Angli-Trafikuan lituanezet burgosen shqiptarët

[Shijaksi-London]

Angli. 48 vite burg grupit shqiptaro-lituanez.Kërcënonin minorenet me tortura në vaskë me akull.

Trafikuan lituanezet burgosen shqiptarët

Tasim Axhami përdhunoi barbarisht minorenen

Nga Londra
Muhamed Veliu


Dënohen trafikantët shqiptarë që blenë vajzat lituaneze në një “ankand” femrash në kafenë e aeroportit Gatwick në Londër. Tre trafikantë prostitutash dy shqiptarë dhe një lituaneze janë dënuar të martën me 48 vjet burg sëbashku pasi janë gjetur fajtor për trafikimin e dy minoreneve lituaneze për qëllime prostitucioni.
Tasim Axhami i cilësuar si kafshë, shqiptar nga Kosova është dënuar me 21 vjet burg nga gjykata e krimeve në qytetin e Sheffieldit në veri të Anglisë, pasi prokuroria nëpërmjet provave i provoi gjykatës se ai sëbashku me lituanezen Vilma Kizlaite dhe Emiljan Beqirajn ishin të përfshirë në trafikun e vajzave nga Liruania për në Angli.
Axhami 19 vjeç po ashtu u gjet fajtor ndaj tre akuzave për përdhumin e një vajze minorene të cilën e detyroi më forcë të punonte si prostitutë.Ai kishte kërkuar azil në Angli si një Serb nga Kosova, gjoja i persekutuar nga shqiptarët. Ndërsa në gjykatë ai ka patur ndihmën e një përktheysi shqiptarë.
Lituanezja, antare aktive e grupit që merrej me rekrutimin u dënua me 11 vjet burg. I dashuri i saj nga Berati Emiljan Beqiraj 18 vjeç me azil të garantuar në Angli u dënua me 16 vjet burg si pjestarë në trafikimin e vajzave.

Vajzat

Nga procesi gjyqësor u mësua se si vajzave në Lituani u kishin premtuar vende pune, por në fakt me të mbërritur në aeroportin e Gatwikut ato u shitën te shqiptarët, në një ankand vajzash të trafikuara mes avujve të kafesë në kafenene Kosta në brendësi të aeroportit.
Pasi mbërritjes në Sheffield njëra nga vajzat u përdhunuan nga Axhami. Vetëm pas 11 ditës ajo mundi të arratisej nga një shtëpi publike në të cilën e kishte futur ai.
Trupi gjykues ka dëgjuar po ashtu si Axhami kishte kërcënuar vajzat duke i thënë se nëse nuk punonin për të do ti fuste në jë vaskë me akull, ku do ti torturonte dhe më pas do ti vriste.
Njëra nga vajzat më pas do të shitej në Londër ku u detyrua nga të tjerë shqiptarë të punonte si prostitutë, por pas një kohe të shkurtër edhe ajo mundi të arratisej.
Lituanezja Kizlaite gjatë dëshmisë së saj tha se edhe ajo më përpara se të bëhej e dashura e Beqirajt ishte trafikur, Ajo deklaroi për Axhamin se ai nuk është njeri por një kafshë.

Gjykatësi

“Ju nuk keni asnjë vlerë apo moral, dhimshuri apo dashuri për njerëzit” Kështu e ka filliar leximin e dënimit gjykatësi Trevor Barber, duke ju drejtuar të akuzuarve ai shtoi “ Askushi nga ju nuk mund të jetë pjesë e shoqërisë sonë. Vajzat që ju trafikuat ishin të pashpresa dhe drejt një degradimi total. Dëmi që ju i keni shkatuar atyre as mund që të imagjinohet”.
Ndërsa hetuesi i kësaj çështje Det Con Andy Justice pranë South Yorkshire Police i cili investigoi rreth këtij trafiku u shpreh me fjalët “Vajzat në Sheffield ishin urdhëruar tmerrësisht të bënin siç u kishin porositur.Për to gjatë kësaj periudhe ka patur probleme emocionele dhe fizike por të dyja vajzat janë rikthyer në Lituani duke u mundur të ndërtojnë një jetë të re dhe harruar sado pak atë që i ndodhi në Angli.

