1993 shteti grek shet këtë pasuri dhe në të ndërtohen tre pallate. Vitin më pas trashëgimtarët e hodhën në gjyq shtetin grek, por gjykata jua hodhi poshtë kërkesën. Kështu që çështja ka shkuar në Gjykatën e Lartë greke.
Protesta
Takimi i paradites që do të zhvillohet sot në Sarandë mes presidentit Alfred Moisiu dhe homologut të tij grek Karolos Papulias, do të shoqërohet nga një protestë paqësore e komunitetit çam në këtë qytet. Burime të Shoqatës “Çamëria” thanë për Gazetën se “Protesta është një tubim paqësor që po organizohet para sheshit të hotelit “Butrinti”, ku do të takohen presidentët e të dy vendeve dhe ka lidhje me çështjen çame.
Përgjigju Duke Cituar
. Dhe te presim diplomaciine qe po na jep ti, pra nje diplomaci pacifiste do te tregonte qe ti person nuk paske vullnet per te bere dicka, te pakten pacifistet protestojne per paqe dhe qe njerezit te jetojne aty ku e meritojne.Historia e ballkanit me kete lloj diplomacie nuk ka mbjijetuar kurre, dhe Dihen qe marredheniet e shteteve ne ballkanit ka qene barut i luftes se pare boterore, dhe ndoshta peng i ardhshem qe do te ngadalesoj futjen e balkanit ne BE, ose do ta bej BE e dobet.
Postuar më parë nga panchovilla
Krijoni Kontakt