Filloi gjykimi i diktatorit Sadam Hysein

[Davius]

Gjyq i ri për Sadamin

Ish presidenti irakian Sadam Husein pritet të dalë para gjyqit në Bagdad, për fillimin e një gjykimi të ri mbi akuzat për gjenocid. Akuzat kanë të bëjnë me rolin e tij në vrasjen e rreth 100 mijë kurdëve në vitin 1988.



Sadam Husein dhe gjashtë të akuzuar të tjerë do të merren në pyetje për operacionin në të cilin u përdorën armë kimike ndaj tre mijë fshatrave në veri të Irakut. Ish udhëheqësi irakian po pret ndërkohë rezultatet e gjykimit të tij të parë për vrasjen e 148 shiitëve pas përpjekjes për vrasjen e tij në vitin 1982. Tani do të fillojë procesi për operacionin famëkeq të ndërmarrë në vitin 1988 para fillimit të luftës mes Irakut dhe Iranit.

Në zona të banuara me kurdë, u përdorën bomba dhe armë kimike.Një nga personat e tjerë të akuzuar është kushëriri i Sadam Huseinit, Ali Hasan al-Majid, i cili quhet edhe "Ali kimiku", për rolin e tij në këtë aksion ku u përdor edhe gaz helmues. Mbrojtja pritet të thotë se bëhej fjalë për një aksion legjitim ndaj militantëve kurd, që ndihmonin Iranin. Prokuroria ndërkohë do të thotë se bëhej fjalë për gjenocid.

BBC Albanian