Masa për gripin e shpendëve në Shqipëri

[Flori]

Presidenti shqiptar ka mbledhur Këshillin Kombëtar të sigurimit për të përcaktuar masat për përballimin e rrezikut të gripit të shpendëve.



Zyrtarisht në Shqipëri nuk është verifikuar ndonje rast i gripit, por ditët e fundit ka pasur raste të shpeshta të shpendëve që janë gjetur të ngordhur.

Autoritetet vijojnë të thonë se nuk ka asnjë rast të virusit vdekjeprurës të gripit të shpendëve, por afrimi i tij në vendet fqinj ka rritur vëmendjen ndaj rrezikut.

Presidenti Alfred Moisiu ka theksuar në mbledhjen e këshillit se nuk ka vend për panik, porse duhen marrë masa urgjente që gripi i shpendëve të mos i gjejë papërgatitur as institucionet e as popullsinë.

Shqipëria praktikisht gjendet në zonën e migrimit të shpendëve, të cilat në vendet fqinje janë gjetur të ngordhura dhe më pas është vërtetuar se shkak ka qenë shtami H5N1 i virusit të gripit të shpendëve.

Ditët e fundit janë shtuar rastet e gjetjes së shpendëve të ngordhur brenda territorit, si në Sarandë, ku ngordhën 90 pula, por raste të veçuara ka edhe në Shkodër, Lezhë e Burrel.

Veterinierët lokalë kanë qetësuar popullsinë duke thënë se arsyeja ka qenë një sëmundje tjetër e quajtur 'pseudopest'.

Ende nuk është e qartë se përse shpendët e ngordhur nuk dërgohen në laboratorët e specializuara në Evropë, ashtu si kanë vepruar edhe vende të tjera.

Banka Botërore ka njoftuar se do të mbështesë Shqipërinë me pesë milionë dollarë për të përballuar blerjen e barnave përkatëse të nevojshme në rastin e përhapjes së epidemisë.

Virusi në Evropë

Frikë për gripin e shpendëve në Evropë

Disa vende evropiane - midis tyre Franca, Gjermania dhe Holanda - kanë vendosur të mbyllin të gjitha shpendët e butë brenda për të parandaluar një përhapje të gripit të shpendëve.



Këto masa u njoftuan pasi Gjermania bëri të ditur rastin e parë të shtamit H5N1 në dy mjelma të ngordhura në ishullin e detit Balltik, Ruegen.

Të mërkurën, Hungaria ishte vendi më i fundit evropian që konfirmoi praninë e gripit të shpendëve. Ai u zbulua në tri mjelma të ngordhura pranë kufirit me Serbinë.

Nevojiten prova të reja nëse ato kanë ngordhur nga shtami H5N1.

Gripi i shpendëve është gjetur edhe në Itali e Greqi. Ka gjithashtu disa raste të dyshuara për gripin e shpendëve në Slloveni e Kroaci.

Komisioni Evropian u ka bërë thirrje qeverive të ruajnë qetësinë duke thënë se ngrënia e shpendëve është e sigurtë.

Eurodeputeti gjerman Karl-Heinz Florenz, kryetar i Komisionit të Shëndetësisë të Parlamentit Evropian, ka paraqitur një amendament në rregullat e BE-së që kërkon që vendet e BE-së t'i fusin të gjitha shpendët brenda.

"Ne duhet të kemi rregulla në të gjithë Evropën për t'i mbyllur të gjitha shpendët brenda ndërtesave," tha zoti Florenz.

"Nëse ka probleme të gripit në Gjermani, p.sh, me siguri Austria, Belgjika dhe Holanda duhet të bëjnë të njëjtën gjë, përndryshe nuk ka kuptim," tha eurodeputeti gjerman.

[Flori]

H5N1 zbulohet në Evropën Perëndimore

Agjencia e Kombeve të Bashkuara për Ushqimin, FAO u ka bërë thirrje qeverive në Evropën Perëndimore që të mos pushtohen nga paniku pas konfirmimit të disa rasteve të gripit të shpendëve.



