Adrianopoli dhe Antigonea (te rejat)

[EncounterAL]

Duke lexuar per nje Antigone tjeter por bashkekohese me tonen( periudha e sundimit te mbreterise se Maqedonise nga Leka i Madh dhe me tej)
mesoj se kemi nderrim emri. Po bashkengjis paragrafin ku flitet per kete fenomen.
Ky paragraf eshte nga faqja 272 e librit qe vijon :
================== libri =================
Title
English mechanic and world of science: with which are incorporated
"the Mechanic", "Scientific opinion," and the "British and foreig mechanic."

Publisher
E. J. Kibblewhite, 1887
Item notes v. 45
Original from the New York Public Library
Digitized Jun 21, 2006
Subjects
Science / Mechanics / General Technology

===================================
dhe ndodhet ne adresen web:

http://books.google.com/books?id=6nc...age&q=&f=false
===================================



Pyetja: A jane verejtur fenomene te tilla ne qytetet Iliro-Epirote ?

shenim:
nqse ky postim eshte jashte teme, ju lutem fshijeni.

[fegi]

Restaurohen 660 monedha nga Antigonea
Në Laboratorin e Konservimit dhe Arkeometrisë sapo ka përfunduar restaurimi i 660 monedhave të Antigonesë. Themi të Antigonesë, sepse ato janë gjetur gjatë gërmimeve të ndryshme arkeologjike, pikërisht në Antigone. Gërmimet e shumta arkeologjike të kryera në Antigone, që nga vitet e gjashtëdhjeta e deri sot, sidomos nga i ndjeri Dhimosten Budina, kanë zbuluar ndër të tjera një numër të madh monedhash. Monedhat janë gjetjet kryesore të një zbulimi arkeologjik, sepse ato datojnë sitin, zbulojnë lidhjet tregtare, pra qarkullimin monetar, orientimin e tregtisë, volumin dhe nivelin e shkëmbimit të mallrave, pra zhvillimin. Por siç tregon Frederik Stamati, shef i Laboratorit të Konservimit dhe Arkeometrisë, "monedhat e zbuluara kanë pasur probleme për ruajtjen dhe studimin, të shkaktuara nga qëndrimi në tokë për më shumë se 2100 vjet". Kështu, jo të gjitha monedhat e Antigonesë ishin të lexueshme, ndërsa korrozioni kishte dëmtuar sipërfaqen dhe vazhdonte të zhvillohej duke rrezikuar ekzistencën e tyre. "660 copë monedha të këtij koleksioni, që ruheshin në kabinetin numizmatik të Institutit Arkeologjik, iu nënshtruan restaurimit dhe konservimit për të realizuar trashëgiminë e tyre dhe për të bërë të mundshëm leximin dhe studimin përkatës për monedhat e palexueshme", - tregon Stamati. Trajtimi u krye në Laboratorin e Konservimit dhe Arkeometrisë pranë Qendrës së Studimeve Albanologjike. Puna filloi gjatë vitit 2009 dhe përfundoi në mes të janarit 2010. U punua në mënyrë shumë intensive, por edhe pse puna ishte shumë e lodhshme, rezultati i arritur justifikon mundimin. Nga ky grup monedhash vetëm 10 copë ishin prej argjendi, ndërsa të tjerat në bronz. Tani ato ruhen të sistemuara në Kabinetin numizmatik të QSA, në konditat më të mira të arritura në Shqipëri, nga puna e specialistes numizmate, Prof. Dr.Shpresa Gjongecaj.
Antigonea
Emrin Antigone ia ka vënë Pirroja i Epirit në vitin 270, për nder të së shoqes, që quhej Antigona. Ajo ishte thesprote. Antigoneja ka qenë një qendër e rëndësishme në Ilirinë e jugut. Nuk dihet mirë se kur është themeluar, por dihet mirë se u dogj në vitin 167 para erës së re nga konsulli romak Pal Emili, i cili si mundi ushtritë e Gentit, dogji 70 qytete të Ilirisë së Jugut, midis të cilave edhe Antigonenë, e cila nuk e mori më veten kurrë. Monedhat e gjetura në Antigone bëjnë pjesë kryesisht në ato të Koinonit të Epirit, të prera rreth viteve 234-168 p.e.s. Të gjitha përmbajnë të shkruar fjalën A?EIP?TAN. Ato klasifikohen në katër tipe: 1-ato që kanë figurën e Artemisës, 2- ato të tipit Zeus-rrufe, 3-ato me kryet e Zeusit dhe Dionës dhe të fundit e të 4-ato të tipit Dion-trekëmbësh. Ndër të tjera janë gjetur edhe pak monedha republikane. "Tani, mbas restaurimit jo vetëm që u sigurua ruajtja e tyre me një koeficient sigurie prej 99.6%, por njëkohësisht mundësohet studimi më i plotë numizmatik, që natyrisht do të japë të dhëna të tjera, më të shumta në tërësinë e studimeve të kryera deri sot", - shprehet Stamati. Me përfundimin e restaurimit të grupit të fundit prej 51 copësh, arrin në më shumë se 1000 numri i monedhave të restauruara gjatë vitit 2009. "Kjo është një shifër e mirë, ose shumë e mirë, në konditat tona, por u arrit me një punë të sforcuar duke punuar paradite e pasdite, të shtuna e të diela, gjatë ditëve të pushimeve zyrtare dhe pa lejen e zakonshme, kështu që kjo shifër është tej mundësive normale të punës, përveç që laboratori ka detyra për të punuar edhe me objekte të tjera arkeologjike, si dhe me objektet etnografike", - shton Frederik Stamati, shef i Laboratorit të Konservimit dhe Arkeometrisë. Kjo punë dëshmon më së miri nevojën e këtij laboratori për të pasur një numër shumë më të madh të kuadrove të kimisë, për të përballuar nevojat urgjente që ka trashëgimia e objekteve me vlera kulturore dhe historike.http://www.forumishqiptar.com/attach...1&d=1264751252