Prostitucioni në Angli.
Shqiptarët 187 vite burg

Dënimi i Axhamit dhe Beqirajt e çon në 17 numrin e shqiptarëve të dënuar për trafikimin e vazjave lituneze në Angli me një total burgimesh prej 187 vjetës.
Ndërkohë në Londër që prej katër javësh familja e tutorëve Demarku që besohen të jenë nga fshati Pezë pranë Tiranës, po përballet në gjykatë me provat e policisë londineze për përfshirjen e tyre në hapjen e 9 shtëpive publike, dhe trafikimin e dy vajzave po me origjinë lituaneze për prostitucion.
Dënimi i Axhamit është i dyti vendim i rëndë që një gjykatë britanike jep për trafikantët shqiptarë pas atij me 23 vjet burg për mbretin laçianin të prostitucionit Artur Kroni njour si edhe Luan Plakiçi.


Anglia “supermarket” i sukeseshëm seksi

Trafiku i grave kryesisht nga vendet lindore në Angli po merr përpamasa gjithnjë e më shqetësuese.
Shifrat janë të frikshme dhe alarmante. Një panoramë të asaj që ndodh në terren inicuar nga dënimi shqiptarëve ka shtyrë gazetën britanike The Mirror të investigojë problemin.
Sipas gazetës në fjalë, në tre vitet e fundit duke ju referuar specialistëve të luftës kundra trafikut të femrave thotë se të paktën 25 mijë mund të jetë numri i femrave të trafikuara këto tre vitet e fundit në Britani, të shitura si skllave seksi.
Tani shteti ishullor është kthyers në markaton kryesore të shit-bletjes së “mishit të bardhë”. Ministria e Brendëshme Home Office beson se c’do vit nga 2 mijë deri në 6 mijë gra sillen të Angli për qëllime prostitucioni, të cilat duhet të kryejnë mardhënje seksuale me mbi 30 meshkuj në ditë për llogari të tutorëve.
The Mirror thotë se policia angleze beson se tani në çdo qytet kryesor të Anglisë operojnë 5 mijë prostituta.
Ky flusk i madh prostitutash vjen nga frekuentimi tmerrësisjt i shumtë nga meshkujt anglez. Për çdo jave mbi 80 mijë britanikë paguajnë për seks.
Vitin e shkuar poicia britanike ndërmorri 343 operacione kundra trafikut të femrave,ku realizoi 1,456 arrestime duke sekuestruar 4,5 milion paund.
Sipas IOM cituar nga The Mirror 500 mijë gra janë detyruar me forcë të bëhen prostituta në europë. Ndërsa frika ekziston se dy milion gra dhe fëmijë janë për çdo vit viktima të trafikut të seksit sidomos nga vendet e ish bllokut.
Sipas FBI-së kjo tregëti glabale llogaritet të jetë 5,5 bilion dollarë.Sara Green e Amnesty International paralajmëron se kjo tregëti po zmadhohet dita ditës. “Në vëndet e pasura është një kërkesë e madhe për seks dhe se përfshirja në këtë tregëti është e lehtë.
Tani nuk ka më kerkesë në rritje për armë dhe drogë, por vetëm për gra, të cilat ti mund ti mbash si skllave nën presion”. Por Amnesty international disa kohë më parë është shprehur me nota shqetësuese rreth vajzave që lirohen nga duartë e trafikantëve dhe dëbohen më pas nga Britanija e Madhe. “Ato pasi lirohen nga skllavëria dërgohen në qendrat e detencionit për tu dëbuar në vendet e tyre” ka thënë Sara Green për investigimin e The Mirror.

[D@mian]

“Ju nuk keni asnjë vlerë apo moral, dhimshuri apo dashuri për njerëzit” Kështu e ka filliar leximin e dënimit gjykatësi Trevor Barber, duke ju drejtuar të akuzuarve ai shtoi “ Askushi nga ju nuk mund të jetë pjesë e shoqërisë sonë.

Nje nam shume i keq qe kane krijuar per kombin tone nje pjese e shqiptareve, ne vend qe te zvogelohet e fashitet, po zmadhohet vazhimisht. Kjo njolle e zeze qe eshte krijuar fatkeqesisht do t'i ndjeke shqiptaret per kush e di se sa kohe...kostoja qe duhet te paguaje nje shoqeri qe nuk ka mundur te izoloje elementet negative qe kane dale nga gjiri i saj.