FAO paralajmëroi se mund të kishte një rrezik të ri për Evropën këtë pranverë si pasojë e shpendëve shtegtarë.

Rastet e para në Evropën Perëndimore u zbuluan në Gjermani dhe Austri.

Shqetësime në Gjermani

Për muaj të tërë, qeveria gjermane ka qënë e shqetësuar për kërcënimin nga gripi i shpendëve.

Lajmi se virusi vdekjeprurës ishte zbuluar në dy mjellma të ngordhura do të ketë pasoja serioze.

Sipas ministrisë gjermane të Bujqësisë, testet paraprake zbuluan gjurmë të virusit H5N1 në dy mjellmat.

Ato u gjetën në ishullin Ruegen në detin Balltik.

Testet e mëtejshme pritet të mbërrijnë së shpejti në Britani.

Qeveria gjermane njoftoi se kishte ndaluar mbajtjen e shpendëve jashtë.

Vendi ishte planifikuar të zbatohen në fillim të marsit, por pas rasteve të zbuluara në Itali dhe Greqi, masat fillojnë të zbatohen javën e ardhshme.

Masat të tjera shtrënguese pritet që të merren për fermat e shpendëve

Zogj të ngordhur në Grac

Dy mjelma të ngordhura u gjetën ditën e hënë në Mellach, pranë qytetit të Gracit.

Zyrtarë për Shëndetin thanë se testet laboratorike treguan se zogjtë ishin infektuar me virusin H5N1.

Mostra të gjakut u dërguan për konfirmim në laboratorët evropianë dhe në Weybridge në Britaninë e Madhe.

Autoritetet kanë ndaluar qarkullimin në një rreze 3 kilometra nga vendi ku u gjetën mjellmat.

Ato ndaluan edhe tregtinë dhe gjuetinë në këtë zonë.

Shpendët që janë në rrezik është ndaluar të mbahen jashtë.

Autoritetet thonë se për momentin nuk ekziston një rrezik imediat për publikun.

Ata thonë se infektimi i njerëzve është i pamundur nëse nuk ka kontakt direkt me shpendët.

Që prej zbulimit të tij nuk ka patur provë se ai mund të përcillet nga njerëzit tek njerëzit.

[Flori]

Masa kundër përhapjes së gripit të shpendëve

Çështja e pranisë apo jo të gripit të shpendëve në Maqedoni këto ditë po paraqitet rishtas pas paraqitjes së këtij gripi në vendet fqinje siç është Greqia apo Bullgaria dhe më herët edhe në Turqi.



Në drejtorinë e veterinerisë në Shkup kanë konstatuar se grip të shpendëve në Maqedoni për momentin nuk ka.

Por gjithsesi janë shtuar masat kontrolluese në vendkalimet kufitare, pasi largësia ku ka grip të shpendëve në vendet fqinje është vetëm 80 kilometra.

Drejtori i qendrës së veterinerisë, Sllobodan Çokrevski thotë se Maqedonia nuk i është shmangur rrezikut, sidomos ky rrezik mund të vijë edhe nga shpendët shtegtarë.

Në Maqedoni akoma është në fuqi vendimi i muajt tetor të vitit të kaluar kur ajo me dekret ndaloi importimin e mishit të shpendëve nga të gjitha shtetet ku dyshohet se ka grip të shpendëve.

Po ashtu në të gjitha vendkalimet kufitare vazhdon të aplikohet regjim i veçantë i kontrollimit të mishit dhe prodhimeve tjera të shpendëve që vijnë nga këto shtete.

Në tetor të vitit të kaluar u dyshua se në një fshat në jug të Maqedonisë ka grip të shpendëve, por analizat nuk e vërtetuan këtë.

[baby dream]

o zot i madh ishalla se kemi kismet aman se edhe gripin e pulave kemi mangut boll na ka denuar zoti me gjera te tjera
sa per qeverine ca ka bere kjo te hajrit qe te na mbroje nga kjo e fundit?