[GL_Branch]

Zhvillohet Festivali i Riteve Pagane dhe Lojërave Popullore

Antigone

Në mjediset e “muzeut të hapur” të Parkut Arkeologjik të Antigonesë në Gjirokastër, përgjatë dy ditëve, rreth 20 grupe përfaqësuese nga krahina të ndryshme të vendit morën pjesë në veprimtarinë kulturore Festivali IV i Riteve Pagane dhe Lojërave Popullore - Antigone 2010. Ky festival është një nga veprimtaritë më masive të fokusuara në fushën e ruajtjes së trashëgimisë shpirtërore që ka nisur të organizohet çdo vit, prej 2007-s nga stafi i zyrës për administrimin dhe koordinimin e Parkut Arkeologjik të Antigonesë. Organizatorët dhe komuniteti i banorëve të zonës e shfrytëzojnë veprimtarinë jo vetëm për zhvillimin e turizmit kulturor në këtë zonë, por edhe për të ruajtur rite dhe tradita të lashta që janë duke u zhdukur, për të nxitur dëshirën e moshave të reja për të interpretuar ritet dhe lojërat e lashta pagane.

Të shtunën dhe të dielën, Festivali IV i Riteve Pagane dhe Lojërave Popullore - Antigone 2010, ka pritur 20 grupe të të gjitha moshave, të cilët shfaqën mes rrënojave antike të Antigonesë rite të ndryshme pagane dhe lojëra popullore që ruhen ende në këto komunitete. U pëlqyen veçanërisht grupi i Gramshit me ritin humoristik të “Mullixhiu bluan sevdanë” dhe rite të dasmës gramshiote, grupi i Mrezhanit Këlcyrë me lojërat e lashta “Kalaja e çobanit” dhe “Muri i rrëzuar”, grupi i “Asim Zenelit” “Riti i yshtjes” dhe “Lojën e marramendjes”, grupi i Komunës Kërrabë nga Tirana me “Riti i dordolecit”, Ritet e Ditës së Verës, grupi i Lunxhërisë me ritet “Dita e Manakut”, “Boganiqet”, “Muçi ha baltë” dhe “Ikni gjarpërinj” etj.

Çmimin e parë të festivalit e meritoi grupi i shkollës së mesme ekonomi-turizëm “Antoni Athanas” nga Saranda me interpretimin e “Legjendës së Kaut” një inskenim me legjendën simbol të krahinës së lashtë të Kaonisë që u ekspozua për herë të parë përpara publikut. Festivali u shoqërua edhe me veprimtari të tjera promovuese, si panairi i zejeve dhe kuzhinës tradicionale të Lunxhërisë organizuar nga Komuna Antigone, promovimi i librit me karakter studimor për ritet e lashta të bregdetit jonian me titull “Marrëdhënie të riteve dhe kulteve të bregdetit jonian dhe ato ndërkufitare” të autores Irena Gjoni (Papa) etj.

01/06/2010
Gazeta Shqip:
http://216.75.13.41/index/kulture

------------------------------------------------
------------------------------------------------

Nuk e dija qe edhe ne Jugun e Shqiperise behen festivale per ritet pagane, se zakonisht tradite ka qene ne Elbasan/Tirane.